Alo Mbelenipa

Discover travel destinations of travelers writing a travel journal on FindPenguins.

Travelers at this place

5y
7y

Traveler Flores, Indonesia
- Show trip
- Add to bucket listRemove from bucket list
- Share
- Oct 7, 2016, 3:53pm
- ☀️ 28 °C
- Altitude: 5 m
- Indonesia East Nusa Tenggara Watulajar Alo Mbelenipa -8.42777, 121.133348°25’40” S 121°8’0” E
Day 12
Paradis... ou presque...
October 7, 2016 in Indonesia ⋅ ☀️ 28 °C
Départ de Riung en ojek (moto taxi), sans casque évidemment. Les 20km de route côtière sinueuse et défoncée me paraissent une éternité.
On arrive sain et sauf à bon port : une guesthouse sur une plage de sable de 3 km où il n'y a rien d'autres que nos bungalows en bambou, 1 ou 2 barques de pêcheurs, des chèvres et des vaches (et soit disant 2 varans mais on les a pas vu...).
Très souvent, les coins de paradis sont habités de bestioles peu sympathiques. A peine installé dans notre bungalow (ouvert au vent : pas de fenêtre et salle de bain en plein air) que nous remarquons un essai d'abeille à l'intérieur puis un scorpion...
Changement de bungalow puis lecture dans hammac, baignade, farniente...
On contemple l'orage arrivé au loin et on dort bercé par le bruit de la mer et de la pluie.Read more
See translation
0 likes
Traveler Weltreis
- Show trip
- Add to bucket listRemove from bucket list
- Share
- Jul 3, 2018, 7:00pm
- ⛅ 27 °C
- Altitude: 14 m
- Indonesia East Nusa Tenggara Watulajar Alo Mbelenipa -8.42797, 121.13338°25’41” S 121°7’60” E
Day 76
Back to nature in Riung
July 3, 2018 in Indonesia ⋅ ⛅ 27 °C
Hüt hättemer eigentlich am Morge am 2 welle zumene Vulkan-Hike ufe Gunung Inerie starte, zum de Sunneufgang ufem Krater-Rand zgniesse. Doch leider het eus sWetter en Strich durch dRechnig gmacht - au am Morge isch de Vulkan nu in dicki Wulche ighüllt gsi.
Somit simmer scho früener wiitergfahre, and Nordküste i dr Nöchi vu Riung. Ufem Weg hemmer chenne beobachte, wie die grüene Berge vu Bajawa durch roti und trochni Hügel ersetzt worde sind - da gsehts us wie uf de Insel im Komodo NP.
In Riung simmer ind "Eco Eden" Lodge - vu Lonely Planet passenderwis als "Robinson Crusoe Paradies" beschriebe. Paar Bambus Hütte am Strand, mit Hängematte, Muschelchettene und em Philipp, de schrägi Kauz wo die Lodge baut het. De Philipp isch früener selber Guide gsi - biser sich entschlosse het, sich da niederzla zum "relax, enjoy and talk nonsense". Wahrlich macht nid alles Sinn woner seit - wohl au am usgiebige Palmwii-Konsum zuezschribe - aber mängi gueti Sprüch und Weisheite heter scho zbiete. So heter eus zum Bispil vunere Redewendig in Flores verzellt: "dMilch stammt vum Büffel, de Name vu dr Chue"... offebar isch hie Büffelmilch verpönt, zum si trotzdem chenne zverchaufe, wird sie als Chuemilch vermarktet. So giengs nu mit mänge Sache da uf Flores. De Agus het eus au mal verzellt gha, as de Leiter vu dr Anti-Korruptions-Stell imene Korruptions-Fall verwickelt gsi isch - chunnt eus irgendwie bekannt vor :(
Nachem Zmittag hemmer de Philipp, Agus & Friends bim Palmwii la schwafle - der Wii schmöckt für euse Gaume chli wie vergorni Milch! - und sind ind Hängematte ga entspanne und sherrliche Klima gniesse. De Namittag hemmer denn mit chli Yoga, 100 Push up Challenge, emene Strandspaziergang und Schwumm zum Sunneundergang verbracht.
Etz sitzemer uf dr chline Terrasse vu eusem Bambushüttli und chenneds in Abetracht vu was da chrücht und fleucht scho recht entspanne! Langsam chenned mer das eifache, naturverbundne Lebe gniesse und eus nid vu typisch Schwizerische Bedenke plage la - obwohl mer aktuell nu sehr froh ums Malaria-Mittel sind!*Read more
See translation
1 like
Traveler Weltreis
- Show trip
- Add to bucket listRemove from bucket list
- Share
- Jul 4, 2018, 7:05pm
- 🌙 26 °C
- Altitude: 11 m
- Indonesia East Nusa Tenggara Watulajar Alo Mbelenipa -8.42791, 121.133038°25’40” S 121°7’59” E
Day 77
Island hopping
July 4, 2018 in Indonesia ⋅ 🌙 26 °C
Trotz schrägem Bett und Martinas Insektestich-gschwullner Hand hemmer hüt Znacht sehr guet gschlafe - wie im Tsitsikamma NP het eus dBrandig in Schlaf begleitet.
Riung isch es "end-of-the-road" Dörfli, de einzig Grund für Touriste hie ane zcho isch de 17 Islands Marine Park... aber: eigentlich sinds 24 unbewohnti Insle, doch die zueständig Behörde het gfunde, 17 wär doch en gueti Zahl, abgleitet vum indonesische Unabhängigkeitstag am 17. August... jedefalls hemmer hüt 3 vu dene wie-vil-au-immer Insle abklapperet. Klapperet resp. gröchelt het au de Traktor-Motor uf euser Nussschale: en alte 2-Takter-Dieselmotor, mit meh Rost als Stahl, wo nu vu Hand het messe akurbelt werde und nachem Starte zerscht mal zganze Böötli in dunkle Rauch ghüllt het. Dernach het er sich zumene ohrebetäubende Knattere "beruhigt", so als ob er churz vorem explodiere wär...
Naja, eigentlich derfed mer eus nid zgross beklage, de Motor het eus brav zu de beseite Insle bracht. Det het türkises Wasser und wisse fiine Sand uf eus gwartet - perfekt für de erschti richtig Strand-Tag vu euser Weltreis! Passend zum Strandfeeling hets au Kokoswasser und -fleisch zur Vorspis gä, de Fisch zum Hauptgang isch denn uf verchtrochnete Kokosschale brätlet worde.
Es het zwar gheisse, mer chängi bi dene Insle au schnorchle, aber nachdem mer en Wuche im Komodo NP verwöhnt worde sind, hemmer vu dr Underwasserwelt nid allzu vil erwartet. Da simmer sehr positiv überrascht worde, die farbige Korallegärte und Schwärm an chline Fisch hets durchus mit de Riffplätz im NP chenne ufnä!
Ufem Rückweg het sich au klärt, was das mit dene "Cloth" Bäum uf sich het, wo zum parfümiere vu Zigarette brucht werde... eigentlich hätti das "cloves" selle heisse, Nelke uf Dütsch. In Indonesie brucht mer Nelke zwar au zum choche, aber wohl hauptsächlich fin gmahle in starche Zigis. DMartina het so eini probiert - die erschte Züg sind nu ganz guet, aber nach de Hälfti het sies la sii, sind doch eifach zstarch.
Ermattet vu de vile Sunne freuemer eus etz uf es chalts Bintang und BBQ am Strand inkl. crazy Stories vum Philipp.Read more
See translation
0 likes

You might also know this place by the following names:

Alo Mbelenipa

Join us: