Satellite
Show on map
  • Day317

    Tag 28 - 29: Stonetown, Zanzibar

    June 16 in Tanzania ⋅ ⛅ 27 °C

    Üsi Reis hed üs vom Festland wäg uf die kulturell sehr anderi Insle Zanzibar brocht. Det herrscht ehn grössere Arabische Ihfluss. Das merkt mer sowohl am Ässe als au ah de Chleidig und de Architektur. Gschichtlich hed d Insle ehn trurig Vergangeheit wo sich viel um Sklaverei treit. Höt esch sie vorallem för de Gwörzhandel und die schöne Stränd bekannt.

    De 16ti Juni esch ehn lange reise Tag gsii. Ich ha das Gfühl vom Unterwägs sii mit Tucktucks, Schiff und z Fuess mega gnosse. Mer händ zwoi Boot, zwoi Tucktucks und zwoi chlini Spatziergäng brucht zum uf d Insle cho :)

    Det ahcho hämmer denn diräkt ehn Tour ih Gwörzgärte vo Zanzibar organisiert gha. Mer send zerst zu öbberem is Huus brocht worde zum es lokals Zmittag gnüsse. Ganz im arabische Stil simmer alli uf ehm Bode ghocked. Nacher simmer zu ehmene Gwürzgarte gfahre worde. Det hämmer ehn Füehrig chönne gnüsse und händ ah allne mögliche Gwürz früsch ab ehm Baum gschmöckt. Am Schluss händs üs no lustigi Hüet us Bananeblätter bastled, mer händ ehn jungi Kokusnuss und verschiednigi Frücht chönne probiere. Zrug im Hostel han ich chli Pause gmacht und bi denn am Obig mit es paarne vo de Gruppe ah Märt go ässe.

    Am nöchste Morge han ich mich für ehn Tour zu de Gefängnis Insle ihgschriebe. Mer sind mit ehmene chline Böötli use gfahre und händ det die riesige Schildchröt chönne bsueche. Nacher händs üs au no s ursprünglich plante Gefängnis zeigt und mer händ chönne go schnorchle. Bevor mer am Nomittag wiiter zum nöchste Hotel gfahre sind hämmer no Ziit gha för ehn Stadtfüehrig.
    Read more