De Nationalpark esch höt us verständliche Gründ gschlosse und ich ha ehn Tag zum d Stadt ahluege. Leider geds do ned so viel z tue. Mini Kollege sind beidi scho wiiter - ich has Hostel aber no ehn Nacht buecht.
Woni googled ha was ich so chönnt mache hani usegfonde dass die Stadt vorallem bekannt esch för gmüetlichi Kaffis. Ich bi also höt zwoi Kaffis go usprobiere und muss säge sie sind ächt härzig. Ich bi au no chli ziellos dord Stadt gloffe, ha min morgig Tag planed & Tagebuech gschriebe. Im Gross und Ganze esch mer aber zimlich langwilig 😂. Ich hät viel meh lust das schöne Tal ahzluege 🤷🏼♀️Read more