Reinicializar a pesquisa
Frakkland 2023
  • Þangað og heim aftur
  • Þangað og heim aftur

Frakkland 2023

Akstursferðalag frá Íslandi til Danmerkur, Þýskalands, Hollands, Belgíu og Frakklands. Leia mais
+1
SeguirResumoResumoCalendárioCalendárioFotosFotosCompartilharCompartilharLista de metas
ResumoCalendárioFotos
  • Þangað og heim afturFrakkland 2023Þangað og heim aftur

    Í Móseldalnum

    6 de junho de 2023, Alemanha ⋅ ☀️ 21 °C

    Það er lítið af mér að frétta annað en að ég er búin að vera á ferðalagi. Hef ekið eftir þjóðvegum og sveitavegum og notið útsýnisins yfir skóga og blómlegar sveitir Frakklands, Lúxemborgar og Þýskalands. Er núna byrjuð að dóla mér upp meðfram Mósel. Það er ekkert sérstakt á dagskránni, enda vék ég út af áætlaðri leið og er bara að njóta þess að vera til. Er að hugsa um að taka verslunardag á morgun í Trier og Koblenz.

    Myndin er frá Lúx.    Leia mais

    Ver tradução
  • Þangað og heim afturFrakkland 2023Þangað og heim aftur
    11

    Schweich, Móseldalnum

    6 de junho de 2023, Alemanha ⋅ ☀️ 19 °C

    Gisti í nótt á bökkum Mósel. Labbaði upp í bæinn og verslaði í uppáhalds þýsku kjörbúðinni minni, Edeka. Kvöldmaturinn var ferskur aspas, brasaður í smjöri með smá salti. Tók um 5 mínútur á gashellunni (ca korter ef það er gert í ofni; gott að strá sesamfræi yfir).

    Uppgötvaði þennan funkí gosbrunn í gönguferðinni. Fann líka garnbúð og ritfangaverslun sem ætla að kíkja betur á í fyrramálið.    Leia mais

    Ver tradução
  • Þangað og heim afturFrakkland 2023Þangað og heim aftur
    1

    "On the road again..."

    8 de junho de 2023, Alemanha ⋅ ☀️ 22 °C

    Ég var í nótt á því alfallegasta tjaldsvæði sem ég hef gist á í ferðinni, í Wolfsmühle, upp með Lahn, sem er hliðará Rínar. Þarna leikur lausum hala alls konar fiðurfé, og það er ótrúlega kyrrlátt miðað við að það eru lestarteinar í túngarðinum. Það var ekki síður fallegt í dalalæðunni.

    Í dag er Corpus Christi, kaþólskur hátíðisdagur sem er ekki hafður í heiðri á Klakanum. Fyrir bragðið er allt lokað í Þýskalandi og þar sem það var álíka heitt í dag og undanfarna daga og hvergi í loftkælingu að komast, þá ákvað ég að hafa akstursdag og fara eins langt áleiðis til Danmerkur og ég hefði úthald til.

    Lagði að baki 530 km og er komin langleiðina til Lüneburg.    Leia mais

    Ver tradução
  • Þangað og heim afturFrakkland 2023Þangað og heim aftur

    Lüneburg - Árósar

    10 de junho de 2023, Dinamarca ⋅ ☀️ 21 °C

    Skoðaði í gær Saltsafnið í Lüneburg (mjög áhugavert; bærinn situr ofan á saltnámu) og gamla miðbæinn þar. Lenti svo í næstum klukkutíma umferðartöfum í útjaðri Hamborgar í yfir 30 °C hita. Fann sem betur fer skuggsælt tjaldsvæði til að vera á um nóttina.

    Dólaði mér svo norður eftir Danmörku í dag og er komin til Árósa. Veit ekki alveg hvað ég geri af mér á morgun, fer kannski í Legoland eða keyri hringinn á Fjóni, kíki í Aros eða tek því bara rólega og geri mig og Kadda tilbúin til heimfarar.    Leia mais

    Ver tradução
  • Þangað og heim afturFrakkland 2023Þangað og heim aftur

    Komin til Hirtshals

    11 de junho de 2023, Dinamarca ⋅ 🌙 15 °C

    Í dag dólaði ég mér áfram norður eftir Jótlandi, kíkti á loppumarkað í Álaborg, verslaði í Bilka, fékk mér eina franska, og kom mér til Hirtshals.

