Reset search
Florina SteffenFlorina Steffen
SatelliteEdit route
traveled in 3 countries Read more
  • Florina Steffen53. Tag in Brighton 2.8.16
    Day 1

    53. Tag in Brighton 2.8.16

    August 3, 2016 in England ⋅ ⛅ 19 °C

    Ich glaub d Wält goht dämnägscht unter 😲 Es het dr ganz Dag gschifft und es isch näblig gsi, me het fascht nüd gseh und es isch wider kalt(Pulli und langi Hose)...Dr Wätterbricht het Sunne füre Sunntig akündet(jej) 😩 Ka sich jo no ändere, das hanni do miesse lerne ;) Ich ha am Morge Schuel ka und drnoch hanni mi mit dr Monika troffe, si isch jetzt ebbe nümm in minere Klass. Denn sinn mr zämme go Teigware ässe und no e paar Bsorgige mache. Uf die 16:00 binni haime, ha mr e Kaffi gnoh und ha Serie gluegt(ich dängg das isch s Bescht bi däm Wätter) Zum z'Nacht hets Pizza gäh umd Teigwaresalat. Nach em Ässe hanni mit em Oskar e amüsanti Unterhaltig übere sini Stofftierli us sinere Kindheit ka :p Bevor ich ins Bett bi hanni no miess mini Huusufgobe mache(es isch no viel gsi)
    Yes ich bi noche mit de Brichtli 💪    Read more

    See translation
  • Florina Steffen52. Tag in Brighton 1.8.16
    Day 1

    52. Tag in Brighton 1.8.16

    August 3, 2016 in England ⋅ ⛅ 19 °C

    Leider scho dr letschti Dag mit dr Priska :/ Mir hänn super Däg ka do in Brighton. Ich glaub mir sinn nomol ins erschte Restaurant go z'Morge ässe und sinn denn nochär no uf Brighton. Mir hänn no paar Sache kauft und sinn no ine Kaffi ghoggt bis si denn ufe Zug richtig Flughafe het miesse... Ich bi nach em Abschid nomol uf Brighton gone mega feine Kaffi trinke und drnoch bini no ind Schuel. zobe binni denn mega kaputt gsi und ha nümm viel gmacht...
    ps:am Nommidag hets denn afo rägne...    Read more

    See translation
  • Florina Steffen51. Tag in Brighton 31.7.16
    Day 1

    51. Tag in Brighton 31.7.16

    August 1, 2016 in England ⋅ 🌧 14 °C

    Zweitletschte Dag mit dr Priska...Mir sinn wider in Brighton go z'Mörgele(S gliche Restaurant, wie am 1.Dag) Dasmol hänn mr beidi s 'Full english breakfast' ka mmhhh :) Mit volle Büch sinn mr denn zu de wunderschöne Seven Sisters gfahre(Hügellandschafte) Mir hänn dr perfäkti Dag verwütscht, es isch e lichts Windli gange und d Sunne het gschuune :) Mir sinn ans Meer und hänn vo däne Hügeli us d Ussicht uf e otemberaubendi Landschaft gnosse 😍👍Nach e paar Stund sinn mr wider Haim gfahre(1h)zum unser Bikini go azieh um denn an Strand vor em Huus z goh 😍🌞 Es het mega gwindet, aber mir hänn uns ihgredet,dass mir warm hänn :p Mir sinn sogar ins Wasser und s isch nidemol so kalt gsi👍Zobe hänn mr uns denn chique gmacht zum go ässe :) Mir sinn imene mega feine, italiänische Restaurant go z'Nacht ässe mmmhhhh 😋Mir sinn lang hogge blibe und drnoch sinnmr Haim gone Film luege 👍 Es isch e sehr e gmietlige Obe gsi 👍😊
    So ich gang ins Bett, ich hol Morn dr letschti Bricht noche, guet Nacht 😴    Read more

