Lady-drivers on the road🌍

Scho bim fahre uf Townsville hemmer ah dä Strass mega viel Schilder vom Billa Bong Sanctuary gseh und denkt gseht eich no cool us. Nach kurze Recherche hemmer gseh das es es Sanctuary isch wo verletzti Tier ufnimmt und je nach Verletzig denn au wieder id Wildnis entlaht. Das hemmer eus natürlich nöd chönä entgah lah. Online hemmer en Ziitplan gseh wo staht wenn mer was chan mache. Es het viel Füetterigsziite aber au sogenannti Experience druf. I dene verzellt en Ranger alles wichtige über es Tier und oftmals au wieso das sie vom Ussterbe bedroht sind.
Am 9.15 isch losgange mit Koala füettere (d Ranger natürlich aber mer hend grad näbet drah chönä stah). Pünktlich wie es schwiizer Uhrwerk simmer also im Park gsi und denn isch dä stressig Part losgange. Mer hend bi allne Aktione welle debi si und möglichst alles über d Tier erfahre deshalb hemmer zum Teil fast scho vo A nach B müsse renne😂 Scho ab dä erste paar Minute simmer begeisteret gsi vom Park, d Ranger mached en super Job und mir hend sehr viel über di australische Tier chönä lerne. D Tier werdet au sehr guet ghalte (usser Krokodil aber wie wetsch au am ne 5 Meter Tier wo im Wasser sött si grecht werde🙄) und mer merkt dä Bezug wos scho zu dä Ranger hend. Ein Koala isch wo si zu ihm ine gange isch grad ab em Baum cho und prompt zu ihre kletteret. Sie het vertellt das machi er immer, er brüchi die Portion Kuscheleinheit vo ihre😍 Wemmer das alles so ghört und gseht gaht mer devo us es het meega viel Lüüt aber au mir sind überrascht gsi es isch quasi leer gsi🫨 Doch guet simmer im Winter uf Australie🥳 Öppis wo mer vo ahfang ah gwüsst hend wemmer unbedingt mache isch en Koala z hebe. Mer wüssed mega schlächt für d Tier ect. aber die herzige flauschige Dinger hemmer eifach mal müsse uf em Arm ha. Da mer bi dere Sanctuary es super gfühl hend mit em Umgang ect. hemmer mit freud für das Foti zahlt. S Gfühl vo dem chline uf em Arm isch unglaublich gsi. Er isch sooo flauschig und wemmer sini Händ ahluegt denkt mer dä kratz sicher aber nee er isch unglaublich fiib mit sich hebe. Üsi Herz sind gschmulze😌
Im Ahschluss as Foti hets no ä Reptil Expierience gäh. Det hemmer au glernt was mer münd mache wenn eus ä Schlange wür bisse. Immer guet zum wüsse☝🏼
Im ahschluss het jede Ranger ( drü verschiedeni sinds gsi) no privati Gspröch mit dene Lüüt wo lust hend gfüehrt. Natürlich het jede Ranger au es eigets Tier no gha. Üs hets grad zur Schlange zoge. Und mir hend sie denn sogar dörfe hebe😮 Nach dä Schlange hemmer au no en Leguan und es Babykrokodil dörfe hebe. Mega krass wie sich ihri „Huut“ ahfühlt .
Nach 3h vo Aktion zu Aktion sprinte simmer denn recht kaputt gsi und hend zerst en nap im Auto müsse mache😂 Nachher ischs wiiter gange id nöchi vom Mission Beach😄Baca selengkapnya