Tyhjennä haku
Australie 2020
  • Sabrina Gisler

Australie 2020

Australien - das Land der Kängurus und Koalas 🦘🐨🇦🇺🌏✈❤😉🏝 Lue lisää
SeuraaYhteenvetoKalenteriJaaJaaToivelista
Uusin ensin
  • Matkan aloitus
    2. maaliskuuta 2020
    Sabrina GislerAustralie 2020Matkaaja

    One day to go - so excited

    29. helmikuuta 2020, Sveitsi ⋅ ☁️ 9 °C

    Fast fertig packt und gli gats los.
    Chans chum erwarte und doch hani gmischti Gfühl bisi dete bin. Freu mich unendlich uf das neue Abendtüür ⛺✈🌏❤☀️🏝 abr so ganz alleige.. lang wirdi das sicher nöd si, han bestimmt gli Begleiter wie 🕷🦂🦠🐉🐊 hoffe wenn den nur ufe flüchtigi Begegnig😂

    Vor eim Jahr hani ahgfange plane und jetzt stahni churz vor de Abreis. Drü ganzi Mönet mitem Rucksack dur Australie 🇦🇺 Richtigi Premiere für mich so backbag mässig unterwägs z'si. Mitem packe hets scho mal ahgfange, was füre Tortur das gsi isch 😂 was packi alles ih, hani au würkli alles, sind 10 T-shirt doch chli viel und weles Röckli nimmi mit, am liebste natürli all mini Lieblingschleider, ach ja und Schueh isch s'nöchste gsi 😂 - als weri irgendwo im Outback wos kei Läde git🤦‍♀️ Und shoppe tueni ja so ungern 😜 frög mich meh wie ich das den alles mit mir umeschleppe🤷‍♀️ Meh als 3x hani alles wieder uspackt und neu packt und würkli weniger isches nieh worde 😅

    13kg liecht isch das riesige Teil vo Rucksack wo ALLES drin platz het für die nöchste Mönet. Unbelivable 🙈 Und das isch s'Minimum ah Minimum für mich, bim flüge hani amigs für 1 Tag Ufenthalt 17kg debi 😂

    Morn gats endlich los 🙌 nurna 27 Stunde und den sitzi im Flüger ✈    Lue lisää

    Katso käännös
  • Sabrina GislerAustralie 2020Matkaaja

    Time to say goodbye ✈

    2. maaliskuuta 2020, Sea of Japan ⋅ ☀️ 15 °C

    Mit eim brüellende aber au eim lachelnde Aug hani mich vo mine Liebste verabschiedet und mich ih das Abendtüür gstürzt 😊😍🌏🏝

    Pünktlich 13.10 Uhr isch am 2.3.2020 de Flüger Richtig Osaka (Japan) gstartet✈ die erste 3 Täg verbringi im Land des Lächelns 😆 nachere Flugzit vo 11h 10 Minute bini ohni dasi es Aug het chöne zuetue (bin so nervös gsi 😂) am Flughafe Kansai glandet. So schön gsi selber wiedermal dörfe als Passagier unterwägs zsi. Für die nöchste 3 Mönet wirdi schaffe sicher nöd vermisse 🙈

    Währedem Flug hani es spannends und passends Buech ahgfange lese: Das Café am Rande der Welt vom John Strelecky.📥 📖 Es isch eh Erzählig über de Sinn vom Lebe🤔 Chani wärmstens empfehle, regt eim ah biz über s'Lebe nahdenke.

    Begeisteret bini vo de ÖV in Osaka 🙌 es het nämli ih jedem Zug eh Sitzheizig 😂 würs das bi eus diheime geh, wür au ich meh mitem Zug umefahre haha :-) Au isches eh mega Velostadt 🚲 hüt hani die schöne Pärk bsuecht und bi dem strahlend schöne Wetter mitem kitschig, blaue Himmel isches en wunderschöne erste Tag gsi mit ganz vielne Ihdrück ☀️    Lue lisää

    Katso käännös
  • Sabrina GislerAustralie 2020Matkaaja

    Day 1 - Osaka

    3. maaliskuuta 2020, Japani ⋅ ⛅ 13 °C

    En traumhafte Früehligstag het mich in Osaka empfange 🇯🇵

    Ih knapp 3 Wuche blüehed die bekannte japanische Krischblüete (cherry blossom) wo es wichtigs Symbol für die japanischo Kultur isch 🌺 im Moment chömed grad Knospe und es isch eifach herrlich gsi uf das Blüetemeer z'luege und z'stune wie schön eusi Natur isch 😍

    D'Ussicht vom bekannte Umeda Sky Building (140m höch) hani mer au nöd entgah lah. Abr Fahrt det ufe isch Hallelluja 🙉🙈 angstihflössend gsi. De Lift isch eifach imne Glasschacht duruff gfahre OMG wer am liebste uf de Bode ghocket will mini Bei mich nüm hend wele träge 😂🤦‍♀️

    Fühl mich so wohl ih dere Stadt und es ergit sich ja super das Swiss neu en Layover da ihplanet het 😊 Esse gits soviel wie im Schlaraffeland und es isch sooooo fein 😍🍜🍚🍱🍤🍣🍺

    Nach 48h wach si freui mich jetzt aber uf mis Bett und hoffe s'Jetlag wird nöd zu mim neue Fründ 😆    Lue lisää

