検索条件をリセット
Borboas trip
  • Adrian Borboa
  • Jeannine Borboa
  • Marion Fluck

Borboas trip

Adrian, Jeannine & Marionによる207日間のアドベンチャー もっと詳しく
+5
フォローする概要カレンダー共有共有死ぬまでにやっておきたいことリスト
最新のものから
  • Borboas trip

    Heilig Abig i de badhose

    2023年12月24日, カンボジア ⋅ 🌬 29 °C

    Hüt isch heiligabig und mir sind scho sit em morgä am schwitze 😅😅. Es isch mal echli öpis anders wiitweg vo deheime i de wärmi wiehnachte fiire😂😂.
    Hüt mache mer en Schnorchelusflug. Swasser isch echli trüeb gsie, aber mir hend es ganz schöns farbigs riff gseh. Es het en huufe seeigel ka. Mir hend also echli müsse ufpasse bim schwümme🙉🙉.
    I dem usflug isch au na fische debi gsie. T Jeannine het sich als wahri fischermeisterin bewisse. Sie het zwei us em Wasser zogä. Natürlich het sie ganz stolz possiert. De Adrian het nur ein mini Fisch mit glück gfange. Wo er mit gröster chraft-astrangig und ere verschwitzte stirn de fisch ufs boot zogä het, het er gseh, dass de haage im Aug vom fisch isch🙈🙈.
    Mir hend de sunneundergang am strand chöne luege. T jeannine het en sangria trunke und de Adrian es bier. Ganz schöni farbe am himmel!
    Wos dunkel gsie isch, simmer nomal mit em boot usetukered und hend chönd mit fluoriszierendem plankon schwümme. Wemmer sich im wasser bewegt lüchtet de plankon uf. Es gshet echli so us als wäri mer vo chline sterne umgä, wo ganz churz uflüchted. Ganz e schöni erfahig 🙂

    Natürlich hemmer sehr fein znacht gesse, en hamburger und na paar cocktails trunke 😎✌️.    もっと詳しく

    翻訳をご覧ください
  • Borboas trip

    Merry Christmas🌲🌴

    2023年12月25日, カンボジア ⋅ ⛅ 29 °C

    Hüt simer mit emene schöne Kater verwachet. Drum simer nach em Zmorge grad nomal is Bett go netflixe und schlafe. Am 2 het den oise Wecker glüte und mir händ as Wiehnachtsässe vom Hotel chöne ga🤤 ganz traditionell mit Truthan😄 es westlichs Ässe hämer aso au mal wieder sehr gnosse😊🤤🥰
    De Abig hämer den am Strand mit enere heiss umkämpfte Uno-Meisterschaft usklinge la...
    Mir händ e wundervolli, entspannti und unvergässlichi Wiehnachte z zweite gha 😍🥰❤️    もっと詳しく

    翻訳をご覧ください
  • Borboas trip
    Erschlage vo Mumbai

    Mumbai Elephant island ohni elephants

    2023年12月25日, インド ⋅ ☀️ 31 °C

    Hüt mache mer en usflug nach Elephant Island in Mumbai. De witz isch, es het garkei elefante uf dere insle. Es het früener grossi statue vo elefante ka, daher de name 😉. Mir hend mit ville indische lüte gschwätzed uf em boot.

    Uf dere insle isch e grossi tempel alag innere höhli, wo alli figure in stei gmeisled worde sind. Sehr idrücklich wemmer bedenkt das die höhlene rund 1500 jahre alt sind. De tempel isch am hindu gott Shiva gwitmed.

    Mir hend temporär en amerikaner i eusi gäng ufgno, de Jason. Er het eus de tipp gä am Marine Drive es Eiscreme-sandwich go esse. De lande isch sehr bekannt in Mumbai und es git Eiscreme-sandwich i allne sortä 😎😎✌️. Aschlüssed simmer in e rooftopbar vomene wahnsinning chice hotel. Mir hend öpis trunke und echli gsnacked.

    Uf em heiweg simmer öpe 2 stunde im vercher gstande. Am endi hemmer eus für mindestens e halbi stund nüme bewegt. Die strass isch total blockiert gsie vo Lastwege, wo vo hand belade worde sind. Mir hend gseh, dass es e zugstation ganz i de nöcht het wo en zug fahrt wo direkt zu eusem hotel gat. Wer scho mal e doku über Mumbai glueged het weiss, die züg sind total überfüllt und türe gönd nöd zue 🙈🙈. Mir sind also us em taxi usgstiege und hend eus agfange dur t autokolonä schlängle bis zu de zugstation isch alles volä mensche und autos gsie🤷‍♂️🤷‍♂️. Mir hend en herr gföged ob er eus helfe chan billet poste. Mir sind mit ihm eimal quer dur de Bahnhof an en schalter und hend es billet für umgrechned 5 rappe posted. Da chan sich eusi SBB au mal e schiibe abschnide 🤣🤣. Wo de zug igfahre isch hend alli gseit t jeannine und t marion sölled is fraue abteil, will de zug so vollä isch. De adrian isch also ganz älleige gsie iquietsched zwüsched ganz vill inder. Es isch aber e super tolli faht gsie. Es gaht en wind will türr offe sind. Lüt läned us de offnige türe use und z skyline vo Mumbai wo am zug verbi ziet. Es grandioses bild. Vo detä aah isch de zug euses hauptverchersmittal gsie zum in Mumbai ume cho.

