Italy
Mortola Inferiore

Discover travel destinations of travelers writing a travel journal on FindPenguins.

9 travelers at this place

  • Day110

    Carcassone, Nizza und Monaco

    November 20, 2017 in Italy ⋅ ⛅ 15 °C

    Vordr Côte d' Azur simr Carcassone gah aaluegä. Früeh am Morgä simr los zu derä Burgstadt. Passend zu däm ritterlechä Ort isch o z' Wätter ruuch u windig gsi. Drum simr grad us ersts ines Kafi gah zmörgelä. Nach däm feinä Gipfeli u Tee simr losgloffä dür diä härzigä Gassä. Mega hübsch isches gsi! So viu kuuli, chliini Lädeli mit feinstä Läckereiä usdr Umgäbig u süstegi tolli Sachä hei zum Schmökerä iigladä. So simr schlussändlech mit vouä Täschä zrugg zum Alj und uf Nizza gfahrä. Dert aacho isch dr Camping, womr hei usegsuecht, vou gsi u jedä rundumä zue. Glücklecherwiis heimr scho ä Camping nach Monaco gfungä u de heimr dert chönnä aalütä. Sie hei no Platz gha u so simr churzerhand no über Monaco uf Ventimiglia (Italiä) gfahrä.
    Am nächschtä Tag simr mitem Alj uf Nizza. Dert aacho simr dürnä grossä Park u när diräkt ufä Place Masséna. Dä Platz isch umgäh vo schönstä Hüser i warmä Farbä. Vo dert us simr überä Bluemämärit as Meer fürä u vo dert zumnä Ussichtspunkt, ungerhaub vor Burg. Vo dert heimr ä mega Blick über Nizza u über d' Promenade des Anglais gha – sehr lohnenswärt!
    Witer simr nomau bim Platz dürä u si dert grad anä chliini Breakdance-Show härägloffä. Sehr amüsant gsi. Speter simr ir Shoppingstrass öppis gah ässä u de zrugg zum Alj u ufä Camping.
    Hüt simr uf Monaco. Us ersts simr grad zum Chünigspalast ufä u hei dert d' Wachablösig zuegluegt. Schono imposant, mit welerä Disziplin sie ds machä! Vo hie obä hetmä übrigens ä wahnsinns Usblick über Monaco – sehr schön!
    När simr dür hübschi Gassä zur Kathedralä. Sie isch grösser gsi ausmr hei dänkt u trotz ihrerä Schlichtheit mega iiladend.
    Womer widr dunger ir Stadt si gsi, heimr üs äs feins indischs Zmittag ggönnt u si när überä uf Monte Carlo gloffä. Dr Wäg isch über d' Formel 1-Rennstrecki, dür bonzegi Quartier u zwüschä Prada- u Guccilädä gangä. Zwüschinä simr näbä wissä Tannäböim odr dür wissi "Schneepärk" cho. Schono lustig dä Kontrast vo Paumä, Mönschä i T-Shirts u Fake-Schnee.
    Nachemnä churzä Zwüschähaut am Strand simr när widr zrugg uf Monaco u dert no i Decathlon (Sportladä) letschti Bsorgigä gah machä.
    När heimr die Stadt vrlah u si mitem Alj über d' Rennstrecki – schnäu wi dr Schumi – zrugg ufä Camping.
    D' Côte d' Azur het üs sehr guet gfauä! Mega schöni Gassä u sehr bezoubernd die Städt i denä Buchtä! Vorauem aubä am Aabä, wemer si dür d' Dunkuheit gfahrä, hei d' Städt guldig gfunklet!
    So. U itz isches so wit: morn trätämr üsi Heireis ah!
    Read more

You might also know this place by the following names:

Mortola Inferiore

Join us:

FindPenguins for iOSFindPenguins for Android

Sign up now