    Katso käännös
  • Sabrina GislerAustralie 2020Matkaaja

    Mitem Shinkansen nach Kyoto ⛩

    4. maaliskuuta 2020, Japani ⋅ ☁️ 8 °C

    Es tröpfelet es tröpfelet de Obermüller chlöpfelet, es rägelet es rägelet de Obermüller sägelet, es güüst es güüst de Obermüller nüsst..hattschi. 😂🙈 okay eifach gseit es het vom Morge bis z'Abig duregregnet und zwar ohne break 😅

    Trotzdem isches en spannende Tag gsi. De weltbekannti Shinkansen Zug het mich innert 13 Minute vo Osaka nach Kyoto bracht 🚄🙌 es eimaligs Erlebnis! De Zug isch sooooo lang, bisi mal de Sitzplatz gfunde han und ihgrichtet gsi bin und ready zum gmüetlich z'mörgele hani schowieder möse usstiege 😂

    De Bsuech vom goldige Tempel het sich sehr glohnt sowie au de Kaiserpalast ⛩🏯 han anere japansich, traditionelle Teezeremonie teilgno 🍵 wobi de Dessert bzw. bessergseit de Zuckerschock fast nöd hesch chöne esse. En reine Zuckerwürfel wäri nöd so süess gsi 😂

    - Fleecepulli
    - Regejacke
    - Flauschisöcke
    Alles bereits eimal chöne bruche und hoffentli au s'letzte Mal für eh länger Ziit 😊

    Wasi ah Japan eifach grossartig finde, dases ah jedem Eggä es WC het 😂🙈🚽🧻 und den na was für eis. Immer piggo bello suuber und die Modernität, wow läck bobbi. Find amigs chum de Chnopf zum spüehle 😂 (wer sucht der findert)

    Da ich schier verfrore bin, natürli seehr übertriebe aber bin chli mit de Subway hi und her gfahre, da es ja eh sitzheizig het 😆🚇 und somit chömed mer zu de erste 2 Sabi-Szenen;
    1. Han extra eh Unterkunft buechet miteme Onsenbad (das isch es öffentlichs, japanisches Bad - bi eus nennt mer das ganz eifach es Thermalbad). Han denkt, ja genial den gönni mir ez das wenni hei chume zum ufwärme. Ja sabi falsch denkt - währed Umbau wo grad stattfindet isches zue 😅 sie hend mer ade Reception es Badesalz geh als Entschuldigung und gseit i söll doch es Bad ide "riesige" 50x50cm Badwanne neh 😂 mer het gradmal Platz im schnidersitz so dah z'sitze. Seeehr entspannend mueni sege, abr doch hets ufgwärmt was ja d' Hauptsach isch 😊
    2. Das scheiss schlössli ah dem doofe Rucksack 🙏 han extra 2 kauft, devo hani eis scho nach de erste Ahwenig dörfe beerdige willi mer de Code nöd ufgschriebe han 😂🤦‍♀️ so hani mer halt es zweits kauft und das diheime anetah bevori abfloge bin. Wichtig zum erwähne, ich han 2 schlössli und 2 verschiedeni codes..chasch der ja Gschicht denke 😅 In Japan ahcho und ich bring das doofe Schlössli nöd uf, also dörfi immer alles einzel obe useneh und go sueche. Hans so oft scho probiert mit allne variante zum das schlössli z'knacke (nur dummerwies immer de falschi code ihgeh will gmeint han ich hegi überall de glichi code) 🤦‍♀️ thjaa..ez machi das schloss nüm zue und wenn mer öpert mini chleider chlaue wott den MUENI halt gezwungerermasse go shoppe 😂😂😍 abr wett de tüffel na nöd ad Wand male, obwohl hani öpe Shoppe ghört 😉    Lue lisää

    Katso käännös
  • Sabrina GislerAustralie 2020Matkaaja

    Australie, I'm coming

    5. maaliskuuta 2020, Australia ⋅ ☀️ 31 °C

    Freu mich unglaublich uf's schöne und warme Wetter in Australie ☀️

    S'erst Mal dasi goge Reise gan und nüt planet han, sondern eifach wo's mer gfallt bliebi und susch gats witter (so richtig untypisch für'd Sabi) 😅 aber es isch super 😊 han mich den entschiede mini Reis bim Great Barrier Reef z'starte😍
    Am Flughafe ahcho hani gseh min Direktflug isch cancelt, han nur so denkt, warum plani überhaupt 😂 so hani mi churzfristig entschiede en Stopp in Sydney ihzlegge bevori denn uf Cairns flüge, damiti us dem chalte Japan weg chume und d'Nacht vorallem nöd muen am Flughafe verbringe.

    D'Ihreis in Sydney isch spektakulär gsi, so wie mers usem Film Achtung Zoll, Willkomme in Australie kennt 🙈 han überall Quote verwütscht wo mer sie nur ha chan 😂 und s'ganze Gepäck hends mer au usenand gno, zum Schluss staht mer ih einere Reihe ane und en herzigi Schnüffellabrador chunt verbi 🐕😆

    Sydney selber isch eifach nur Ihdrücklich ☺️ Wennd vorem weltberüemte Operehuus stasch, staht d'Welt mal füren Augeblick still - einzigartig Alles! En Spaziergang über d'Harbourbridge miteme gigantische Usblick uf de Hafe und uf's Operehuus.

