Australien

So s Weekend isch au scho fast wieder verbi und ich han d Usgangszene in Maroochydore derfe kennelerne🍻 Jedoch bini nur ii Bars gange und han Clubs gmiede😂 Am Samstig lauft aber eidütig meh wie am Fritig... Isch aber ah beidne Abig super gsih :)

De Fritig isch en normale Schueltag gsih und nachher simmer no an Strand😊 Es isch eifach de Hammer wenn vo de Schuel an Strand nur eppe 3 Minute hesch haha wird wahrschinlich mis tägliche Prozedere werde😂🌞 Am Abig bini denn mit em Kolleg no inne Bar eis go trinke aber scho recht früeh wieder heii (ca. 23:00)

S erste mal chene richtig Usschlafe und Energie tanket hani am Samstig😊 Han bis am 10:00 gschlafe, zmorge gesse und denn wieder ah eusi wunderschöni Maroochydore Beach😍 Bin mit em Sebastian (en Schuelkolleg us Chile) de ganz Namittag dette gsih und han eifach s Wetter chene gnüsse! Nach em Znacht bini denn no mit zwei Schwiizerine us minere Schuel (sind aber ned bi mir ide Klass) is Kino gange „Tomb Raider“ go luege😂 Finde de Film isch guet aber ned Überragend... chunt also ned as Film mit de Angelina Jolie anne🤷🏼‍♂️ Nach em Kino simmer no kurz eis go zieh und denn hemmer eus au scho wieder uf de heiiweg gmacht😴

Aber alles ii allem ischs es super Erholsams Wuchenend gsih🤗😊😍 Czytaj więcej