Очистить поиск
Evrópa 2017
  • Þangað og heim aftur
  • Þangað og heim aftur

Evrópa 2017

79-дневное приключение от Þangað og heim aftur Читать далее
ПодписатьсяОбзорОбзорКалендарьКалендарьФотографииФотографииПоделитьсяПоделитьсяКорзина
Сначала новые
  • Þangað og heim afturEvrópa 2017Þangað og heim aftur

    Riquewihr

    25 мая 2017 г., Франция ⋅ ⛅ 21 °C

    Ég labbaði í bæinn í morgun. Tjaldstæðið er hinum megin við þjóðveginn og séð þaðan er Riquewihr svo til ósýnileg. Maður heldur að þetta sé kirkja og tvö hús, en hún er svolítið stærri en það. Ég segi "hún" því vinnufélagi hinn upplýsti mig um að Riquewhir hafi borgarréttindi þrátt fyrir að vera í raun pínulítið þorp.

    Hvað um það - ég labbaði af stað og var bara komin inn í bæinn allt í einu. Gamli bærinn er eins og klipptur út úr stereótýpu af Frakklandi og er hreinræktuð, en mjög sjarmerandi, túristagildra, full af litríkum bindingsverkshúsum og múrhúðuðum steinhúsum með gluggahlerum og blómapottum upp um alla veggi, og göturnar eru steinlagðar.

    Hér eru vínstofur og vínkjallarar (fr. cave) á hverju strái, veitingastaðir sem eru allir með meira og minna sama matseðilinn, og alls konar verslanir, þ.á.m. jólabúð og nornabúð - ekki galdrabúð, heldur er hægt að kaupa sér alls konar nornabrúður þar, allar brosandi og með krókanef og vörtur. Í einum af bæjunum sem ég ætla að skoða á morgun er reyndar nornasafn, þannig að sennilega hefur eitthvað gengið á hér í nornaveiðum til forna.

    Tók hring um bæinn og fékk mér svo laukböku og hvítvínsglas. Pantaði næstum alla máltíðina á frönsku og er mjög stolt af sjálfri mér.

    Mér finnst Frakkarnir reyndar leggja sig mikið meira fram um að skilja mann og að gera sig skiljanlega en Þjóðverjarnir, og þvert á það sem mér hafði verið sagt þá svissa þeir hiklaust yfir í ensku eða þýsku ef þeir sjá að maður skilur ekki eitthvað. En ég hef auðvitað bara átt samskipti við fólk í ferðaþjónustu og á veitingastöðum hingað til.

    Hér eru nokkur skemmtileg skilti sem ég sá í bænum.    Читать далее

    Посмотреть перевод
  • Þangað og heim afturEvrópa 2017Þangað og heim aftur

    Smávegis fyrir jólabörnin

    25 мая 2017 г., Франция ⋅ ☀️ 21 °C

    Sérstaklega vinkonusaumaklúbbinn. Það er nefnilega jólabúð í Riquewihr, og eftir að hafa séð verðin á dótinu sem er selt þar finnst mér jólabúðin á Laugaveginum alls ekki svo dýr lengur....

    Посмотреть перевод
  • Þangað og heim afturEvrópa 2017Þangað og heim aftur

    Hunawihr

    26 мая 2017 г., Франция ⋅ ☀️ 21 °C

    Ég fékk að gera góðverk í dag. Ég fór sem sagt og heimsótti storkamiðstöð í Hunawihr sem hefur það að markmiði að bjarga storkastofninum á svæðinu frá útrýmingu. Þarna eru margir storkar saman komnir og ungar eru handaldir til að tryggja að þeir lifi til fullorðinsára. Þarna eru líka ýmis önnur dýr til sýnis, s.s. otrar, bísamrottur og skepna sem nefnist "grand hamster", þ.e. evrópsk hamstrategund sem er svo sannarlega "grand" því þeir eru á stærð við naggrísi.

    Ég var á labbi í gegnum garðinn og í tröppunum við otrahúsið kom ég auga á þrjá fuglsunga sem höfðu dottið úr hreiðri. Einn var dauður en hinir tveir voru lifandi og ég fór með þá í afgreiðsluna og þar tók starfsmaður garðsins við þeim. Ég var látin skrifa nafnið mitt í skýrslu um fundinn, sem vekur hjá mér von um að ungarnir verðu handaldir og nái að lifa til fullorðinsaldurs.

    Engar myndir af ungunum, en hér eru einn storksungi í staðinn:    Читать далее

    Посмотреть перевод
  • Þangað og heim afturEvrópa 2017Þangað og heim aftur

    Strasbourg

    26 мая 2017 г., Франция ⋅ ☀️ 26 °C

    Það var hátt í 30° C hiti þegar ég kom til Strasbourg um hádegisleitið og þegar þetta er skrifað, í Speyer í Þýskalandi kl. 19:30, eru 27° C, þannig að þið getið ímyndað ykkur hvað það var gaman að vera úti í þessu. Ég bíð eftir að það komi þrumuveður og kæli loftið.

