Reset search
Südamerika 2023/2024
  • Linda Schmid
  • Marius Rohner

Südamerika 2023/2024

A 87-day adventure by Linda & Marius Read more
FollowInsightsCalendarShareShareBucket list
Newest first
  • Trip start
    December 4, 2023
  • Südamerika 2023/2024

    Letschti paar meter:)

    December 5, 2023 in Chile ⋅ ☀️ 11 °C

    Erschöpfts Liddla im Flugzüg wos noch 30 h Reise s langsam gseh het und nocher happy bim Apero:)

    See translation
  • Südamerika 2023/2024

    Santiago: die erschte Erfahrige

    December 7, 2023 in Chile ⋅ 🌙 20 °C

    In Santiago de Chlie acho, hemmer eus zerscht mal es Gfühl für die Stadt müsse verschaffe. Bi Usflüg nach Lastarria und emme Bsuech ufem Cerro Santa Lucia sind eus ziitnöch folgendi Sache ufgfalle:
    - D Stadt isch ufgrumeter und suberer als einigi schwizer Städt
    - Es isch alles türer als erwarted
    - Mier münd driiiingend meh Spanisch lerne, will Englisch cha hie kei Mensch.
    - Wenn meh gfragt wird ob mer "signal" hed, isch "whats app" nid di richtig Antwort.
    - s trinkgeld isch im Restaurantpriis scho inbegriffe (wie mier di netti Bedienig im Restaurant öbbe 5min versuecht hed z erklere, wehrend ich ihm relativ penetrant versuecht ha viel z viel trinkgeld aztreie. Was für en tolle Mensch)

    Nach denne erschte Erfahrige hend mier eus mit eusem Autovermittler troffe, hend uf denne ihrem Parkplatz (oder sellis Autofridhof nenne?) mal alli verfüegbare Camper/Autos agluegt. Mer hend Optione, aber no kei Entscheid. Defür hemmer no ammene Workshop teilgnoh, wommer nomal glernt hend welli Papier mer bruched zum über welli Grenze reise, welli Polizischte meh cha und (nid) sell besteche, welli Buesse das mer als WC Papier chönned missbruche, und welli "Gheimtip Örtli" mer uf kei fall döfed verpasse.    Read more

    See translation
  • Südamerika 2023/2024
    Frücht vom Markt für insgesamt 5 ChfPrivats rooftop Grillplätzli wo zum Air BnB ghört

    Santiago: Neus Airbnb

    December 8, 2023 in Chile ⋅ ☀️ 27 °C

    Mer hend üs entschlosse üses Dihai nommel z wechsle. Drum simer hüt mit Sack und Pack und Slothy witerzogä. Sind mit em Bus au chli z wiit gfahre und wiä diä grösschte Touris dur di chli Favela like Gebiet vo Santiago glofä. Aber mer sind dennä glich noh guät im Airbnb acho. Au hets en tolle Markt ide nöchi wo mer für CHF 5 gnüäg Frücht für es paar Täg bechunnt.Read more

    See translation
  • Südamerika 2023/2024
    2Plaza de armas
    1Mega schöne ChristbaumMega heissi Chica

    Santiago again

    December 9, 2023 in Chile ⋅ ☀️ 24 °C

    Dos mer no bis nögscht Wuche weg em Auto mönd warte, simmer nochli in Santiago. Aber ich bin e scho z friede dos en Fischmarkt het und mer e chuchi im airbnb hend:) Wenn mer nöd gad am Fisch ässä sind, simmer nochli d Stadt am erkunde und sünnelä:)Read more

    See translation
  • Südamerika 2023/2024
    1kg shrimp wo ir pfanne glandet sindMer hend mal wieder s usstige verpasst, und sind immene riesige Antiquariat/schrottplatz glandetFeins Znachtesse im Mayatempel. 29 Bites, 4 Gäng. Nachem zweite Gang wer ich (linda) eilich voll gsiTouris par excelance. Immerhin isch jetzr niemert meh überrscht wenn mier kei spanisch chöndJumpferefahrt, Marius am StürParkplatz i de Stadt: saugförlich! D Nervosität ob s Auti denn am nöchschte Tag no dötte isch stiegtLinda chund nüm use🫣

    Autokauf

    December 13, 2023 in Chile ⋅ ☀️ 30 °C

    Santiago isch ja schön und so, aber es loht sich nid lügne das es eus langsam unter em Sitzleder chützeled und mier lieber "on the road" würed goh.
    Aber am wuchenend schaffed au in chile niemert.
    Daher hemmer eus am wuchenend no chli d füess uf verschidene Merchtplätz vertrette.
    Am Mentig hemmer denn aber endlich no di letschte Autos chönne go aluege, und 50% vo eus hend sich Hals über Chopf ins einte verliebt.
    Nachere agspannte halbstund (es chönnt ja öbber s Auto vor de Nase wegchaufe) sind denn di reschtliche 50% vo eus au überzügt gsi, und bereits am nöchschte Tag isch bim Notar mit Fingerabdruck de Autochauf besiglet worde.
    Was chönt eus jetzt no ufhalte? Biispielswiis en überfüllte Bus, wo d Linda nümme wöt usstiege, will si nid mit de lüt cha rede zum fragr ob mer si verbie lost?
    Nei, das halted eus nid uf, aber fehlendi Powertools und Inneusstattig😋
    En trip zur Chilenische Ikea und em hiesige Bau und Hobby hend dem aber abhilf gschaffed. Jetzt chan eus nix meh ufhalte. En letschi nacht im Air BnB (inzwüsche im packchaos versunke) und denn goht los...    Read more

    See translation
  • Südamerika 2023/2024
    Üse Sprinter mit em surfbrett wos däzue geh het:)
    11

    On The Road/ Termas Valle de Colina

    December 14, 2023 in Chile ⋅ 🌙 5 °C

    Glücklicherwiis hed miemert euses Auto klaut i de Nacht. Am Donnstig morge simmer happy in Santiago richtig Oste losdüsed. Nach ca. 1 Stund simmer i de erschte Sackgass glandet. En Strass hets zwar gha, aber di 1/2 Meter diefe Schlaglöcher zemme mit ere zimliche Stigig hed euses Auto nid gschafft. Also alles wieder hinderdi retour.
    Nach dem Adrenalinusschüttende Erlebniss simmer (uf anderne Schotterstrasse) wieter is Valle de Colina hindere kesslet und hend bi de heisse Quelle s erschte mal euses Lager ufbaut.

