Fascht scho en Monet bide Kiwis, New Zealand

Ozeanien Retour Abentüür Ozeanie
- Show trip
- Add to bucket listRemove from bucket list
- Share
- Oct 8, 2017, 10:43am
- 🌧 12 °C
- Altitude: 84 m
- New Zealand Tasman Tasman District Pohara Wainui Falls -40.835038, 172.92710140°50’6” S 172°55’38” E
Day 40
Fascht scho en Monet bide Kiwis
October 8, 2017 in New Zealand ⋅ 🌧 12 °C
Kia ora
Bi mir gitts momentan nöd eso vill z verzelle. Mir gahts sowiit guet, gnüsses im Grosse und Ganze und chume ganz guet z rächt. Letscht Wuche bini mit enre Kollegin in Abel Tasman Nationalpark go wandere gange. De isch eppe 1.5 Stunde vo Nelson entfernt und mir hetts mega gfalle. D Landschafte hend sich teils im Minutetakt gänderet - eimal Dschungel, den Piniewald, won a Italie erinneret und denn Ussichte wie z'Fiji. Mer sind 10 Kilometer gwanderet und hend nachene na e Bootstour gha, wommer au na Robbe gsee händ, das isch cool gsi. Susch isch bi mir nöd eso vill passiert. Mer hend vode Schuel uus na e Kostümparty gha, aber da chani kei Föteli ufelade, welli s ok vode Persone nöd han. Ah ja, uf de Föteli mit de Kollegin zemme hani sie gfröget und sie hett mer s ok gäh, zums online z stelle... Nume das ihr eu nöd wunderet. Ja, das wärs momentan so zu mir... Wie laufts bi eu ide Schwiiz? Wür mi freue mal eppis z ghöre ;-)Read more
See translation
Traveler Tolli Landschaftsbilder, da chunnt grad Feriestimmig uf :-). Und wie isch im Kiwi-Land s'ässe und z'trinke? Chasch mit dä Gaschtfamilie ässe oder muesch sälber chochä? En Guete us dä Schwiiz.
10/19/17Reply
Ozeanien Retour S Ässe isch eigentlich rächt gliich wie ide Schwiiz. D Kiwis ässed seeeeeeehr vill Fleisch (zmorge,zmittag und znacht - jede Tag) aber susch isches ganz ok. D Frücht sind de Hammer (psunderd Orange und Kiwis...) S wasser isch meischtens zimlich chlorig und drum hüüfig nöd sonen gnuss aber mit Gschmackströpfli gahts rächt guet. S doofe isch, dasses in Nelson Burger Culture gitt und de Lade isch de hammer!! Han na nie so gueti Burger gässe! Und au susch was sie aabütet isch de hammer... Choche duet mis Gaschtmamig, sie chochet ganz guet. S gitt sehr oft Riis, da hanger mer langsam bitzeli.. Ou ja, und wasi richtig vermisse isch guet schwiizer brot! Die händ nume Toast oder so lümpeligs irgendeppis, aber die wüssed nöd, wiemer richtig chnuschprigs Brot macht.
10/23/17Reply
2 likes