Mō‘ili‘ili

mir hend defintiv en moment brucht zum achu. schu e chlinä kulturschock gsi. da isch natürli alles wiedr greglet und suber.
aber d sprach vermissed mir schu chli. am flughafe hani natürli erwartet as mir mitemä hawaiichetteli begruässt werded. sind de au e hufä, wo abgholt wordä sind. mir hend gwartet und gwartet, aber leider het üs niemert abgholt. guäät de mached mir üs halt selber ufä weg und hoffed uf das chetteli im hotel. eis luxushotel reit sich da as nächstä und laht üs natürli träumä, we wohl üsers hotel usgseht. ja träum platzed de schnell. im hinterhof e chlises hostel im massäschlag und chetteli gits au keis. jaa tooll, ich han gmeint mir mached da feriä🤣

guäts essä da git in hülle und fülle und mir hend üs ganz spontan entschiedä de riis i nächster ziit doch vu üserem spiisplan z strichä. chunt au für üs ganz überraschend. 🤣
z essä isch himmlisch aber prisä nöd so ganz. mönd üs au da zerstmal wiedr chli umstellä.
i jedem lebensmittel lade chame frischi poke bowl, nudlä, pizza etc poschnä und au sust sind diä läde en traum alles isch schü sortiert und gordnet. schu lang nümmä sonä schönä lade gseh🤤
honolulu selber isch riiiesig. e rieesigi grossstadt. allgemein hemmer üs d inslä chlei chliner vorgstellt, aber bis ez macht o'ahu en guätä idruck. Czytaj więcej