Resetuj wyszukiwanie
Borboas trip
  • Adrian Borboa
  • Jeannine Borboa
  • Marion Fluck

Borboas trip

207-dniowa przygoda według Adrian, Jeannine & Marion Czytaj więcej
+5
ObserwujPodsumowanieKalendarzDzielićDzielićLista postanowień
Najpierw najnowszy
  • Borboas trip
    Tempel Bulguksa
    Akunft im Tempelstay GulguksaOisi Unterkunft1De nöd-ganz-glücklichi Adrian1

    Bulguksa Tämpel und Golgusa Tämpel

    26 października 2023, Korea Południowa ⋅ ☀️ 22 °C

    Hüt started de Tempelstay im Bulguksa, äh nei ebe nöd, sondern im Golgulsa Tämpel. Das hämer gester Abig no usegfunde😂 zum Glück, sust wäremer im falsche Tämpel glandet.
    Da mer aber gnueg Ziit gha händ simer zerst de Bulguksatämpel go aluege und den witer mit em Taxi in Golgulsa Tämpel.
    Det acho hämer binere rächt verpeilte koreanische Dame oisi Tämpel-Kleider gfasst und händs Programm becho.
    Fraue und Manne schlafet trännt, so het d Jeannine imene 6er Dorm mit Bett gschlafe und de Adi imene 5er Dorm, aber uf em Bode. Sini Begeisterig het sich in Gränze ghalte🙈😅
    Zerst hets e Orientation ge. Dete sind über 50 Touris am Bode ghoket und de Mönch het paar Sache verzellt. Nachher hemer e Art Squid-Game nahgspielt und verschiedeni Dehn- und Yogaübebige gmacht. Au s Meditiere het nöd derfe fehle. Nach dem "Ufwärme" isches mut de 108 Niederwerfige losgange. Mer stat zerst, den gat mer uf Knü und liet ane, dreit d Händ ufe (als Zeiche vo Respäkt zum Buddha) und stat wieder uf. Während em Usfüere merkt mers nonig so fest, aber nachher chan mer d Bei chum meh bewege🙈😅
    Nach dere Erfahrig hets em vegetarisch Znacht geh, wo mer nöd viel het derfe rede.
    Nach em Znacht hämer öpe 2h Freiziit gha, bis am 21.00, will den isch Bed-Time. Da mer eifach nüt het chöme mache, simer is Kaffi vor em Tämpel und hend e rundi Uno gspielt😁
    Vo mer zrug sind, het eini im Zimer bi de Jeannine no witer meditiert - Streberin das😂 De Adi isch vomene Schnarchkonzert begrüesst worde🙈 ojee das wird e lustigi Nacht😂     Czytaj więcej

    Zobacz tłumaczenie
  • Borboas trip
    Walking Mediation
    Nöch dra, hahaSonmundo ProfiS Highlight vom Tempel, d Buddha Statue

    Vom Templestay nach Busan

    27 października 2023, Korea Południowa ⋅ 🌬 15 °C

    Für alli teilnemer bim templestay isch am 9ni zabig lichter lösche gsie und 5 am morgä tagwach. Am 5.30 het sprogram vom templestay agfange. Fraue und männer hend müsse i trente zimmer schlaffe. T fraue hend i alte kajütebett gschlaffe und t männer am bode ufeme ähliche dünne mätteli wie mer amix ufeme ligestuhle het. Smäteli het meh d dicki vomene chüssi ka als vonene matratze. Für bedi isch es echt e härti nacht gsie. Tjeannine het unde imene kajütebett gschlaffe und isch zmitzt i de nacht fast vomene handy erschlage worde wo vom obere bett ganz knapp a ihrem chopf verbi gfolge isch. Eine vo de 4 zimmergenosse vom Adrian het wahnsinnig luut und unregelmässig gschnarchled. Keis grüsch, de Adrian isch langsam igschlaffe. Uf ei mal es ganz luuts nach luft schnappe, gfolft vomene schnarch konzert. Er het zum glück verschideni podcast und echli musig abeglade uf Spotify. Er isch sich nöd ganz sicher, aber er glaubt er het es bitzli gschlaffe.
    Im männer zimmer het sich am 4.55 für gschlagnigi 20 minute eine im bad igschlosse und dusched. Wies halt so isch in asie, isch sbad und duschi kombiniert und es isch unvermidlich s ganze bad zfluete. De Adrian het de ganz restlich tag über de oberschnarchler und de langhaar-daggel-franzos, wo sisi morgentlich beaty programm alle andere ufzwinge het, müsse ablästere 🙈🙈. Mon Dieu!

    Am morgä als ersts hets es budistisches gebät miteme mönch gä. Aschlüssed e morgä session Sunmudo und verschiedeni meditatione, wo mer hend chöne mitmache.
    Nach em zmorgä hend mir 2 stunde zur freie verfüegig ka. Mir hend eus entschiede e buda statue go aluege, wo in en felsä inegmeisled isch. Für das hemmer en echt steile hügel müsse duruf laufe. Leider sind grad underhalt-arbeite duregfüehrt worde a de statue, sodass sie ganz ines grünes netz ipack worde isch. Immerhin hemmer so na paar schritt gmacht zum en grosse znacht esse🙈.
    De negsti punkt uf em program isch Tee-stund miteme mönch gsie. Leider het die mönchin nur sehr mager englisch chöne. Die dame wo zum übersetzä detä gsie isch, het leider au nöd vill me englisch chöne😂🤷‍♂️🤷. Nach em zmittag simmer froh gsie hemmer wieder chöne eusi normale chleider aleggä und sind wiiter uf Busan gfahre.

    Im Hotel acho hemmer müsse de fählendi schlaff vo de vorherige nacht nahole und sind euse fleisch entzug vom templestay go kompensiere. Wie söll das besser ga, als miteme Korean BBQ😎✌️. Aschlüssed simmer na in busan um thüser zogä🤙🤙.     Czytaj więcej

    Zobacz tłumaczenie
  • Borboas trip
    1
    Frozen Beer1Aal3Weiss öpert, was das isch?

