Fast ehn Wuche ha ich schlussändlich in Tokyo verbrocht und es gäbt no so viel meh z gseh!
Ih dene Täg han ich viel verschiednigi Pärk und Tempel ahgluegt, bi über de berüehmti Shibuya Chrüzig gloffe, ha d Mangaläde in Akaihabara bestuhnt, bi ah Fischmärt in Tsukiji und no so viel meh. Die Stadt esch unglaublich abwächsligsriich. Sie schiint mer för so ehn riese Metropole relativ ruhig und gordned. D Lüüt sind fründlich aber viel weniger offe als z Südamerika.
Ei Tag han ich mit ehnere japanische Kollegin vom Lauro verbrocht. Sie hed mer einiges über d Lüüt und d Ritual in Japan chönne verzelle. So weiss ich jetzt wie mer vor ehm Bätte ih ehmene Tempel richtig d Händ und s Muul wäscht und ha mer ehn Frog zu minere Zuekunft vo ehmene Zättel zie System loh beantworte. Ahnschinend glaubed d Lüüt do sehr starch ah Zuekunftsvorhärsage und Wunscherfüllige au wenn die meiste nömme werklich gläubig läbed und ah Zeremonie teilnähmed.Read more
Travelerei,,Irina,die Reklame Digitaltafle überall,de Strom wo das brucht,lüchte die Tag und Nacht?und ich hoffe hesch e schöni Läbhafti Zukunftsprognose!! Hihi...
Traveler ei,,Irina,die Reklame Digitaltafle überall,de Strom wo das brucht,lüchte die Tag und Nacht?und ich hoffe hesch e schöni Läbhafti Zukunftsprognose!! Hihi...
Traveler Ja die Tafele lüchted immer 🙄. Min Zättel meint "good fortune" zu minere rästliche Reis wenn ich immer schön de Götter folgi 🤔
Ach so gern eürd ich chli mit dier dur d städt schländere und sache go aluege😍😘-sabi