Santa Marta

Will min Flug uf Peru ufgrund vom Grounding vo VivaColombia gstriche worde isch, han ich denkt ich machsmer nöd so kompliziert und bliib eifach länger in Kolumbie.
Santa Marta isch e grösseri Stadt wo viel chliini Sache rundume het.
D stadt het am Abig viel Livemusik und wie so viel Städt in Kolumbie, viel schön bemaalti Wänd.
De Strand Taganga isch nüt speziells und hetmer mit Usnahm vom Cocoloco (so starch wie de Rasputin eifach in Kokosgschmack und inere Kokosnuss drin) nöd so gfalle.
Minca hingäge isch es wiiters highlight gsi. Für 20 stutz hetmer im Stätdli en Töff chöne miete zum öppe e Stund durch Waldwäägli duruffahre. Ganz obe hets 2 Hostel gha mit riiiiiiiiise Ussichte. De Tagespass ih dem Hostel het au nüt kostet und obedruff isch de Zmittag na inklusiv gsi. D Zimmer sind aber so hüttli gsi mit Sicht uf reinschti Natur. Nägstmal schlafi fix dete.
Es bizzli wiieter une hets Wasserfäll gha wommer het chönne drin bade.
De wäg uf de Bärg isch aber ah sich scho es riise Abentüür gsi. Dases eus nöd uf de Latz ghaue het isch es Wunder vom Schlammgott gsi. So ziemli de ganz Wäg isch volle Schlamm, Löcher und pfütze gsi. Das Video wonner gsehnd isch de schönschti Teil vo dem Wäg, de Rest hetmer würkli nöd chöne ufneh 😂 aber so wies halt so isch hemmer eus denkt gha dases scho guet wird cho, und so isches denn au gsi 🙏
Für all mini shipifründe: in Santamarta hets e albanischi Disco!! Was ächt en Albaner in Kolumbie macht??? Keine weiss..
Und euse AP Dütschland het in Kolumbie e Läbensmittelladechetti, spräched sie mal druf ah :)

E Auto-Polizeikontrolle in Kolumbie gseht eso us:
De Polizischt hebt der s Füschtli ane zum begrüesse, wenn mer seit dass s Auto es Mietauto isch, will er d Papier nümme gseh und fregt nur, obmer nöd vo da sind. Er schmunzlet wemmer ihm seit dasmer us de Schwiiz chömmed, aber spanisch glärnt het will Kolumbie sones schöns Land isch und de Alkoholtest zeigt nach 2 bier und eme Aperol "negativ" ah 😂

Fazit: nödemal in Kolumbie hesch Ruhe vo de Albaner, Minca isch ein Muss und de Coco Loco... weiss au nümme genau wiener schmöckt. :)Read more