November 2017
  • Day29

    Dag 29 - Terug Kaap toe

    November 29, 2017 in South Africa ⋅ ☀️ 22 °C

    Vandag ry ons 850 km van Brandkaros teen die Oranjerivier terug Kaapstad toe. Dit bring ons totale reisafstand op 3840 km na 29 dae op pad. Baie dankie aan al die wonderlike mense wat ons padlangs gehelp het, gehuisves het, kos gegee het en hul tyd gedeel het. Sonder julle sou hierdie reeks van Weg Agterpaaie Weskus nie gebeur het nie. Dankie ook aan Via en Red Pepper Productions vir die geleentheid. En dankie aan almal wat ons reis hier gevolg het. Sien julle iewers op die agterpaaie!

    Weg Agterpaaie Weskus begin op 17 Januarie 2018 op Via om 8.30 nm. Nuwe episodes weekliks om Woensdae 8.30 nm. met heruitsendings Sondae 8 nm.
    Read more

  • Explore, what other travelers do in:
  • Day28

    Dag 28 - Na Alexanderbaai, en die einde

    November 28, 2017 in South Africa ⋅ 🌙 17 °C

    Onder Rail se Kop word ons wakker, en pak teësinnig op. Rey vat voor, Beenbreek-pad uit, en ons groet hom by die teerpad. Nou ry die twee Fortuners (een met Toast en Sophia in, die ander met kameramanne Chris Kritzinger en Louw Prinsloo) alleen langpad Alexanderbaai toe. Daar gekom drink ons koffie by Oppie Stoep en ry dan tot teen die see - hier hou Weg Agterpaaie Weskus op. Agter ons lê 3000 km wat ons binne 28 dae afgelê het, 13 episodes is opgeneem en 2 skaapkoppe geëet. Ontelbaar hekke is oopgemaak en ewe veel stories gehoor van die wonderlike mense van hierdie geweste. Dankie aan almal wat ons gehelp het padlangs, ons waardeer dit. Weg Agterpaaie Weskus begin middel-Januarie op Via.

    Oornagplek: Brandkaros, naby Alexanderbaai
    Read more

  • Day26

    Dag 26 - Na Die Dal Van Doodskaduwee

    November 26, 2017 in South Africa ⋅ ⛅ 27 °C

    Nee, dit was nie maklik om hier uit te kom nie, maar nou is ons hier... Die dag begin by Hamerkop teen die Oranjerivier. Rey lei vir Sophia oor 'n paar erge hindernisse, dan volg ons die rivier tot by Vioolsdrif voor ons Boesmanland se berge invaar. Die aand eindig met carpet bagger steak en Babs se aartappelslaai. Die lewe is goed vir ons.Read more

  • Day25

    Dag 25 - Eksteenfontein en Richtersveld

    November 25, 2017 in Namibia ⋅ 🌙 26 °C

    Dit is tyd vir die wildernis. Eers kuier ons by tannie Rachel en oom Koos Strauss in Eksteenfontein waar ons droogte, liefde en Springbokrugby bespreek. Dan lei Rey Janse van Rensburg ons langs die Stinkfonteinberg af voor ons wegswenk oor klippers en deur klowe na die Oranjerivier. Hier is die stilte later pure psalms en gesange.Read more

  • Day24

    Dag 24 - Port Nolloth

    November 24, 2017 in South Africa ⋅ ☀️ 30 °C

    Vanoggend verken ons eers Kleinzee saam met Quiryn Snethlage en Werner Engelbrecht en dan tour de force George Moyses ons deur die diamantgeskiedenis van Port Nolloth. Ons gesels met Rozanne Hanekom en haar pa Bias by Maresol-restaurant en dan raak ons rustig in McDougallsbaai.

    Oornagplek: Dis Al, McDougallsbaai
    Read more

  • Day23

    Dag 23 - Kleinzee

    November 23, 2017 in South Africa ⋅ 🌫 6 °C

    By die Kleinzee-museum ontmoet ons vir Rodville Adams en Natalie Weyers, dan gesels ons verder diamantstories by die gholfklub saam met Johan 14 Mostert, Koos Polony, Langmouter Coetzee en Rudolf Nelson. Derek Pieterse, Henry Swart en Hein Frylinck probeer dan hul bes om vir Sophia en Toast te leer gholf speel...

    Oornagplek: Lazy Whale, Kleinzee (Natalie: nats.weyers@gmail.com)
    Read more

  • Day22

    Dag 22 - Springbok

    November 22, 2017 in South Africa ⋅ 🌙 12 °C

    Springbok is een van die mooiste dorpe in die Noord-Kaap. Vandag kuier ons by Annelize en Roelf Erasmus van die Springbok-lodge, dan vaar ons die dorp in vir proviand-aankope, gasbottel volmaak en wasgoed was. André Botes wys later vir Sophia hoe om sy hot-rod te bestuur op die dorp se ovaalrenbaan. Gelukkig mag sy nie vinniger as tweede rat gery het nie...

    Oornagplek: Springbok-lodge
    Read more

  • Day21

    Dag 21 - Boesmanland

    November 21, 2017 in South Africa ⋅ 🌧 8 °C

    Die dag begin met stuifreën en koue op Pedroskloof buite Kamieskroon. Ons ry agterpad oor Gamoep, en op Dabeep sien ons hoe Boesmanland-boere ontvangs neem van droogtehulp uit Hartswater se wêreld. Die kouefront bly heeldag hang, tot op Kangnas waar ons gholf speel, in die veld stap en skaaptjops braai.

    Oornagplek: Springbok-lodge
    Read more

  • Day20

    Dag 20 - Hondeklipbaai na Kamieskroon

    November 20, 2017 in South Africa ⋅ 🌙 17 °C

    Die pad lei ons van die wildeperdekrag van die Atlantiese Oseaan se branders oor berge en dale deur die kurkdroë Namakwaland na Kamieskroon waar ons dieper die berge invaar tot by lieflike Pedroskloof-gasteplaas. Hier wys Sulene en Berto Archer ons hoe jy skaapkop voorberei en dan, dan eet ons dit.

    Oornagplek: Pedroskloof-gasteplaas, pedroskloof.co.za
    Read more