    Gamcheon Culture Village in Busan

    28 października 2023, Korea Południowa ⋅ ☀️ 20 °C

    Nach enere grosse Portion Schlaf hämer ois am erste Tag in Busan uf is Gamcheon Culture Village gmacht. Mer seit dem Quartier au d Favela vo Busan. Während em Krieg sind vieli Mänsche uf Busan gflüchted und sind det hi. Um de Abriss zverhindere händ Kunststudänte das Quartier ufgweret, sodass es hüt unter Dänkmalschutz staht.
    Es isch es farbigs und sehr quirligs Quartier. Eus het mega gfalle und sind dete gmüetlich umegspaziert.
    De Adi het es Frozen Beer müsse probiere, isch aber nöd so de Hit gsi😬🙈😅
    Mir händ es lustigs und schrägs Kaffi gfunde, wo mer sich het chöne verkleide und Gäns füettere😅

    Nachher simer witer a de bekannti und riisige Fischmarkt. Det findet mer so alles, was im Meer umeschwümmt. Mir händ au chöne zuelege, wie e Verkäuferin zwei Tintefisch töted het. Isch aso schono brutal gsi und d Jeannine het müsse wegluege😬

    Zum znacht jets guets alts street food gä, hurra🎉🎉🥳🥳.     Czytaj więcej

    Zobacz tłumaczenie
  • Borboas trip
    Zum Schue putzeSkywalk

    Küstespatziegang und znacht mit bekannte

    29 października 2023, Korea Południowa ⋅ ⛅ 19 °C

    Am morge hemmer verschiedini sache plant, da eusi reis na es momentli gaht. Am spötere morge hemmer proviant organisirt und sind richtig küste mit de metro und em bus. Mir beidi hend en lockere spatziegang erwarted. De weg a de küste entlang isch aber doch na astrengender gsie als erwarted. De weg het doch na paar steili teil duruf und durap ka, mit villne stägetritt. Wemmrr wiiter so vill laufed simmer bald in top-form💪💪. Es isch fast echli wie im jungle gsie, de weg a de küste vo südkorea, sehr dicht bewachse. Mer het a verschiedene stellä chöne uf d felsä vo de küste.

    Am abig simmer mit em marko und em floh, zwei bekannti us de schwiiz wo zuefällig au zur gliche ziit im Busan gsie sind, go ramen esse. Mir hend wieder mal glernt spicy in Südkorea isch für de europäischi gaume würklich spicy 🌶️🌶️😂😂. Nach em znacht sind de adrian und de marko na uf es karussell, wo sie fast doppel so alt gsie sind wie die anderne. En herr het dezu techo musig laufe la und alli mitfahrende uf em karussell uf koreanisch kommentiert. Über eus het er sicher nur guets gseit😏.
    Zum s adrenalin wieder echli zreduziere simmer na innere bar go bier und Soju (ähnlich wie vodka, aber us Hädöpfel) trinke.
    Alles in allem en glunige ganze letsche tag im Südkorea🇰🇷🇰🇷.     Czytaj więcej

    Zobacz tłumaczenie
  • Borboas trip

    UPS dilemma und Fähre nach Japan

    30 października 2023, Korea Południowa

    De aller letschti tag isch aproche in Südkorea. Wie ziit schnell gaht😬😬. Die ganzi ziit wo mer im Busan gsie sind, hemmer uf es UPS Päckli vo Japan gwarted. Mir hend enart es Zug-GA für 2 wuche in Japan posted. Die GAs hend für bedi rundi 1200$ kosted. Isch also nöd ganz e günstigi sach🙈🙈🙈. Zum das chöne hole wird eim e bestätigung via post gschicked. Mir hend scho die letschte paar täg gwärweist, ob euses päckli na rechziitig chunt. Scho vor em ichecke hemmer am hotel es mail gschiebe, dass mer post erwarted. Au hemmer jede tag gfröged, ob öpis für eus cho isch. Hüt isch mäntig und mir hend denkt mir warted mal swuchened ab.
    Mir hend am morgä gmüetlich zmörgeled und mal en kontakt vo UPS in korea gsuecht. Am öpe 10.30 hemmer denkt fröge mer nomal bi de reception, ob öpis für eus cho isch. Treceptionistin het gmeint, häää es päckli für eus. Sie hegi nöd gwüst, dass mir es päckli erwarted und het de herr vo UPS wieder weg gschicked 🙈🙈. Todyssee het agfange. Mer muss a dere stell na sege, dass die ganz underhaltig über übersetzigs-apps gloffe isch😂😂.
    Sie het sich mega entschuldiged und es telefon uf koreanisch gmacht. Aschlüssend het sie gmeint, sie lueged für eus, mir sölled eus kei sorgä mache. Bevor mir wiitergönd segi alles klärt.
    Tjeannine und de adrian sind also beruhigt en kaffi go trinke. Chum simmer im kaffi anegehöckled het de adrian es email vo UPS becho, dass es packed nöd het chöne gliefered werde. Er sölli doch e adresse agä wohi UPS liefere söll. Bevor tjeannine und de adrian nome chaos stifted, heds denkd, sie gönd retour is hotel und schwätzed nomal mit de dame a de reception.
    Sie het gmeint, mached eu kei sorgä, ihre chef chämi am 17.00 und lueged den für eus. Leider hemmer aber am 17.00 los müsse zum eusi fähre nach Japan nöd verpasse. Dios mio 🤷‍♂️🤷.
    De adrian het tnummere vo UPS korea gsuecht und treceptionistin het widerwillig mit dene telefoniert. Sie het eus informiert, dass de UPS fahrer um die 12.00 chämi zum euses päckli bringe. Mir hend glärnt und hend im hotel gwarted. Ca am 12.05 het de Adrian es mail vo UPS becho, dass packli usglifered worde isch, aber mir hend nüt i de hend ka. Er isch us em hotel gstürmt zum luege ob er de fahrer gseht, de isch scho verreist. Er het sich uf tseuchi nach de receptionistin gmacht, wo irgend wo im hotel gsie isch. Sobald er sie gfunde het, het er ihre smail vo UPS zeigt und erchlärt, das späckli usgliefered worde isch. Ihri reaktion, I don't have.
    Wo beidi zemme vom 5 stock im Hotel t stege abegrennt sind, het de adrian sich usgmaled wie de UPS fahrer, späckli eifach irgend wo abgä het 🙈🙈. Im EG chunt eus i aller rueh und echli gnervt de chef vom hotel mit em berüchtigte päckli i de hand entgäge. Gege de schock hend tjeannine und de Adrian na es korean BBQ zum zmittag müsse go esse. Ente gut alles gut 🙃🙂✌️.