    Vo Sydney uf Cairns sind eifach nomale 3h Flug 🙉✈ die Dimensone sind eifach krass und chan mer sich eifach chum vorstelle, dass das alles eis Land isch. Bide landig schint Sünneli bi 32 Grad ☀️ Fantastisch hani denkt - aber de Gedanke isch au nur churzwilig gsi. Vode einti uf di anderi Sekunde chunts goge regne, nei bessergseit schütte 🙈😅 Jetzt hani doch nur chli Sunne wele und de Namittag am Strand gnüsse. Immerhin isches warm da, trotz Rege ahgenhmi 28 Grad am Abig 😊    Lue lisää

    Katso käännös
  • Sabrina GislerAustralie 2020Matkaaja

    Kuranda National Park

    7. maaliskuuta 2020, Australia ⋅ ⛅ 32 °C

    32 Grad, Sunne, Strand, Meer und feins Esse ☀️🙌 was wotsch meh 🤷‍♀️😊

    Momentan bini grad in Cairns, das ghört zum Bundesstaat Queensland, isch im Norde vo Australie und es herrscht tropisches Klima 🇦🇺 Mer seit au, Cairns isch s'Tor zum Great Barrier Reef, woni morn eh Schnorcheltour planet han 🌊🐠🐬

    Han mich ih das Land verliebt und es isch kein Surferboy im Spiel (nanig) haha 😂😂 d'Lüüt sind unglaublich herzlich und fründlich, fühl mich sehr wohl, s'Esse isch grossartig und d'Landschaft atemberaubend! 😊

    Hüt bini mitere Seilbahn über de Kuranda Nationalpark gschwebt wo verschiedeni Lookouts gha het. Da's immer mal wieder goge regne chunt isch d'Landschaft so traumhaft, alles blüet und s'grüen sticht nur so use 🌳 Wegem tropisches klima isches nur gaaaaanz wenig heiss und schwitzig (Witzchnolle) 🙈😂 Retour isches miteme Zug quer dur de NP - einzigartigi Erfahrig 🚂    Lue lisää

    Katso käännös
  • Sabrina GislerAustralie 2020Matkaaja

    S'grossartige Great Barrier Reef

    8. maaliskuuta 2020, Great Barrier Reef ⋅ 🌧 29 °C

    Emotione hoch 10 ☺️

    Es git kei Wort wo beschriebed wie sich en Helikopterflug über s'weltbekannte Great Barrier Reef würkli ahfühlt. Keis Bild, keis Video chan das Gfühl, die Emotione wiedergeh woni ha dörfe erlebe 😍 10 Minute isch d'Welt für mich still gstande, han s'Gfühl ich hegi träumt, bin sehr wahrschindli mit offenem Mund nebedem Pilot ghocket und hans nöd chöne glaube dases die Schönheit vo Natur würkli git 🌊🐠🌏

    S'Great Barrier Reef isch es 2'300km langs Ökosystem und mer chan d'Struktur sogar usem Weltruum gseh (nöd dasi das ez selber chönt beurteile😂) es ghört au zu eim vo de siebe Weltwunder 🙌

    De ganzi Usflug isch mitere Schnorcheltour verbunde gsi. Mer het sehr vieli Fishys gseh 🐡🐠🐟 und au en Babyhai 🦈, aber am Riff selber isch scho sehr viel kaputt und ganz vieli Koralle sind tot 😥 De Helikopterflug isch die absoluti Krönig gsi 🚁 hauptsach z'mitzt im Nowhere hends eh Plattform ufem Meer wo de Heli chan lande 🚁

    Ich han kein Filter verwendet oder d'Föteli bearbeitet - es gseht in echt würkli gnau so us, nei schöner 😉    Lue lisää

    Katso käännös
  • Sabrina GislerAustralie 2020Matkaaja

    Beautiful Landscape

    9. maaliskuuta 2020, Australia ⋅ ⛅ 29 °C

    Entlang am Great Barrier Reef nach Port Douglas und witer in National Park gseht mer wunderschöni Stränd 🏝 scho es schöns Gfühl barrfuess dur de Sand z'laufe und wiit und breit hets kei Mensche 😊 *glücklich bini*

    As Autofahre im Rechtsverkehr gwöhnt mer sich mit de Zit, uf de falsche Stur bini nanie gfahre (zum Glück), aber praktisch jedes 3 Mal wenni blinke wett stelli zerst de Schiebewüscher ah bisi merke owww.. anderi Site 😂

    Praktisch überall, ah jedem öffentliche Platz findet mer so Hüttlis wie ufem Bild, dass sind Grillplätz. D'Aussies treffed sich da und mer fühlt sich wie ei grossi Familie. Sones tolls Volk 😆

    D'Übernachtig ih dem Luxushuus mitte im Niergendwo isch fantastisch gsi. Im nöchste Bricht gits es paar Anektotene zu: d'Sabrina ide Wildnis 😅🙈🤦‍♀️😂    Lue lisää

    Katso käännös
  • Sabrina GislerAustralie 2020Matkaaja

    Sabrina im Regewald(ahgfühlt wie Urwald)

