Tag 25: Ngorongoro Crater

Mer händ die Nacht am Rand vom Ngorogoro Krater verbrocht. Scho üses Znacht (Härdöpfelstock mit Zwiebelsauce) hämmer vorsichtig müsse gnüsse well mer vo Büffel und Elefante umzingled worde sind. Es esch es lustigs Erläbnis gsi. Mer händ zwar immer wedermol is dunkle müsse lüchte zum luege, dass die Tier ned uf üs zuezspringe chömed, händ sie aber glichziitig au joh ned welle närve und händ üs drum möglichst ruhig verhalte. Au nach ehm Znacht händ d Büffel no zwüsched üsne Zält grased und ich ha zimlich lang müsse warte, well sich ehn Baby Büffel entschiede hed vor mim Zält z schlofe. Wo sie sich bizli entfärnt händ ha ich schnell chönne ihne schlüpfe. Sobald ich im Zält gsii bi sinds weder zrugcho und ich ha sie no lang ghört ässe und bisle 😂. Was für es Erläbnis.

Höt Morge simmer früeh abgholt worde zum ehn Gamedrive dor de Krater mache. Mer händ wedermol Glöck gha und voll viel Tier gseh! S beidruckendste Höt sind d Leue gsii wo so nöch zu de Autos cho sind! Eine esch hungrig de Zebras hinderhär gschliche. Sie händ ihn aber früeh gseh und sind entcho. Au d Natur ih dem Krater esch mega schön gsii!Read more