Silvesterreise Kopenhagen 🇩🇰

Hüt simmer mal wieder sehr früeh ufgstande wie scho so oft das Jahr wenn mir zeme en Städtetrip mached 😅 üse Flug isch nämli am 7i gange. D'Lea het bis zu de Moment immernonig gwüsst wos ane gaht. Leider han ich mich churz nach de Sicherheitskontrolle verschnorret und denn het sis bitz vorem Gate erfahre 🙈
In Kopehage aacho, hemmer de Zug id Innestadt gno und hend üses Gepäck im Hotel chöne deponiere.
Vo dött us simmer mit de U-Bahn is Zentrum gfahre, hend de berüehmti 'Nyhavn' aaglueget und sind durch d'Iichaufsstrasse gschländeret. Leider het s'Wetter nöd mitgmacht. Es het nämli de ganz Tag gregnet 😒
Nachdem mir au üses Viertel uskundschaftet hend, simmer go iichecke und hend üs für de Abig fertig gmacht. Mir hend es Silvesterdinner gha, en 6-Gänger ime indonesische Restaurant wo Vegi und Regular aabote het. Ich ha das wuchene vorher reserviert und mich fest gfreut, bin aber leider vo schlechtem Service undere no schlechtere Getränke-/Wiicharte (kei Bier?) enttüscht worde. Mir hend sbeste us de Situation gmacht, sind am Abig no vergünstigt in Tivoli Park cho wegeme nette Security 😅
Punkt 12i simmer aber scho im Zimmer gsii, hend no mit Prosecco aagstosse und churzi Ziit spöter hets, trotz de luute Füürwerk i de ganze Stadt (Däne sind Pyrotechnik-Fanatiker) ,scho gschlafe 😅😴 mer wird au nümme jünger 🤷‍♂️😄Читать далее