    En gmüetlichi Putzaktion, es Bad i de natürliche heisse Quelle (de oberschti Tümpel hed 55°C) und es erschts Znacht ufem Grill (mer hend no kei Gas) hend de Namitag Abgrundet. S Highlight isch jedoch s Bad nachem idunkle. Irgendwo im Nirgendwo, ohni liechtverschmutzig immene heisse Bad höckle und zemme d Sterne aluege. En Reis chönt nid schöneer starte❤️    Read more

    See translation
  • Südamerika 2023/2024
    D Stross zum Paso Agua Negra
    Es Liddla vor de Stross richtig Paso Agua NegraEifach so duä als ob mer nöd guet Spanish chönnd ade GrenzeDurab noch ArgentiniäSeehr windig und au eher en Ort wo mer nögscht mol mot dem Auto nüm anäwürdedIn Mendoza uf SIM Chartä suechi. Nöd so erfolgrich:(Linda isch au ide Feriä am baschtlä:)

    Grenzüberquerig und Sandsturm

    December 15, 2023 in Chile ⋅ ☀️ 9 °C

    Doh mer beidi chli nervös gsie sind vor de Grenzüberquerig noch Argentiniä, hemmer das jetzt au gad wöllä Ziitnöch in Agriff neh. Drumer simmer dennä noch de heisse Quelle au direkt nommel dur Santiago kesslet und wieder uf Ande zue. Döte hemer dennä gad gseh wiä guet s Auto au uf 3620 m noh lauft. Uf em Pass hemmer dennä au irgendwo mol de Grenzübergang gfunde. Natürli isch da chli andersch als in Europa abgloffe. Es het au nöd gholfe zum als Schwizer, mit emne chilenische Auto z unterwegs d sie, wo eim ersch so semi ghört (doh de Itrag im System no fehlt). Aber wos mol chli schwierig worde isch, het d Linda eifach eine uf super cute gmacht und dennä isch es au irgendwenn gangä. Nocher simmer dennä hinä dä Pass wiedr durab noch Argentiniä. Dötä simmer dennä au gad vo änerä schöne Kombination us Wind und Sand begrüässt worde. Jetzte simmer nochli ide nöchi vo Mendoza bevor mer dennä witr richtig Norde gönd.Read more

    See translation
  • Südamerika 2023/2024

    Baschtelä

    December 18, 2023 in Argentina ⋅ ☀️ 21 °C

    Hetti au nöd denkt, dassi de Grossteil vode Feriä i Bau und Hobby läde höckle, während d Linda Holz suecht:)

    See translation
  • Südamerika 2023/2024
    Marius im Reiseplanigsfieber
    Zmörgele.... Gwüssi chönd da besser als anderiDogo wiicht em Marius nüm vo de Site. Worah das echt ligt??? 🤔2Ready füre windsurfunterrichtMarius am Surfe wie en Champion

    Mendoza bis Playa Lamaral

    December 20, 2023 in Argentina ⋅ ☀️ 19 °C

    In Argentinie acho hemmer zwei Nächt ufeme Camping in Mendoza verbracht. D Stadt isch hauptsechlich bekannt für ihre Wieh, aber mier hend alli whinetastings usse glah und hend eus ufd suechi Nachere Trinkwasserpumpi begeh. Am 3. Tag, wommer eigentmich hend welle abreise simmer denn endlich i sommene chline Ramschlade fündig worde. Denn hemmer eus ufe weg richtig Norde gmacht. 5h fahrt, uf Strasse so grad, als wereds mit em Lineal zoge worde. I de Savanne hemmer en Struss, zwei wildi Alpaca und irgend es Tierli wo nid klar gsi isch obs Hund, Hyene oder Schakal isch gseh😋

    Ziel vo dere Fahrt isch s dörfli Rodeo, bzw de sehr Windigi Windsurf See grad nebedrah gsi.
    Bevor mer aber sind go Windsurfe, hemmer no en Nacht uf eme Camping verbracht.
    Vielli vo euch wüssed, das ich (Linda) mit Hünd echt wenig cha afah... Isch nid mis lieblingstier. Aber uf dem Camping hanni s erschte mal verstande, wieso Mensche bim Reise es Hündli adoptiered, wo en zwei Monet alte Welpe eus uf Schritt und tritt verfolgt hed.
    Mer hend en nid mitgnoh, aber es isch knapp gsi🤪    Read more

    See translation
  • Südamerika 2023/2024
    So es typisches Tunnel doh"Brenne"Noch de 10ni noh Znacht chöchelä:)Uf em Weg zur Laguna BravaD Luft wird dünner, aber de Janosch mag nohLaguna BravaSalz.. Drum het au de Janosch nöd dörfe mitchoLaguna Brava mit Flamingos. Wa diä doh ässed isch mer äs RätselLaguna BravaLaguna BravaLaguna BravaSalzTransportflugi wo het mössä Notlande (alli überlebt)AlpacasÜse wunderschöne Camping Spot

    Laguna Brava

    December 22, 2023 in Argentina ⋅ 🌬 9 °C

    Hüt simmer wiedr go wind surfe und hend nochenä vor cha Richtig Laguna Brava witer zgoh. Doh de Wind ersch spot cho isch zum wind surfä, simmer dennä ersch am 4ri los. Drum isch es dennä scho obig am 8ti gsie bis mer id nöchi vode Laguna Brava cho sind. Aber mer hend üs doh nöd ufhalte loh und d Linda het gmaint "brenne" ufd Frog ob mer doh jetzt glich no witer fahred. Drum simmer dennä ersch am 10ni a üsem Camping spot a cho. Döt anä hend mer abä wöllä, doh mer am checkpoint verbi hend wöllä cho. Bim Check Point hettets eim äbe en Guide uf zwunge. Drum hemmer dennt mer schliched nebt de office hours verbi:)