    Am abig simmer richtig Busan-Hafe uf tfähre richtig Fukuoka in Japan 🇯🇵🇯🇵. Natürlich simmer 1. Klass gfahre. Das bedüted, mir hend es eignigs zimmer mit kayütebett und eme brüneli ka. Für matrose isch das also richtig luxus😂😂😅😅. So e fähre zwüsched südkorea und japan isch e verruckti sach. Es het 4 karaoke zimmer zum miete, en gaming-ruum und sogar es spa ka😂🤙. Tussicht vo de fähre uf Busan bi nacht isch mega schön gsie und mir hend chöne zueluege wie die metropole am horizont verschwindet. Zum znacht hets es paar cup-noodles gä. Voller vorfreud uf japan simmer i eusi koje go schlaffe.     Czytaj więcej

    Zobacz tłumaczenie
  • Borboas trip

    Hello Japan in Hiroshima

    31 października 2023, Japonia ⋅ ☀️ 22 °C

    Wo mer verwachet sind, hämer bi oisem Bullauge scho de Hafe Fukuoka in Japan gse😁
    No chli schwankend hämer den de Bahnhof und s Büro vom JR-Pass gfunde und de chönne itusche😁 Haleluja!

    Als ersts simmer in Friedenspark gange, händs Friedensfüür gse und händ mit vielne Kind, wo e Art Schüelerreis gmacht händ, gschwätzt. Es sind wüki u viel Schuelklasse gsi, wo alli e Uniform agha händ. S Lied "Mila kann fliegen, wie die Sonne über Futjiama" het ois wie en Ohrewurm begleited (Mila isch en Trickfilm vo früener, für die wos nöd känned).
    Nachher simmer is Peace Memorial Museum, wos zeiget händ, was e Atombombe chan arichte. Es git kei Wort defür, wo die Tragödie nur anöchernd beschriebt.
    Wo mer usecho sind, simer rächt tuch gsi. Es het ois au mega gfläscht, dass mer genau uf dem Bode stönd, wo vor rund 80 Jahr die Bombe abe isch...

    Um de Tag aber mit öpis Schönem chönne zbeände, simer zum Hiroshims Castle. Drinn hets es chlises Museum gha, wo mer au es Usrüstig vomene Samurai het chöne aprobiere. Das lömer ois natürli nöd zwei mal säge😎😅.
    De letschi tag vom oktober und es hanged scho überall wiehnachtsbelüchtig. Mir sind sogar scho amene wiehnachtsmärt gsie😉.

    Am Abig hämer e Spezialität vo Hiroshima gässe, e Art Omelette us Kohl und Nudle - isch uh guet gsi🤤     Czytaj więcej

    Zobacz tłumaczenie
  • Borboas trip

    Usflug uf t Insle Miyajima

    1 listopada 2023, Japonia ⋅ ☀️ 21 °C

    Hüt hemmer en usflug uf tinsle Miyajima gmacht. Die insle isch mege bekannt für de itsukushima-schrein wo im wasser staht. Uf dere insle laufed au en huufe reh ume, wo überhaupt kei angst vor mensche hend.
    Mir sind echli fuul gsie und sind mitere Gondlä uf de Mount Mison mitere höchi vo 535 m.ü.m. Also, für eus schwiizer me es hügeli😂.
    Uf em Mount Mison het mer en rundgang chöne mache, wo mer verschiedeni tempel und schrein chan aluege. Uf em höchste punkt hemmer picknicked. Aber kei semelli und landjerger wie i de schwiiz, sondern gfüllti-riis-drüeggli und sushi. Zu dere mahlziit hemmer tussicht gnosse und eusi seelä bambele la🙂✌️.
    De abeweg isch stränger gsie als mer erwarted hend und het isch na recht zogä. Uf em abeweg simmer a de tempelalag Daishon verbi cho. Die isch würklich schön.
    Dune acho hemmer eus mit paar tintefisch-böeli und eme glace gstärched.
    Am abig simmer uf empfehlig vo de Larissa und em Jan go Dan-Dan-nuddle esse. Sehr en guete tipp gsie 😉.     Czytaj więcej

    Zobacz tłumaczenie
  • Borboas trip

    Osaka

    2 listopada 2023, Japonia ⋅ ☀️ 24 °C

    In Osaka acho simer ines Schweindli-Kaffi. Das isch en witere ganz tolle Tipp vo de Larissa und em Jan gsi. Mir hend die zwei leider wege paar täg in Japan verpasst.
    Die Schweindli sind aso scho ultra herzig gsi😍 mir händ zwei Schwöstere gha, wo teilwiis au chli aggressiv gägenand gsi sind🙈😂

    Uf em Wäg zum Namba Yasaka Shrine simer a Teryaki (Tintefischbölleli) verbi cho. Die sind in Osaka erfunde worde, darum hämer die natürli grad müsse probiere - jammi😁

    De Namba Yasaka Shrine isch en riiiisige Leue-Kopf, het uh lässig usgse😀

    Am Abig simer is Dotombori-Viertel. Det hets gigantischi Lüchtreklame und mer chunnt us em Stune chum meh use. Es hätti au no es Riserad amene Huus gha, dass isch aber temprär wäge Füür im Huus gschlosse gsi😱

    Da d Jeannine leider bizli kränkelig isch, hets zum Zmittag und zum Znacht Ramen ge. Am Abig im Resti het jedi Person en einzelne Platz becho und mer isch dur es chlises Fänsterli bedient worde.     Czytaj więcej

    Zobacz tłumaczenie
  • Borboas trip

    Nara

    3 listopada 2023, Japonia ⋅ ☀️ 25 °C

    Als Tagesusflug simer uf Nara. Nara isch bekannt für uralti Tämpel und en riiisige Buddha us Bronze.