    Nach all dene erläbis simmer na im McDonalds euse hunger go stille. Es git natürlich kei hamburger mit rindfleisch, sondern alles nur mit poulet oder chäs. Natürlich hend alli hamburger au en indischr gschmack🤣🤣.    もっと詳しく

    翻訳をご覧ください
  • Borboas trip
    Oisi Hotelrächnig😅
    De Gang vom BusOisi KabineZwei Sardelle i de Dose

    Bye bye Island Life

    2023年12月26日, カンボジア ⋅ ☀️ 30 °C

    Scho bizeli trurig, hämer eus hüt vom Hotel, em sehr nette Personal und em Island Life müsse verabschiede. Mir händs meega gnossse, 10 Täg mal nüt gross "müsse entdecke"😅, sondern eus ganz dem süesse Nütmache chöne hiige😊
    Mit de Fähre isches wieder zrug nach Shianoukville gange, wo de Nachtbuss für nach Siem Reap uf eus gewartet het. S Imodium hämer natürli griffbereit i eusem Rucksack gha😅

    Bi dem Busunternähme, wo im nirgendwo gsi isch, hämmer welle eusi Reservation zeige. Die Dame het den gmeint "not have". Haha mir händ d Tickets für mitti Januar 24 reserviert😅🙈
    Zum Glück het sie aber für hüt Abig no zwei Plätz gha und mir händs Datum eifach chönne apasse😁. Leider aber get de Bus keis WC - binere 10 Stunde Fahrt😱

    De Bus het Lige-Kabine für je 2 Persone gha, mer muss aber säge, dass die Grössi vonere Kabine sich a asiatische Persone orientiert het😅 es isch rächt äng gsi und wenn sich öpert vo de einte site uf die ander dreit het, het das die anderi Person au müsse🤣 es isch au, wie i jedem Bus in Asie, iischalt gsi und het mega zoge. Naja irgendwänn simer den igschlafe, will wo mer verwachet sind, sind scho alli andere usgstige und mir sind no die einzige im Bus gsi🤣    もっと詳しく

    翻訳をご覧ください
  • Borboas trip
    Lava- und Sandstei

    Ankor Wat

    2023年12月27日, カンボジア ⋅ ⛅ 30 °C

    Nachemene Powernap isch eus de Tuktuk-Fahrer für de chlini Loop dur die Tempelalage go abhole cho. Näbem bekannte Ankor Wat Tempel gits na ganz vieli witeri. Ankor Wat muss früener e riiisigi Stadt gsi sie - grösser als New York!

    De ersti Halt isch bin Ankor Wat gsi. Für de Teil hämer en Guide gno, wo ois chli drüber verzelle chan. Er het sich den meh als en Fotograf entpuppt als en Guide, aber das isch au ganz oke gsi. Mir händ den am Abig e Doku über die Alag gluegt😅 Ankor Wat isch eifach nume WOW! unglaublich schön und mega friedlich. Es het eus richtig d Sprach verschlage zgse, was Mänsche scho vor 900 Jahr händ chöne baue.

    Nach em Ankor Wat simer no i 2 anderi Tämpel gange. Bim einte hend d Bäum ihri Wääge sogar dur oder über d Muure vom Tempel bahnt. I dem Tempel isch au de Film Tomb Raider dreiht worde. Wüki au sehr schön und mystisch gsi.

    Am Abig simmer durt Pub Street gloffe und sind a dene Fischbecki verbi cho, wo mer d Füess chan inehebe und d Fisch d Hornhut absuget. Uiuiui het das gchüzelet😂    もっと詳しく

    翻訳をご覧ください
  • Borboas trip
    D Realität

    Ankor Wat at Sunrise

    2023年12月28日, カンボジア ⋅ ⛅ 30 °C

    WOW WOW WOW! Hüt simer am 5i vo oisem Tuktuk Fahrer abgeholt worde zum de Suneufgang in Ankor Wat zluege. Es isch bi witem kein Gheimtipp, es het soooo viel Mänsche gha, aber es isch glich umwerfend gsi!

    Nachher hämer de gross Loop und händ no witer Tempel aglueget. Jede isch uf sind Art nomal speziell gsi. Gäg de Mittag simer wieder im Hotel gsi und händ zerst mal chli Schlaf müsse nahhole😍😴    もっと詳しく

    翻訳をご覧ください
  • Borboas trip
    1

    Abreis nach Bangkok

    2023年12月29日, カンボジア

    Hüt gahts wiiter uf Bangkok für Neujahr. Mir sind scho früeh am morgä los zum pünklich am Flughafe si.

    In Bangkok acho simmer nach em ichecke zerst mal öpis go esse. Wie chönd mer das Besser als a de Khaosan Road, party meile vo Bangkok 😎🤙. Über de tag gseht mer dere strass nanig aah wie wild sie chan werde. Es het vorallem street food.
    Gestärched miteme Pad Thai und Tom Kha Gai suppe hemmer eus en plan zrecht gschmieded.
    Bangkok het einzigartigi transport möglichkeite. Es git grossi taxiboot. De besti weg für grossi distanze züberwinde und am strassevercher uszwiiche vo dere metropole.

    Mir sind miteme boot richtig China-Town. Es git dentä en huufe chlini lädeli wo alles mögliche verchaufed. Mer chan au delikasse wie insekä oder skorpion esse wo ganz sicher allne feinschmöcker-gaume munded. Natürlich hemmer eus espaar fritierti made und heugümper nöd chöne entga laa 😅😅.

    Am abig hemmer snacht lebe vo Bangkok erkundet. Mir sind retour at Khaosan road. Zerst simmer in e rooftop-bar eis go trinke. Mir sind bis zu de früeh morgestunde vo bar zu bar zogä 😎✌️.    もっと詳しく

    翻訳をご覧ください
  • Borboas trip
    1

    Plan über Plan :-)

    2023年12月30日, タイ

    Euses Ziel isch hüt de Königspalast. Chum us em Hotel cho, het eus scho en Tuktuk-Fahrer agsproche und het gmeint, de segi weg em Silvester hüt Morge nur für Thai-People. Er chönnt ois aber e tolli Tour dur Bangkok abüte für nur 100 Bath (ca. 2.50 Fr). Nach öpe 3mal Tour beschriebe, het sich irgendwo en Halt inere Factury igschliche. Dete hätte de Adi sich en maasgschnuiderte Azug chöne mache la. Wo er bestimmt gseit het, er weli das nöd, het er eus Schaal wele verkaufe und dänn no Strandhemper. Nach emene Tempel und em Big Buddha hemer no bimene Schmuklade en halt gmacht. Au Det hends mit eus kei Umsatz gmacht😅
    Nach dere Tuktukfahrt hemer no e Bootstour gmacht zum schwümmende Markt. S Bootsfahre i somene Longboot isch toll gsi, aber bim Markt isch nöd viel los gsi und gschwümmt het er au nöd wüki. Isch aber wüki uh chillig gsi i dere Hitz chli Bootfahre.
    Nachher hämers nomal bim Königspalast wele probiere. En Securityma het eus gseit, es hegi u viel Lüüt, mir sölled besser morn Morge früe cho. Er het de gmeint, hüt Morge seg de Palast normal offe gsi... Haha mir sind mal wieder ine Tourifalle gheit😂😂😂 jänu de Tag isch glich super gsi und mir hend u viel gse😊
    Es Highlight het aber no uf eus gwarted. Mir sind uf e Rooftopbar de Sunneuntergang go luege, de Usblick isch gigantisch gsi😍😊    もっと詳しく

