Nulstil søgning
Safari
  • Marc Hofer
  • Täbs
  • Marc Hofer
  • Täbs

Safari

Et 35-dags eventyr af Marc & Täbs Læs mere
FølgOversigtOversigtKalenderKalenderBillederBillederDelDelTræskoliste
OversigtKalenderBilleder
  • Start på rejsen
    2. august 2025
    Safari
    Flughafe Doha
    1Sogar ir Holzklass redtme nöierdings vo WelnessAkunft am 12i z Nairobi1Mir si RiichCity Market mit wunderbare Hygiene Bedingige1Happy MarcJöö es chliises

    Nairobi

    2. august 2025, Kenya ⋅ ☁️ 22 °C

    Am Samstimorge uf z erste Tram🥴. Via Doha simer uf Nairobi cho. Zum Glück isch dr Flughafe z Doha guet gchüelet gsi wüu 38Grad wär de scho gad chli warm gsi. In Nairobi isches zwüsche 15 und 25. Am Abe hei aui Winterjagge anne, teilwiis oh Chappe und Schal. Dr erst Tag heimer brucht zum Ahcho und si ufene Tour dür d Innestadt. Am zwöite Tag heimer di erste Giraffe gseh. Im Giraffe Center heimerse chönne füetere. Es het Spass gmacht. När simer no is Nationalmuseum und wüsse izze chli meh über d Gschicht und Natur. Morn morge geits de so richtig los und mir fahre id Masai Mara uf Safari.Læs mere

    Se oversættelse
  • Safari
    Dr erst Löi
    Lion King Nr.2E SchmätterlingJa heimer o no gseh, Big Five 4/5Leider ohni z GumpeMasai Giraffe (Muster wie Blätter)Im Schutz vode Outos am JageDie GejagtenZiel erreicht, Zmittag isch uftischetVo dene hets so viu dasme nidmau brämsetEis vode Sibe NaturwäutwunderReste vomne unglücklech verloffnige Crossing, Kroki wär am warte ufs nächsteMoto Moto (eue e Engländer ar Huutfarb ah)

    Masai Mara

    5. august 2025, Kenya ⋅ ☁️ 21 °C

    Am Morge zitig z Nairobi los. Zersch düre Stadverkehr und irgendwennmau hetme de o chli chönne fahre. Irgendeinisch heimer die teereti Strass verlah, z Tempo isch aber bi bhaute worde. Nachem wiude Ritt simer im Camp am Rand vom Park ahcho. Und scho simer los ufene Abe Safari. Zwöi Löie heimer glii mau gseh. Dr eint 5Meter näbe dr Strass, wo leider o no gad dert e Jeep isch abgläge. Dr anger ufemne Felse. Churz vor Sunneungergang het Jeff, üse Guide, nomau ufs Gaspedau drückt und üs zure Elefanteherde bracht. Es het aune d Sprach verschlage. Ufem Rückwäg heter no einisch zeigt wär im Park am schänuste cha fahre. Mir hei dert e Geier gseh, nach öppe 5min hetsech näre gad näbem Geier e Geepard ufgrichtet wo dert am frässe isch gsi.
    Am zwöite Tag simer früech los und fasch 10 Stung im Park gsi. No vor de achte heimer scho e umeloufende Leopard und Geepard gseh. Näre isch z Highlight cho (sogar dr Guide hets nid chönne gloube) zwöi Leoparde bimene freistehende Boum. Mir heise gseh chlättere, spile und frässe. Das sig so säute z gseh das jedes Outo im Park dert häre isch cho. När heimer no e jagende Gepaard gseh, wo leider z langsam isch gsi. Nachem Zmittag zwöi ruehendi Löie, dr eint heimer säuber entdeckt und mega vo nachem gseh. Zudem no e Löi und e Gepard wo o gad am Zmittagesse si gsi. Am Nami simer zum Mara River womer Great Migration hei gseh, aber leider heisi a dem Tag nid wöue dr Fluss überquere. Nachem lange wäg zrügg (ca 45km Schotterpiste) simer ganz müed im Camp ahcho. Hüt simer wiitergreist uf Nakuru, drbi simer dür d Highlands gfahre (2900m) wo mega schön si gsi.    Læs mere

    Se oversættelse
  • Safari
    Mystischi Stimmig
    BreitmaulnashörnerImpalas, spot the GiraffeRotschild GiraffeVom Marc entdeckti Hyäne, läck si die Tier hässlech1Kingfisher, mau nid z BierIbis, mau nid z HotelAfrican FisheagleFüetterig mit Tote FischeStruus, Gnus und AntilopeVore Schibebräms hinge Fäugebräms, überlegemers bi üs o so z mache🙈Massai Giraffe2Hells Gate Nationalpark, Inspiration für LionKing

