Reset search
Kanada
  • Michelle Kiener
  • Sandra Hofer

Kanada

Ganzi 6 Wuche dörfe mir dür Kanada reise u brichte natürlech gern wider drüber! Read more
FollowInsightsCalendarShareShareBucket list
Newest first
  • Kanada
    Patricia Lake
    Düre Wald vom Patricia Lake zum Pyramid LakeÜses Plätzli zum essePyramid LakeBsuech...

    E Tag am See

    May 15 in Canada ⋅ ☁️ 11 °C

    Da zWetter hüt wider meh het mitgmacht simer am Morge los zum Patricia Lake. Dert heimer üses Picknick parat gmacht u si när am Patricia Lake entlang gloffe. Dr See isch u schön gsi mit de verschiedene Blautön u die churzi Wanderig het düre Waud u schlussendlich zum Pyramid Lake gfüehrt. Dert acho heimer es Tischli im See gfunde u derte gad zMittag gässe.
    När simer ume zrugg zum Outo u no chli witer zum Pyramid Lake gfahre. Dert hets so e Ussichtspunkt mit rote Stüehl. Da üs die Ussicht iz nid so het vom Hocker ghoue simer ume abe u no uf zInseli. Ds het üs scho besser gfaue, wiu d Sunne gad so schön het abegschune isches mega warm gsi u mir si es zitli eifach dert am See ghöcklet u heis gnosse. Ds sunnige Wätter het Lust gmacht uf nes Iskaffi u drum simer spontan uf Jasper abe eis ga hole. Zäme miteme Scone (ds isch es Gebäck) heimer z Iskaffi ner am See gnosse u si churz drufabe zfriede zrugg ufe Camping gfahre.

    Oh dert isches üs nid längwilig worde: mir hei immer wider Bsuech übercho vo de Elk (oder oh Wapiti oder Hirsche), wo hie wild lebe. A dem Abe hets bsunders viu gha wo immer wider um üse Camper gschuenet si u ds isch sehr spannend gsi zum beobachte.    Read more

    See translation
  • Kanada
    Lac BeauvertAnnette LakeEdith Lakefeinä Wafflä gässä, bevor d'Reis nach Valemount los giitSwift Creek Resort, Valemountüses feinä Z'nacht

    entspanntä Tag & ä kuriosä Campingplatz

    May 16 in Canada ⋅ ☁️ 10 °C

    Mir si hüt Morgä mit em nä feinä Z‘morgä i Tag gstartet & hi am 11i när ufem Camping uschecket. Ds Jasper si mir no drei Seenä (Lac Beauvert, Annette Lake, Edith Lake) ga ahluegä & hi am See no chli gläsä. Das eher früsch isch gsii, siimer när gli wiedr uf Japser ids Stedli.
    Bevor üsi Reis nach Valemount wiiter isch gangä, si mir no i nä Waffläladä & hi üs dert ä Milkshake & ä Wafflä gönnt.
    Nach 1,5h fahrt, sii mir in Valemount uf üsem ,,Campingplatz’‘ für zwo Nächt acho. Dä Campingplatz isch sehr unpflegt gsi & mir si diä inzigä Gescht gsii..Mir hi de när gwüsst wieso..😅
    Uf däm Campingplatz hets ke Duschi gha & kes WC/Bad gha. Äs het eifach äs dräckig‘s & unpflegts ToiToi gha…Mir si gd sehr entüscht gsii, da mir Rächt viu für dä Platz zaut hii…Da mir scho zwo Nächt nid hii chönä duschä, hättä mir üs gfröit uf nä Duschi..Mir hi när sofort für nä angerä Campingplatz gluegt für diä zwöiiti Nacht. Nachdäm üsä Fruscht chli het nah glah, hii mir no öpis feins Z‘nacht kochet & hii no dr letscht Camping für üs Reis in Whistler buechet.
    Da mir Rächt müüed si gsi u dr Camping ächt nid so cool isch gsi, sii mir sehr früech ga pfuusä.    Read more

    See translation
  • Kanada
    Kaffepouse in Clearwater
    Schöni Strecki richtig Helmcken FallsHelmcken FallsSchlechtwetterprogramm..... ir Turnhaue vom CampingAb zu Tims wes hunger git

    MIR HEI BÄRE GSEH...

    May 17–18 in Canada ⋅ ☁️ 12 °C

    ... oder emu d Sandra. D Michelle het müesse Outofahre... aber eis nachem andere.