    翻訳をご覧ください
  • Borboas trip

    Silvester in Bangkok

    2023年12月31日, タイ ⋅ ⛅ 35 °C

    Hüt de isch Jahreswechsel vo 2023 zu 2024. Mir hend eus ganz es liechts morgä programm vorgno, demit mer am abig lang durehalted. Uf em Programm staht als erst en psuech bim königspalast. Miteme Tuktuk simmer zum igang vom königspalast. De glichi securitas wo eus gester informiert het, dass de palast gester morgä offe ka het isch wieder im dienst gsie. Er het eus informiert, dass touriste erst am namitag in palast chönd. Am morgä segi e zeremoni nur für thailänder. Es bitzeli überrascht hemmer im zueglosst wo er eus es alternativs programm erchlärt het, mitere bootsfahrt und verschiedene tempel. Im aschluss a die tour segi de königspalast offe. Natürlich organisieri er eus en super priis. De Adrian het ihn die ganzi story abkauft, aber t jeannine het gseit: "De verarscht eus, gömmer mal go luege".
    Wommer gseit hend mir gäched mal go luege, het de herr securitas gseit es segi sinnlos, de palascht isch zue. Mir sind im devo gloffä und de herr securitas het eus echli ufbracht nachli hinde her grüeft. Bim hauptigang vom palast acho, siehe da, er isch zuegänglich für alli 😂😂.
    Es isch interessant wie vill vertaue mer anere person schänkt, wo schienbar e autoritätsperson isch, au wenn sie nur securitas chleider ahet, wommer i jedem zweite lade chan chaufe 😅😅.

    De palast isch voller dekoration. Au isch en schöne tempel im palast. Mir sind nöd so lang bliebe, wills en huufe lüt ka het 🙈. Mir sind im aschluss na e gigantischi liggendi Buddha-Statue go aluege.

    Euse Silvester het mit em Event Amazing Thailand agfange. A dem event hets verschideni traditionelli ufführigä gä, wie tänz und musig. Mir hend entschiede, dass mer mal öpis chlises esses und eusi erwartige an silvester re-evaluiered 😂😂. De event isch echli gar ruhig gsie für eus. Me öpis für familiene mit chind. Es het nöd mal öpis alkoholisches zum astossä gä😅😅. Mir sind verschiedeni rooftop bars go abklappere. Leider sind die meiste scho voll usbueched gsie oder wahnsinnig tür zum ihnecho. I einere wo mer ihne cho sind, isch echt echli schlafmusig gloffe. Mir hend also eusi drinks trunke und hend eus wiiter überleit was mer mit euses silvester astellä sölled.
    Am schluss isch euses neujahrsesse en hamburger vom Burger King gsie. Wo chönt mer besser astossä in Bangkok als a de Khaosan road miteme chübel rumcola😂😂. Zum ufs neue jahr astossä und führwärch luege simmer ufs dach vo eusem Hotel.
    Mir sind bis it morgä stunde nacher wieder at Khaosan road go feste.

    A alli Happy Nee Year! 🎊🎊🎉🎉🥳🥳🥳    もっと詳しく

    翻訳をご覧ください
  • Borboas trip

    Neujahrstag

    2024年1月1日, タイ ⋅ ⛅ 35 °C

    Hüt hemmer ganz en fuule tag ka. Mir sind go zmörgele und de rest vom tag simmer im hotel umeghägt. Tjeannine het Egg-Benedict gesse und de Adrian es english breakfest 😎🤙. Am Abig simmer na fein go thailänisch esse.

    Mir segeg bye bye Thailand schön gsie, namastee🙏🙏    もっと詳しく

    翻訳をご覧ください
  • Borboas trip
    Zmittag
    LotustempelDe farbigi PunktErsti Chai

    Namaste Delhi

    2024年1月2日, インド ⋅ ☀️ 17 °C

    Hüt isches gaanz früe wieder losgange und mir sind an Flughafe vo Bangkok. Negst Stopp INDIA😁

    Usem Flugzüüg hämer scho d Berge vom Himalaja gse. Eusi Sitznachbarin het gmeint, es segi chalt in Delhi. Mir händ sie chli belächelt, als obs in Indie chalt chan si. Als den alli Lüüt ihri Bomberjaggene füregholt händ, hets eus den glich chli verunsichert. Wo mer den usem Flugi gstige sind, isch eus nöd Wärmi wie erwartet entgegen cho, sondern es isch bitterkalt gsi, häääää???😂😂😂 da het wohl öpert d Klimaalag in Delhi ztüüf igstellt😂😂

    Im Hostel hämer den als ersts all eusi warme Sache usem Rucksack füregrabet und eus warm agleit.
    S Hostel het eus i de nöchi es Resti empfohle zum Zmittag ässe. Mir sind e richtigi Atracktion dete gsi und all händ mit eus agfange schwätze. Eine het den am Adi sind goldigi Visitecharte it Händ druckt, dass er de Botschafter in Somalie oder so ähnlich isch.