    Vom üsem Camping Spot sind mer dennä am Morge nommel 2300m duruf mit em Auto uf über 4300 m zude Laguna Brava. Mega schön aber au chlii windig hanni ghört säge. D Nacht hemmer dennä amne wunderschöne Camping Spot verbrocht, au wenns mer döttä zersch chli z heiss gsie isch:).    Read more

  • Südamerika 2023/2024
    Hie werded Schlüsselkopie no in Handarbet hergstellt - Marco in aktionAm warte bis/ob de Marco wieder zruggchund mit eusem SchlüsselWiehnachtsmahl in Salta

    Die erste Panne

    December 23, 2023 in Argentina ⋅ ☀️ 30 °C

    Mier hend si erwarted. Mier hend gwüsst, irgendwenn chund si. Mier hend üs über usstigendi Motore, Achseschenkelbolze-Brüch wiiet ab vo de Zivilisation und kaputti Bremse Gedanke gmacht. Aber das di erschti Panne in Form vommene abbrochene Zündschlüssel (zum Glück nid im Zündschloss) würd in Erschinig trette wer eus nid in Sinn cho.
    In Belen Argentinie isch denn aber genau da passiert. Mier hend zwei Schlüssel zum Auto, aber nur eine cha de Motor alah. Und de isch (zerscht) verbroche....
    Möglichi Szenarie ab dem Moment:
    - Mer dünd s Auto churzschlüsse, und fahred so wiiter.... - - >Leider kennemer da beidi nur us alte action Film, und hend kei Ahnig vor Praxis.
    - mer chessled 10h mit em Bus uf Salta und 10h wieder zrugg, zum dött innere Mercedes Garage en neue Schlüssel la mache wo denn vielleicht passt.
    - mier hend Glück.

    Mer hend eus für Szenario 3 entschide.
    Z Fuess hemmer eus ufe Weg is Zentrum vo Belen (15'000 Seele Städtli) gmacht, wo mer schliesslich im skurilschte chline Lade, wo Pullover und Schue vo Aliexpress verchauft und nebebie no Schlüssel kopiert (jop, seeeehr vertrauenswürdig😅) euse kaputti Schlüssel vom Marco hend la kopiere.

    D Kopie hed im erschte Versuech nid funktioniert. Und mier hend eus innerlich scho uf Szenario 2 afa istelle.
    Aber de Marco heds zu sinere eigete chline Mission gmacht, das er eus nid will im Stich lah. Zitat (übersetzt) : "Wenns mit de Kopie nid klapped, denn Lötemer de Orginalschlüssel wieder zemme."
    Um Mitternacht isch de Marco schliesslich mit meh Schlüssel bi eus ufem Camping uftaucht, wo zemme mit em Chip vom Originalschlüssel und bitz Isolierband wo alles zemmehebt, euse Janosch wieder hed la id Gäng cho.
    De Marco isch euse persönlichi Reiseheld!!!

    Trotzdem heder eus wermschtens as Herz gleid, das mer ziitnöch uf Salta fahred, und eus döt binnere Mercedes Garage en weniger provisorische Schlüssel lönd lah mache.

    Und da hemmer eus z Herze gnoh.
    Am 24.12 simmer am 6.30 in Belen losgfahre und nach 7h Fahrt am 14.00 in Salta acho.
    Wenn den
    d Läde nach
    de Feschtteg wieder offe sind, gids (hoffentlich) en neue Autoschlüssel.

    Aber bis denn, essemer hie gmüetlich euses Wiehnächtliche Fondeu Chinouoise bi 33°C und wünsched eu allne Marry Christmas, ganz viel Liebi, und frohi Feschttäg.    Read more

    See translation
  • Südamerika 2023/2024
    Blueberry Smoothie. Very yummy
    Ready für RegeChille und kuschleEuse SchlüsselreparatörJanosch bim ZahnarztBitz z lang im Lade gsi, hends mi nur durs Chatzetörli wieder usegloh🤪Lunch für öbbe 7 Persone hend si eus da serviert... 😅 (mer hend en platte für zwei bstellt)Typisch Argentisches Nachtesse mit VolkstanzArgentinischi Spezialität: Geissrippli uf GmüesAm d Solarzelle butzeKulturelli bildig.... Us de Ferni. D chile isch ganz nett gsi vo usse und us de distanz🤪2Ups😋 grossichauf im LedergscheftZocke i de SpielhalleZnachtersatz🤪

    Salta

    December 27, 2023 in Argentina ⋅ ☁️ 22 °C

    Nachere "nid so stille Nacht" (schinbar isches z Argentinie normal das meh am 24. um Mitternacht Fürwerk ablast) hemmer am 25. euse erschti Tag sit afang vo de Reis gha, wommer absolut nix gmacht hend. Es isch glichziitig au de erschti Regetag gsi wommer in Südamerika erlebt hend.
    Am 26. Simmer denn aber wieder voller Tatendrang früeh ufgstande, und sind zerscht mal zummene Autoschlüssel spezialischt, wo eus innert chürzischter ziit (und für CHF 50) zwei neui Autoschlüssel zauberet hed, wo jetzt beidi im Motor funktioniered (🎉 Party).
    Wommer grad am Panne korrigiere gsi sind, hemmer euse Janosch au no grad zum Mech in Service bracht.
    Mer hend demit grechnet, das mer s Auto jetzt münd es paar Tag dötte lah, aber stattdesse hemmers am gliche Obe, frisch ab Service mit neue Bremse wieder chönne go hole.
    I de zwüscheziit hemmer eus in Trubel vo Salta begeh.