    Da mir uf dem einte Camping z Valemoumt nid wohl si gsi, heimer beschlosse e Tag früecher abzreise. Mir si de die längi Strecki uf Clearwater gfahre u dert afa mau ines Kafi. Unterwegs hets nämlech nid so viu gha u drum simer gad düre gfahre. Ufem Weg dert here het d Sandra ir nechi vor Strass Bäre gseh. Mir hei ner no kehrt u si zrugg gfahre, aber leider sisi scho ume weg gsi. Drum ha ig nüt vo de Bäre gha, aber ja für aui wo iz immer gfragt hei: es het hie Bäre u ja öper vo üs het se endlech gseh (ohni Bewisfoto haut, sorry).

    Vo Clearwater us simer när no im Wells Gray Provincial Park richtig Helmcken Falls gfahre. Ds hei üs dr David u dr Adi (womer z Jasper hei troffe) empfohle. Die Wasserfäll si praktisch nebem Parkplatz, aber würklech beidruckend. Mir hei dert no üses zMittag gässe u ner no mega lang d Ussicht gnosse u am tosende Wasser zuegluegt. När isches de oh scho Zit gsi zum Camping zfahre u mir hei dr Abe dert la usklinge.

    Füre nächst Tag heimer nid viu plant gha, das wider dr ganz Tag het Räge gmäudet. Mir hei am Morge no mit üsne liebe Fründe telefoniert u ner afa e Wösch übertue. Ds coole a dem Camping isch, das es e Turnhaue het u für das mer üs no chli bewegt hei, simer de e Stund dert ine chli ga töggele, basketbäuele, fäderbäuele u hockeyle. Nachdem mer üs hei chönne ustobe simer uf Clearwater iz Städtli zu Tim Hortons öpis ga näh u ga ichoufe. Zwüsch düre het doch mau no d Sunne möge füre drücke, aber es isch sehr abwechsligsrich gsi u het immer wider grägnet. Iz höckle mer ume im Camper bereite üs uf ne läääängi Fahrt vor morn.    Read more

    See translation
  • Kanada
    mau no chli öpis vor kanadische Landwirtschaft gseh
    KamloopsKaffipousä ds KamloopsKamloops LakeFraser Riverim Stedtli Lillooet hii mir ä Pousä gmacht& fein Z'mittag gässäDuffy LakePuckelpisteüsä letscht Campingplatz üf üserä Reiszischtig gägä Mittag isch de d'Sunnä doch no fürä chooWhistlerd'Skisaison isch sit gester verbimega schönä Supermarkt🤩d'Ussicht usem Camper gniessä

    dr ganz Tag ungerwägs

    May 19–20 in Canada ⋅ ☁️ 5 °C

    Gester Morgä het üsä Wecker sehr früeh glütet & mir si när pünktlech am 8i abgfahrä. Mir hii hüt ä wiiti Reis vor üs. Mir wii hüt über Kamloops nach Whistler fahrä, ds si ca. 440km & 6Std. reini Fahrzyt. Äs isch wiedr ä sehr abwächsligsriichi Strecki gsii & hiiä und da mau ä Haut gmacht für öpis ah z‘luegä. Üsi erschti Pousä hii mir ds Kamloops gmacht & si dert hurti i näs Kaffi.
    Mir sii när wiiters gfahrä. Dr Highway isch sehr kurvig gsii & äs isch immer wiedr obsi & nidsii gangä. D‘Landschaft isch zum Teil rächt karg & steiinig gsii & när wiedr sehr grüüen. Mir hii ungerwägs wättertechnisch wiedr aues gseh gha. Ds Lillooet si mir de i näs Pub ga z‘mittag ässä. Mir hii mit fahrä immer chli abgwächslet, so das jedes Landschaft o chli het chönä gniessä.
    Mi hets mega fasziniert gha, ds mir mau o ä chlini Iiblick i diä kanadischi Landwirtschaft hii gseh. Hiä mau ä Farm, da mau ä Traktor, hiä mau chli Tier…abr leidr hiimer hüt ke Bär gseh🙈
    Nachärä längä & kurväriichä Strecki hii mir nach 9h dr Campingplatz in Whistler erreicht.
    Mir sii üs dert ga ahmäudä & si zu üsem Platz gfahrä. Ds hiä isch scho üsä letscht Campingplatz uf üserä Reis, bevor dases am Firitgmorgä mit em Camper umä zrugg nach Vancouver giit.
    Da mir zimlech müed si gsii, simer ändlech wiedr mau ga Duschä & hii üs no Räschtä vom Vorabä gwermt & si när gli mau ga pfuusä..