    Au bekannt isch dete en Mochi-Hersteller. Das isch e kläbrigi Masse us Riis gfüllt mit rote Bohne, aber süess. D Jeannine fahrt sowieso uf Mochis wahnsinnig ab, drum isch de Halt au es Muss gsi😅 Die Füllig isch chli gwöhnigsbedürftig, sust ischs mit Glace oder Frücht gfüllt.

    Im Park laufet au über 1000 Hirsche und Rehs ume, wo mer mit spezielle Guetsli chan füettere. Au das hämer müsse mache. Sobald die Rehs gmerkt händ, dass du Guetsli häsch, häsch plötzlich e ganzi Schar um dich gha😂 went nöd ufpasst häsch, händs der dini Sache us de Jacketäsche wele stibitse😂😍

    De riisigi Buddha und die Tämpel sind sehr idrücklich gsi und het eus sehr gfalle.

    Wieder zrug im Hostel het d Jeannine es Powernap gmacht und de Adi isch sich es neus Kindley go poste. Blöderwiis het er sind alte Kindle imene Bus in Südkoea ligge la🙈🙈.

    Da d Jeannine leider immer nonig wüki fit gsi isch, hämer imene chline herzige Restaurant näbem Hostel Dan-Dan Nudle gässe.     Czytaj więcej

    Zobacz tłumaczenie
  • Borboas trip

    Ufbruch uf Kyoto

    4 listopada 2023, Japonia ⋅ ☁️ 24 °C

    Nachme chline zmorgä im Hotel hemmer eus uf de weg nach Kyoto gmacht. Für das simmer mit de Metro an Bahnhof Osaka. Tmetro und züg in Japan werded vo verschiedene firmäne betriebe, demensprechende brucht mer verschiedeni chartene. Tjeannine het, wo mer metro gfahre sind, mit de eine charte ichecked und mit de andere uschecked. Janu das chan passiere. Mir sind miteme Shinkansen-zug, wie tschnell züg in japan heisset, uf Kyoto gfahre. Zum zu eusem Hotel ga, hemmer na en lockale zug müsse nä. Tjeannine het sich nüme chöne ichecke. Es het sich usegstellt, will sie i de letsche metro mit zwei verschiedene charte ii- und us-checkeched het, het si tmarix gehecked und spersonal isch überforded gsie, mit was mer chan mache zum das löse😂😂. Sbahnhofpersonal het eus gseit mir müed zrug nach Osaka und detä wiiter luege. Zum glück sind metro-chartene nöd personalisiert und tjeannine het sich e neui posted.

    Hüt hemmer gseit mache mer en chiller tag. Euses hotel het e Onse, wo mer als hotelgast bädele chan. Tjeannine isch echli chrank, darum het sie wellä chli pfüsle. De Adrian isch am spötere namitag tonse go teste. Er het nöd genau gwüsst, was es so für regle git imene japanische bad. Also het er de Herr Google gfröged.
    Inere onse sind alli nackig, kei badhose oder badchleider erlaubt. Zum Glück sind mir schwiizer nöd so prüde, wenns um nackheit gaht😂😂.
    Er isch es ganzes ritual, wo i somene bad vollzogä wird. Männer und fraue sind trennt. Bevor mer is wasser chan, mummer sicher zerst mal gründlich wäsche. Für das gits chlini abteil mit seufe, eme becki und e duschbrusä. Zerst het er sich also mal gründich gwäsche. Tjapaner hoched i de becki mit em tüechli zemegleit uf em chopf. Das gseht scho chli lustig us😂😂. De Adrian het sich nach em wäsche au is becki begä und het müsse feststellä, dass das wasser i dene onse-becki wahnsinnig heiss isch😱😱. Er het sich gfühlt wie ramen nuddle, wo grad is heisse wasser tauched und langsam weich werded🤣🤣.

    Will de Adrian terfahrig gmacht het wie sich ramen nuddle bim choche fühled, hets was zum znacht gä? Genau, riis!
    Spass ramen nuddle🙂.     Czytaj więcej

    Zobacz tłumaczenie
  • Borboas trip

    Gemächlich in Kyoto

    5 listopada 2023, Japonia ⋅ ☀️ 26 °C

    Da s de Jeannine immernonig wüki besser gange isch hämer usgschlafe und sind erst uf de Namittag it Stadt, mit em Ziel chli go shoppe.
    De Adi het sis kabutte Jäggli chöne dur es Neus ersetze und und het sich für e neui Smartwatch inspiriere la.
    Den simer am bekannte Nishiki-Markt und händ ois dur de Streetfood dure probiert. Mir hend alli formä vo Tempura probiert und de Adrian het sich zum verdaue en sake gönt.
    Zuefällug simer am Manga-Museum verbi cho und händ müsse go inegügsle. Mir händ d Mila und one Piece gfunde. Da mir aber riisigi Manga-Banause sind, hets ois no meega zuegsproche, drum simer au schnäll wieder gange😅

    Glie simmer wieder zrug is Hotel, händ en chline Znacht im 7/11 kauft und händ de zumene Starwars Film im Bett gässe✌️     Czytaj więcej

