Seetag🌊

Hüt isch üse erst Seetag gsi. Mir sind verwached und wo mer us em Fänster glueged hend, isch nüt anders als Meeyr am Horizont zgseh gsi.🌊🌊
De Tag hät guet gstartet: Mir hend e 25min Massage buecht und die in volle Züg gnosse.👳👳‍♀️
Dänn hemer welle öppis z ässä gu hole, aber mir isch scho bim Astou zimlich schnäll klar worde, dass das hüt nüt wird. Innert chürzister Ziit isch mer sehr sehr schlächt worde und ich han mehreri Stund i üsere Kabine verbroucht. Leider hend au d Pille nüd vill broucht.😥
Wo s mer chli besser gange isch, isch scho spöiter am Numittag gsi und mer sind nu chli uf em Schiff ume gschländeret. Nachher ischs scho Ziit für s Znacht gsi. Das hemer hüt im Steak House reserviert. D Jungs hend voll zuegschlage und ihres Fleisch isch u fein gsi. De Rachel und mir isch nüd so nach Steak gsi, drum hend mir üs für en Salout entschiede.🍟🥩🥗
Nach em Znacht simer id Disco a Deck und hend de Oubig usklinge lou.Read more