Reset search
SüdkoreaSüdkorea
SatelliteEdit route

Südkorea

September - October 2023
A 45-day adventure by Andreina Read more
  • 40footprints
  • 1countries
  • 45days
  • 346photos
  • 0videos
  • 1.9kkilometers
Follow Calendar Share Bucket list
Date ascending
  • TravelerSüdkorea
    Day 1

    Zürich - Seoul

    September 12, 2023 in South Korea ⋅ ☁️ 24 °C

    Sit em Früehlig hani vo Südkorea verzehlt und hüt ischs endlich losgangä.
    Um di halbi Welt zerscht uf Tokio gfloge. Dank de Silvana 😘 hani dörfe Buisness Flüge unds i vollä Züg chönä gnüssä.
    In Tokio bini den aber is schwitzä cho. Han nomol es neus Visum müessä machä und dass isch ziitlich ziemli eng wordä. 🙈 Am Check - in sinds u lieb gsi und hend mitgfieberet. Zum Glück isch das mit em Visum denn so schnell gangä und ha i letschter Minute chönä i-checkä und has denn doch nah uf de Flüger gschafft. Uf em ruhige Flug uf Südkorea hani mi vo derä Ufregig chönä erholä. S bsorgä vode 2te Sim Charte und de T- Money Card z Incheon am Flughafe het tipptopp klappt, wie au d Zugfahrt uf Seoul.
    I de überfüllte Metro hani nah Hilf becho, dassis innä und vorallem au wieder usegschafft han.
    Z obig het d Energie nah für e chlini Erkundigstour glanget inkl. erä herrlichä abchüelig für d Füess.    Read more

    See translation
  • TravelerSüdkorea
    Day 2

    Seoul

    September 13, 2023 in South Korea ⋅ ☁️ 20 °C

    Am Morge schnell bi de Velovermietig verbii
    Churz miterä Mitarbeiterin gschwätzt
    Hoffe chunt guet morn
    Gregnet hets nur einmal, defür durchgehend🌧️
    Di Iiheimische alli schön mit em Schirm unterwegs ☔☔☔☔
    Han lang gfundä e Regejagge tuets doch au, bisi pflotschnass am Nomittag doch au en Schirm go poschtä bin 😄🙈
    Zerscht hani mal nah e Rundi mit em Hop on Hop off Bus dreht, ha aber nur d Hälfti mitübercho welli unterwegs ipfused bin
    Leider ischs nid so spannend gsi und wenn mal öpis gseit wordä isch, hni fascht nüt verstande wells koreanisch dur d Luutsprecher so luut gsi isch
    Nach dem Powernap ischs zum Gyeongbokgung Palast gangä
    Bin zerscht nid so ellai gsi
    Viel lüüt nutzed diä Glegeheit zum i traditionelli Chleidig z schlüpfe, was zumne riesige Fotiasturm füehrt
    Chunt mär chli weg vo de grosse Thronhalle wirds ruhiger und mä chan diä fantastisch Architektur i aller Rueh gnüssä    Read more

    See translation
  • TravelerSüdkorea
    Day 3

    Seoul - Incheon

    September 14, 2023 in South Korea ⋅ ☁️ 27 °C

    Am Morge hani mis Velo chönä abholä. S Team vo WE RIDE KOREA het sich viel Ziit gno und au ghulfä alles z montierä. Einigi Tipps hani au becho und s Visitächärtli dassi mi jederziit cha melde wenn öppis isch.
    So hani mittemä guetä Gfühl chönä starte und d Velostrecki isch en Gnuss gsi.
    Zwüschedinnä mit zweispuriger Veloautobahn... Tempolimite vo 20km/h schiint eher d Mindestgschwindigkeit z si 😂
    En E-Bikefahrer het mi total 5mal überholt. Isch mir chli es Rätsel was de suscht so gmacht het 😄
    In Incheon hani den für 4500 Won min Bicycle Passport chönä poschtä. Det sind Route druf wo mär cha Stempel sammlä 😄

    55km
    (Erschti Teil vo de Tagesetappe)