    Salta isch di erschti grösseri Stadt, wo alles gha hed was mier eus vonnere Südamerikanische Stadt gwünscht hend. 1000 chlini Lädeli, vom Plastiklade wo nur Tupperware in Rosa und Mintgrüen verchauft bis zum Ledergscheft wod ganzi Rinderhüt chasch chaufe, isch alles debie. D Gässli sind währed de Siesta wie usgstorbe, aber chum isch si verbie hesch 100ti Mensche und Musig uf de Strasse, es wird in Spielhalle gspielt, uf de Strasse tanzt und natürlich gshopped. Das hend mier natürlich au gmacht😋

    Am Abig simmer denn au in en Typisch Argentinischi Péna go zNachtesse und hend eus vo Tanz und Musig lah unterhalte.

    Alles in Allem lost sich zemmefasse: Salta hed es Stück vo eusem Herz döffe phalte.    Read more

    See translation
  • Südamerika 2023/2024
    De route 33 entlang Richtig CachiSo en HundWiedr mol chli grüän doh:)Uf de Hochebeni uf über 3000mJanosch stuck und Linda am schüffeläEs paar Baschtelbretter hend mössä drunder lidäGrosse KaktusKlassischi Route National...Tolle Zeltplatz in Cachi

    Vo Salta noch Cachi

    December 28, 2023 in Argentina ⋅ ⛅ 24 °C

    Mer hend Salta verloh Richtig Cachi. Aber bevor mer los sind hend mer noh neui Schibewüscher kauft. Eifach mit em Gedanke, dass je nördlicher mer gönd desto meh Regäziitwetter wirds geh. Üsi Route het üs dennä dur de Parque National los Cardones gführt. Döttä hets so übergrossi Kakteen. Diä sind also so gross dass au d Linda nöd uf Idee chunnt so es Ding bi eus id Wohnig stellä... Au hemmer döttä es tolls Plätzli gfunde zum campiere es paar meter vode Stross. Aber wit simmer nöd cho... Mer hend s Sandrändli und s Gwicht vom Janosch unterschätzt. Drum hemmer dennä so 45 min cha bis mer ihn wiedr frei gschuflet hend:). Nochdem mer dennä amne weniger sandige Plätzli gschlofe hend, ich nochli go laufe bin und d Linda so Sache gmacht het wiä de Ölstand kontrolliere sind mer in Cachi acho:).Read more

    See translation
  • Südamerika 2023/2024
    Marius Barfuess am uskundschafte wie tief de Fluss uf de Strass isch
    Erschti FlussüberquerigZwüschedure isches au ganz hübsch gsiUnd de Marius hed freud gha am dur di grössere Gunte fahreS dreckwasser hed nur so gsprütztStrass abbroche. Churz drufabe hemmer umkehrtNebelDa wird grad de Fluss uf de Strass grumet1Und nommel stuck. Eifach so kurz vor em camping, nope doh gohts nöd durä

    Sackgassen

    December 29, 2023 in Argentina ⋅ ☁️ 13 °C

    Au währetem Reise isch nid immer alles Gold.
    Bispielswiis schätzt mehs plötzlich wieder unglaublich, wenn meh nachere heisse Duschi wieder weiss dass di bruni Hutfarb tatsächlich de Tain, und nid 3 Schichte Sunncreme und Dräck isch.
    Oder bi Räge zemmepacke, das isch au eher so semi cool.

    Ebefalls semi cool isch euse hüttigi Roadtrip gsi. De Plan: ziitig ufstah, und Kilometer frässe. Vo Cachi via San Antonio de los Corbos nach Humahuaca, 6 h Autofahrt uf de Rout 40 (Route National) richtig Norde. Scho churz nach de Abfahrt isch klar worde, so easy wird die Fahrt nid. Nach 10 min isch d Strass scho nurno en Gravelroad gsi. Nach 20 min simmer dure erschti Fluss gfahre, wo quer über d Strass gflosse isch...
    Nach über zwei Stund hed eus en Töffahrer aghalte und eus mitteilt, das d Strass wieter vorne nümme befahrbar sig mit em Auto, nid mal mit Allradatrib (was mier nid hend).
    Somit simmer denn umkehrt und de ganz Weg über Stock und Stei und Flüss wieder zruggchesslet.

    Wommer denn am Namitag irgendwenn wieder uf de terete Strasse gsi sind, hed denn defür de Nebel igsetzt. Aso simmer im Schneggethempo wieder de ganz Weg zrugg nach Salta keesslet.
    Es mus wohl a dere Stell nid erweht si, das mier euses Tagesziel (Humahuaca) hüt nid im Asatz erreicht hend😉    Read more

    See translation
  • Südamerika 2023/2024
    Janoschs Sitetüre am flicke, so das mer si au vo inne wieder cha ufmacheGeld für Schmuck usgehSchlangebrotteig mit extras in entstehigHappy New Year114 Farbigi Bärgli mit Alpaca am pose devorEmpanadas ufem GipfelMarius am choche. Susanne, din Sohn macht da ganz wunderbar😁👍Humahuaca: statue vo de Helde vo de Unabhängigkeit

    Abschied von Argentinien

    December 31, 2023 in Argentina ⋅ ☁️ 11 °C

    Langsam chömmemer de Bolivianische Grenze nöcher. Was mer zum Abschid vo Argentinie no erlebt hend:
    - nach eusere Sackgasse- Fahrt hemmer eus 2 Täg Rueh im Inkadörfli Tilcara gönnt (very cutes Dörfli, touristisch, super farbig).
    - mier hend welle in Kultur fröhne. Aber de Inkatempel isch leider wege Silvester zue gsi.
    - mier hend denkt mier gönd annes grosses Silvester-fiesta im Dörflu, aber die in Tilcara sind alli früeh is Bett🤣 Aso simmer zurgg an Camping und hend Schlangebrot gmacht. (s beschte gsi wo eus hed chönne passiere, es isch en perfekte Silvester gsi❤️)
    -insgesamt: Tilcara isch super cute, mier sind hie echt happy gsi und hend vieli tolli Souveniers und Erinnerige vo dött mitgnoh.
    - In Humahuaca simmer di 14 Farbige Bergli go aluege
    - und sind immer denn is Dorf, wenn alles zue gsi isch, drum chömmer über s Dörfli chum was sege🤣    Read more