    Mir händ den usegfunde, dass mer Tuktuk au mit uber bstelle chan. So muss mer nöd um de Priis handle und mer chunnt sicher au det a wo mer hi wet. Also hämer grad eis müsse bstelle und sind für öpe 90 Rappe zum Lotusdämpel gfahre.
    Vor em Lotustämpel isch den so richtig Chaos gsi, aber eifach nume geil😁
    Bim Lotustämpel sind alli Mänsche, egal was für e Religion willkomme und all chönd drin uf ihri Art au bäte. So Ört bruchts definitiv meh uf dere Wält😊🥰

    Es isch au rächt näblig gsi oder isch das ächt Smoog? Eine het gmeint, es seg e Mischig🤷‍♀️

    Wo mer wieder us em Tempel cho sind, hend ganz viel Mänsche mit eus wele Föteli mache. Grad jungi Meitlis händ a de Jeannine bsundrigs freud gha😁

    Mir händ grad zunenand gseit, wie fründlich dLüüt sind und au nöd ufdringlich. Paar Sekunde nachher isch e Frau uft Jeannine zuecho und het ihre mit Farb es Zeiche uft d Stirn wele male. Sie het das aber nöd wele und die Frau het eifach nöd ufge. Tja d Jeannine het den en Farbpunkt meh und 50 Rupie weniger gha😂😂😂

    Nach dene erste Idrück simer rächt erschöpft is Hotel zrug. Immerno papsatt vom Zmittag simer is Bettli gheit und sind igschlafe....    もっと詳しく

    翻訳をご覧ください
  • Borboas trip

    Die 3 Musketiere in Delhi

    2024年1月3日, インド ⋅ ⛅ 16 °C

    Hüt isch euse Tag scho sehr frühe losgange. Mir sind tmarion am flughafe go hole, wo am 2 am morgä gladed isch. Bim warte hemmer natürlich Chai-tee trunke und mit verschiedene lüt es schwätzli kalte. Demit kein komische idruck entstaht, verzelle mer allne tmarion isch tschwöster vo de jeannine. En herr am flughafe het de adrian mega usglacht das er jetzt gar kei freiheit me het, will er ja nöd nur mit sinere frau sondern au mit sinere schwögerin reist 😂😂. Nach dem mer tmarion in Delhi empfange hend, simmer nomal go schlaffe im hotel.

    Will mir ja an e indischi hochziit gönd, simmer hüt in Fabindia lade go chleider im indische stiel go poste. Inder stönd uf farbe und es isch alles echli glänzig😂.
    Shoppe macht hungrig, mir sind en herrliche zmittag go esse imene vegi restaurant. Mir hend glärnt das indischi portione gigantisch sind und es langed 2 gricht für 3 lüt pstellä 😂😂.

    Am abig hemmer na e street food tour gmacht. Mir sind e 4er gruppe mitere amerikanerin gsie. Mir sind au go sari aluege und natürlich sind tmarion und tjeannine mal i eine inegschlüft. Mir hend ganz e lustischi guidin ka, wo eus vill erchlärt het über indie und straditionellä esse. Alles super lecker 😁.
    Tour isch bi de Jama moschee, die grössti moschee in Delhi, fertig gsie. Um die mosche hets en gigantische bazar wo alles mögliche verchauft wird. Mir sind a de bazar zum erste mal mit strassechinde in berüehrig cho, wo sich a eus festkebed hend und bettled hend. Das isch würklich sehr schwer für tseelä zum das eso erläbe gsie. Tarmuet isch e sehr trurigi realität in indie.    もっと詳しく

    翻訳をご覧ください
  • Borboas trip

    Salaam Baalak Trust

    2024年1月4日, インド ⋅ ⛅ 17 °C

    Hüt isch e Delhi walking Tour mit ehemalige Strassechinde ufem Plan gstande. Salaam Baalak isch e NGO wo Strassechinde en Ort gebet, wo sie öpis Ässe und Hilf bechömed. Sie schaffet au mit Kinderheim zäme und händ so e Art Tagesstätte, wo sie chönd spiele.
    Euse Guide isch de Faruk (20i) und d Kaial (17i) gsi. Sie hend eus vieles übers Läbe vo Strassechinde verzellt und hend eus bim Bahnhof zunere Uffangstation bracht. Da vieli Chind vo dihei weglaufet und mit em Zug uf Delhi gönd zum Bollywood Star zwerde, chönds dete Hilf hole. Wo mer ine sind, sind öpe 12 Kinde dete gsi zwüsche 6i und 12i. Sie händ rächt verwuschlet usgse und händ alli kei Schue agha. Das Bild het sich sehr bi eus ibrännt. De Faruk het au verzellt, dass die einte nöd is Heim wänd, will sie scho süchtig nach öpisem sind.
    Den het er eus e Gass zeiget, wo d Chind die gesammelte Pet Flaschen chönd abge und es paar Rupie defür bechömed.
    Imene nögste Gebäude isch wie en Hort gsi. Dete händ es paar Chinde gespielt und Ufzgi gmacht. Mir händs eus nöd zweimal säge la und händ mit de Kinde agfange spiele. Mir hätted die am liebste grad mithei gno, so herzig sinds gsi.
    D Kaial het no ihri Gschicht mit eus teilt. D Muetter isch mit ihre und de Gschwüsterte vom Vater abghaue und uf Delhi gflüchted. Dete isch sie so arm gsi, dass sie d Kaial is Heim ge het, dass sie öpis zässe bechunnt. Mittlerwile wohnt sie wieder bi de Muetter und het de Traum Künstlerin zwerde. Dank de NGO chan sie ez at Kunst und Schauspielschuel. De Faruk het sich chönne selbstständig mache und macht ez 3D Animatione. Wie bewundernswert muetig die zwei und au die andere Chinde sind, wird eus immer in Erinnerig bliebe❤️.
    Nach dere Tour hämer zerstmal e Pause brucht und sind öpis go Ässe.

    Nach de Tour simer in Old Delhi inen chline Tempel. Mir händ d Schue und d Söcke müsse abzie, uff isch das chalt gsi.
    Nachher simer im red Forth go umelaufe und sind i die grösst Moschee vo Indie.

