Serengeti - Dag 2

Die dag breek rooi en mooi, en later pak die wolke saam - én die hamerkop vlieg hoog - maar reën reën dit nie. Ons ry eers noord van ons kampplek (Dik-Dik, naby Seronera) tot by 'n poel waarin 40 seekoeie lê, daarna draai ons weer terug na rondom Seronera waar die leeus weer vir ons wag: hier 'n wyfie met 'n sebravangs, elders twee jong mannetjies wat slaap, en teen sonsondergang 'n hele familie wat die laaste beendere van 'n karkas uitmekaarskeur. Nou is dit donker, en tyd vir kosmaak by die kamp.Baca lagi