    Hüt Morgä hii mir uspfuuset, das immer no am rägnä isch gsi. D‘Sandra het vorem ufstah no mit dä Euterä telefoniert. Mir hi när üses z‘morgä gmacht & ufs Mau het dr Rägä chli nah glah & d‘Sünneli het chli afa schiinä.
    Hüt sii mir mit em Camper ids Stedtli gfahrä & si üs ga informierä was aus offä het & was nid. Ds Whistler het nämlech gester d‘Skisaison gändet & drum hii no nid aui Gondlä offä. Mir si no chli dür ds schönä Stedtli glofä & si chli ga lädelä. Ufs mau isches wiedr mega cho Rägnä & so si mir fein ga Käffelä. Mir hi üsä Rundgang no fertig gmacht & hi no zwü drü Sachä fürs chochä müessä ga iichufä. Mir müessä langsam üsi Läbensmittu ufbruchä & müessä ufpassä ds mir nüme z‘viu iichufä..😅
    D‘Sandra isch vo däm Supermarkt hin & weg gsii, da dr Ladä mega schön iigrichtet isch gsii.
    Nach üsem Iichuf siimer zrugg uf üsä Camping & hi dr Mittwuch & Donnschtig afa planä. Am Abä hii mir öpis feins köcherlet & si no chli überä Campingplatz spatziert.    Read more

    See translation
  • Kanada
    Train Wreck TrailDr WanderwegCheakamus River WaterfallsSunne gniesse vorem CamperKäffeleLost Lake

    Vo Zugwracks zu schöne Wasserfäll

    May 21 in Canada ⋅ ☀️ 10 °C

    Mir hei wider mau z Bedürfnis gha üs zbewege u drum dUmgäbig vo Whistler mit üsne Füess afa entdecke. Am Morge simer richtig Function Junction gfahre u hei dert dr Train Wreck Trail gmacht. Dä füehrt zu so alte Isebahnwäge wosi dert hei la si nachdem si vor paar Jahrzehnt si verunfallt. Me louft es paar Minute häre, gseht Isebahnwäge u viu meh eigentlech nid. D Wäge si aber vou versprayt mit Graffiti u gseh drum recht cool us. Nachdem mer dert üsi Föteli hei gmacht simer no am Fluss entlang ufem Wanderweg ufegloffe. Dä Wäg muess me mängisch chli sueche u füehrt über Stock u Stei. Irgendwenn simer zum Cheakamus River Wasserfall cho, was recht cool isch gsi. Dr Wäg womer druf si gloffe wird oh vo Biker brucht u drum heimer öpe die no Bikes oder Wanderer atroffe.

    Da mer schneller si gsi mit dere Wanderig aus gmeint, heimer üses Sandwich bim Camper gässe u ner no d Mittagssunne gnosse vorus. Nachem Mittag isch z obligatorische Kafi nache gsi u de simer am Nami oh scho ume zrugg uf Whistler gfahre.

    In Whistler heimer no zum Lost Lake wöue. Am Afang hei mer üs e chli schwer tah mit Parkplätz, wiu mir hei ersch dert gmerkt das me gar nid darf parkiere bim See, obwous e Parkplatz het. Mir hei dr Camper de ir Stadt häregsteut u si vo dert zum Lost Lake gloffe u hei dRueh gnosse, gläse und üs ab ere Gruppe Asiate amüsiert, wo hei es Fotoshooting gmacht.

    Zrugg ufem Camping heimer dr Abe mit Läse ar Sunne u ner eme guete zNacht la usklinge. Morn isch scho üse letscht Tag zWhistler u oh dr letscht mitem Camper...    Read more

    See translation
  • Kanada
    d'MietstationPousä am Green LakeBike giit Durscht😋

