Bohol

Die letschte paar Täg vo üsere gmeinsame Ziit hämmer uf de Insle Bohol verbrocht. Gschlofe hämmer ih ehmene chline Bungalow uf de Coconut farm wo sehr gmüetlich gsii esch und mit ihrne super Hängematte und Mangoshakes zum verwiile ihglade hed.

Natürlich hämmer üs glich überwunde und au no die Insle welle erkunde. So simmer uf ehn Glüewürmli Kayaktour go Bäum ahluege wo lüchted wie Christbäum well sie so voll sind vo Glüewürmli. Und denn simmer no mit ehm Tricycle Taxi quer über d Insle gfahre zum go die berüehmte Tarsier Äffli und d Chocolate hills ahluege. Uf die langsam reisendi Art hämmer viel vom Läbe vo de Lüüt mitbecho. Mer sind mit dem Tricycle dur chlini Dörfli kurvt, händ Schuelchind gseh heilaufe und Buure ihri Riisfälder pflege. Au de Fahrer hed üs liebend gärn chli öbbis über die politische Problem uf de Insle verzellt.Read more