    Fékk mér labbitúr um bæinn og sá meira af tómu verslunarhúsnæði en verslunum og fannst bærinn vera svolítið umkomulaus. Tjaldsvæðið er hins vegar alltaf jafn fullt og ég verð að segja að aðstaðan hérna er sú flottasta sem ég hef séð á nokkru tjaldvæði í ferðinni. Það eru m.a.s. sjónvarpsherbergi, inni- og útieldhús og séraðstaða til að gera að fiski, fyrir utan allt þetta venjulega.

    Er að pæla í að ganga út á Grenen á morgun - nyrsta punkt Danmerkur.    Leia mais

    Ver tradução
  • Þangað og heim afturFrakkland 2023Þangað og heim aftur

    Norröna

    13 de junho de 2023, Dinamarca ⋅ ⛅ 17 °C

    Í gær gekk ég út á Grenen, nyrsta odda Danmerkur, þar sem Kattegat og Skagerrak mætast. Skilin eru sýnileg, því öldurnar koma úr sitt hvorri áttinni og ýmist stokkast eða skella saman.

    Hér eru nokkrar svipmyndir þaðan, og svo 2 úr Norrönu. Ég er í klefanum á móti þeim sem ég hafði á leiðinni til Danmerkur, og hann er kenndur við fiskinn kolskegg. Hann er djúpsjávarvera, svört á lit og hefur eigin ljósgjafa. Enska heitið er Threelight Dragonfish. Ekki slæmt það.    Leia mais

    Ver tradução
  • Þangað og heim afturFrakkland 2023Þangað og heim aftur

    Vaglaskógur

    15 de junho de 2023, Islândia ⋅ ☁️ 14 °C

    ,, Allt er þegar þrennt er" segir máltækið. Mikið innilega vona ég að það sé rétt, því að í dag var Kaddi á verkstæði í þriðja skiptið í ferðinni.

    Á leiðinni niður Fjarðarheiðina upphófust skruðningar, ískur og skraphljóð undir bílnum, nánar tiltekið hægra afturhjóli. Mig grunaði að handbremsan væri etv. föst út í diskinn, því bíllinn var í handbremsu í siglingunni frá Danmörku og handbremsur eru oft svo lítið notaðar á sjálfskiptum bílum að þær eiga það til að festast séu þær loksins notaðar.

    Fór með hann á verkstæði á Egilsstöðum og fékk þá greiningu að bremsuklossinn væri svo til búinn. Ekki gott mál með 700 km eftir af ferðalaginu, og þeir gátu ekki tekið hann inn vegna anna. Sama var uppi á teningnum á næsta verkstæði, en þeir bentu mér á verkstæði í Fellabæ og þar var hægt að koma Kadda að samdægurs.

    Kaddi fékk svo nýja bremsuklossa og á meðan sötraði ég kaffi og las inni á Bókakaffinu á Hlöðum. Get mælt með kaffinu þar, og líka andrúmsloftinu. Ég er nú komin í Vaglaskóg og er þar við hliðina á mömmu minni og pabba.    Leia mais

    Ver tradução
  • Þangað og heim afturFrakkland 2023Þangað og heim aftur

    Komin heim

    16 de junho de 2023, Islândia ⋅ ☁️ 10 °C

    Ég skilaði mér heim til mín um níuleytið í kvöld og ók inn í gjörningaþoku í Þrengslunum. Ég er þakklát fyrir að hafa komið heil heim, og þó að ég hafi lent í smá bílaveseni, þá voru það bara ævintýri.

     Hlakka til að sofa í svefnherberginu mínu í nótt, því þó að Kaddinn innihaldi rúm sem er líka mitt og það sé mjög notalegt að dvelja í honum, þá er betra að vera heima.    Leia mais

    Ver tradução
    Final da viagem
    15 de junho de 2023