    Nakuru und Naivasha

    8. august 2025, Kenya ⋅ ☁️ 19 °C

    Ir Nacht hets grägnet u das obwou das Trochezyt isch, aber hie i dere Region isch eh aues viu grüener, wüus im Rift Valley ligt. Ide letzte Jahr rägnets immer meh drum wärde d See hie immer grösser und ganzi Wälder oder haut oh Teile vo Dörfer si am versinke. Leider het das drzue gfüert dases im Lake Nakuru fasch keni Flamingos meh het. Di rästleche Wasservögu si aber bliibe. Zudem hets i däm umzünte Nationalpark viili Nashörner, Giraffe, Leoparde, Löie und Hyäne. Und natürlech die Tier wos überau giit, Büffle, Zebras, Antilope, Gazelle, Gnus,...
    Am Mittag simer näre ufem Lake Naivasha ufne Bootssafari. Üsi Erwartige womer d Nussschale hei gseh si töif gsi, aber mir si nid enttüscht worde. Ganz ganz viu Vögu und ufere Insle (wägem stigende Wasser ke Landzuegang meh) hets ganz viu Zebras, Antilope und Gazelle gha wosech dert vor kene Raubtier müesse fürchte, d Tier si dütlech ruhiger gsi aus aui womer bishär hei gseh. Dr Nami isch när ganz gmüetlech gsi, so heimer üsi Erkältige chli chönne uskuriere. Am nächste Morge simer mit Velos düre Hells Gate Nationalpark gfahre. Leider heisech d Tier wägem Räge ide letzte Tage i höcherglägnigi Gebiet zrüggzoge und mir hei nur wenigi gseh. Drfür si aber die Steile Felsklippe sehr beidruckend gsi. Wider z Nairobi ahcho isch üs die hektischi Stadt viu entspannter vorcho und mir hei üs direkt zimlech wou gfüeut, wasmer vode erste zwöi Täg hie nid chöi bhoupte.    Læs mere

    Se oversættelse
  • Safari
    Busbahnhof Downtown Nairobi
    Es gäbigs ZügelautoMau Mau Caves mit Kim, Don und JoyChauts GletscherwasserS kenianische Kägi FretMount KenyaLangsame UfstiegIm Tagesverlauf wirds leider immer bewölkterDie rosaroti Wule wird mit Insekte vomene Kaktus gfärbt1Dr gchouft Wandteppich

    Nanyuki

    10. august 2025, Kenya ⋅ ☁️ 22 °C

    D reis uf Nanyuki isch eidütig es kenianisches Erläbnis gsi. Eine vo de Tourguides womer hend kenneglehrt het üs z Nairobi gholfe es Matatu z finde. Die chosted zwar fasch nüt, fahred aber natürlech ersch wenns voll sind. Üses het leider 2 Stund defür brucht... Nach ere witere stund im stau und ere holprige Fahrt hemmers denn aber doch gschafft. Ade 2 täg druf simmer mit Kim und Don go wandere, einisch e agnähmi Wanderig zude Mau Mau Caves. Und einisch het Kim en 8km wanderig zwüsche 3300 und 3800 Höhemeter am Mount Kenya akündigt, woner denn spontan uf 17km bis 4150m het erwiteret. Leider isches nid strahlend schön gsi und mir sind mehrheitlech ide Wolke gwanderet. Drum hemmer de dritt tag z Nanyuki brucht zum Chopfweh und müedi bei uskuriere... Defür simmer no d Nanyuki Spinners & Weavers go bsueche. Mir hend spontan e churzi Füehrig übercho, wo üs d Härstellig vo Teppiche und Schals isch zeigt worde. D Fraue wo do schaffed si alli alleierziehend und chönd dank dem Projekt Gäld verdiene, sogar im Homeoffice. Morn nämemer (vilich es schnällers) Matatu zrügg uf Nairobi, damit mer am Fritig richtig Amboseli Nationalpark und Tansania witerchönd.Læs mere

    Se oversættelse
  • Safari
    Zwöi Schakale, gspottet vor Tabea11Hihi du bischUnbedingt mit Ton luegeMerci fürs Beschütze vo dr Herde3Serval oder SavannechatzD Klassiker Thomposon Gazelle, Zebras und GnusSo isch Mufasa gstorbe