    Zobacz tłumaczenie
  • Borboas trip
    Mir hend nur bitzeli hunger ka😅

    Entspannte Tag in Kyoto Downtown

    6 listopada 2023, Japonia ⋅ 🌧 23 °C

    Tjeannine fühl sich nanig 100% guet, also mache mer hüt än entspannte tag in Kyoto-Downtown. Mir sind echli go ledelä und hend fliessig kaffi trunke über de namitag. Au simmer is Pokemon-Center, en lade mit ganz vill Pokemon sache, euses innere chind go befridigä 😎.
    Zum znacht simmer an es sushi-rollband. Ganz e lustigi sach 🙂. Aschlüssed simmer is viertel Gion, wo gmunkled wird, dass mer us Geishas treffe chan. Das isch es historisches viertel. Leider isch es scho recht usgstorbä gsie. Mir sind wiiter zum agrenzede schrein Yasaka.     Czytaj więcej

    Zobacz tłumaczenie
  • Borboas trip
    Mochi mit FrüchtBentoGeisha vo hine

    Highlights in Kyoto

    7 listopada 2023, Japonia ⋅ ☀️ 21 °C

    Das de Jeannine äntlich besser gange isch und Kyoto no es paar Highlights z büte het, hämer die zum Glück doch no chöne go erkunde.
    Zerst simer zum Arashyama Bamboo Grove gange. Dur de Bambus Wald dure zlaufe isch wüki es Erläbnis und het eus sehr gfalle.
    Den isches witer gange zum Fushimi Inar Shrein. Bevor mer aber los sind, hämer ois mit enere Bento gstärkt, e Art Lunchbox. E Bento chostet rund 8.- Fr, aso rächt günstig, gsund und es Gschmackserläbnis😁 es Mochi het au no müesse si😅
    Bis zum Berg Mt. Miso hets über 1000 roti "Böge", wo mer dure laufe chan und verschiedeni chlineri Tämpel. Es isch wunderschön und au sehr mystisch gsi.
    Zrug i de Stadt simer nomal is Geisha Viertel Gion, mit de Hoffnig, no e Geisha zgse. Im Viertel sälber hämer kei Glück gha, aber bim Zrugwäg hämer eini imene Lade gse, zwar nur vo hine, aber immerhin. Es het sich grad vor em Lade e riise Mänscheasammlig bildet, dass ois Geisha Leid ta het, wird sie so agaffet, inklusiv vo ois🙈. Drum simer den witer.
    Mir händ usegfunde, dass es in Japan es Japanese-BBQ git. Das hämer au grad müsse usprobiere😁✌️ Jammi isch das guet gsi😅

    Nach em Znacht simer rächt müed und mit vielne neue wunderschöne Idrück zrug is Hotel😊     Czytaj więcej

    Zobacz tłumaczenie
  • Borboas trip

    Traditionells japanisches Hotel in Hakon

    8 listopada 2023, Japonia ⋅ ☀️ 14 °C

    Hüt gömmer uf Hakone und übernachted imene traditionellä japanische hotel mitere eigene onsen. Mir freued eus beidi, zum eus chli iweichle laa im warme wasser😁.

    Mir sind u fründlich vomene herr imene kimono empfange worde. Traditionelle japanisch übernachte heisst au, uf em bode schlaffe. Zum glück hets es guets mätteli als underlag ka😎. Mir hend en tee trunke zum eus echli stärche.
    Natürlich hemmer eus bedi sehr uf t onsen freut, mir sind also nach em tee grad los is warme wasser. Traditione müend ikalte werde, also hemmer eus bedi zerst emal gründlich mit seufe gschrubt.
    S wasser im onse bad isch schön warm gsie. Nach em bad simmer schön entspannt und "al dente" gsie. Bis zum znacht hemmer nachli glese. Die onsen chunt ihres wasser direkt usere natürlich quelle über, swasser isch echli milichig. Nach em bade het eusi huut echli nach schwefel gschöcked😂😂.

    De znacht isch typisch japanisch gsie. Es het enart e suppe mit vill gmües, fleisch und tofu gä. Dezue nachli riis und verschiedeni chlini bilage, wie igmachte chürbis. Super fein. Super guet gsie.

    Im aschluss zum znacht simmer uf euses zimmer und wie uf wulche ipfüüsed.     Czytaj więcej

    Zobacz tłumaczenie
  • Borboas trip
    No Fuji today...Mir händ ihn ois eifach vorgstellt😊Das berüchtigete wisse Tüechli😅Tadaaaaa mir händ en doch gfunde😁😎💪

    Finding Mt. Fuji

    9 listopada 2023, Japonia ⋅ ☀️ 15 °C

    Als ersts simer grad nomal it Onse gumpet. Schön ufgweicht hämer es Zmorge mit sälbergmachtem Brot becho. Das isch aso mal en guete Start in Tag gsi😅✌️
    Für die zweit Nacht in Hakone hämer es Hostel buecht, aso hämer zerst oisi Sache dethi müsse bringe. Det het ois d Kana, ganz e herzlichi Japanerin begrüesst und ois alles wichtige für de Tag erchlärt und für am Abig nomal es Onsen reserviert.
    Mit em Zug simer zunere Zahradbahn und den uf e Gondle. Es het sich usegstellt, dass Hakone mit St. Moritz befründet isch und mir händ vieli Bilder us de Schwiiz i de Bahne gse😁
    Obe acho simer im Krater vo dem Vulkan glandet, wo überall schwarzi kochti Eier verkauft werdet. Die werdet aschienend im schwäfelhaltigem wasser kochet und werdet den schwarz. Klar, hämer das müsse probiere😅
    Mit enere andere Gondle isches abe zum Ashi-See gange, wo mer ines Pirateschiff gstige sind.
    S Schiff het ois uf die anderi Site vom See bracht, wo mer e super Ussicht uf de Mt. Fuji söti ha. De Tag isch rächt bewölkt gsi und mir händs no ghofft, dass mer de Fuji glich no gsend. Leider hets keis Wulkeloch ge und vo det us hämer ihn nüme gse. Mit chli Fantasie hämer ihn ois vorgstellt😂.