    See translation
  • Südamerika 2023/2024

    Au in Bolivia hets Bastellädeli

    January 3, 2024 in Bolivia ⋅ ☁️ 17 °C
  • Südamerika 2023/2024
    1
    Random snacks kauft, stellt sich use es isch süesses RiesepoppchornHandgrosse SchmätzgiIndoor Markt in UyuniHotellife1Perspektivebilder. Chli Cringe, aber mega funny gsi3Joa, das isch euse versuech vommene Gumpi-Bild🤣3Drum hemmer de Janosch nid mitgno. Auto voller Salz.1Am umesücheHappy und fit wieder im Bus zrug uf Uyuni

    Uyuni und die Salzwüsten

    January 4, 2024 in Bolivia ⋅ ☁️ 18 °C

    Bir Grenzüberquerig nach Bolivie hed d Linda Bluet und Wasser gschwitzt, us Angscht das sie ihres Leder mus abgeh. Aber de Inhalt vom Auto hed die a de Bolivianische Grenze herzlich wenig interessiert. Nach ca. 2 stund Chaos, wo mier nid gwüsst hend i welles vo denne 100 Offices mier als nöchschts münd goh, und die nid gwüsst hend welli Dokument si jetzt vo eus bruched, hemmers denn über d Grenze nach Bolivie gschafft.
    Und denn isches wieder losgange:
    -Bolivianos (Geld) organisiere und sich an en neui Währig gwöhne (mer hend ennere Verchäuferin sicher öbbe en halbe Monetslohn Trinkgeld geh will mer eus no Argenrinisches (wertloses) Geld gwöhnt gsi sind).
    - Simcharte organisiere (usnahmswiis mal eifach gsi)
    - Poulet vom Güggelispiess esse (extrem wichtig)
    - und denn los uf di Bolivianische Strasse.

    Nacheme churze Tankstopp (so churz denn au wieder nid, will di erschte paar Tankstelle eus kei Diesel hend welle verchaufe, wills nur für di Iheimische sig) in Tupiza (tolle Markt und 10'000 TucTuc uf de Strasse) simmer wietergfahre uf Uyuni.
    Nacheme Wander-/Baschteltag bim Traincementery hemmer s erschte Mal sit afang Reis entschide, das mer immene Hotel pfused. Und au das nur, damit euse Janosch nacher 3 Tägli dörf i de Hotelgarage igstellt si, während mier en 3 Tägigi Tour dur d Salzwüeschtene und de Süde vo Bolivie buecht hend.

    Zur Tour dur d Salzwüeschti segi nix, d Bilder spreche für sich.

    Leider hemmer denn aber d Tour nach em erschte Tag ufgrund vonnere Lebensmittelvergiftig müsse abbreche.
    Aktuell höcklemer immene sehr rüttelige Bus, zurgg uf Uyuni, damit mer de Janosch chönd go hole. Jetzt möchemer de Süde vo Boliviä wie gewohnt uf eigeni Fuscht und ohni Tour.    Read more

    See translation
  • Südamerika 2023/2024
    Am umägondelä
    KraaaankHexemärtVo dennä bringe mer jetzt kais hai, au wenn eigentlich jede es usgstopfts Babylama dehei bruchtSkeptisch1EngeliAu ide Nacht cha mer umägondläS einte odr ander schöne Hus gits auChli messed up Tierhandlig uf em gröschte Märt vo Südamerika1/398 vom MärtFilet wird am Tisch flambiert🥰

    La Paz

    January 11, 2024 in Bolivia ⋅ ☀️ 21 °C

    Jetzt ischs passiert. S erschte Mal sit afang Reis hemmer drüber gret, is Usland uszwandere. Wer hetti denkt, das usgrechnet Bolivie das Land wird, wo di anderne bereiste Länder in Schatte stellt.
    Nachere wietere churze gsundheitliche Kriese hemmer La Paz erreicht und sind innes wunderbars AirBnB zoge, wehret dem de Janosch bimmene Schwiezer Automech in sin 2te Service isch.
    La Paz hed es fantastisches Gondel-System, wo meh für 3 Bolivianos (ca. 40 rappe) pro Fahrt über/dur di ganzi Stadt cha gondle. Es hed ganz viel Mächt (was mier bakanntlich liebed), gwüssi sind super Touristisch, bi anderne sind mer di einzige Tourischte (und entsprechend mehrfach gwarnt worde, das mier s ziel vo allne Pickpockets werded si. Fallser eu jetzt fraged: Nop, mer hend no alles😉). Was aber alli Mercht gmeinsam hend, isch das es sich vibrant und lebendig afühlt.
    Au hemmer in La Paz im verglich zum restliche trip bisher nur super fein gässe, sigs ammene Foodstand i de Strass oder imme Restaurant.
    Ach, und die hiesige Coiffeur sind au ganz i. O. 🤪
    Insgesamt, würdemer die Stadt als Reisedestination jedem wieterempfehle!!! 🥰    Read more

    See translation
  • Südamerika 2023/2024
    Death Road im Hintergrund
    No bevor Linda s Velo vom Guide kluppet hetMit em neue VeloGruppebild4Fascht ganz dunä, scho chli wärmer doh

    Death Road

    January 12, 2024 in Bolivia ⋅ ☁️ 8 °C

    Nochdem mer überall gäse hend, dass mer unbedingt Death Road mit em Velo söllid mache, hemmer das au in Agriff gnoh.

    D Rhianna und de Rob wo mer uf de Uyuni Tour kenneglernt hend, sind au gad in La Paz gsie und au mitcho.
    Mit eme Bus simmer uf 4800 m ufä gfahre worde. Vo döttä simmer dennä 3 h mit em Mountainbike durab gfahre bis uf 1200m. Zersch über diä normali Autostross in alpiner Umgebig. Noch so 45 min und nochdem d Linda sich s fancy Velo vom Guide gschnorret het, simmer uf d "Death Road" abbogä. Diä isch vo Paraguanische Kriegsgfangnä baut worde und bim Bau sind au sehr viel Lüt gstorbe. Da het sind Teil zum Name Death Road bitreit. Susch isch sie frühner hald au diä einzig verbindig gsie vom Dschungel is Hochland. Sie isch jetzt nöd sonderlich breit und guet gsicheret. Drum sind dennä au bis zu 400 Persone pro Johr gstorbe. En witere Teil wieso sie Death Road heisst. Sit diä Stross für de Normalverkehr gsperrt isch und hauptsächlich Velos unterwegs sind, isch sie recht sicher. Ide letschte 15 Johr sind "nur" circa 20 Persone verunglückt.
    Uf de death road hets dennä au schö gholpperet und mer hets ide Handglenk chli gspürrt. Währed de nögschte 2 stund isch es dennä immer füächter und wärmer worde bis mer ide Vorstufe vom Boliviabische Urwald acho sind. Döttä simmer denn noh go bädelä bevors mit em Bus zrug noch La Paz gange isch.    Read more

    See translation
  • Südamerika 2023/2024
    Start richtig Pico Austria
    1Erschti Sunnestrahle5000m:)1Yeah dobäWiedr zrug:)

    Pico Austria

    January 14, 2024 in Bolivia ⋅ ☁️ 2 °C

    Mer hend la Paz am Samschtig morge verloh mit em Janosch. De Janosch het jetzt au wieder funktionierendi Schlösser und en neuä Rückspiegel. Google maps het üs dennä uf direktem Weg vo la Paz noch el Alto gschickt. Mässig gueti Idee gsie, irgendwenn isch es dennä au üs z Steil worde, wo de Stiegigswinkel öbbe 65° gsi isch. Mer hend dennä Google maps ignoriert und sind mit Umweg weniger steil in el Alto a cho. Döttä isch wiedr mol völliges Chaos gsie. Isch denn au no en fluechende Bolivianer verbi cho, wo gmain het mer segged hinderä grollt und hend sis Auto touchiert. Mer hend ehm dennä 50 BOB geh und es isch guet gsie. Obwohl i de Meinig bin, viellicht fahr doch eifach nöd uf 5 cm uf nögscht mol.
    Mer hend üs dennä vorgnoh zum uf em Weg zum Pico Austria noh z tanke. Ja nei, seb goht nöd. Niemert wot dir Diesel verkaufe. Diesel isch subventioniert und nur Bolivianer:innä bechömmed dä... Super lösig für Touriste. Mer hend dennä mit em Kannister irgendwo imne Hüsli nebt de Tankstell noh 20 l becho. Btw nai mer cha de Tankstellä so viel Geld abüte wiät wotsch, sie verkaufed nix.

    Mer sind dennä mit halbvollem Tank bim trailhead vom Pico Austria a cho (uf 4400m). Am nögschte Tag simmer am 7:00 los glofe. Mega schöni alpini Gegend und mer sind tip top vorwärts cho. So geg diä 10:30 simmer dennä ade 5000m Grenze verbi. So ab 5200m hanni au spöteschtens gmerkt, dass mer chli höcher sind als de Alpstai. D Linda het d Höchi weniger gspürt aber au nüm sonderlich Happy usgseh uf de letschte paar Meter. Mer hend aber duräzoge und sind uf 5327m a cho. Vo döttä simmer dennä wieder einiges schneller diä 1000 Höhemeter zrug zum Janosch glofe. Nocher simmer dennä zrug noch la Paz.
    Diesel hets au damol kai geh. Däfür wiedr Verkehrs-madness in en Alto. Au was tolls. S Highlight isch gsie, wo es chlises rots Büsli vo rechts eifach uf üsi Spur druckt. Janosch het da mol aber kai Luscht cha zum nohgeh. Diä zwei Autos sind dennä liecht verkeilt gsie. Am Janosch hets nünt gmacht bzw hetter scho so viiel bühlä dass mers eh nöd würed merke. S rote Büsli isch weniger guet wegcho. Dem sini Site isch jetzt chli idruckt und meh wiess als rot. Janosch 1, rotes Büsli 0:)

    Jetzt simmer wieder in la Paz und sind froh dass mer dennä nur noh 1 mol us derä Stadt mönd fahre.    Read more

    See translation
  • Südamerika 2023/2024
    Chli am üäbe
    De Weg zum "Höhelager"De Blick vom Höhelager richtig Huayna Patosi (ide wolke)Am morge am 5:30 simmer uf em Gipfel gsie mit La Paz im HintergrungBim Weg abe het mer entli mol gseh wo mer durä isch

    Huayna Patosi

    January 18, 2024 in Bolivia ⋅ ☁️ 1 °C

    D Linda het en 5000er (Pico Austria) gmacht und het mit dem au ihri Wanderluscht mol gstillt cha. D Linda isch dennä 3 täg in La Paz bliebe währed ich noh es 3 Tagestöurli buecht han. I han noh de Huayna Patosi (6088m) wöllä mache.