    10. maaliskuuta 2020, Australia ⋅ ⛅ 30 °C

    D'Vegetation da isch einzigartig und wunderschön 🏞

    Eh Flusssrundfahrt und Krokis beobachte isch lustig gsi, aber han scho schiss becho wo de Guide plötzlich schreit: Crocodile!! Crocodile!! 🐊 Mis Herz isch zerst mal id Hose gheit 😂 und da gsehnis, nödmal 3 Meter vo mir entfernt schwümmts seeleruhig daher. De Guide het gmeint es het scho gesse, so bini also grad chli beruhigter gsi haha 😅

    Min erste Schritt usem Auto im Regewald ahcho vergissi au nie 😂 OMG! Denn das isch mini ersti Begegnig mitere 10cm!!! Riesespinne gsi und die isch nödmal ein Meter vo mir entfernt ghanget. Wers nur eini gsi, okay scho schlimm gnueg, aber nei es sind mind. 4 gsi!! 😥 bin sofort zrugg is Auto und het chöne brüelle und schreie. Wo bini nur glandet? 🙈 wie überlebi ei Nacht da? Niemeh, niemeh tueni mir das ah..ja das sind mini erste Gedanke gsi. Ab dem Moment hani sonen Kontrollblick druff gha woni immer zerst links ufe, denn rechts obe und links une/ rechts une abchecket han ob eh Spinne umelungeret 😂 Han die Nacht im doch "Urwald ala Sabi" überlebt und so schlimm isches den au wieder nöd gsi 😆😅

    Es het mega schöni Stränd ade Küste vo Queensland aber bade im Meer isch strikt verbote, ussert mer möcht d'Hauptspiess vomne 🐊 si. Zum Bade gits am Strand ihgränzti Gebiet miteme Netz kennzeichnet, damit mer nöd gfresse wird 😂 und au wills relativ viel Qualle het 🦑

    Fertig Regewald, Würmer, Spinne etc. 😂 Morn gats ab id Zivilisation zrugg --> Melbourne is calling 🏙    Lue lisää

    Katso käännös
  • Sabrina GislerAustralie 2020Matkaaja

    Great Ocean Road Part I

    11. maaliskuuta 2020, Australia ⋅ ☀️ 23 °C

    Nach 3h 30 Minute bini sicher und guet im Bundesstaat Victoria glandert und es gat bereits us de Stadt use ad Küste. De Grund; am Wuchenend söttis nurno 18 Grad si, aktuell isch 34 Grad und am Strand biz sünnele wetti ja nöd Fleccepulli 😂

    D'Great Ocean Road isch 243 Kilometer lang und füehrt alles de Küste nah durab, weg vo Melbourne - Richtig Adelaide 🚙 Am Populärste sind d'12 Apostle wo mer nach ca. 150 km ahtrifft. Es handlet sich grundsätzlich um 12 Kalkblöck wo ca. 60 Meter höch sind (schön aber au nöd allzu spektakulär) 😅 D'Fahrt ah sich bütet einiges meh 😊

    Luegg dir mal gnau d'Farb vom Wasser ah 😍 das Blau, gmischt mitem Türkisblau isch de Hammer - mini Lieblingsfarb 😍😊 eifach nur ufeme Bänkli sitze oder am Strand, zuelose wie s'Wasser ruscht und de Welle zueluegge wies ade Küste breched 🌊 Natur puur gnüsse 😆

    Die erste 150km sind gschafft ✌ am Endi vom Tag hani nüm wele und möge usem Auto usstiege für sonen "doofe" Lookout, gseht ja doch immer ähnlich us 🙈 Im Moment isch das de einzig Sport gsi woni mache, nebedem Stägeli uf und ab laufe und sogar das isch ahstrengend 💁‍♀️😂    Lue lisää

    Katso käännös
  • Sabrina GislerAustralie 2020Matkaaja

    Great Ocean Road Part II

    12. maaliskuuta 2020, Australia ⋅ ⛅ 27 °C

    Ganze anderi Stimmig ade Küste, wenn'd Sunne nur en Augeblick hinter de Wulche verschwindet - unglaublich ihdrücklich 😊

    Und neii...es het fasssst nöd gwindet 😆 Han extra d'Haar offe lah wills di bessere Fötelis git 😂🙈 abr am Abig hanis den bereut 😅 han sonen Busch ufem Chopf gha und d'Haar fast nüm durebracht, aber hauptsach es het gueti Fötelis gseh 😂💁‍♀️🤦‍♀️

    Am Mäntig isch d'Info use, dass endli all Waldbränd in Australie glöscht sind. Endlich! Nach meh als 5 Mönet 🤨 Ade Küstestrass entlang het mer die abbrennte Bäum gseh, mega krass. Einigi hend sich bereits wieder erholt und bide anderne gsehts eifach nur trostlos us 😔
    Was ganz interessant isch, da in Australie isch ja alles chli verkeht ume, jetzt isch Summer und gli isch denn mal Herbst. Und zwar gheied da Blätter no ab wie bi eus sondern d'Rinde fangt sich ah schelä und im neue Jahr bildet sich eh Neui.