    Ég labbaði inn á Place de la Cathédrale, sem er einn af miðpunktum gamla bæjarins, horfði á langa, fjórfalda röðina sem hlykkjaðist inn um einar dyr á dómkirkjunni og út um aðrar og hugsaði með mér "nei, ég þrái ekki af nógu mikilli örvæntingu að sjá inn í kirkjuna til að standa í þessu".

    Svo settist ég inn á veitingahús og pantaði mér Tarte Flambée Traditionelle, sem er nokkurs konar pizza, bara með sýrðum rjóma í stað tómatsósu, og áleggið er laukur og skinka. Bara frekar gott. Labbaði svo niður í bíl í gegnum Petite France-hverfið og lagði af stað til Þýskalands.

    Strasbourg getur beðið betri tíma. T.d. væri ég alveg til í vetrarheimsókn þangað þegar hitastigið er þolanlegt og mannþröngin ekki eins mikil.    Читать далее

    Посмотреть перевод
  • Þangað og heim afturEvrópa 2017Þangað og heim aftur

    Bergpark Wilhelmshöhe, Kassel

    28 мая 2017 г., Германия ⋅ ⛅ 25 °C

    Mér skilst að ég hafi hitt þennan náunga áður, en ég man bara ekkert eftir því. Reyndar man ég mjög lítið úr fyrra tjaldferðalagi fjölskyldunnar um Evrópu þegar ég var unglingur.

    Hvað um það, þetta er Herkúles og hann trónir yfir borginni og Vilhjálmshæð og hefur gert í um 300 ár. Miðparturinn á tröppunum fyrir meðan hann er rás fyrir vatn.

    Mynd nr. 2 er af mér og Pan, sem er ein af styttunum sem skreyta stallana fyrir neðan turn Herkúlesar.

    Mynd nr. 3 er af einum af fossunum sem skreyta garðinn og er skrúfað frá tvisvar í viku og á hátíðisdögum yfir sumarið.

    Mynd nr. 4 er yfirlitsmynd, tekin frá grasfletinum aftan við Schloss Wilhelmshöhe, upp að Herkúlesi, með fossi, garðskála og stærðarinnar gosbrunni.    Читать далее

    Посмотреть перевод
  • Þangað og heim afturEvrópa 2017Þangað og heim aftur

    Nordsee Camping zum Zeehund, DE

    1 июня 2017 г., Германия ⋅ ⛅ 13 °C

    Ég var í Simonsberg, rétt hjá Husum, í nótt. Þetta er önnur dýrasta gistingin í ferðinni, rúmar 29 evrur, en staðsetningin er flott og undan engu að kvarta, a.m.k. ekki ef manni er sama um smá sveitalykt.

    Sjá enga sæhunda (seli), en hins vegar helling af fýlulegum rollum og lömbum.

     Norðursjór er rétt handan við veginn og gengið niður að honum í gegnum beitiland fullt af sauðfé, ofan á flóðvarnargarði.

    Þarna voru nokkrir kuldaþolnir eldhugar að kitesurfa, sem virðist vera stórskemmtileg íþrótt, og einn maður synti í brúnum sjónum þrátt fyrir öldugang og kulda. Brrrr!    Читать далее

    Посмотреть перевод
  • Þangað og heim afturEvrópa 2017Þangað og heim aftur

    Hvide Sande, Danmörku

    1 июня 2017 г., Дания ⋅ ☀️ 12 °C

    Fór í indæla gönguferð á ströndinni - með fulla skó af sandi af því það var of kalt til að vera berfætt. Fann ókeypis húsbílastæði, en vissi betur en að nýta mér það, því það er svo til undir vindtúrnbínunum þremur á fyrstu myndinni og ég veit hvað hvinurinn í þeim getur verið hvimleiður eftir dvöl mína í Danmörku 1996, í skugga einnar svona túrbínu.

    Síðasta myndin er af bakflæðinu... afs. kvöldmatnum mínum. Geri þetta ekki aftur. Svona mat á að borða í hádeginu eða um fjögurleitið aðfararnótt laugardags á leiðinni heim af djamminu, en ekki sem kvöldverð.    Читать далее

    Посмотреть перевод
  • Þangað og heim afturEvrópa 2017Þangað og heim aftur

    Seydisfjordur, Iceland

    6 июня 2017 г., Исландия ⋅ ☁️ 3 °C

    Það var svo hvasst að það var varla stætt úti á dekki þegar siglt var inn á Seyðisfjörð, og kalt eftir því. Ég tók þessar myndir og fór svo inn og horfði á fjöllin út um gluggann á kaffihúsi skipsins.

    Посмотреть перевод
  • Þangað og heim afturEvrópa 2017Þangað og heim aftur

    Kópavogur, Iceland: Ferðalok

    6 июня 2017 г., Исландия ⋅ ⛅ 7 °C

    Ferðinni lýkur á sama hátt og hún endaði: með mynd af kílómetramælinum.

    27.537 km eknir - ekki alveg jafn rómantísk tala og ég byrjaði með, en bara ágætis vegalengd. Á myndinni glittir líka í viðvörunarljósið sem kviknaði á í Brunschweig og hefur logað síðan. Bíllinn gat a.m.k. sagt mér í þetta skipti hvað er að: sprungin pera í númersljósinu.Читать далее

    Посмотреть перевод
  • Окончание поездки
    6 июня 2017 г.