    Da mer nonig gnueg gha händ, simer witer zum India Gate und es händ verschiedene Lüüt Föteli mit eus gmacht😂😂😂

    Nach dem hämer für de Momänt gnueg gha und sind is Hotel. Mit es paar Zimtstern Guetsli (Danke Rebi & Frank!) im Muul hämmer de Film Slumdog Millionär glueget.    もっと詳しく

    翻訳をご覧ください
  • Borboas trip

    Mandawa

    2024年1月5日, インド ⋅ ☀️ 17 °C

    Hüt fangt eusi tour in Rajasthan an. Mir hend für 2 wuche en fahrer wo eus dur die wüeste landschaft chauffiert 🙂. Die ersti fahrt isch vo Delhi nach Mandawa rund 6 stunde. Euse Fahrer heisst Irfan und isch sehr bemüeht, dass mir eus wohl fühled 😂😂.

    Mandawa isch sehr bekannt für sini havelis. Das sind hüser wo früeher de riche chauflüt kört hend und vor rund 200 jahre baut worde sind. Die havelis sind sehr schön bemalt und mer chunt echli en idruck über wie mer früher da in Rajasthan glebt het. Euses hotel isch au es umbauts haveli. Sehr schön dekoriert und sehr grossi zimmer. Alles isch us marmor baut. Es isch voll winter da in indie also isch es i de zimmer ohni heizig und alles us stei au sehr chalt😅.

    Mir hend e tour miteme führer dur Mandawa gmacht und verschiedeni haveli alueged. Es het au verschiedeni europäer gä wo sich da niedergla hend und ihri havelis im europäische stiel bemalt hend. I eim heveli hend sogar echts gold it wandbemahlige inegarbeitet.

    Am abig hemmer na en u feine znacht im hotel ka und de film white tiger gluged wo in indie spielt😀.    もっと詳しく

    翻訳をご覧ください
  • Borboas trip
    Rattentempel
    Mmmhhhhhhhh

    Bikaner

    2024年1月6日, インド ⋅ ☀️ 10 °C

    Nachere 4h stündige Fahrt, wo d Marion wieder gued gschlafe het, simer in Bikaner acho.

    Adi & Jeannine hend den no in Rattetempel welle. D Marion het den zerst Mal chli Angst vonere neue Pestwelle kah, isch den aber glich mit. Zerst hemer all alti Socke agleit, well mer d Schuhe het müsse uszieh. Zum Glück hets den aber no Fuessüberzieher geh. De Adi isch den vomne Iheimische ufgforderet worde eh Ratte zstreichle,er hets zum Glück nöd gmacht. Mir hetted en den müsse 3 Täg i Desimittel i weiche.
    Aschlüssend ischs zum Bikaner Fort, und uf eh wildi TukTuk Fahrt womer no es chlises Stück z Fuess selber bestritte hend.
    Zum Abschluss vom Tag simer no in wunderschöne Jain Tempel.

    Übernachtet hemer be de Anu, sie weiss wies lauft und het d Marion grad mal als Ministerpräsidentin betitelt. Be ihre hemer uh feins Thali zum Znacht becho.
    D Jeanine und de Adi hend den no SkipBo erlernt, de Adi träumt ez na vom Charte umdrehe.    もっと詳しく

    翻訳をご覧ください
  • Borboas trip

    Jaisalmer wüesti camp

    2024年1月7日, インド ⋅ ☀️ 23 °C

    Hüt hammer es langs fährti vo eus. Mir fahred runs 6 stunde in es Wüesticamp i de nöchi vo Jaisalmer. Mir hend wieder en huufe lustigi sache us em auto gseh. Biespielswiis, überladnigi lastwäge, chäre wo vo kamel zogä werded und natürlich ganz vill chüeh uf de strass 😂😂. Indie begeistered eus alli. Mir hend sgfühl sie lebed ganz nach em motto, wos en willä git gits au en wäg. Das heisst also en lastwage isch nie ganz voll, es bitzeli platz hets immer 😉.

    Im wüeste camp acho hemmer als ersts mal euses zelt bezogä.es isch richtig luxuriös mit eigenem bad und steckdosene. Natürlich hets au es richtigs bett ka 😄.

    Usserd d marion het müsse ufere zuestellliege schlafe, de chli dobby.

    Als ersts hemmer es usfährti miteme jeep über sanddüene gmacht. De fahrer het vollgas gä und mir sind richtig duregschütled worde, wie ufere achterbahn😅😅. Innere sehr steile kurve isch tmarion fast chopfvora us em jeep gfolgä. De fahrer het sich köstlich amüsiert über eus.

    Im aschluss immer mir Kamel richtig sunneundergang gallopiert. Mir hend alli nöd so erwarted, dass kamelfüeger mit eus uf kamel stieged 😅😅. So es kamel chan also na recht züggis über sandüne gallopiere 😂.
    De Adrian het recht en lustige guide ka wo sehr autäntisch agleit gsie isch 😂😂.
    De sunneundergang isch sehr schön gsie zum luege und autänisch für Rajasthan so i de wüeschti mit kamel.

    Zrugg im camp hemmer nüssli und papadam also aperitiv übercho. Sehr hungrig hemmer eus ali druffgstürtz. Nebed eus sind 3 dütschi fraue gsie wo als gruppe greist sind. Es het sich usegstellt, dass de sohn vo einere au im Hirslande Spital schafft und t marion kennt 😂😂. T welt isch amix ganz verruckt. Was es nachli luschtiger macht isch, dass die muetter au marion heisst 😂😂.

    Zum znacht hets verschiedeni indischi gricht wie dahl und currys gä. Da na e grossi indischi gruppe im camp gsie isch, hemmer versteckt Laal Mas übercho. Es curry mit geisefleisch. Wos de cheller pracht het, het er zum Adrian gseit, here your special vegetable 😂😂.
    De znacht hemmer zu indische musig und tanz zu eus gno 😄. Natürlich hemmer, nachdem mer ufgesse hend, mittanzt zum die kaloriere verbrenne wo mer grad zu eus gno hend 🤣🤣.

    Vor em is bett ga simmer nomal it wüeschti zum de sternehimmel aluege mit eusem fahrer.
    Er het eus verzellt, dass coronaziit ganz schwierig gsie isch für ihn. I dere ziit hegis kei tourismus gä und er het müsse sis auto verchaufe zum über trundene cho. Er het au öpis verzellt, das banke überfalle worde sind und alles geld weg gsie isch. Es het eus alle sehr leid ta, da er sehr en nettä und höfliche mensch isch.
    Zrugg im zelt het sich den usegtellt, dass tmarion und tjeannine das mit de banke echli falsch verstande hend 🤣🤣. De fahrer het gseit bankrott wie privat Insolvenz und nöd bank-rob, wied banke sind usgraubt worde. Mir hend alli 3 herzlich glached wege dem missverstädnis 🤣🤣.