    Wieder zrug im Hostel simer gägenüber en japanese Burger go ässe. Naja so japanisig wie ois Kana gseit het, ischer nöd gsi. De Bsitzer schient en riesige USA Fän gsi und het alles wie i de USA dekoriert. Mir händ en sehr feine Burger becho.

    Nachher simer no ine Onse, wo mer au für ous allei gha händ. D Kana her gmeint, sie segi bsundrigs heiss und mir sölled s Tüechli mit chaltem Wasser benetze und ois uf de Kopf tue.
    De Adi het sich erinneret, dass er i de erste Onse no dänkt het, warum tüend sich alli s Tüechli uf de Kopf? Mit de Ahnam, es söll troche blibe, het er sies det au eifach uf de Kopf ta. Ez isch ihm s Foifi gheit, dass das Tüechli nass zum abchüele söt si. Es het ois schön amüsiert, will, stelled eu vor, was die Japaner wohl dänkt hend, wo er sich es trochnigs Tüechli uf de Kopf ta het😂😂😂😂😂😂

    Ps. De Fuji hämer doch einisch für paar Sekunde vo de Gondle use gse😉     Czytaj więcej

    Zobacz tłumaczenie
  • Borboas trip
    11

    Let's go to TOKYO!

    10 listopada 2023, Japonia ⋅ 🌧 18 °C

    Hüt isches los gange i die letschti Destination in Japan: Tokyo! Acho am Bahnhof hämer ois dur die risigi Stadt zum Hostel dure kämpft. Au wänn s Wätter nöd so toll gsi isch, hämmer de Senso-ji-Tämpel näb em Hostel wele go aluege. Es het den no agfange Rägne und e riise Masse vo Mänsche isch scho dete gsi. Ois isch d Lust chli vergange, drum simer is Hostel zrug und händ es usdehnts Powernap gmacht😅👌

    Am Abig simer is Akihabara Viertel, d Electronic City. Dete wird mer vo de Mangas scho fast erschlage😂 mir händs rächt spannend und amüsant gfunde, was es nöd alles git. Gwüsses isch für eus au eifach nur es Fragezeiche gsi😂
    Es git dete so Maidkaffis, es sind alli Källnerinne als es sehr sexy Zimmermeitli verkleidet. Zerst hämer dänkt, das isch so verrückt, dass mümer gse ha. Aber im Viertel sind den Duzendi so verkleideti Fraue am Strasserand gstande und händ vorallem Manne i ihri Kaffis wele locke. Es het den irgendwie nüm gstume für ois und händs den si gla.
    Defür simer ine riisigi Gamehalle mit 6 Stöck! Retrogames, Musicgames, Ballergames und und und.
    Zerst het de Adi bi de Musicgames höchus gunne und den aber bi Mariokart d Jeannine. Mir händ ois köstlich amüsiert! 😁👌😎💪✌️
    Nachher simer nomal go Okonomiaki (japanische Pancake) go ässe, es Erläbnis puur😅     Czytaj więcej

    Zobacz tłumaczenie
  • Borboas trip
    1

    Lockere Tag in Tokyo und Pub Crawl

    11 listopada 2023, Japonia ⋅ ☁️ 15 °C

    Euse Tag het ganz locker miteme zmorge im Hostel agfange. Stärched simmer is teamLabs. Das isch e usstellig mit verschiedene lichtschows, wo mer als psucher teil devo wird. Mer muss dur die ganz usstellig barfuess mit de hose bis zu de chnü ufezogä. De fraue wird empfohle kein rock azhaa, da s i de ganze usstellig spiegel am bode git😂😂. Es isch e usstellig für alli menschliche sinn. Au de gruchsinn wird gfordered und ich meine nöd durch chäsfüess, will alli barfuess sind. Es het jede teil nöd nur eigeni kunst, sondern au en eigene gruch.
    Mer muss paarmal dur swasser laufe, darum muss mer barfuess sie. Ein teil wo sehr idrücklich gsie isch, isch es kunstwerk wo swasser milchig isch und fisch und pflanze druff projeziert werded. Die fisch schwümmed uf de projektion uf psuecher zue und verwandled sich i blume, sobald sie de schatte vomene mensch, wo uf em milchige wasser au sichbar isch, berühered und verwandled sich i blueme. Mega idrücklich.
    Ein ruum isch voll mit liechterchettene wo vo de decki hanged. Es sind so vill chetene ufgänked, dass es gäng het wo mer durelaufe chan. Die lichter werded alli einzel agstüred und kreiered muester wo mer sgfühl überchunt, mer flüged dur fremdi Galaxiä. De für eus bedi idrücklichsti rum isch wie e kupple baut und es werded wieder verschiedeni blueme vo inne uf die projeziert. Hockt mer it mitti vo dere kupple, chunt mer sgfühl über, dass mer sich dur die bluemene bewegt.

    Nach dene idrück hemmer echli hunger ka und sind go ramen esse😎🤙.

    Am namitag hemmer na es schlöffli gmacht will hüt abig Pub-Crawl in Tokyo agseit isch🥳🥳🥳.     Czytaj więcej

    Zobacz tłumaczenie
  • Borboas trip

    Rägnerisch es BBQ grilliere

    12 listopada 2023, Japonia ⋅ ☁️ 11 °C

    Nach dem mir guet usgschlafe händ, hämer es westlichs Katerzmorge brucht. Gstärkt hämer nomal de Palast wele go aluege. Aber er isch wieder sooo chalt gsi und het sooo viel Mänsche gha und mir sind wieder soooo müed gsi, aso simer is Hostel zrug go netflixe und schlafe. Wieder fit hemmer es usprägti rundi Mario Kart gamed gegenanad.
    Im aschluss sind mit es japanese BBQ go ässe. Es isch zwar de türsti Znacht gsi sit mer in Japan sind, aber es het sich jede Rappe glohnt. Das Wagyu Fleisch isch unglaublich guet🤤 s Kobe Beef hämer leider nöd chöne probiere, aber mir händ ja no 2 Täg😁💪     Czytaj więcej