    See translation
  • Florina Steffen50. Tag in Brighton 30.7.16
    Day 1

    50. Tag in Brighton 30.7.16

    August 1, 2016 in England ⋅ ⛅ 15 °C

    Am 2. Tag mit dr Priska, sinn mr uf Lewes gfahre :) Leider hets dört immer wider grägnet :) Durch dä Räge hänn mr sehr viel Zit imKaffi Billi's verbrocht 👍 wo mr ako sinn, sinn mr dört go z'Morge ässe, super feini Pancakes hänn mr ka 👍😋 Drnoch sinn mr go Lewes aluege und go lädele 😊 Lewes isch voll vo Kuchiläde 😍 Nach e paar Stund sinn mr wider in das Kaffi zrugg zum e Dessert ässe 😋 Mir sinn no bitz dört blibe und sinn nomol bitz ummegloffe befor mr denn wider mit em Bus haim sinn(30min) Am Samschtig hänn mr z'Nacht dehaime gässe mmmhh :) Nach em Ässe sinn mr denn an Brighton Pier und hänn e paar Föteli gmacht 👍 Denn hänn mr beschlosse ind Molly Malon bar go live Musik lose und e Cider go trinke, isch sehr gmietlig gsi ;) Mir hänn sehr viel danzt :p
    Mir sinn denn erscht sehr spot wider haim ko :p    Read more

    See translation
  • Florina Steffen49. Tag in Brighton 29.7.16
    Day 1

    49. Tag in Brighton 29.7.16

    August 1, 2016 in England ⋅ ⛅ 15 °C

    Halli Hallo ich bi wider do :p Jetzt hanni wider Zit zum schribe... Puh ich muess aber viel ufhole ;)
    Ich ha 4hammer geili Däg mit dr Priska ka 👍 Ich fang am beschte am Fritig morge aa ;) Ich bi am Fritig Morge nid ind Schuel, will mi aunty am 7:30 mit em Flugi glandet isch umd ich se an dr Brighton Station bi go abhole(ha bitzeli uf se miesse warte hihi :p) Nachdäm mr uns denn begriesst hänn, sinn mr in dr nöchi go z'Mörgele 👍 Eimol 'Full english breakfast' umd eimol 'Pancake'
    Drnoch sinn mr degaim go s Züg ablade, bevor mr denn uf Brighton sinn :) Zum dört ahne ko sinn mr zerscht e Stück am Meer(priska, gäll am See) entlang gloffe und hänn denn e halt in Rottingdean mit Scones und Tea gmacht 👍 Denn sinn mr sinn e bitz in Brighton go lädele und hänn denn wider e Päuseli imene Kaffi gmacht 👍 Z'Nacht hänn mr denn imene Mexikanische Restaurant(s gliche wie mit dr Anja und em Tim) gässe :) Durchdas mir Beidi frieh ufgstande sinn, hänn mr beschlosse nid in Usgang z goh ;) Und so sinn mr denn Haim go schlofe ;)    Read more

