Museo CINCAP

womer de wieder ufem festland gsi sind het sich de schnell usägstellt as sich üseri witerreis chlei schwieriger gstaltet als gedacht. es isch karfritig, en absolut heiligä tag da, also fahred kei büs und au sust isch alles recht usgstorbä.
mir sind zum glück nöd diä einzigä somit chend mir üs es taxi mit andernä touristä teilä, wo i diä glich richtig mönd uf san pedro sula. z taxi isch dur das nöd ganz so tür wie gedacht. am busbahnhof vu sula staht genau 1 bus und de fahrt zu üserem glück zu üserem erstä zwüschähalt. mir hend numal ei übernachtig in honduras buäched churz vor dr grenzä zu guatemala. am nächstä tag mached mir üs fruäh ufä weg und es lauft definitiv wieder me. gester hend alli lädä zuä ka und d strassä sind leer gsi. und sogar d poulet ständ (wos in ganz lateinamerika het) hend zuä ka. das heisst de öppis. aso a wiehnachte isch me gloffä, darum hemmer üs da gar kei gedanke gmacht. 😁 dr grenzübergang lauft iwandfri und en shuttle bis zum hafe staht au schu parad. üs fallt uf, ases uf derä ganzä strecki, sit honduras, ganz viel polizistä het. in honduras allgemein hets sehr viel polizipresents ka.
nach dr grenzä werded mir sicher mind. viermal vu dr polizi aghalte und mir mönd päss zeigä. diä ganz fahrt isch anerä wunderschönä strass, alles isch unglaublich gruän, es het chuäh und schaf, als wäred mir ider schwiz. so gruän ischs würgli schu lang nümmä gsi.
uf dr strecki hets au immer wieder riesigi bananäplantagä vu chiquita banana.
nach all denä kontrolle halted dr shuttle irgendwo a und nint vier jungi mannä mit. mir günd natürli drvu us as diä da uf de plantage schaffe. es stellt sich de aber usä as vu venezuela sind und unterwegs nach amerika sind. illegal natürli. si hend d kontrolle umlofä und ufnä mitfahrglegäheit gwartet. krass me weiss as das immer nu git, as viel der weg uf amerika illegal uf sich nend, aber das de miterlebä, bringt eim doch zum nachädenkä. mir hoffed as si ihres glück finded. in venezuela ischs im moment natürli ganz schlimm.
am hafe achu heisst de schnell hoy no😳keis schiff und es stellt sich de usä erst am zistig wiedr. sust lauft alles, eifach uf beliz fahreds hüt nöd.
shiiit und was ez. drü täg da festsitzä, kei option. nach umäfragä was sust für möglichkeitä git, hilft üs ei herr witer und erchlärt üs d busroute. das gaht natürli viel z lang also entscheided mir üs für flores, dethi hemmer e nu wellä aber anderst umä. ab zum busbahnhof und tatsächli wiedr ei bus det und de fahrt i diä richtig womer mönd. eimal umstiegä und tatsächli au det hets ei bus wo nu fahrt. mir chend uhni problem inkl. witerä 4 polizikontrolle, wos sogar unterä bus lüchted, am 9ni am abed in flores ah. hammer mir hends gschafft.
hotel hemmer vu unterwegs nu buächet und bi dem in placencia beliz mömmer zum glück nur ei nacht zahle. mir hend so glück. nie hetted mir denkt as mir nu so wit chend. merkä a oooster lauft nüüt😁
flores isch e chlises, herzigs bunts dörfli ufemä see. am abed spieled diä iheimischä basketball ufem gmeinschaftsplatz mitänand. isch das ding da jung und alt. mir gnüssed diä schönä sunnäuntergäng und e erfrischig im see.Read more