    Am erschte Tag simmer eifach vom Basislager chli uf de Gletscher es paar basics go üäbe und nochenä nochli go semi iskletterä. Doh mini ganzi Gruppe abgsprunge isch bini allai gsie mit em Bergfüährer. Drum hemmer au chli meh umäkräxla chönne.
    Gschlofe hend mer dennä widr im Basislager welles eifach frech uf de höchi vom Mont Blanc isch. Am zweite Tag simmer dennä is nögschte Lager ufe uf 5250 m. Da sind so 2 stund chli laufe gsie. Aber hald glich recht streng doh mer alles hend mösse ufeträge (schlofsack, esse etc) und hald wiedr d höchi. S laufe isch no ohni problem gange, aber wommer a cho sind uf de 5250 hanni d höchi recht gspürt. Ha Kopfweh becho und schlecht isch mer au gsie.
    Mer hend dennä uf em Höhelager noh Znacht gässe und sind dennä früäh is Bettli gange. Noch emne nöd vorhandene schlof isch es dennä am 11:30 wiedr uf gange zum go "zmorge" ässe. Um Mitternacht isch es dennä richtig Gipfel gangä. Da isch dennä alles tip top gange, doh mis kopfweh weg gsie isch und mer nüm schlecht gsie isch. Isch MEGA toll gsie. Würi gad wieder mache.. NICHT!
    Natürli bini ufgwacht und s Kopfweh und s schlecht sie isch immer no awesend gsie. Ich bin dennä glich mol los. Diä erschte 2 Stund bis so 5750 m sind so chli diä unchilligschte Moment gsie bim wanderä ever. Durd Astrengig isch mer noh meh schlecht worde und i ha mi so all 15 min erbroche. Dötte bini aso recht am kämpfe gsie und bi mit de Gedanke immer chli bim eifach abbreche gsie. Aber ich bin dennä glich witer glofe doh mis Ego da nöd het wöllä zueloh.. Es isch nocher au besser worde und I ha mi widr fitter gfühlt. Bis uf 5950m isch dennä ganz guet gange. Aber nochenä ischs nomel id Kategorie de scheiss machi niä meh gange. Immerhim simmer dennä diä erschte uf em Gipfel gsie und hend de Sunneufgang chli chönne gnüsse. Obwohl mer de Körper scho gsait het: "du ghöhrsch doh nöd ane". Drum bini au happy gsie zum dennä schnell wiedr zrug i meh verträglichi Höhenä.
    Fazit isch, ganz toll hanis gmacht aber machs sicher kais zweitmol meh in nöcher Zuekunft. Also zmindischt kain alpine 6000er meh.    Read more

    See translation
  • Südamerika 2023/2024
    3

    Pampas

    January 19, 2024 in Bolivia ⋅ ☁️ 31 °C

    Scho wommer no i de CH gsi sind hemmer eus ganz bsunders uf de bevorstehendi Teil vor Reis gfreut. En Wuche im Amazonasgebiet, mit 3 Täg Amazonas-Savanne (Pampas) und 3 Täg Rägewald (Jungel).

    Am Donnstig 18.01.24 simmer drum bsunders früeh is Bett, damit mer am Friitig früeh uf euse Flug am 08.30 vo El Alto nach Rurrenabaque möged. Das hättemer eus aber au chönne spare. Will wo mier am 8.30 voller Vorfreud, bereits agschnallt im Flugi ghöcklet sind, chund en spanischi Durchsag. D Helfti vo de Passagier isch denn wieder usgstige, woruf au mier Tourischte gschnallt hend, das öbbis nid in Ornig isch. S Flugi hed nomal id Maitenance müsse, und nach einigem Hin und Här heds denn gheisse, dass de Flug erscht am 16.00 flügi.
    Die 7.5h Verspötig hend sich aber fascht glohnt, nur zum chönne beobachte wie am Flughafe plötzlich d Höll usbroche isch, will all di heissblüetige Latinos/Latinas hend afa usrüefe, sich beschwere und Kompensation afa fordere. Es heide Spektakel^^
    Mer sind denn aber glich froh gsi, das mer 1. eusi Urwaldtour problemlos 1 Tag hend chönne hindere schiebe, und 2. de Flug am 16.00 tatsächlich au gfloge isch.

    Am Nöchte Tag simmer denn vo eusere Tour company am Morge im Hostel in Rurrenabaque abgholt worde, und 2 Stund mit em Auto id Wildnis gfahre. Unterwegs hemmer scho Capibaras, Nadus, Aligatore und (bsunders wichtig) es Fultierli🦥 gseh.
    Nacher isches mit em Boot wietergange. Ufem Fluss umegurke isch s Hauptprogramm vo denne 3 Täg gsi. Eigentlich wer normalerwiis i de Regeziit die ganzi Pampas eis grosses Sumpfgebiet unter Wasser. Aber au hie macht sich de Klimawandel bemerkbar. Obwohl sit November Regeziit wär, heds kei Rege geh und entsprechend isch alles troche und de Fluss hed 4 m weniger höch Wasser als normalerwiis um die Jahresziet. Was für Natur und Tier natürlich tragisch isch, hed sich für eus i dem Moment dahingehend positiv güsseret, als das es weniger Moskitos gha hed (wenn au immerno viel) , und sich d Tier alli am Wasser sammled.

    De Fluss isch voller Caimens gsi, chlini Spectacle-Caimens (max 3 Meter lang) und grossi Black-Caimens (max 8 Meter). Aber au sus hed sich d Tiervielfalt nid lumpe lah. Insgesamt hemmer sicher 60 verschideni Tier gse, vo Brüllaffe über Schildchröttli bis zu Flussdelfine und natürlich ganz viel Vögel, zur Freud vom Kalle Nibbenhagen (Youtuber) wo mit eus uf dere Tour gsi isch. Vo ihm hemmer au definitiv meh glernt als vo eusem Guide, wo leider eher mit Schwiege als mit wertvolle Inputs glänzt hed.
    Defür hemmer i eusere Jungellodge immer wunderbar gässe, nachdem d Frage "Vegi, Vegan oder Normal?" und "Essed Veganer Mehl?" klärt gsi sind.