    See translation
  • Florina Steffen48. Tag in Brighton 28.7.16
    Day 1

    48. Tag in Brighton 28.7.16

    July 28, 2016 in England ⋅ ⛅ 17 °C

    Ich nöchere mi langsam em Änd...No 1Wuche und 2Däg... I look forward to come home(ich freu mi uf dehaim) aber zerscht wird ich jetzt das Wucheen mit minere liebe Tante(sorry Priska) gniesse :) Somit wird ich erscht am Mäntig Zobe wider schribe(sorry) Ich wünsch euch schomol e schöns Wucheend ;) aber bevor ich jetzt wider guet Nacht sag verzelli euch no vo mim absolut 'spannende' Dag :p (ihr händ so glügg, dass ihr sälber entschride könnet, öb ihr mini Brichtli läset oder nid, d Abby und dr Oskar mien sich alli alose 😆)
    Also, zu mim spannende Dag...Ich ha Schuel ka hüt Morge(wow! wär häts dänggt) Dr 'liebi' Anwar isch wider unter de Läbende(är isch krank gsi) somit hanni mi wider überen könne närve(ich verzell jetzt nid alles wiesi, är meint eif är sig was bessers und het immer rächt-het är aber nid) ansunschte isch nid wahnsinnig speziells passiert.
    Zum z'Mittag bini mit dr Monika wider in das italiänische Restaurant,wonni letschtmol die Pizza ohni Salz ka ha, aber dasmol hanni Penne gnoh und die sinn guet gsi :) Drnoch sin mr ine Kaffi gange, wos ganz viel Macaronen gäh het(hänn leider Nüss dinne)... Mir sinn dört gsässe und hänn stundelang gredet während däm s dusse gschifft het... Uf die 16:30 binni haim, will ich mi am17:00 mit dr Abby in dr Marina für ins Fitness troffe ha :) Ich bi hüt 2.5km gschwumme 💪 Ich freu mi wider ufs Schwimme, wenni haim kum :)
    So, ich glaub ich bi fertig,ich gang jetzt ins Bett, muess morn frieh ufstoh zum mi Wucheend z gniesse, guet Nacht ;)
    Ps: das einte Bild isch vo hüt amMorge, dört ischs schön und warm gsi :p    Read more

    See translation
  • Florina Steffen47. Tag in Brighton 27.7.16
    Day 1

    Hove, Vereinigtes Königreich

    July 27, 2016 in England ⋅ 🌙 17 °C

    Schuel Schuel Schuel.... Ich ha hüt dr ganz Dag Schuel ka... Isch ganz ok gsi, es wird langsam e bitz aspruchsvoller(also es isch scho nid meega easy) Ha mit hüt mit zwei neue Italiäner vo minere Klass agfründet :D Ich glaub ich muess mol e Italietour mache ;) Nach dr Schuel 16:35 bini haim to take a nap(e Schlöfli) Zum z'Nacht hets Vegi-Hotdogs gäh...Het glich usgseh, wie e Hotdog aber mit Tofuwürschtli oder was das au immer gsi sinn, es isch ämel kai flaisch gsi... isch ok gsi... Nach em z'Nacht hanni mi an mini Huusi gmacht, sinn relativ eifach gsi. Jetzt hanni grad no schnäll mi Zimmer bitz ufgruumt und gang jetzt ins Bett, alli andere sinn im Usgang...
    Hüt ischs übrigens widermol kalt und bewölkt gsi, s het au eimol kurz grägnet...
    Guet Nacht; schlofet guet :)    Read more

    See translation
  • Florina Steffen46. Tag in Brighton 26.7.16
    Day 1

    46. Tag in Brighton 26.7.16

    July 26, 2016 in England ⋅ 🌙 17 °C

    Sodeli, und jetzt no s Brichtli vo hüt :) Ha hüt wider Schuel ka, wie immer... Hüt sinn mega viel tspot oder erscht uf die 2.Stund ko, kei ahnig was mit däne los gsi isch...Egal ich bi brav zur Zit ind Schuel...Hüt Morge sinn 4Persone schwigend zämme ind Schuel gfahre(Irem,Dilara,Otavia und ich)... ich ha probiert mit däne e Konversation z starte, aber do hänn si nur dr Kopfhörer usegnoh und gfunde 'what?!' Ich has denn nümm versuecht...Zum glügg hanni e paar nätteri Lüt in dr Schuel :) Ich bi hüt mit dr Monika in Rottingdean go e 'English afternoon tea' mit Scones go ässe(das isch unser z'Mittag gsi) Es isch sehr gmietlig gsi, mir sinn dört im Gärtli ghoggt und hänn gredet und d Sunne gnosse :) Wider dehaime binni denn mit mim e-book in Garte go d Sunne gniesse :D Nacheme feine z'Nacht mit Pizza und mine Huusufgobe gangi jetzt ins Bett :)
    Ich vermiss euch, guet Nacht und schlofet guet :)    Read more