    Bim Auto fahre isch immer vorsicht gfröget, denn Kängurus sind nebed de Strass am Gras fresse..yööö 😍😊 so herzigi Tierlis, wür am liebste eis ihpacke und heineh 🦘

    Alles ih allem eh sehr idrücklichi Fahrt gsi 😊    Lue lisää

    Katso käännös
  • Sabrina GislerAustralie 2020Matkaaja

    Melbourne

    14. maaliskuuta 2020, Australia ⋅ ⛅ 15 °C

    Fazit vo Melbourne; soviel atemberaubendi Pärk ih einere Stadt hani nanie gseh und so schön pflegt, richtig ihladend zum's sich bequem mache, es Buech läse oder picknicke 😉

    Melbourne isch weltwit bekannt für de besti Kaffee und het über 2'000 Cafés ide Stadt. Am beste Take-away mitneh und den de Yarra Promenade entlang laufe und die unglaublichi Usicht uf'd Stadt gnüsse 😁 De Kaffi isch echt super das ich ahgfange han nüm Milch mit Kaffee trinke sondern Kaffee mir Milch 😂

    S'wetter isch sone Sach, eigentli staht 26 Grad im Wetterbricht, ABER es windet so fest und den hets immer mal wieder eh riesigi Wulche 🙈 git es guets Föteli vo mir am Strand ✌😆

    Was au so toll isch, dases unzähligi Rooftop Bars git, praktisch ah jedem Eggä. Drinks sind super gross und somit langet 2 uf de Abig🍸🤣 und gesse hani in Australie eh nanie schlecht 😋

    Mitem Tram 35 chan mehr gratis ide Innestadt umefahre was sehr praktisch isch trotzdem bin ide letzte 4 Täg täglich 20 km gloffe will mer am meiste gseht. Jetzt isches Zit mal chli an Strand z'ligge, d'Füess hoch lagere und chli brun werde 😊

    Next Stopp; Western Australia ☀️🌡 30 bis 38 Grad hihi :-)    Lue lisää

    Katso käännös
  • Sabrina GislerAustralie 2020Matkaaja

    Next stop: Western Australia

    16. maaliskuuta 2020, Australia ⋅ ⛅ 24 °C

    Witteri 4 Stunde Flugzit bisi in Perth glandet bin. 3500 Kilometer enfernt isch Melbourne vo Perth. Immerno im gliche Land, jedoch giltet anderi Ihreisebestimmigi betreffend Frücht und Pflanze 🙈 Han also probiert 4 Öpfel, 2 Banane und ei Packig Trube ufem Flug z'esse / inestopfe (Specki 🤣), damits nöd muen wegrüehre.

    Endli in Perth ahcho 😊 vom erste Augeblick woni dur die 1,9 Millione Stadt gloffen bin hani mi diheime gfühlt. Es isch "chli" und herzig 😉 klar wenn mer grad us Melbourne (5 Mio. Lüüt) chunt, isch Perth chli ✌ Perth isch die abglegensti Grossstadt vode Welt und gilt als Kalifornie vo Australie.

    Mini erste Impressione 😁 --> shoppe chan mer zimli guet 😂 ich gib mer mega müeh nur das z'chauffe wasi würkli bruche, aber das isch seeehr relativ 😁    Lue lisää

    Katso käännös
  • Sabrina GislerAustralie 2020Matkaaja

    MIN grüene Dume

    17. maaliskuuta 2020, Australia ⋅ ☁️ 23 °C

    Han jetzt doch scho einigi Grossstädt in Australie gseh und d'Gmeinsamkeit vo allne sind die wunderschöne und pflegte Pärk😊

    De Kingspark isch de Stadtpark vo Perth und wird als eine vode weltgrösste und schönste Pärk betitelt 🌴🌷🌻 er isch seeeehr wittläufig, 20km bini gloffe und han natürli die "perfekte" Wanderschueh ahgha ---> Flip flops d'Aussies segdd thongs 🤣✌ Sabi Live

    Den hets en "höche" (20 Meter) Turm gha im Park wo mer über ganz Perth gseht. De Usblick hani mer natürli nöd wele entgah lah 😁 Trotz minere Höheangst hani de Ufstigg in Chauf gno, bin meh ufe kroche als gloffe, ABER bin obe ahcho ☺️🙆‍♀️ und es het sich sowas vo glohnt 😍    Lue lisää

    Katso käännös
  • Sabrina GislerAustralie 2020Matkaaja

    Hi Quakka ✌

    18. maaliskuuta 2020, Australia ⋅ ☀️ 19 °C

    Welcome to the Paradise 🏝 mitem Schnellboot isches uf'd Insle Rottnest Island gange. Zum Glück bini Flight Attendant und kei Servicemitarbeiterin ufeme Schiff 🙈 ich bin soooo Seechrank, bin immer wisser worde im Gsicht 😂 die längst 40 Minute sinds gsi, das hi und her schwanke isch nüt für mich. Im Flüger gats wenigstens ufe und abe ✈ 😂

    Mitem Velo bini den um'd Insle gfahre. Sind stolzi 20 Kilometer gsi, fast sowit wie um de Flughafe, nur isch de Wäg nöd so ahgnehm gsi wied Panzerpiste 😆 und au biz hügeliger 😅 vo Sunne über Rege het s'Wetter au gmacht wases wot. Natürli hani d'Regejagge usem Rucksack usegno will's gheisse het es segi 26 Grad und Sunneschii, wasi lerni dezue: D'Regejagge chunt ab jetzt immer mit 😆 D'Insle het würkli paar schöni Flecke z'büte, aber han sehr viel meh erwartet wases schlussendli den bote het. Vorallem bini weg dene herzige Quakkas gange. Nach 15 Kilometer trample hani aber immerno wit und breit keine gseh 😥 han scho denkt gha voll die Verarschig und plötzlich hüpft eine vor minere Nase über'd Strass. Sones herzigs Ding 🥰 spöter hani den na witeri ahtroffe 😊Geduld Sabi 😂😂    Lue lisää

