Serengeti - Dag 3

Dis ons laaste voldag in die park, en na volmaak by Seronera (dis nou ná ons vir 'n uur na 'n luiperd in 'n boom gekyk het) ry ons - met wasgoed wat droogword op die dashboard - noordweswaarts na die Western Corridor waar ons beplan om by Kirawira te kamp. Hoe dieper ons die Western Corridor binnery, hoe groener word dit, en hoe meer wildebeeste sien ons. Duisende en duisende. 'n Deel van die groot migrasie het hierdie area bereik, en die oorvloed diere laat jou kop draai. Grace sien jagluiperd raak reg teen die pad, en ons sit 45 min daar voor die volgende kar opdaag - hierdie deel van die park is baie stiller as die suide. Alice verfyn intussen die kuns van selfoonfoto's neem deur die verkyker. By Kirawira aangekom hoor ons daar is geen openbare kampplek nie, maar gelukkig laat die rangers ons toe om by die piekniekplek te kamp. Heelnag nurk die poel vol seekoeie, skaars 50 treë weg in die Grumetirivier.Read more