    De abig hemmer binere rundi skip bo usklinge la🙂. Wie immer het de adi sini charte nöd im griff kah....    もっと詳しく

    翻訳をご覧ください
  • Borboas trip
    Samosaähnlichs feins DingWäscherei

    Let's go to Jaisalmer

    2024年1月8日, インド ⋅ ☀️ 20 °C

    Nöd ganz verfrohre simer i de Wüesti verwachet. Da es isschalt gsi isch, hämer uf die morgentlichi Duschi verzichted. D Marion und d Jeannine händ samt Jacke und Chape gschlafe, drum simer scho agleit verwachet😂 nach es paar Chapatis (e Art vo Fladebrot mit Honig) simer mit em Fahrer uf Jaisalmer gfahre. Jaisalmer isch au als the golden City bekannt, will alli Hüser und Forth us yellow Stone baue sind. Die Stadt liegt nur no öpe 100km vo Pakistan entfernt. Verruck wo mir da wieder eimal glandet sind😂

    Als ersts simmer is Hotel und händ eusi Morgehygiene nahgolt. Das het alles biz länger duret, da s kei Strom gha het fürt Haare ztröchne, s warm Wasser nur bim Hahne usecho isch und d Chübeltechnik zum dusche het müsse agwändet werde😂😂😂

    Alli drü wieder emal suuber hämer es Bootstürli uf em See gmacht. Dethi chömed vieli Päärli, um Verlobigsföteli zmache.

    Zum Zmittag het eus de Fahrer zum beste Lade für Samosas und Ähnlichi Sache bracht. Jaammmiiii sind die guet gsi🤤 uf em Rückweg simer gefragt worde, ob mer Magic Lassis wend trinke, nach dene würemer flüüge. Aschienend isch Gras und Produkt mit Gras i dere Stadt erlaubt. Natürli hämer dankend abgleht😊

    Als letschti Stopp simer zu ehemalige Gräber vo Maharajas gfahre. Sehr schön händs usgse. Näb dene Gräber sind mir au es grosses Highlight gsi fürt Inder und händ viel Föteli mit ihne zäme gmacht. Anstatt Chees seit mer da Paaneeer😂

    Am Abig simer um es Campfire uf de Terasse vom Hotel ghoket und hend dete no znachtgässe.    もっと詳しく

    翻訳をご覧ください
  • Borboas trip

    Jaisalmer

    2024年1月9日, インド ⋅ ☀️ 13 °C

    Hüt simer im Fort verschiedeni Tempel go aluegge. Für das hemer eusi Schuhe wieder müsse abzieh... und es isch immer nani viel wärmer... mit gfrorene Füess simer den ca 1 1/2h dur Tempel gschlenderet und euse Guide het eus uh spannendi Sache über die verschiedene Religione und ihri Eigeschafte verzellt. D Tempel sind unglaubli gsi, ganz chlini Details a Figure und Muster. Am beste luegeder eifach Bilder ah und sind au beidruckt😄

    Aschlüssend simer usem Fort use und hend de usseri Teil vo de Stadt agluegt. Wieder en huufe Haveli ( Hüüser mit viel Fenster) mit unglaubliche Details.

    Nach so viel Erzählige und laufe simer es chlises Kaninchen 😴 go mache das mer am Abig no hend chöne dur d Gasse schlendere und fein Esse.    もっと詳しく

    翻訳をご覧ください
  • Borboas trip

    Jodhpur

    2024年1月10日, インド ⋅ ☀️ 15 °C

    Nach öpe 5 Stunde Autofahre simer bim Fort vo Jodhpur acho. Jodhpur isch au bekannt als the blue City. D Hüser sind blau agmalet, will die Farb aschienend d Wärmi weniger ufnimt.
    Bim Fort het no es Highlight uf eus gwarted. Dete gits e Zip-Line Tour über en Teil vom Fort. I eusem Vierergrüppli isch no ganz e herzigi Inderin debi gsi. Vo dere Tour hämer au en richtig schöne Usblick übert d Stadt gha.
    S Fort hämer relativ schnäll abglofe, da mer scho einigi gseh händ und grad chli gnueg vo Sightseeing gha händ.

    Nachher hämer no en Halt bimene Gwürzlädeli gmacht, wo mer a viel verschiedene Currys händ chöne schmöcke und eus zeigt worde isch, wie mer richtige und gfakte Safran usenand halte chan. Inspiriert vo all dene Grüch und Gschmäcker hämer eus en Curryvorrat agleit für die nögste paar Jahr😂😍

    Was mer scho mehrmals gemerkt hend, de Adi chan da als Inder problemlos dure ga. So sind scho einigi lustigi Situatione passiert. Bim ichecke im Hotel het d Jeannine uf de Adi zeiget und erchlärt, er segi ihre Ma. De vom Hotel het sie völlig entgeisteret aglueget und gmeint, you really married an indian man?!😂

    Näb eusem Hotel hämer es Rooftop Restaurant gfunde, wo eus de Choch mit typische Gricht vo Jodhpur überrascht het. Es wiises Curry mit Kichererbsebölleli isch wüki de wahnsinn gsi🤤
    Nach em Esse simer no i dene Gässli umegspaziert und händ de normali Wahnsinn vo Indie gnosse😅😍    もっと詳しく

    翻訳をご覧ください
  • Borboas trip
    1

    Udaipur

    2024年1月11日, インド ⋅ ☀️ 25 °C

    Hüt het euse tag sensationell agfange. Mir hend euse kaffi gnosse imeme chline kaffi i de nöchi vo eusem hotel. Uf eimal fahrt es tucktuck verbi wo es geis zwüsched zwei hocked und de chopf usestrecked 🤣🤣. So es guets bild. Leider simmer zlangsam mit föttele gsie.

