September - December 2016
  • Day93

    16 876,4 km

    December 12, 2016 in South Africa ⋅ ☀️ 23 °C

    Hoe ver is 16 876,4 km? Dis ver, maar ook nie so ver nie. Kaapstad - Kasane - Kafue - Kapiri Mposhi - Tunduma - Iringa - Morogoro - Bagamoyo - Zanzibar - Usambaraberg - Mkomazi - Arusha - Tarangire - Manyarameer - Ngorongoro - Serengeti - Victoriameer - Kigali - Gisenyi - Goma - Kibuye - Kigoma - Katavi - Tanganjikameer - Mbala - Kasanka - Lusaka - Livingstone - Francistown - Johannesburg - Cradock - Kaapstad. Ons is veilig terug. Geen pap wiele. Geen grensprobleme. Geen omkoopgeld. Twee verkeersboetes. En soveel dinge wat ons vir altyd gaan onthou: berggorillas, die donker grom uit die maag van 'n vulkaan, 10 miljoen vlermuise, Nyungwewoud se voëls, Amani se trapsuutjies... Ons is geseënd. Dankie aan almal wat virtueel saamgereis het, en die talle mense wat ons padlangs gehelp het. Julle weet wie julle is. Groete, Toast & Alice.Read more

  • Explore, what other travelers do in:
  • Day89

    Die Karoo

    December 8, 2016 in South Africa ⋅ ⛅ 22 °C

    Ja, dis ook droog hier. Cradock - Graaff-Reinet - Beaufort-Wes - Laingsburg. Ons klok loop af, die lang reis begin rusplek soek.

  • Day87

    Geskenke vir (amper) almal

    December 6, 2016 in South Africa ⋅ ☀️ 35 °C

    Die Fortuner is nou afgepak en geskenke onder die sitplekke en ander wegsteekplekke uitgegrawe. Daar's bier uit vyf lande, koffie uit drie, tee uit twee, Masai-komberse, 'n roeispaan van 'n Tanganjikameer-visserman, koffiebekertjies uit Rwanda, klippe, koper, T-hemde...

  • Day86

    Die Snack Box

    December 5, 2016 in South Africa ⋅ ⛅ 15 °C

    Sparkles, Toppers-koekies, Super C's, biltong, droëwors, droëvrugte - dinge wat konstant was in ons snack box. Kou, kou, kou...

  • Day86

    Tom's Place, Vrystaat

    December 5, 2016 in South Africa ⋅ ☀️ 32 °C

    Terug op die N1, ek en Alice, en verder suid. Tom's Place is suid van Bloemfontein. Hulle koffie is die beste (uit 'n masjien), en hulle worsrolle "OK", sê Alice. Dis warm en droog, die suid-Vrystaat.

  • Day83

    Jou pakkie chips kom van hier af

    December 2, 2016 in South Africa ⋅ ☀️ 30 °C

    Al ooit gewonder wie plant die aartappels wat in jou pakkie Simba of Lay's skyfies tot ruste kom? Wel, dis o.a. my oom Albert en sy span - hulle boer naby Pienaarsrivier in Limpopo en dis nou uithaaltyd. "Môre is hierdie aartappels chips," sê tannie Annemie. Lekker.