    See translation
  • Florina Steffen45. Tag in Brighton 25.7.16
    Day 1

    45. Tag in Brighton 25.7.16

    July 26, 2016 in England ⋅ ⛅ 20 °C

    Hello! How are you? I'm fine, thank you ;) Oh oh ich bi scho am Sälbschtgspröch fiere, will ich niemerts me zum rede ha...Mini mega cool Italiänerinne sinn in Italie und die neue Italiänerinne rede nid wirgglig mit mir oder sinn mit em Oskar unterwäggs und d Türkinne sinn sowieso praktisch nur bi ihrne Kollege im Studäntehuus...I feel lonely, lolololo lonenly :p Gescht hanni wider dr ganz Dag Schuel ka, aber mur sinn fascht d Auge zue keit(e kli z viel Party gmacht sit am letschte Donnschtig;)) Zum z'Nacht hets gescht widermol Riissalat gäh, was mi persönligs Highlight isch do ;) Ich bi denn relativ gli go schlofe... Ich wünsch euch no e schöne Obe, bis spöter ;)Read more

    See translation
  • Florina Steffen44. Tag in Brighton 4.7.16
    Day 1

    44. Tag in Brighton 24.7.16

    July 24, 2016 in England ⋅ ⛅ 17 °C

    OMG!! Letschte Bricht, bis ich wider ufgholt ha UND ab jetzt sinns nur no 2 Wuche 😲 D Anja, dr Tim umd ich sinn denn also am 3i go schlofe... Ich bi denn am 6 nomol ufgstande, um mi vo de zwei Italiänerinne go verabschide... Das isch e sehr e trurigi Aglägeheit gsi 😢 D Martina isch eif dört gstande und ihre sinn Träne abegloffe :/ Au ich muess zuegäh, dass ich kurz vorem hüle gsi bi, so wie au d Laura und dr Oskar :/ Ich ha die Zwei so ins Härz schlosse, mi ganze Ufemthalt isch viel läbhafter und spannender umd luschtiger worde mit däne Zwei und mir hänn si viel unter no umd erläbt zämme 😍 Ich wird die Zit sehr sehr vermisse... Ich hoff mir wärde in Kontakt blibe, denn es isch eif dr HAMMER gsi mit däne!! Si sinn denn ins Taxi gstige und dr Oskar und ich hannene no nochegwungge und sinn drnoch denn ins Bett gdlüchtet :) Am 9i isch unsere Wecker denn abe und d Anja, dr Tim und ich hänn beschlosse uf Lewes z go, das isch e mega härzigs Städtli 😍 Me het öbbe 40min dört ahne...Dört ako, sinn mr diräkt ufe Kaffi/Restaurant zuegstürt... Dört hänn mr e super z'Morge mit kaffi und Tee beko 😍😋👍☕🍵🍳🍞🍌🍓 Es isch e super Atmosphäre gsi und mir hänns richtig gnosse 😍 Wo mr denn wider use ko sinn het au no d Sunne gschune 🌞 Leider hänn mr uns scho bald wider miesse ufe Haimwäg mache, will d Anja und dr Tim an Flughafe für haim hänn miesse 😣 Mir sinn dehaim ihres Gepäck go hole und hänn uns denn an dr Brighton Station ine Kaffi gsetzt zum Tee und e Kaffi z trinke, bevor mir uns denn ändgültig wider hänn miesse verabschide 😢 Das isch richtig hart gsi, ich ha mi so gfreut si/euch wider z gseh :) Es isch viel z kurz gsi :) Aber ich bi jo in zwei Wuche wider zrugg :D @Anja und Tim: Dangge, dass dir ko sind, es isch mega cool gsi und ich ha mi so gfreut 😁
    So jetzt binni denn au mit em 'letschte' Bricht fertig. Ich wünsch euch e gueti Nacht und bis in 2Wuche 😲
    Ps: hüt sinn zwei neui Italiänerinne agreist, die sinn au sehr nätt... Mol luege 😊    Read more

    See translation

Join us:

FindPenguins for iOSFindPenguins for Android

  • 2024© FindPenguins
  • Home
  • About us
  • Blog
  • Group Tracking
  • Press
  • Terms
  • Privacy Policy & Cookies
  • Support
  • Legal notice
  • English