    Zobacz tłumaczenie
  • Borboas trip

    Gokart fahre in Tokyo Downyown

    13 listopada 2023, Japonia ⋅ ☁️ 11 °C

    Am hütige tag simmer imene chli schnällere tempo als bim normale sightseeing underwäx. Mir mached e gokart-tour a la mario kart in Tokyo Downtown. Nach de infos vom verstalter bruche mer nur en internationale fahruswiis, wo mir füchs für e 7 monatigi reis natürlich debi hend. Gester abig hemmer aber mit schrecke festgstellt uf de websiite vom TCS-Schwiiz, dass mer e japanischi übersetzig vom fahruswiis ha muss. Die übersetzig muss vom verchersbüro in Tokyo usgstellt werde und brucht rund 4 Wuche🙉🙉. Mir sind beidi grad echli is schwitze cho. Vorallem, will die gokart-tour nöd ganz günstig gsie isch 🙈🙈. Mir hend abgmacht, dass mir eus bim verastallter dumm stelled bezüglich dere übersetzig. Am schluss hets keine interessiert. Es guets biespiel für zu vill denke. Eifach immer cool bliebe 😅😅.

    Tjeannine het sich als Pikachu und de Adrian als Relaxo Pokemon verchleided.
    Sobald mir tgokartmotor kört hend, s rattere und sabgas gschöcked hend, hemmer gwüsst, mir hend kerosin in bluet 😎🤙.
    Die wildi Fahrt isch also los gange. Mit dene gokarts het mer na es solids tempo chönd fahre rund 50km/h bis 60km/h. Dezue hend die gokarts kei servolenkig oder federig ka. Mer het also jedi unebeheit direkt am füdli gspürt. I rund 1.5 stunde isch mer dur tinnestadt vo Tokyo gfahre und a sehenswürdigkeite wie em Tokyo-Tower oder de Shibuya-chrüzig verbi cho. Natürlich simmer vo sehr vill lüt gföteled worde. Mir würed eus also nöd wundere, wemmer uf ei mal innere visit Tokyo broschüre würed uftauche. So e gokart-tour isch definitv die packenderi methode als en doppeldecker-bus zum Tokyo erchunde 😎.     Czytaj więcej

    Zobacz tłumaczenie
  • Borboas trip
    1

    Shibuya & Shinjuku

    13 listopada 2023, Japonia ⋅ 🌬 15 °C

    Nach dem hammer Start in Tag, hämmer d Shibuya Krüzig no vo anderne Perspektivene wele gse😁 mir sind drüber spaziert, händ usemene Kaffi d Krüzig beobachted und händ de Blick us de Höchi gnosse😊
    Nachher simmer no im Shibuya Viertel ume gloffe und händ riesigi Lüchtreklame, teilwiis sogar in 3D, bestunt. D Lüchtreklamene sind aber nöd nur a de Huuswänd, es fahred au Lastwäge ume, wo uf de Site und hine en grosse Bildschirm hend.

    Wos idunklet het, simer is Shinjuku Viertel. Det simer zerst ufs Tokyo Metropolitan Government Building d Ussicht über Tokyo by night go aluege. Mir händ am Horizont sogar no de Mt. Fuji gse.
    Den hämmer verschiedeni Quartier vom Viertel Shinjuku bsuecht. S Golden Gai mit de chline Gässli, s Omoide Yokocho mit de vielne chuchene annenad greit und s Kabukicho, s Rotlichtviertel. Das isch bsundrigs idrücklich, mit all dene lüchtende Schilder gsi.
    Da mer s erstmal nöd so es guets Resti verwütscht händ, simer no hungrig useglofe. Den hämmer bschlosse, dass mer bi oisem Hostel i de nöchi no gönd go Kobe Beef probiere. Das muss mer ja scho probiert ha, wämer in Japan isch.
    Für 60g Kobe Beef hämmer öpe 60.-Fr. zahlt. Es sich sehr fein gsi, aber en Unterschied zum Fleisch vo Gester hämmer nöd gross gemerkt.     Czytaj więcej

    Zobacz tłumaczenie
  • Borboas trip
    1
    2

    Letzti Tag in Japan

    14 listopada 2023, Japonia ⋅ ☀️ 17 °C

    Mir händ no s Viertel Harajuku, dete seget d lüüt speziell agleit, wie i de Mangas, hets gheisse. Naja es isch e riise Shoppingstrass mit viel Sache zum Ässe, wie e riise Zuckerwatte oder en Käsetaler i Rägebogefarbe. Es het mega viel Lüüt gha, so das mer den schnäll wieder gange sind.
    Zum Abschluss hämmer normal wele Mariokart game, drum simer nomal is Akihabara Viertel. Mir händ immer wieder d Werbig vo dene Maidkaffis gse und am Schluss het den d Neugier glich no gunne😂
    I dem Kaffi hets 3 Maids gha, die sind sicher nöd älter als 18ni gsi. De Ruum isch rosarot gsi mit emene hellblaue Himmel und wise Wulche "Dreamland", hends dem gseit. Es het vorallem Manne zweite oder allei gha. De eint schon rächt blau.
    Vo oisere Maids simer zerst instruiert worde. Pro Stund wo mer drin isch, zahlt mer p.p. scho öpis. Den muss mer natürlich no öpis konsumiere, Ässe und Trinke. Fötele derf mer d Maids und die andere Gest nöd. Um andere Maid rüefe, muss mer "Miau miau" säge. Wenn Ässe chunnt, muss mer das mit de Maid "begrüesse" mit emene japanische Singsang. D Jeannine het sich dete nöd wohl gefühlt und ihri feministischi Site wär am liebste im Bode versunke😂😂
    Naha es isch es Erlebnis gsi und mir händ de türschti Kaffi vo oisere ganze Reis gha😂
    Als Abschluss hämmer no ei isch wele Sushi Ässe. Am Platz uf emene Bildschirm hämmer chöne bestelle. Sushi isch den jewils uf em Band zu ois geschickt worde. Japan het schon immerwieder e Überraschig parat😁
    Zrug im Hostel hämmer oisi Sache packt und sind an Flughafe: Next Stopp THAILAND😁🥳🤙     Czytaj więcej