    Whistler mit em Bike erchundä

    May 22 in Canada ⋅ ☁️ 12 °C

    Mir si hüt vorem Wecker wach gsi & si när gmüetlech i Tag gstartet. Bim Ufstah hii mir no dr Liveticker vor Schwiizer Hockey Mannschaft mitverfougt, da mir ds Kanada sii, chü mir leidr dr Match nid live luegä…
    Nachdäm mir üses Z‘morgä (isch hüt erspärlech usgfauä, da mir morn dr Camper müessä ab gäh) & Sandwich gmacht hii, si mir ds Fuess bi wunderschönem Wätter zur Bushautsteu glofä. Ds Whistler hii mir när ä Bikevermietstation ufgsuecht & zwü Bike‘s gmietet. Mir si hüt am Valley Trail gfougt & hii so Whistler chönä entdeckä. Dr Trail isch sehr abwächsligsrich gsii, mau dürä Waud, mau ufem Highway, uf Grien & natürlech immer wiedr chli obsi & nitzig..😉
    Am Green Lake hii mir de bi Sunnäschyn üses Sandwich ghabberet & si när wiedr zrugg id Stadt ga d‘Bikes zrugg gä.
    Da mir mau nid mit em Camper hiä sii & niemer vo üs het müessä fahrä, siimer no äs Bier ga ha & hi üs no ä Portion Poutine gönnt.
    Gli druf abä si mir mit em Bus wiedr zrugg ufä Camping. Da mir morn dr Camper spetischtens am haubi 12i in Vancouver müessä abgäh, hii mir de afa packä & üser Sachä im Camper afa zämä packä. Mir hi no d‘Routä vo morn besprochä & si de gli mau ga pfuusä, das morn Morgä früeh tagwach giit, damit mir no müglechscht viu chü gseh ungerwägs & hiä & da no chü stiiu ha, bevor mir de schwärendshärzä üses Daheim (nach 3.5 Wuchä isch üs ds Camperläbä scho chli ads Härz gwachsä) müessä abgäh.
    Drum fröiiä mir üs sehr, morn no mau ä Strecki vo guuet 150km mit em Camper dörfä z‘fahrä.😁    Read more

    See translation
  • Kanada
    Erst Ussichtspunkt
    SquamishDa heimer üs no Donuts gönntAm Meer entlang uf VancouverIz gits keni Berge me, sondern Wolkekratzer im HintergrundTschüüüüssssEs Hotdögli zum AbschiedNach vier Wuche ume mau es richtigs Bett gha

    Tschüss Camper

    May 23 in Canada ⋅ ☀️ 16 °C

    Hüt isches sowit: mir säge Tschüss zu üsem Camper, wo üs 4 Wuche lang über 3'053 km dür Kanada begleitet het.

    Für dä Tag no chli usnütze heimer dr Wecker früeh gsteut u si am 7ni am Morge z Whistler losgfahre. D Strecki bis uf Vancouver het nämlech oh schöni Fläcke. In Squamisch heimer e Kafipouse igleit u dert oh no mau chli zmörgelet. När heimer eifach immer wider mau chli aghaute unterwegs und Ussicht gnosse. Es isch ungwohnt gsi plötzlech ume i Stadtverkehr zcho. Aber mir heis rechtzitig uf Delta zu Fraserway, üsere Vermietstation, gschafft. Da aui Campere bis am 11.30 müesse abgäh simer lang nid die einzige gsi u hei no dr Camper chönne usruume u putze u e Moment warte bis mer d Abgab hei chönne mache. Aber mir si ja nid im Stress gsi u zwarte isch agnähm gsi. Nach dr Abgab heimer no e Hotdog übercho bis üs dr Shuttle vo ihne de ir nöchi vo üsere Unterkunft het abgsteut. Da mir am Samstimorge früeh flüge, pfuse mer gad ir nechi vom Flughafe. Dr Nami heimer no rund um üses BnB verbracht, hei e Film gluegt u si ner de mau pfuse. Es git e churzi Nacht...Read more

    See translation
  • Kanada
    am Morgä am haubi 5ii
    üsi luschtig & fröhlech Capitan😁los giits✈️wunderschönTorontoim Zug zur Unterkunftüses Zimmeräs mega härzigs RestaurantAbästimmig ds Toronto🇨🇦