    Amboseli

    16. august 2025, Kenya ⋅ ☁️ 21 °C

    Nachere Nacht und emne entspannte Morge in Nairobi simer zum Amboseli Nationalpark gfahre. Da Hochsaison isch und aui Lodges usbuechet si, isch üsi Gruppe leider ine no nid ganz fertigi Ahlag cho. Am erste Tag het üses Zäut no ke Wasser gha und z ässe isch o nid dr Wahsinn gsi... Im Park heimer viu Elefante gseh, auso so viu dasmesechs gar nid cha vorsteue. Mir hei are Gruppe sogar chönne zueluege wisi es Rudu Löie vertribe hei. Drbi heimer gseh was für soziali Tier die Riise si. Bim usefahre heimer no e Serval gseh, öppis wo no säutener zum gseh isch aus Leoparde. Am nächste Morge simer früech los, leider isch dr Kilimandscharo wider bewölkt gsi und mir hei uf ke einzigem Biud dä schön Bärg im Hingergrund. Drfür heimer 4 Löie vo ganz nach gseh und näre no 20 Hyäne wo es Gnu zum Zmorge hei gässe. Näre simer witer über d Gränze nach Tansania und si izze z Arusha wider chli am entspanne.Læs mere

    Se oversættelse
  • Safari
    Cultural Heritage Center
    Eland Antilope, die grösste wos git (bis zu 900kg)Mangusten1Löii ufrm Boum, bismer de dä hei gseh...Üse viert LeopardBaobabDikdiks die chliinste Antilope in Ostafrika1Eine Rüttlet Frücht abe und när wird gässe1Riisigi Büffelherde

    Arusha und Tarangire

    17. august 2025, Tanzania ⋅ ☁️ 25 °C

    Z Arusha heimer gmüetlech gno, hei guet gässe bi üs im Hotel und si no chli im Pool gah bädele. Zudem simer no is Culutral Heritage Center und iz Naturhistorische Museum. Näre simer ih Tarangire Nationalpark. Dert heimer gad zum Start e Walking Safari gmacht. Mir hei dänkt meh gseht de nüt, aber mir sie zum Glück mau wider fausch gläge. Zebrakadaver, Tonnewiis Geier, Hyäne, Zebras, Giraffe, Gnus und Eland Antilope heimer gseh. Zudäm isch üs vom Ranger viles über Pflanze und z Verhaute vode Tier vezeut worde. Nachem Zmittagesse simer ufe Gamedrive. Dert heimer das gseh wo dr Tarangire drfür bekannt isch: Baobab Bäum, Elefante und e Löi ufemne Boum. Zudäm si no zwöi Löie direkt näbe d Strass cho lige. Übernachtet heimer im Park ire wunderschöne Zäutlodge. Ir Nacht heimer Löie ghört und am Morge heimer die de oh gseh. 4 Stück si am Sünnele gsi. Vo dert us simer wiiter richtig Ngorogorokrater.Læs mere

    Se oversættelse
  • Safari
    Es mega chliises Zebra, bim loufe isches immer wider id Mueter inegheitHingerem Fels/ HippoMir hei glehrt das oh Löie e Musterig heiTreetop WalkBlue MonkeyVelvet MonkeyBaboon2

    Ngorongoro & Lake Manyara

    20. august 2025, Tanzania ⋅ ⛅ 21 °C

    Richtig Ngorongoro isches immer grüener worde. Zum Kraterrand ueche fahrtme dürne Dschnugu und obe ahcho hetme e atemberoubendi Ussicht i Krater ine. 600 Meter geids abe und dr Durchmesser isch bis zu 21km. Mir hei obe e chliini Wanderig mit dere spektakuläre Ussicht gmacht und si när zu üsem Camp gfahre. Ufem wäg simer no are Gruppe sitzende Giraffe begägnet. Z Camp isch stark am Wind usgsetzt gsi und d Nacht nid sonderlech erhousam. Bi bewölktem Wätter und eher früsche Temperatur simer näre e morge lang im Krater umegfahre. Bekannt für sini Nashörner simer mehrmaus dür z Waldstück gfahre wo si sech verstecke, aber leider heimer keni chönne entdecke. Meh cha nid immer Glück ha. Mir hei aber drfür 2 grossi männlechi Löie gseh wo zäme mitemne wiibli si ungerwägs gsi. Si si eue gad vom Frässe cho wüu hinger ihne si no Schakale und Hyäne gsi, di sogenannti Putzequipe. Nachemne Namittag am Pool simer näre am Tag druf no i Lake Manyara Nationalpark. Dert heimer zersch e Treetop Walk gmacht. Uf fasch 20 Meter simer düre Urwaud gloffe. Ufem Gamedrive näre heimer vorauem Affe und Elefante gseh. Leider isch o bi däm See e grosse Berich rundume überfluetet worde ide letzte Jahr. Drum hets dütlech weniger Tier und oh d Löie gsehtme immer säutener. Trotzdem isch d Natur sehr ihdrücklech gsi. Izze simer zrügg in Arusha und üsi Safaritäg si düre. Einersiits simer froh mau chli uszruie und usschlafe. Angerersiits fingemers o chli schad chöimer nid no meh Tier gah entdecke.Læs mere