    Katso käännös
  • Sabrina GislerAustralie 2020Matkaaja

    Frementle Prison

    19. maaliskuuta 2020, Australia ⋅ ☁️ 21 °C

    Han eh spannendi und sehr ihdrücklichi Tour dur's Gfängis vo Frementle gmacht. Baut worde isches 1850 und d'Häftling vo dazumal hend gholfe d'Kolonie am Swan River in Perth ufzbaue. Erst 1991 isch s'Gfängnis gschlosse worde. De Guide het verzellt wie sonen Tagesablauf vo de Häftling usgseh het, weli Arbeite si verrichtet hend, was sie alles hend dörfe mache bzw. nöd hend dörfe etc. En Blick hinter d'Gitterstäb verschlönd eim de Schnuf und het mi des öfterene Hüehnerhüt gspühre lah.

    Ahandeme Zitstrahl het mer d'Veränderig und au meistens d'Verbesserig vode Zelle vode Gfange chöne beobachte. Die farbigi Zelle heteme Aboriginie ghört. Sie hend Sonderreglige für die gha, damit die ihri Kultur und ihre Glaube trotzdem chönd bibhalte.

    Definition Aboriginie; chunt usem englische und es handlet sich debi um australischi Urihwohner wo verschiedene Ständ ufem Festland ahghöred (ahghört hend).    Lue lisää

    Katso käännös
  • Sabrina GislerAustralie 2020Matkaaja

    Probiere Abschalte

    20. maaliskuuta 2020, Australia ⋅ ⛅ 26 °C

    In Perth schint s'Lebe na sowit normal z'laufe😊

    S'Wetter macht grad voll mit und so hani min Tag bi 28 Grad, puurem Sunneschii, kitschig blauem Himmel undeme liechte (südwestwind) nei spass kein Plan vowo de Wind blast😂, aber het grad so tönt als heti voll die ahnig 😆🙈 es het eifach ahgnehm gwindet. De Sand isch sooo schön fin 😍 Sunnecreme hani natürli immer debi und tueni au brav 2x am Tag ihcreme will'd Sunne da dörfsch nöd unterschetzte. Trotzdem wirdi langsam schwarz ✌😜😊

    Min erste Sunneuntergang woni füre churzi Zit emal alles um mich ume ha chöne vergesse 🌅 Egal was grad passiert, s'Lebe gat witter. D'Sunne wird am nöchste Morge wieder ufgah und de Tag fangt vo vorneh ah. D'Hoffnig nöd verlüre und Chlinigkeite im Lebe schetze, wie dörfe gsund si.    Lue lisää

    Katso käännös
  • Sabrina GislerAustralie 2020Matkaaja

    Fremantle

    22. maaliskuuta 2020, Australia ⋅ ☀️ 28 °C

    Fremantle dient als Hafestadt vo Perth ⛴🛳 zimli grossi Schiffli leged da täglich ah und ab.

    Wenn mer gern käffelet isch mer in Fremantle gnau am richtige Ort. Den es git eh Strass die heisst "Cappucchino Strip" wos eis herzigs Café nachem andere het ☕

    Vom Fritig bisam Sunntig isch de Fremantle Market offe mit feinste ihheimische Köstlichkeite 🥰 Essen essen! Aber au handgmachtig Kunstwerk findet mer.

    D'Stränd lönd eher zwünsche übrig 🙈😂 ich bin aber au langsam u verwöhnt haha
    Die chogge Möve het mich na voll ahgschisse und den hani so unfreiwiliig halt is Wasser möse 😅

    Es wohnet sehr viel Obdachlosi ihde Umgebig und wird vo de Aussies au eher als Gettoviertel bezeichnet 🙈 nach 4 Nächt ih mim Schlimmste-Hostel-Ever hanis nüm usghalte und bin wieder uf Perth id City zrugg. Interessante Abstecher gsi, aber das het au glanget 😆    Lue lisää

    Katso käännös
  • Sabrina GislerAustralie 2020Matkaaja

    Los gats 3 Wuche ade Küste entlang

    23. maaliskuuta 2020, Australia ⋅ ☀️ 25 °C

    Ich han eh Camping Tour buechet für 3 Wuche wo mer zerst ganz in Süde fahred (Esperance) und den bis ganz in Norde vo WA (Broome).

    Mir sind es chlises Grüppli vo 6 Lüüt gsi vo unterschiedliche Länder, aber hends vo ahfang ah super zeme gha 😊 also simmer los tuckerlet 750 km praktisch alles gradus 😅

    En Stopp hemer gmacht bimne Hundefridhof🐕🐶mega Gänsehut hani becho woni duregloffe bin, het mi sehr berüehrt. Irgendwo im Nirgendwo!