    PS: S Essä isch bis jetzt di gröschti Useforderig für mich    Read more

    See translation
  • TravelerSüdkorea
    Day 3

    Incheon - Irgendwo usserhalb Seoul

    September 14, 2023 in South Korea ⋅ ☁️ 26 °C

    Den het s chönä los gah mit em 4 Rivers Trail vo Seoul nach Busan.
    Unterwegs hets paar duumä ufägäh. Viellicht weg em Toure viellicht aber au welli benüeht gsi bin schön rechts z fahrä. Nach em Ara Kanal hets agfangä iidunklä. Unterwegs hets no meh Lüüt gah we vorher. Am Velofahrä, am Jogge, am Spaziere oder eifach am chillä am Han River.
    Bi de Banpo Brugg bini nah in Gnuss vo de Wasserfontäne cho.
    Bim einte Velotreffpunkt hani au nomol chli es Päusli gmacht und den wiiter durdie hell belüchtet Stadt am Han River entlang gfahrä.
    Ein Tipp isch gsi au mal d Nacht durrä fahrä. Wells am nöchschte Tag recht set regnä, hani denkt nutzi dass so langs nah trochä isch.
    Das isch recht lang guet gangä, bisi am 1 am Morge doch lieber ha wellä pfusä 😄 ha denn chli es Plätzli zum Zelt ufstellä müessä suechä. Isch mehr nid so ganz wohl gsi. Jänu, s erschtmal wildcampä ✅

    72km
    Tagesdistanz: 127km    Read more

    See translation
  • TravelerSüdkorea
    Day 4

    Nach Seoul - vor Yeoju

    September 15, 2023 in South Korea ⋅ 🌧 22 °C

    Nanig so guet gschlafe bim wildcampä
    Ufgstande mit Ussicht uf de Fluss. Dezuä ziemlich beläbt well grad e Art vo Barguess weg vorne dra verbii gangä isch. 🙈 ups
    E Bäckerei agstüret. Latte und Istee chönä uf koreanisch bstellä, bi de frag ob de kafi heiss oder chalt isch aber leider scho verbii gsi.
    Dezuä hets es feins Gebäck gäh, aber kei Ahnig was d Füllig gsi isch. 😋 Spöter nah eis mit rote Bohne als Füllig zum probierä becho.
    Unterwegs ischs e chli Hügeliger worde, aber keis Problem. Bis uf eimal hets immer es Tunnel für de Veloweg gha.
    Unterwegs d Carina und de Simon us Düütschland troffe, chli chönä über Erfahrige und Erlebnis plauderä und sogar es Stückli zemä gmeinsam fahre bis sich eusi Route trennt het.
    De Regä bitzli meh schätze gelernt wells d Wuchä vorher sehr heiss und füecht gsi isch.
    Am usgstorbene Camping verbii cho und den imne Park gelandet wo scho paar Koreaner mit ihrem Camper gstande sind. Sie hend gmeint, dassi trotz Campingverbotsschild mis Zelt cha ufstellä. Han sogar nah öpis z trinkä übercho und liecht zums Zelt ufstellä.
    Regnä hets au wieder agfangä, aber das mal mit Dunner und Blitz. Sicher guet hanis Zelt wieder unteremä Unterstand.