    Mit em fahrer simmer zerst en Jain tempel go aluege wo komplett us wiisem stei baut isch. Es isch en richtig grosse und schöne tempel. Jain isch e religion mit 24 prophetä. Alli prophetä gsend glich us. Mer chan sie nur dur symbol underscheide wo uf de chüssi isch, wo sind druff sind. I de jain religion gits kei götter, jedoch gits im ganz tempel figure vo hindu götter. Das segi so zum t hindus nöd zverärgere. Au gits bi de jain keis chaste system wie bi de hindus.

    Am spötere namitag hemmer e leoparde safari gmacht. Mir sind miteme Jeep richtig wildnis. Bi verschiedene Steihügel hemmer mit euses Fahrer usschau kalte nach leoparde. T jeannine het t hoffing immer me verlorä, das mer leoparde gsend. Es het au anderi Jeeps mit touristä ka wo uf de suechi nach leoparde gsie, sind. Nach dem mer locker 2 stunde vo hügel zu hügel gfahre sind und keis lebenszeiche vo leoprade gseh hend, het t jeannine alli hoffnig verlorä. Sie isch sich sicher gsie es git kei leoparde wommer gsie sind, und das isch alles nur es abgekartetes spiel isch. Sie hets behauptet, die schaffed eifach alli zemme und verarsched eus🤣🤣. De adrian het so sini zwiefel afange becho. Vorallem wills ganz i de nöchi sidligä wo mensche lebed git. Es het au en huufe chüeh ka wo umenand gloffä sind, wie überall in indie. De fahrer hets eus gseit, t leoparde chömed meistens erst füre, wenns afangt idunkle. T jeannine het gmeint wemmer en leopard gsend, isch es sicher eine wo teil vo dere scharade isch, imene köstüm🤣.de marion isch alles egal gsie, sie isch ganz glücklich gsie, zum eifach nume jeep fahre.
    Es isch langsam dunkel worde und mir sind paarmal um die glichi steihügel gfahre und hend a verschidene pünkt gwarted. En leoparde spotter het euses fahrer gmolde er hegi en leoparde gseh und euse fahrer isch voll caracho zu dem punkt gfahre. Eus hets hinde uf em jeep richtig duregschütled. Mir hend t awiisig becho miteme feldstecher links nebedeme chline baum luege. Siehe da, tatsächlich en wunderschön und pünktlete leopared. Falls das eine imene kostüm gsie isch het er sich also richtig müeh gä😅😅.
    Mir sind nacher na an en andere punkt gfahre wo mer nomal zwei leoparde gsehe hend. Die sind sogar nachli umegrennt. Sehr eleganti tier!

    Sehr glüklich das mer die wildchatze gseh hend, simmer rund 2 stunde witter is stadtzentrum vo Udaipur gfahre. Mir hend alli hunger ka und es isch scho dunkel gsie wommer detä acho sind. Mir hend euses gepäck churzerhand uf eusi better i eusem 4er schlag gschmisse und sind uf dachterrasse öpis go esse. Die andere gest sind am karaoke singe gsie, leider hets keis würklichs taltent debi ka und t stimmig isch au nöd grad usser rand und band gsie. S essensagebot vom hotsel isch echli beschränkt gsie. Mir hend alli en cheeseburger gno. Natürlich indiekonform ohni rind aber mit chicken🙂. T jeannine isch nüme i stimmig gsie zum gross mit anderne gest go karaoke singe. Darum hend t marion und dr adrian s lied teenge dirtbad i ihrem name gsunde 😉.

    Das hostel isch top bewärted im internet. Es het sich usegstellt, dass t realität echli anderst isch. Better sind echli schmudlig gsie. Mir hend alli i euse schlaffseck gschalffe. S badzimmer het wahnsinnig nach kanalisation gstunde und het au sust nöd so iglade zum vill ziit dine verbringe. Wemmer türe vom bad ufgamcht het, het sganze zimmer nach kanalisation gschmöcked. T marion und t jeannine hend e halbi panikattacke übercho🤣🤣. Zum zähbutze sind is bad vom ufenthaltsruum 2 stöck wiiter obe. Sind hend au am adrian verbottä i de nacht detä ufs wc zgha. Er isch aber en chlini rebell und hets glich gmacht 🤭🤭.    もっと詳しく

    翻訳をご覧ください
  • Borboas trip
    1
    1De Skit:)

    Udaipur

    2024年1月12日, インド ⋅ ☀️ 23 °C

    Zerst hemer mal müsse en guede Kaffi ha nach de Nacht im Hostel.
    Au das isch den chli en Griff is Klo gsi.... mir sind ewigs det gsi und hend uf alles gwartet... defür is nacher Steilufwärts mitem Tag😄

    Mir hend grad nebed dra es super Hotel gfunde und sind det ane züglet. Wos en super nette Agstellte, de Skit, kah het.
    Nachere usführliche Duschi simer alli 3 glücklich und suuber usem Hotel gwatschelt.

    Wieder en verrückte Fuessweg hinder eus, wos wieder massehaft TukTuks, Töffs, Chühe, Hünd und Mensche kah het simer bem Palast acho. Aschlüssend simer mitenem Böötli zunere Insle tuckeret. Det hemer d Sunne ☀️ richtig gnosse eh Kathi Rolle gesse und es Cola gschlürft. Somit het de Tag gar nüm chöme besser werde🙂🙃

    Mir hend de Sunneuntergang ällei uf de Dachterasse vom Hotel gnosse und eus über de wunderbar Ablick vom See erfreut.

    Am Abig simer is Resti wo eus de Skit empfohle het, d Ussicht uf de See und alli Liechtli isch de Wahnsinn gsi😍 und s Esse richtig richtig fein. De Adrian het endli mal wieder öpis richtigs scharf chöne esse, well mir kei Fleisch hend welle und eus öpis Veggi teilt hend.

