7 Trips
9 Countries
14 Following
49 Followers
BotswanaDit is tyd om te groet. Vandag ry meeste van ons toerlede terug in die rigting van die huis - Suid-Afrika - oor Francistown en Palapye. Enkeles ry Namibië om, met nog avontuur wat wag. Vir oulaas eet ons saam ontbyt, deel koffie om die kampvuur en probeer die minute uitrek. Stories en herinneringe word ingepak saam met kampgoed (alhoewel iemand se stukkende kampstoel agterbly), en die voertuieRead more
BotswanaVandag: teeltroppe rooibok van honderd sterk, visarende, waterlikkewane, olifante wat uit die bosse verskyn soos skimme, olifante wat in die water speel soos kinders, olifante wat stil verbyseil soos skepe, 'n leeuwyfie alleen op pad, buffels, koedoes, poekoes, waterbokke, kameelperde, swartreier, witreier, ralreier, groenrugreier. Die wolke wat stapels maak op die horison. Die glimlagte van dieRead more
ZambiaDie reënweer bly by ons vandag. Dis koel en bewolk wanneer ons die grens oorsteek na Zimbabwe. In Vic Falls aangekom gaan party toerlede op helikoptervlugte terwyl ander te voet die bulderende Victoriawaterval bekyk (dis vól). Teen middagete sit party van ons by The Lookout Café wat uitkyk oor die Batokaravyn. Die weer dreun, weerlig blits en die reën val dat jy net sien toeriste spat.
ZambiaOoswaarts deur Namibië se Zambesistreek oor die Okavango- en Kwandorivier tot by Katima Mulilo waar ons bene rek en middagete geniet by Caprivi Houseboat Safari Lodge. Langs ons loop die Zambesirivier kant aan wal - en bo ons dreun die weer... Dis nat hier, mense. Padlangs maak ons nat vellies droog. Hierna terug Botswana toe deur die Ngoma-grenspos tot in Kasane waar ons vir die laaste drieRead more
NamibiaDit is rusdag vandag, maar party toerlede besoek BwaBwata- nasionale park, ander weer Mahango. Weg-joernalis Toast Coetzer doen fotografiesessies met lesers en verder word dinge rustig gevat by een van ons gunstelingplekke in Namibië, Ngepi Camp. Laatmiddagreën klaar net betyds op vir ons sonsondergangvaart op die Okavangorivier. Als goed.
NamibiaDie Mahango-sektor van Namibië se BwaBwata- nasionale park is een van die Weg Botswana-fototoer se geheime wapens, want hier sien ons fotograwe gewoonlik in skaars 'n oggend als van sebra, kameelperd en rooibok na olifant, swartwitpens en lechwe. Teen twaalfuur is ons by die Kweche-piekniekplek waar ons gedugte kosmaakspan 'n "bos Wimpy" opslaan en burgers bedien. Eersteklas.
NamibiaTsodilo-heuwels teen dagbreek is 'n goeie plek om te wees, en ná laasnag se sagte reën is dit amper koel wanneer ons gaan stap om na die rotstekeninge te kyk. Voetpadlangs let ons mense (en hul lense) vandag op die fyn goedjies: duisendpootbene, ragfyn paddastoeltjies, papierbas wat loskrul... Middagete in die piekniekterrein roep 'n boomeekhorinkie ons oor na 'n klein pofadder. Dan ry onsRead more
BotswanaOns konvooi van 9 voertuie verlaat vandag Maun en ry na Sehitwa waar ons noord draai. Die pad is goor - slaggate soos jy lanklaas gesien het - maar dit lei ons darem na 'n mooi plek: Sepopa Swamp Stop teen die Okavango-pypsteel, waar ons middagete geniet terwyl druppels oor die delta val, dwergganse verbyvlieg en 'n klein krokodilletjie ons met een oog dophou. Dan stoot ons onder dik wolke aan naRead more
BotswanaVandag ry toerlede in dorp toe - na Maun - waar meeste mense besigtigingsvlugte onderneem oor die Okavangodelta. Padlangs lê Botswana geilgroen na onlangse reën. Ons drink koffie by die Tshillie Coffee Shop en ry dan terug na Drifters Lodge waar toerlede 'n middagklas loop in fotografiewenke. Tussendeur loop die rustigheid dik strome. Dis mos vakansie!
BotswanaOns klein konvooi steek vandag die Botetirivier oor by Xhumaga en by die ingangshek na die Makgadikgadi- nasionale park kry ons 'n kort praatjie by navorsers van Elephants for Africa. Daarna sien ons hope olifant en kameelperd, en na middagete in die veld verlaat ons die park en ry na Drifters Maun Lodge, ons basis vir die volgende paar dae. Teen sonsondergang is almal op die kaai vir foto's oorRead more
groot verlange...julle moet dit geniet!
252 Footprints
85 Likes
1,080 Photos
0 Videos
Baie dankie vir 'n ongelooflike lekker toer, ons het dit baie geniet!!