    Next Stopp isch Wave Rock gsi. Es handelt sich um eh 2.7 Milliarde Granit Fels ganz wit ide Pampa use. Sie isch 15 Meter höch und 110 Meter lang. Ganz faszinierend han ich nöd nur Form sondern au s'Material selber gfunde wo sit so langer Zit existiert.

    Nach ca. 6h isch den die schlechti Nachricht cho 😥 und zwar het de Premier Ministor vo Australie Scott Morrison ufgrüeft all Toure per sofort ihzstelle und retour zcho weg dem Coronavirus. All Restaurant, Kinos etc. werdet per sofort gschlosse. Euse Guide het gseit er chan nüm umdreihe mir sege scho z'witt weg vo Perth und er verlüri sin Job eh also bliebet mer eifach 2 Täg am erste Ort und gönd erst den zrugg. Das sind real Aussies 😁🙌

    Die ersti Nacht wills gregnet het und scho eher frisch gsi isch hemer nöd zeltet sondern sind ine Jugendherberg. Natürli wird nur jedes 2 Bett gnutzt susch isch kein Mindestabstand vo 1.5 Meter gwährleistet😅    Lue lisää

    Katso käännös
  • Sabrina GislerAustralie 2020Matkaaja

    Lucky Bay

    24. maaliskuuta 2020, Australia ⋅ ⛅ 22 °C

    Im Paradis ahcho 🏝
    De Strand heisst Lucky Bay und isch bekannt dases Kangurus am Strand het. Leider hemer keis am Stranod gseh, aber sie sind ufem Campingplatz umeghüpft 🦘

    Das klare, blaue Wasser 🥰 en richtige Traum!

    Es Fotoshooting hets au geh und eigentli hani nöd is Wasser wele wills doch eher frisch gsi isch, aber erstens bini nachher voll Sand gsi und zweitens het mi ei Welle bös verwütscht 😂 eimal dri und den isches au vode Temperatur gange. Was füres Gfühl woni uftaucht bin und s'erst Mal keis Problem gha han weg de Linse. Bin soooo glücklich gsi 😊 bin somit also bi jedere Welle untertaucht und han gstrahlet und eifach mal alles um mich ume chöne vergesse 😍☺️

    Eh chlini Wanderig, (1h) über Stock und Stei de Küste entlang 😉    Lue lisää

    Katso käännös
  • Sabrina GislerAustralie 2020Matkaaja

    Swag Camping

    25. maaliskuuta 2020, Australia ⋅ ☀️ 25 °C

    So geg de spöteri Namittag hani mich mal getraut zum fröge wo mer den gnau s'Zelt ufstelled und den luegged mich all so komisch au. 🙈

    Ja also Zelt gits kei sondern mer schlafed unter freiem Himmel imne Schlafsack 😅 dass nennt mer in Australie "swag camping" heti das googlet heti mich chöne druff vorbereite aber nei d'Sabi het wiedrmal falsch denkt bzw. nöd mitdenkt 😂😂 isch ufjedefall eh einmaligi Erfahrig gsi.
    Wos ide Nacht gregnet het gits es Dächli zum über de Chopf zieh. Aber so bequem isch das ganze nöd würkli gsi 😅 Farb vom Schlafsack gseht us wie en Militärschlafsack 😅 aber defür isches eh mega klari Nacht gsi mit 1000ige vo Sterne und mer het s'Meer rusche ghört 🌌🏕 😍

    Ja und so hemer eus den leider au wieder uf de Heimwäg möse mache Richtig Perth. Wieder 8h Autofahre. Aber langwilig isches nie gsi 😁    Lue lisää

    Katso käännös
  • Sabrina GislerAustralie 2020Matkaaja

    In Perth "gfange"

    26. maaliskuuta 2020, Australia ⋅ ☀️ 30 °C

    Für die nöchste 3 Wuche hani mich entschiede imne Airbnb mit 5 andere Lüüt z'wohne. D'Unterkunft isch 40 Minute weg vode Stadt und lit 250 Meter vom Meer entfernt 😊

    Mir isch wichtig gsi, dass wenns zunere Usganssperri chunt in Australie dasi es schöns diheime han und au chan in Garte ligge und sünnele ✌ ☀️🌡 de Tag dur isches ahgnehmi 32 Grad.

    Wie schöns doch isch, sis eigene Zimmer zha, en Schrank zum alli sini Sache ufhänke und eifach wiedrmal Ordnig schaffe ih dem Rucksack.

    Han eh eigeni Terrasse, gsehne direkt ufs Meer und gnüsse jede Abig de Sunneuntergang 🌅 chönt also echt schlimmer si 😋

    Solangs no gat wirdi ab und zue en Tagesusflug vo Perth us unterneh. Aber langwilig isches mir ganz und gar nöd. Tuene täglich choche, chli spörtle (jogge odr chraft), gane an Strand und tuen Englisch lerne 😁 Es git soviel verschiendi Stränd woni ane gah chan, also puuri Abwechslig 😋 de Sand isch puderwiss und so schön fin, aber er chläbbt au überall 😂    Lue lisää

    Katso käännös
  • Sabrina GislerAustralie 2020Matkaaja

    Sandboarding in Lancelin

    28. maaliskuuta 2020, Australia ⋅ ☁️ 22 °C

    Eifach unglaublich!! Riesigi Sanddüne als wer mer irgendwo ide Wüesti. Vorallem hemer de Spielplatz für Erwachseni praktisch für eus alleige gha ☺️

    De tolli Usflug hemmer mit eusere "WG" gmacht 😆 wird euse letzti Usflug gsi si füres Zitli, abem Zistig wärdet all Strass gsperrt wo us de Stadt usefüehred.