    Zobacz tłumaczenie
  • Borboas trip
    1
    2

    Chiller Täg in Kaho Lak Thailand

    17 listopada 2023, Tajlandia

    Die letsche paar täg hemmer ganz locker a ga la. Mir merked nach 4 Wuche intensivem reise simmer echli müed worde. Es isch wunderbar eifach chli am pool hocke und echli si. Da in Khao lak hemmer es Bungalow für eus grad vor em pool vo de hotel alag. Mir hend natürlich sehr fliessig Thailändisch gesse. Suppene wie Tom Ka oder Tom Yum und au Curries sind sehr höch bi eus im kurs. Au bruche mer täglich eusi dosis papaya-Salat 🙂✌️. Mir hend en Thailänische-homie miteme Muay-Thai dojo, wo eus täglich frögt, ob mir nöd mal es thai-box training wend mache. Sini überzügis-chraft het nanig glaged, dass mer mit ihm trainiered aber mir sind mit ihm es Thaibox-kampf-tournier go luege. Es het 9 kämpf gä i allne gwichts- und altersklasse. Au fraue schrecked nöd devo zrugg zum in ring stiige. Männer und fraue kämpfed aber nöd gegenanad. Es sind 5 rundene a 3 Minute und jewiils 1.5 Minute pause. Tjeannine und de adrian hend nöd immer so guet chöne aneluege und hend au mitleid mit de kämpfer ka🙉🙉. Die gend sich scho na recht uf de sack🙈🙈. Vorallem isch boxe, ginggä mit de bei und au mit de chnü und eleböge schla erlaubt. Es isch ganz interessant gsie so es turnier emal gseh. Es isch en familie event und die Thailänder chönd juble, wenn ihre kämpfer guet drah isch. Am Adrian isch aber klar worde, er bliebt lieber bi elektrotechinik als e karriere als Muay-Thai-Kämpfer azstrebe🤣🤣. Czytaj więcej

    Zobacz tłumaczenie
  • Borboas trip
    1

    Coconut-Beach

    18 listopada 2023, Tajlandia ⋅ ☁️ 29 °C

    S Handy vo de Jeannine het leider anfangen spinne und het alles nur no in grüen azeiget. Mir händ en Tipp vonere Schwizerin vo oisem Hotel becho, dass es en Lade git, mit guete Handys. Drum simer zerst mit em Möfi (Töffli) zu dem Lade. Das het bis zum Mittag duret, aber ez het d Jeannine wieder es Samsung🙂
    Den simer at Coconut-Beach. Es isch scho de ganz Tag chli bewölkt gsi und het au einisch ganz Chur grägnet. Es isch aber immer dunkler worde wo mer den wieder hei händ wele. Uf de Rückfahrt hets den uf eimal wie imene Taifun agfange aberägne. Es het uf de Huut so richtig agfange fitze, darum simer bi de nögste Möglichkeit aghalte und sind in Schärme, zwar scho richtig duregnässt, aber es isch ja warm😄 wos chli nagla het mit rägne, simmer weiter. Es Auto het ois überholt und het ois debi mit Enere Pfütze so richtig duscht🤣🤣🤣 da mer e scho klitschnass gsi sind, hets eh kein Unterschied meh gmacht😅

    Am Abig simer no an Märt go ässe und paar Souvenirs kauft. Mir händ no en Mango Sticki Rice gha als Dessert, ufff isch das guet gsi😄🤤     Czytaj więcej

    Zobacz tłumaczenie
  • Borboas trip

    Tag am White Sand-Beach

    19 listopada 2023, Tajlandia ⋅ ☁️ 31 °C

    Hüt hemmer nomal en roller gmieted und verbringed de tag am White Sand-Beach in Khao Lak. Das isch au ganz en schöne strand. Mir hend also de ganz tag seht locker gno.
    Am abig simmer na de sunneundergang go luege am strand. Mega schön gsie.
    Aschlüssed hemmer bedi na Maniküre und Pediküre gmacht. Für de Adrian isch es serste mal gsie😄😄.
    Mit vill hunger simmer is restaurant vor eusem hotel. Sesse isch relativ günstig aber super guet😊👌.     Czytaj więcej

    Zobacz tłumaczenie
  • Borboas trip
    Lieblingsresti

    Similan Island

    20 listopada 2023, Tajlandia ⋅ ☀️ 28 °C

    Hüt isches scho früe am 5.30 losgange für en Schnorchelusflug uft Similan Island. Das isch e Inselgruppe vo 9 chline Insle, wo all Naturschutzgebiet sind.
    Am Port acho simer amene baslerdütsch-sprächende Thai zueteilt worde, wo euse Guide für de Usflug gsi isch. Den isches 1.5 Stund mit em Boot witergange. Uff de Käpten het aso nüt kännt und isch eifach über die grosse Wälle drübergrasst. Es het ois rächt gschütlet. Mer het chöne zueluege, wies de Gest eim nach em andere schlecht worde isch🙈 D Crew isch mit Tablettli etc guet usgstatted gsi😂 mir sind zum Glück verschont blibe vo de Übelkeit, aber sind den au froh gsi, wo mer acho sind.
    Zerst simer uf en Ussichtspunkt gloffe und den am wunderschöne Strand echli gsi.
    Nachher hämmer 3 Schnorchelstopps gmacht und uf enere Insle no Zmittag gässe. Natürli het d Rückfahrt nöd derfe fehle, haha aber au die hämmer guet überstande😄💪
    Am Abig simer no i euses Lieblingsresti fein go ässe.     Czytaj więcej

    Zobacz tłumaczenie
  • 2025© FindPenguins
  • Strona główna
  • O nas
  • Śledzenie grupy
  • Wciśnij
  • Warunki
  • Prywatność & Cookies
  • Centrum pomocy
  • Odcisk