    Papsatt und glücklich simer i euses suubere Bett gheit    もっと詳しく

    翻訳をご覧ください
  • Borboas trip
    De Adi i sim Element:-)
    11

    Pushkar

    2024年1月13日, インド ⋅ ☁️ 16 °C

    Nach 6 Stunde Autofahre simer rächt kaputt in Pushkar a cho. Nach emene spate Zmittag hämer eus aber möge ufraffe und sind de Braham Tempel go aluege. Das isch de einzig Tempel in ganz Indie wo dem Gott gewidmet isch. Das isch ebe speziell, will er de Urgott, aso de Gott vo de Schöpfig isch.
    Nachher simmer dur de Bazar gschlenderet. Es isch rächt lustig-komisch gsi, will mega viel Hippies da sind und au alli Lädeli volle vo Hippichleider sind. Die einte Lädeli lönd au richtig luut Trance Musig laufe😂 indie isch immer wieder für e Überraschig guet😂😂😂
    Für de Sunneuntergang simer is Sunset Caffè. Dete händs Trummle gspielt und mer het e wunderschöni Sicht uf de See und d Gaths gha. D Stimmig isch de wahnsinn gsi😍😍😍    もっと詳しく

    翻訳をご覧ください
  • Borboas trip
    1

    Jaipur akunft

    2024年1月14日, インド ⋅ ☀️ 23 °C

    Hüt gömmer wiiter uf Jaipur oder au the pink city. Pink staht im hinduismus ala farb für willkomme. Detä acho hemmer zerst mal en Sweet-Lassi trunke. Mer munkled das lädeli isch in ganz Rajasthan bekannt für sini super Lassis wo mer useme tontopf trinked.

    Am mittag hemmer en chochkurs gmacht bimeme uh fründliche eltere päärli, wo au eusi indische grosselterr hettäd chöne si. Mir hend öpe 5 gricht selber gkoched und natürlich alles vo grund uf selber gmacht. A dem tag isch au es fest in Jaipur, wo die iheimische ganz vill drache stiege lönd. Über de ganze stadt gseht mer drache i allne farbe. Das spektakel hemmer chönde vo de dachterrasse observiere, wo de chochkurs stattgfunde het. Wo alles esse parat gsie isch, hemmer zvierte, mir und euse fahrer, euses selber kochte esse richtig inebigge. Mir hend eus richtig müeh gä und vill gässe zum eusi indischi grosseltere stolz mache, aber mir hend villicht t helfti vo allem chönne essen😅😅.

    Mit vollem buch simmer is kino en bollywood-film uf hindi go luege. De film heisst dunki und isch komödie, wos drum gaht, dass 6 kollegä vo indie uf england wend flüchte. Mir hend für grad emal 4 CHF pro person cristal-sitz bucht, wo premium sitz sind 😂😂. Natürlich chammer nöd is kino ohni popcorn. Mir hend alli e normali portion bstellt. Als premium kinogast mummer sich um nüt kümmere und wird bedient. Mir sind also alli recht überrascht gsie, wo en herr mit 4 grossä chübel popcorn cho isch. Vorallem will mer alli scho sehr vollä vom chochkurs gsie sind 😂😂.

    Nach em kino hemmer alli es nickerchen gmacht und de abig mitere rundi skip.bo usklinge la.    もっと詳しく

    翻訳をご覧ください
  • Borboas trip
    1112

    Jaipur

    2024年1月15日, インド ⋅ ☀️ 22 °C

    Uf uf gahds scho um 08.30 zum mit eusem Fahrer Jaipur z'erchunde.

    Erste halt: Lassiii :) leider het de ältsti Stand vo Jaipur hüt zue kah.. aber de nebe dra isch au super gsi. Sie werded i Tonbecher serviert, und die gheit mer nacher eifach in Güssel... verrückt.

    Witer ischs zum Windowpalast, döt het nöd nur viel Fenster sondern au viel Affe miit rote Füüdlii. Fast isch de Adi ide Mengi undergange...

    Jaipur wird au Pink City gnennt, well im Städtli ine alles Pink isch, wells aber immer wieder übermalt worde isch, ischs fängs meh chli rot. Ussert die königliche Gebäude, die sind Gäll.

    Im Observatorium hemer en huufe Sunneuhre und Astrologie Sache agluegt.
    Aschlüssend is zum Marbelpalace ufem Hogger obe. Am Adi sin Tageshöhepunkt isch da de Schlange beschwörer gsi mit de Flöte und sinere Kobra 🐍

    Hungrig simer mal wieder feins Masala go Esse.

    Am Namittag isch de Adrian no zur chline Shoppingqueen worde und het sich vom LetherKing paar neui Schuhe ufschwätze lah, aber bezauberndi.

    Nach bereits sovielne Erlebnis hemer den am Namittag na de gross Wunsch vo de Jeannine erfüllt und sind is Kino en Bollywood Film go luege, au euse Fahrer isch so Fan das er mitcho isch. Zum Glück vo de Marion und em Adi isch nöd viel Tanzed und gsunge worde😄 mer hend au ohni Indisch d Handlig +/- chöne nah vollzieh und euse Fahrer het eus den ide Pause chli ufklärt was mer nöd verstande hend. En riiise Chübel Popcorn hets au no für jede vo eus gseh😂    もっと詳しく

    翻訳をご覧ください
  • Borboas trip

    Uf em Weg nach Rathambore

    2024年1月16日, インド ⋅ ⛅ 15 °C

    Hüt isches witer uf Rathambore gange. Dete chamer nöd viel mache, ussert d Safari am nöchste Tag. So hämer mal en Nami "frei" gha und sind uft Dachterasse vom Hotel go chille, plane und Skipbo spiele.

    Uf em Weg det hi simer durs Städtli Lalsot gfahre. Wot Jeannine 2011 als Volonteer in Indie gsi isch, isch ihres Camp dete i de nöchi gsi😁 sie hets aber niergens gse, aber ganz viel Erinnerige becho😊

    Gester isch d Helfti vo de Reiseziit vom Adi und de Jeannine gsi und hüt händ die beide s 4 monatige Jubiläum vom verhürated si, drum hämer am Abig sehr fein gässe😁🥰    もっと詳しく

    翻訳をご覧ください
  • 2025© FindPenguins
  • ホーム
  • 当社について
  • グループ追跡
  • プレス
  • 規約
  • プライバシー & Cookies
  • ヘルプセンター
  • 印象