    Es het soviel Spass gmacht uf's Sandbord sitze und abezschlittle, wusschhh...isch u schnell gsi 😂 Irgendwenn hani mi den getraut uf z'stah (will s'board nüm so gloffe isch und mer eh nüm so schnell gsi isch 🙃) aber es isch echt komplett andersch als snöbe 🙈 vorallem will mer kei Kurve chan mache 😆

    Wenn mer une ahcho isch und ufegluegget het das mer de Hüggel ez ufechraggsle muen 😅 leck bobi! Soviel sport hani scholang nüm gmacht haha brutal ahstrengend gsi 😂 bin so nuddelfertig gsi nachere Stund.

    D'Ussicht über die Düne sich gigantisch gsi 😍 alle Shi* um sich ume vergesse. Ach ja die "Sandstürm" 😂😂 wenns gwindet het, wases praktisch immer het, het mer echt ÜBERALL Sand gfunde😂

    Min erste Sunnebrand hani au müesse entgegeneh 😅🙈 sonen schöne Tshirtabdruck im Dekoltée, aber dank de Aloe Vera isch de ez wieder weg 😁 und susch im Allgemeine würi ez mal behaupte bini scho schön brun 😋    Lue lisää

    Katso käännös
  • Sabrina GislerAustralie 2020Matkaaja

    Pinnacle Desert

    29. maaliskuuta 2020, Australia ⋅ ⛅ 21 °C

    Die Pinnacles Wüesti befindet sich im wunderschöne und sehr witläufige Nambung Nationalpark in West Australie 🏜

    Mer het s'Gfühl mer chönt im Weltall si, und nei ich han kein würkliche Verglich 😂 abr so wirds beschriebe und so chanis mer au vorstelle. Aber natürli gits det na paar anderi Aspekt 😋

    Min erste Gedanke weisch wie lässig weri das als Chind gsi versteckis z'spiele 🙃 oder wenn mer früehner im Wald 'Räuber und Bulle' gspielt hend😊 nie het mer de anderi gfunde, also muesch eifach luegge dasd nöd als erst muesch sueche 😂😂

    S'Liecht het en gigantische Ihfluss bihtreit ☀️ eifach wiit und breit nur die Stei wo usem Bode raged, aber doch isch jede Stei andersch gsi und die ganzi Flächi halt eifach ihdrücklich 😊.

    Und natürli dörf mer d'Kängurus nöd vergesse 🦘🥰 die hüpfed eim eifach au immerno is Bild 😊    Lue lisää

    Katso käännös
  • Sabrina GislerAustralie 2020Matkaaja

    Daily routine ☀️

    31. maaliskuuta 2020, Australia ⋅ ⛅ 23 °C

    Es sind scho 2 Wuche ume siti ez in Perth feststecke..Zit rennt doch irgendwie 😆 han immerno 9 Wuche vor mir 😊 han scho es paar Plän, A, B und C 😂 abr wie sich das ez alles entwicklet und wenni chan witerreise staht no ide Sterne 😅

    Langsam het sich au alles chli ihpendlet. Ich bin immer am morge am 7ni wach will s'Huus so hellhörig isch 🙈 den machi Morgesport -> Yoga uf de sunnige Terrasse bevori z'Morge iss. Den sitzi uf mini Lounge zum z'mörgele und luegge uf's Meer use und gnüsse d'Morgestimmig 😊
    Spöter hani Online Englisch, das funktioniert super und macht riesig Spass 😆 den hani meistens Ufzgi woni erledige und susch nachli Englisch Grammatik woni selbstständig drah bin.

    Den isch schogli mal zit für's Z'mittagesse 😂

    Am Namittag gats täglich am Strand 🏝☀️ achh de isch soo schön!🥰 Wit und breit hets kei Mensche und chan Stunde am Strand sitze, de Welle zuelose und es Buech lese. Mengisch chans u fest winde und den hani amigs fast chüehl 😂🙈 aber im allgemeine isches +/- 25 Grad🌡

    Am Strand "z'lebe" hani scho immer mal wele und ja es het uu vieli Vorteil 😆 jede Abig gani goge de Sunneuntergang ahluegge, nimm mis Bier mit und sitze in Sand🍺 Aber ich vermisse eusi Berge! 🏞 und vorallem de Schwiizerchäs 😂 sogar de Mozzarella schmöckt da andersch.

    Sehr praktisch isch das alli Aussies en Grill diheime hend 🍗🥗 also mueni nöd so viel überlegge wases amigs zum Z'nacht git 😋 Aber doch chochi amigs au so typischi Schwizergricht wie Äplermakkeroneuflauf 😍 und Ghackets.

    Täg gönd immer so schnell ume und ich bin jede Abig todmüed vom nüt mache 😂    Lue lisää

    Katso käännös
  • 2025© FindPenguins
  • Koti
  • Tietoa meistä
  • Ryhmän seuranta
  • Lehdistö
  • Ehdot
  • Yksityisyys & Cookies
  • Ohjekeskus
  • Merkintä