    Tagesdistanz: 67km

    PS: Viele Dank für all die liebe Geburtstagsnachrichte 🥰    Read more

    See translation
  • TravelerSüdkorea
    Day 5

    Yeoju - Chungju

    September 16, 2023 in South Korea ⋅ 🌧 23 °C

    Wos z obig so fescht gregnet het, isch mir nüm so wohl gsi.
    Has Zelt zwar unter em Dach gha, aber hinne und vorne scho rechti Pfützä. Has Zelt nah an würkli höchschte Punkt verschobe und bi den zum Grüppli Koreaner zum frögä, ob sie wüssed was de Wetterbricht so meint. Bin denn grad det hangä bliibä 😊 sie hend mich zu sich i d rundi gwunkä und hans z trinkä grad i d Händ becho. Stäbli und Teller hend churz drufabä gfolgt. Uf em Chocher i de Mitti vom Camping Tisch sind zwei feini Fisch brötled worde. Nacher ischs mit Spaghetti und Shrimps wiitergangä. 😋
    Wos denn nah Hühnerfüess gäh het bini a mini Grenze cho. Hans nur bis is Muul geschafft, aber eifach nid chönä abbissä 🙈
    De Jun wo au Lehrer isch het mi denn grad au wieder zum z Morge iglade. Sie sind so lieb gsi. Hend sogar nah für mich gsungä. Mit Englisch und em Übersetzigs App hani auch chli chönä gsprächlä. Bim Thema Fuessball hends sogar au de Shaqiri und Xhaka kennt. Ich han defür mit em Heung-min Son chönä punktä 😄💪 dassi di bekannt Band BTS nid kenne isch defür eher schockierend gsi. Im Gegezug hends e Schwiizer Band wellä ghörä, da isch Hecht zum zug cho.
    Wenns Gspröch wieder koreanisch wiitergangä isch hani eifach chli chönä diä Sprach gnüssä und versuechä paar Sachä ufzschnappä. Unterwegs versuechi au immer chli z Schrift z lese und bi Ortsnämä in Hangeul klappt das scho recht guet .
    Am morge hani namal di koreanisch Art dörfä gnüssä. S het zerscht Pilzsuppe gäh, denn Riis, Tofu, Gmües, Fleisch und Muschelsuppe.

    Bis jetzt isch das es echts Highlight gsi. Mir isch au erchlärt wordä das Koreaner au sehr es friedlichs, fründlichs und respektvolls Volk isch.
    Und bis jetzt hani scho einigi Begegnig gha wo das Bestätiged.

    Han hüt vonerä Frau nah Banane und öppis Süesses becho und später nah vomne älterä Ma e Dose Kafi.
    Das isch hüt eifach au iidrücklich gsi.

    Uiuiui... so viel z verzehlä und feschtzhalte.
    Da Versuechi de rescht churz zhalte
    - e Schlange gsichter
    - a Camping und Glampingplätz verbii cho
    - ohni Rege ischs heiss und schwüel
    - Erkenntnis: bedeckt und chli fieserlä isch am schönstä
    - richtig abegleert hets denn au nah
    - guet hets immer mal wieder e Brugg zum drunderstah
    - pflotschnass mit Pfütze i de Schueh acho
    - mit Hilf d Wöschmaschine gliich nah zum laufe bracht
    - und jetzt völlig k.o.

    Tagesdistanz: 85 km    Read more

    See translation
  • TravelerSüdkorea
    Day 6

    Chungju - Mungyeong

    September 17, 2023 in South Korea ⋅ 🌧 21 °C

    Nach Chungju ischs immer ländlicher und hügeliger wordä.
    De erschti bitz länger Usfstieg hani hüt wellä machä und morn denn de zweiti.
    Zerschtmal hets zum Zmorgä än Stopp imnä schönä Kafi gäh wo alles u fein usgseh het. 😋
    Hüt hani unterwegs immer u Durst gha. D Luftfeuchtigkeit isch recht höch gsi. Aber zum Glück isch immer chli bedeckt gsi und bim Ufstieg au schattig vo de Bäum.
    Es belgisch Päärli mit Tandem hani hüt wieder troffä. Sie hend scho sehr viel asiatischi Länder mit em Velo bereist. Has um ihre Velo Sandale beniedet, well mini Veloschueh sind immer nah füecht vo gester 🙈 het bi dem strömende Regä gschieder uf Adilette gwechslet.... aber ihm nachhinein isch mehr ja immer schlauer.
    Han denn in Suanbo min Wasservorrat ufgfüllt bevors an Ufstieg gangä isch.
    Ganz nach mim Motto "slow and steady" bini duruf tukerlet.
    Zwüsched inne hets immer wieder Plattforme zum usruebä gha. Di eint oder ander hani au gnutzt gha.
    Zum Schluss ischs nomol chli steiler wordä. Di schmelzende Kilometeragabä hend aber agspornt.
    Obä acho hets en herrlichä Usblick und neugierigs Volk gäh. 😄
    Han mir nöchli Ziit gno zums gnüssä bevori denn ha chönä uf de anderä Siitä vom Pass abedüsä.
    Unä im Ort hani für 4500 Won (30fr.) es Hotel gfundä und s mir gmüetlich gmacht.
    Bi de Planig für morn hani uf eimal gmerkt dassi scho beidi Ufstieg gmeischtet han 😂😂😂 grad völlig verwiirt gsi wells mir uf Sangju kei Stiegig meh azeigt het. Jetzt fiiri mi grad chli welli hüt scho di ganzä Höhemeter gmacht han. 😄💪 und hoffä, dassi mi da jetzt mit de Recherche nid vertah han.

