Strand stappies, koffie proe en afdraaie

Vanoggend het ons bietjie laat geslaap. Na die afgelope twee dae se opwinding is dit baie welverdiend. Ek het gisteraand bietjie begin sleg voel, Corné is oortuig dis hitte uitputting, en vanoggend het ek 'n toe neus en 'n seer keel. Voel soos 'n verkoue, maar dis dan so warm hier. Gelukkig is daar min wat 'n goeie slaapie en medlemon nie kan genees nie.

Ons ontspan meeste van die oggend by die swembad en waardeer die salige klanke van die see se eb en vloei. Na ons oggend-middag slaapie het ons weer nuwe lus vir verken. Ons het travel bugs, nie bedbugs nie!

Ons raak defnitief nou hans met die bromponie, Corné vat die draaie 'n bietjie vinniger en ek begin meer gemaklik voel om 'n video of twee van agter af te neem.

Ons ry stop stop deur die landelike gebiede en verkyk ons weereens aan die uitsigte. Die knersgroen rysvelde in netjiese boksies omhul deur wolkbedekde berge in die verte. Na 'n paar afraaie en 'n vinnige stappie op die swart strand stop ons by 'n koffie plaas. Die enjin is skaars af of 'n vriendinlike Balinese vrou, genaamd Pana, groet en begelei ons die plantasie in.

Sy neem ons op 'n gratis toer deur die koffie plantasie en wys vir ons plek plek hoe die koffie op die tradisionele wyse gemaak word. Hie en daar kan ons self ook deel neem! Sy vertel ons van die Balinese koffie (dis die algemene koffie wat ons elke oggend hier in Bali drink) sowel as van dié Luwak koffie. Die ryp koffiebone word in die aand deur 'n "Mongoose" geëet en dan in hulle feses uitgeskei.

Daarna word die bone skoon gewas en vir 5 dae uitgedroog, vir 'n uur en half oor lae hitte gerooster en dan met die hand vir 20 minute fyn gemaal word. (Die tradisionele manier is al in tussen vervang met 'n meer koste effektief metode, wat nie so interessant is om te wys nie)

Na die toer word ons na die proe lokaal,' n groot oop stoep met tafels wat omring is deur die koffie bome, begelei. Pana bring vir ons verskeie koffie en teë, 16 in totaal, om te proe. Corné bestel 'n Luwa kopi vir die ervaring. Alles is smaaklik, wel Corné sal nie saam stem nie, die arme man hou maar net niks van die gemmer tee. Ons sit in die rustigheid van die koffie plaas en luister na die wind wat deur die tropiese woud en koffie bome sing. Alles was verniet so ons koop toe 'n sak van ons gunsteling tee ter ondersteuning.

Ons ry verken nuwe afdraai paaie en Corné vind 'n pragtige eet plek in die middel van 'n rys veld. Ons eet smaaklike hoender noodles en reflekteer oor ons avontuur. Ons gebruik die geleentheid om die ouers te bel en wens saggies hulle kon saam met ons toer.

Die res van die aand is langs die swembad spandeer, met ons Deense maatjies. Hulle is nou amptelik aan boord om Suid-Afrika te kom sien. Dis 'n lieflike aand en verskeie staaltjies is gedeel.
Natuurlik word Anto-sus gebel vir haar verjaarsdag.

Nog 'n pragtige dag,Read more