Bogota 2.0

Bevor ich de Luca gester Obig ah Flughafe brocht han hämmer nomol ehn letschte Tag in Bogota gha.

Wo mer am Obig ahcho sind simmer ih ehn Bar go Tejo spiele. Es typisch kolumbianischs Spieli. Mer muss so ehn Art Stei ih so ehn Schlammtopf rüehre. Im Topf heds so Papierdrüeckli und wenn mer eis trifft explodierts (sehr luut do verschrickt mer werklich). Ich bi mer nie so ganz sicher gsii ob ich werklich wott träffe oder doch lieber denäbe schiesse 😅.

Ah üsem letschte Morge hämmer denn nomol usgschlofe und sind denn am Nomittag uf ehn Graffiti Tour. Es esch sehr spannend gsii und mer händ interessanti Gschichte über die einte Künstler sowie d Bedütig vo de Kunstwärch glehrt. Jetzt esch de Luca weder zrog ih de chalte Schwiiz und mich füehrt mis Abentüür wiiter uf Lima vo wo ich mich denn überland uf de Wäg richtig Chile mache zum det ih guet 3 Woche mini Eltere z träffe 😊Read more