    Se oversættelse
  • Safari
    Swahili Znacht
    Dr Wäg zu üsem BungalowZ Badzimmer vom BungalowUm aues wird hie verhandlet, jedes Rüebli het si PriisOfehändsche = BananeblätterTansanischi FriteuseMateruni WaterfallFrüsch gröstete KafiSchale vode Bohne löseIsch ja nur öppe 45minute gsi pro Wäg...Die drü Chatze vom Hostel, vom Hund leider kes BiudWhite Colobus Äffli, gseh sehr unglücklech usHornbillTansanisches Gartecenter, am StrasserandHie isch Dr Kili auso weme inezoomet isch z einte SchneeIm chliine Flugi uf Daressalam

    Moshi

    23. august 2025, Tanzania ⋅ ⛅ 25 °C

    Nachdäm dasmer dr Kilimandscharo immerno nid gseh hei, heimer ihm nomau e Chance gäh. Am Fuess vom Kili heimer 4 entspannti Täg in Moshi verbrunge. Mir si zumne Wasserfau gwanderet und hei ahschliessend die lokali Art vor Kafizuebereitg dörfe kennelehre. Näre heimer mitemne Chochkurs im Hostel öppis mega cools erläbt. Mir si ufe Märit ga ichoufe und hei so ihblicke i Beriche becho wome süsch aus Touri nid het. Choche isch hie no es richtigs Handwärk. Bananesuppe (Kochbanane), Pilau Riis (wie Biryani), Maandazi (Berliner ohni Füllig) und Chabissalat heimer gchochet. Z meiste drvo ufem Füür, sogar frittiert heimer so... Am letzte Tag simer no ine Waud ga Äffli luege und dür verschiideni Quartier vo Moshi gloffe. Mir hei so e chli meh chönne id Kultur vo Tanzania itouche auses dr Grossteil vode Touris macht. Nachem Flug uf Daressalam geits izze de no uf Mafia Island e Wuche Strandferie gah mache.Læs mere

    Se oversættelse
  • Safari
    Z chliinste Flugezüg vo üsem Läbe
    LandeahflugDr chliinscht FlughafeWiukommensdrinkEis vo unzählige SunneungergangsföteliSandbank, z spektakulärste uf dr BuckelwalsuechiESAF luege ir HotelbarFlughünd2Hotel heimer Cash müesse zahle

    Mafia Island

    28. august 2025, Tanzania ⋅ ☀️ 27 °C

    Nachem Terminal 2 ( das mit de Inlandflüg) heimer no Terminal 1 dörfe kennelehre. Hie flüge nur ganz chliini Flugzüg ab. Üses het inkl Pilote 14 Plätz. Pilot hets aber nume eine gha (wo zum Glück immerhin für Start und Landig sis Handy no het wäggleit). Vom Flugi us heimer Walhaie gseh und d Landig isch dütlech sanfter gsi aus bi jedere grosse Maschine. Im Hotel simer fründlech empfange worde und hei direkt agfange dr Strand z gniesse. Di folgende Täg heimers am Strand und ir Hängematte gmüetlech gno und immer wider chlini Usflüg gmacht. Einisch e Buckelwal Tour, wo d Buckelwale leider nid hei wöue vrbicho, drfür d Rägewolke. Einisch chli dürs Dorf gspaziert und dert fein ga ässe. Dr Marc isch einisch am morge mit Walhaie gah schnorchle. Nachem churze orientiere im Wasser isch plötzlech ä 6 Meter länge Fisch ungerdüregschwumme. Obwou dases nach gar nüt usgseht muesme rächt Gas gäh dene nachezmöge. Am Tag druf bim Touche heter näre de die chliinere Fische vo nach gseh. Krokodilfisch, riisigi Muräne, Pufferfish, Roche, Skorpionfisch und aus Highlight e Baby Boxfish (öppe 5cm läng). Zudäm natürlech no ganz viu angeri Fische und ei Schildkröte wo ade Koralle isch am Knabbere gsi. Am letzte Tag simer no zure Sandbank gfahre, vordranne heimer gschnorchlet und näre uf dr Sandbank Zmittag gässe. Nach 6 sehr erholsame Täg simer hüt zrügg uf Dar gfloge und morn geits de via Doha uf Züri.Læs mere

    Se oversættelse
  • Slut på rejsen
    5. september 2025
  • 2026© FindPenguins
  • Hjem
  • Om os
  • Gruppesporing
  • Presse
  • Betingelser
  • Privatliv & Cookies
  • Hjælpecenter
  • Aftryk