    Fäischterplatz & Flügzüügwächsu

    May 24 in Canada ⋅ ⛅ 16 °C

    Hüt Morgä isch üs am 4i äs Taxi cho riichä, wo üs zum Flughafä bracht het. Dert hii mir schnäu chönä icheckä & hii no öpis chlises z‘morgä gässä. D‘Michelle & ig hockä hüt im Flugzüg nid näbänang, da mir nid angers hii chönä buechä.
    Bim Boarding ha ig ufs mau ä angerä Platz überchoo & ha bi so am Fäischter ghocket, was ig mega cool ha gfungä.
    Mi Platz näbä mir isch lang läär gsii & ufs mau isch d‘Michelle glich näbä mir cho hockä, wöu ihrä Platz zwü mau isch vergäh gsii.
    Wo mir du ändlech si startklar gsii, het öper no ds Flugi müessä wächslä & de hii si wägä däm no müessä Gepäck um ladä..u so isches nüt gsi vo pünktlech startä. Im übrigä hii mir ä mega coolä Pilot gha. Är isch super drufä gsii & het ä super Ahsprach ghautä. Wo mir de ändlech hii ds Gfüehl gha, itz chas de los gha, isch ufs mau Durchsag cho, mir müessi aui ds Flugzüüg wächslä, da Seafood us glofä isch & so d‘Flugsiicherhiit nüme gwhärleischtet isch..
    De siimer aui wiedr samt dr Crew usem Flugi usä & hi ä knappi Stund uf näs nöiis Flugi gwartet. So isch dä ganz Prozäss mit em Boarding & Platz iinäh no mau vo vor los gangä..😅 Dr Capitan het üs no mau begrüesst & het drzue immer si‘s Kaffi ir Hand gha.😄 so richtig ä Coolman gsi😎
    Am 8ii, auso 2h speter aus planet isch de üsä Flug uf Toronto ändlech los gangä.
    Dä 4.5h Flug isch sehr ahgnhäm & churzwillig gsii. Äs isch mega faszinierend gsii, so diä Landschaft vo obä z‘gseh.
    Mir si ds Toronto guuet glandet & üses Gepäck isch zum Glück o mit cho. Da mir sit em Z‘morgä nüme gross öpis hi gässä gha, hi mir sofort gluegt für öpis i Maagä. Mir si när mit em Zug & Streetcar zu üserä Unterkunft (äs isch diä glichi U terkunft gsii, wo o üsi Reis gstartet het, u so hi mit dr Ort scho guuet kennt) gfahrä & hi ungerwägs no hurti ä Aphotek ufgsuecht, da ig no ä Insektästiich am Arm ha gha wo mega gschwullä isch gsi u sehr bissä het… Si hi üs öpis chönä mit gää & so siimer när z‘Fuess zu üsere Unterkunft. Das scho 7bni isch gsii, siimer när no öpis feins ga ässä. Mir hii üses letschtä Z‘nacht sehr gnossä & si de gli druf Abä ga pfuusä. Da mir Rächt früeh uf sii & mir ä längä Tag hii gha & wiedr ä Zytverschiebig vo 3h hii gha, siimer fix&foxy gsii.😅 Mir fröiiä üs, morn dr letscht Tag in Toronto z‘verbringä. 🇨🇦    Read more

    See translation
  • Kanada
    Dr CN Tower am Morge
    CN-TowerToronto bi RägäCools treffe gsi mit dr JenLivestream Hockey WM FinalAbestimmig am FlughafeAb heizue

    E guete Abschluss

    May 25 in Canada ⋅ ☀️ 14 °C

    Nachdem mer gester zimlech kabutt si ga pfuse simer hüt erhout erwachet. Mit hei usgschlafe u dr Morge gmüetlech gnoh. Da mir beidi chli anders Programm hei gha, wird de dSandra da säuber no öpis derzue schribe.

    Nachdem mer hei uscheckt gha bini mir dr Sandra es Stück mitgloffe u ner einisch ume Block. Mi erst Stopp isch de när es härzigs Kafi gsi in Kensington Market. Dert bini zwöi Stund ghöcklet u ha mitem Julian telefoniert.
    När bini zrugg zum Hostel, wiu i ha dert mit dr Jen abgmacht. I ha Jen letscht Jahr in Costa Rica lehre kenne u si wohnt hie zToronto. Drum isch cool het ds mitem träffe klappet u mir hei huufe plöiderlet u zMittag gässe. Am 4i heimer üs de verabschiedet u mir hei üs ufe Weg a Flughafe gmacht.

    Toronto het sich vo sire beste Site zeigt bim Abflug u mir hei e wunderschöne Sunneuntergang dörfe bestuune.

    Ig ha mi när vor Michelle verabschiedet & bi när ca. 40 Minute z‘Fuess zum CN-Tower glofä.
    Bim härä lufä isch no T-shirt Wätter gsii. Vorem Tower hets no auti Isäbahne gha. Für ufä Turm uechä, hani äs Ticket bruucht. Dussä hani öpä ä haub Stund im strömmendä Rägä müessä ahstah für näs Ticket. Nach däm ig ds Ticket ha gha, hani no mau ä Stund müessä wartä, bis ig ufä Tower ha chönä.
    Mir si mit em nä Lift uf diä 1. Plattform bracht wordä. D‘Ussicht vo dert über diä ganzi Stadt isch überwäutigend gsi. Trotz Rägäwätter ha ig d‘Ussicht chönä gniessä. Diä langi Wartäzyt het säch glohnt gha. När isches mit em nächschtä Lift, no ä Etage wiiters gangä. Dert isch när dr Bodä & d‘Wand us Glas gsii. Vom Luft het dr Turm rächt gwagelet. Ig bi när zrugg uf diä 1.Etage & när wiedr dürä strömend Rägä zur Michelle & zur Jen glofä.    Read more

    See translation
    Trip end
    May 26, 2025
  • 2025© FindPenguins
  • Home
  • About us
  • Group Tracking
  • Press
  • Terms
  • Privacy Policy & Cookies
  • Help Center
  • Legal notice