Xishuangbanna Dai Autonomous Prefecture

Jinghong, e Noname-Stadt, hani drum usgwählt wili gfunde han, dasses doch en guetä Uusgangspunkt isch zum vo da die chinesisch-laotisch Grenze züberquere wil das de nöchsti Ort vode Grenze isch wo agfloge wird.. Wieni den spetr festgstellt ha, ha nume ich die super gloorrichi Idee gha🙈

Eimal meh bini, nachere Nacht mit wenig Schlaf inkl. Flucht uf Dachterrasse mit Chüssi und Decki, ufgrund vom usserordentlich luute Geschnarche vomne Zimmerkompan, den mitem Velo dur dStadt gfahre und entlang am Mekong-River. Zudem bini am Märt gsi und ha mer e Massage gönt. Schiint sochli de Luxus-Ort in China zsii wo nanig wüki entdeckt worde isch vom Tourismus aber gad mächtig usbaut wird, wo aso wiird cho ide nöchste Jahr. So isch au de Verkehr da usserordentlich agnehm gsi im Verhältnis ohnii em luute und für China typische nervende Gehuupe uf de Strasse.
ZAbig bini den mit 2 Israelis go eimal meh Streetfood esse, de Nightmarket go abchecke sowie dBar- und Restaurant Strass.
Au da wiider tuusig Restis und Bars anenand greit wovo aber sicher dHälfti leer gsi sind.. weiss au ned gnau wie das ufgaht bide Chinese.

Nachdem ichs am nächste Morge gad na knapp uf de Bus gschafft ha richtig Laos, nachdem mir na in Sinn ko isch, dassi vlt. na es Passfoti bruuche für mis Visa in Laos ade Grenze und i den begleitet vonre super liebä Chinesin dur die halb Stadt grennt bi mit mit Gepäck und natürli gnau den wiit und breit keis Taxi ume gsi isch..Natürlii chamer den am Bus-Bhf ned direkt in Bus iistige sondern mue zerscht na duren Security-Check und den muemer mal na de richtig Bus finde.. Aber nachdem i so guet wie jede Bus abklapperet ha 😄 hanis emel just in time na gschafft :)
So hockii ez imne Schrottbüsli wo de Aschiin macht bald usenand zgheie mit es paar Chinese, ned wie vo mir erwartet andere Backpacker zwüsched jenstem Gmües.. Jede verfüegbari Platz isch gfüllt worde ( so schmöckt mer wenigstens de Schweiss ned wo allna abelauft, da de Bus natürlii kei Klimaalag het🙈😄)

Die bede Grenzübergäng sind emel recht unproblematisch abgloffe und au die ganz Busfahrt isch abgseh vo e paar heikle Situatione, ab und zue isch chli Gmües hi und her gfloge und regelmässigem begüsse vom Motor mit küehledem Wasser au guet verloffe😄😊

Nachere 9h Fahrt (statt de vorhergsaite 6h) und nachdem mer die gladni War a diverse Stelle abglade hend, bini den wohlbehalte in Luang Namtha acho und nach churzer Suechii hanii au ee geeigneti Unterkunft gfunde.
Mal luege, wasii die nöchste Täg mache wird da:)Read more