Parque Nacional Cajas

Obwohli gester eigentli vernünftig gsi bin, verfluechi de Wecker hüt Morge es bitzeli. Bi mi glaub eifach nüm gwöhnt aber es isch ja für en guete Zweck 🤪
Han mitem Paul und theoretisch sim Lehrerkolleg abgmacht zum Wandere aber mir sind denn nume s'zweite. Fast so pünktlich wie abgmacht chömemer beidi es bitz z'spoht ad Bushaltestell. Richtig ecuadorianisch :) De Bus bringt eus in Parque Nacional de Cajas, womer eus de Empfehlig vom Parkmensch büüged und d'Wanderig mit 13 statt 16 km anehmed wil di ander anschiinend 2 Täg duured, was mir eus ned chönd errechne aber naja, er wird scho sini Gründ ha. Zude Wanderig selber chani ned viel meh sege als dases super schön, spassig und astrend isch. De höchst Punkt hämer uf 4200 müM erreicht. Es bitz erinnered mi de Park ad Schwiiz mit Bergsee, viel grüen und Felse. Chumi grad Heiweh über - niicht :) Oh und de Paul als super organisierte Mensch (oder Maa 🤣) hät immerna kein Rucksack und irgendwie häter au ned s'Gfühl gha daser öpis z'esse brucht. Ich han das alles gahnt und gnueg Züg für beidi debi 😂💪
S'Endi vode Wanderig isch ned bim Afang und es hät au kei Bushaltistell. Mir macheds aber souverän uf di ecuadorianisch Art und stopped eifach de negstbest Bus wo verbifahrt. Z'Cuenca stellt sich use, dases en zweite Busterminal git und dete schmeisster eus denn all use. Aber chunnt eigentli au gar ned drufa vo wele Siite dasmer id Stadt ine laufed. S'schlechte isch, dasi eigentli am andere Terminal es Busticket für min Transfer ad Küste han wele löse aber naja, wird wohl au morn spontan klappe... De Weg id Stadt füehrt verbi anere Heladeria mit wie sich usestellt sehr feinem Glace und emene Café mit feinem Chueche und heisser Schoggi. Hämer eus aber au verdient ^^ Und denn endli schaffis zrugg im Hostel zum mini Wösch zemelegge. Nach zwei Täg 😂 Zum Znacht hani mi bim Paul im Studenteheim iiglade - clever, denn muesi mer ned überlegge wo dasi sus wett go esse wil d'Chuchi im Hostel lached mi ned soo a... Mir hends wider lustig, losed us irgendwelchne Gründ plötzli Schlager und vergessed scho fast, dasmer beidi voll uf de Schnore sind ^^
Schliessli bringt mi s'Taxi is Hostel, woni mini letst Nacht für es Ziitli uf dere Höchi in Agriff nime. Das mitem viel trinke i dere Meereshöchi muesi z'Bolivie denn besser im Griff ha. Ha recht Chopfweh 🙈Read more