Dartmouth, Esse und de Bryan Adams

Am 2te Tag in Halifax simer miteme guete Zmorge vonere Französische Bakery gstartet (fantastischi Croissants!) Nacheme churze trip nach Dartmouth mit 2 feine Bierli vo de Brightwood Brewery hämer nanig genau gwüsst was mache und händ Online ahgfange recherchiere was mer so spontan chan undernäh. Mir händ eus schlussendlich fürd "Best Of Downtown" Food Tour entschiede (Logisch, öppis mit Ässe. You know me🤷🏻‍♂️). De Guide Alex het denn scho uf eus gwartet mit na 3 anderne Gäst zäme. Zämegfasst isch alles Esse unglaublich guet (6 verschideni Locations, und de Simona und mir hend beidne d Gnocchi im "Julep" am beste gschmöckt, muessmer unbedingt probiere), die andere Teilnehmer eher nervig und überheblich und de Guide nöd schlächt gsi (sini Uswahl isch fantastisch gsi, sini Guiding-skills eher so Semi). Uf de Tour hämer erfahre dases momentan soviel lüüt ide Stadt hett wills es Bryan Adams Konzert git am abig. Kurzentschlosse hämer eus Online 2 Tickets kauft. Und was söllmer säge, obwohl ich am Aafang nöd so überzügt gsi bin, s Konzert isch mega gsi, Kids Wanna Rock!! Nacher hämer eus na im Stillwell e paar Bier gönt (s Mixed Fermentation "86 Lagér" und s Grape Ale mit 35% Cabernet Franc Wii verschnittene "Marlan" sind öppis vom beste gsi woni sit langem gha han). Dezue hets no Okonomiyaki Fries geh, Pommes Frites mit so viel weirde toppings wie okonomiyaki sauce, aonori, katsuobushi (fermentierte Thunfisch) usw. Ein etwas anderer Biersnack 😂 Nacher simmer kaputt und glücklich is Bett gheit, Good night!Read more