    Tagesdistanz: 57km
    Höhemeter: ca. 850m (sofern mini Recherche stimmed)    Read more

    See translation
  • TravelerSüdkorea
    1
    Day 7

    Abstecher uf Andong

    September 18, 2023 in South Korea ⋅ 🌙 22 °C

    Juhu, am Morge sind d Veloschueh trochä gsi 😃
    Also chas losgah...
    En Pass hets würkli keinä meh gäh. 😅 So isch es gmüetlich zum Jeomchon Bus Terminal gangä.
    Erfolgrich es Billette uf Andong chönä chaufä und zweiehalb Stund spatzig gha bis zur Abfahrt.
    Das isch grad guet gsi zum Zmorgä/ Zmittag zessä mitem Velo im Blick.
    S Velo und Gepäck het den unä i de Ladeflächi vom Bus Platz gfundä und bin erliechteret gsi, dass das würkli so eifach funktioniert het, wie ich im vorhinein glese han.
    De Bus isch sehr komfortabel gsi, und wennie ichs amigs bim Autobiifahrä, Busfahrä und Zugfahrä han, bini ziemli glii ipfused obwohl ich gern nöchli umeglueget het 🙈 Drum isch Velofahrä so guet, da assiert mir das mit em ischlafä nid so schnell. 😄
    Z Andong acho, schnell wieder s Velo gsattlet und zum Afang vom Nakdong Radweg graddlet (mit 526km de längschti Fluss vo Südkorea). De Fluss wird mich bis Busan begleite und somit de 4-Flüsse Radweg komplementierä.

    Tagesdistanz: 44km    Read more

    See translation
  • TravelerSüdkorea
    Day 8

    Andong - Sangju

    September 19, 2023 in South Korea ⋅ ☁️ 23 °C

    S isch hügelig losgangä
    Scho bald en Stopp bim Hahoe Village gmacht (typischs Dorf us de Joseon-Dynastie)
    In Gnuss voneme traditionelle Masketanz cho
    S hät viel Schmetterling, Heugümper, Frösch und Schlange uf em Weg gha
    Bi nach mim Gschmack z viel Schlangä (da lange eigentli nur scho eini) hani definitiv kei Luscht uf Campe verspürt
    Bin dänn bimnä Guesthouse acho
    Nid mal mit em Übersetzigsapp hemmer richtig chönä kommunizierä
    Bin den eifach chli umegschobä und is Zimmer gsteckt wordä 😄 zum z Nacht hani nomol dörfä usä cho und mini Wösch isch für mich gwäschä wordä
    Denn zack zrugg is Zimmer und z Morge gits morn am 7ni 🌄

    Tagesdistanz: 70km    Read more

    See translation
  • TravelerSüdkorea
    Day 9

    Sanju - Chilgok

    September 20, 2023 in South Korea ⋅ 🌧 22 °C

    Am 10 vor 7ni hets a d Tüürä klopfet und de koreanisch z Morge isch scho parat gstandä.
    So bini hüt früeh gstartet inkl. emä guetä Tipp welli Flusssitä z näh zum Höhemeter iizsparä.
    Unterwegs bini mal es Stückli miteme Franzos gfahrä, woni scho 2mal troffä han und bi eim Stopp hani nöchli mitemä Velofahrer vo Hawaii plauderet.
    Suscht hets hüt eifach viel gregnet. 🌧️🌧️🌧️
    Unter de Bruggä chamer bi dem Wetter immermal wieder es Päusli machä und Öffentlichi WCs muemer praktisch nie go suechä. Di sinder immer wieder aztreffe und au usgschilderet.

    Tagesdistanz: 83km    Read more

    See translation
  • 2024© FindPenguins
  • Home
  • About us
  • Blog
  • Group Tracking
  • Press
  • Terms
  • Privacy Policy & Cookies
  • Support
  • Legal notice
  • English