    Nebscht umeböötle hemmer no Anakondas gsuecht (und gfunde), Pirhanas gfisched (semierfolgriich, de Marius hed sis Miniexemplar wieder müsse ineschmeisse und stattdesse mies gässe) und sind im Fluss go schwimme (offiziell mit de Delfine, aber s hed fix meh Caimane i dem Wasser gha, was di ganzi Sach bitz scarry gmacht hed).
    Am 3te Tag simmer denn wieder zrugg nach Rurre und vo döt us wieter in Jungel düset, wo eus jetzt di nöchschte 3 Täg im Regewald erwarted    Read more

    See translation
  • Südamerika 2023/2024
    Top Brugge. Hät de Papa Manfred nid sus scho szändig gfluechet, hie hät er sicher...
    Nachtwanyerig zur LodgeEusi Jungel LodgeSuper herzig für eus agrichtedMarius neue beschti Fründ, s Hochie Jose. Fascht het de Marius ihn is Handgepeck packt und mitgnoh🤪Am Cania Agria probiere. Dient als Wasserquwlle, wenn meh kei Trinkwasser meh het.Baum wo cha laufe. Wenns em ammene Ort nid passt, wanderet er wegMini Baum. Wird gnutzt zur Kommunikation. Wenn meh drah schloht treit s Grüsch dure halb JugelE chline schnägg🤪Am Termite probiere. 🎶Probiers mal, mit Gemütlichkeit, mit Ruhe und Gemütlichkeit.... 🎶Die Made us de Yonta-Nuss hemmer denn doch nid welle probiere, au wenns guet gege Hueschte sell si..LianeschaukleNucapere: Blatt wirkt als starkes Anästetikum. Wird genutzt um offene Wunden mit Ameisen zu nähenDa hemmer us Bananebletter Täsche und Ruckseck gmachtLebesbaum. Swlbscht wenn alles rund umme Troche isch, zied de Baum no Grundwasser womme cha trinkeDa macht euse Guide. Grad en Wasserfilter usem LebensbaumAm sache sammle zum Schmuck mache1Alle selbergmachti Schmuck. Ring us Jonta-Nüss, Chetteli mit cherne vo Maria Trändli und SeifefruchtE regnerischi Heifahrt usem Regewald

    Jungel

    January 22, 2024 in Bolivia ⋅ ☁️ 27 °C

    Für e Usflug in Bolivianisch Regewald simmer mit meh bitz us besser usgstattete Boot in Rure abgholt worde, und zerscht mal 2,5 h richtig südweschte gfahre, wommer denn nach 30min Waldspaziergang im dunkle in eusere wunderbare Jugellodge acho sind.
    Aso, wenns hie öbbis chönd, demn Muggenetz! Sehr sypatisch😜

    Die erschte 2 Täg simmer hauptsächlich dure Jugel gwanderet und de Yvan, euse Guide hed eus usfüerlich alles über Essbari, nid essbari und vorallem Heilpflanze verzellt. Vom Neie vo Wunde mit Ameisechöpf bis hin zur ageblich chrebsheilende Wirkig vo de Milch vommene Baum isch da alles debie gsi. Sehr spannend.
    Spannend isch au sini Lebensgschicht: Da sini Eltere nid gnueg Esse gha hend zum ihn und sini 11 Gschwüschterti ernehre, isch er bi sim Grossvater im Jugel ufgwachse, und hed vo ihm alles über s Überlebe im Jungel glernt. Mit 12i hed meh ihn denn mit nur sine Chleider am Körper im Jugel usgsetzt, und er hed sich 5 Täg ellei müsse dure Jugel dureschlah und wieder hei finde. Er hed da gschafft, im Gegesatz zu sim Cousin wo bi dere "Prüefig" vonnere Anakonda ufgfresse worde isch.....

    Wehret eusne Wanderige dure Jungel simmer au no go Fische. Sowohl bi Tag als au ir Nacht. Beidi mal hemmer do mässig Erfolg gha. Ich glaube de Marius gids langsam uf mit Fische/"Köderli bädele" als Hobby. Usserdem hemmer Nüss und Cherne gsammlet im Jugel. Am letztschte Tag hemmer denne us denne Naturgegestend no Schmuck hergstellt.    Read more

    See translation
  • Südamerika 2023/2024
    Am Afang, wo de Marius no uf jede Hügel ufe grennt isch😊Tolli Strasse 😮‍💨Strassesperri...Stuck in SandFürholz sei dank, sus weremer öbbe jetzt no dötte...Laguna Colorado.. M verflueched si zwar, aber schön isch si ebbe scho1wenn meh sich im Rahme vo herusforderne Sitatione numme no meh in Partner verliebt♥️Flamingos sind au wieder am Start gsi (die hetted eus au mal chönne go helfe!)Stuck... Über di lingge Gräbe hemmer drüber müsseBir Furt am Schüfele... Da sind vor eus au sch o mal lüt usbrocheSieg! Erfolgriech usbrocheSo schön isch s Strössli denn wieter gangeGeysiräFinally am enstpanneUsblick vo esem Plätzli fürd Nacht bi de QuelleSunneufgang

    Laguna Colorada: Strasse zum verzwiefle

    January 28, 2024 in Bolivia ⋅ ☀️ 13 °C

    Zrugg in La Paz hemmer eus unglaublich druf gfreut, endlich wieder im Janosch z huse und wieder uf de Strasse z sie. Mit ganz viel Bitti Bätti und eus eifach nümme vom Fleck bewege, hemmer denn annere Tankstell sogar no 50l Diesel becho.
    So simmer denn wieder "on the road again", zrugg nach Uyuni gfahre, wommer eus nachere Nacht ufem Train Cememtary denn richtig Süde ufgmacht hend.
    Wommer s letschte Mal in Uyuni gsi sind hemmer ja ufgrund vonnere Lebensmittelvergiftig en 3tägigi Tour nachem erste Tag müsse abbreche. Jetzt hemmer eus vorgnoh, die andere Sehenswürdigkeite vo dere Tour uf eigeni Fuscht go erkunde.....
    Zum Glück hemmer nid gwüsst, uf was für Strasse mier eus ilönd....
    Google Maps hed gseid 6, 5 Stund fahrt. Nach ca. 2h hed di Tereti Strass aber ufghört, und sind dirt roads gwiche.
    Nach öbbe 7h Fahrt (beidi erschöpft u d duregschüttled vom Holperdipoler vo de Strasse) richtig Laguna Colorada simmer anne Strassesperri cho. Kei Mensch isch dötte gsi, und Umleitig au keini signalisiert...
    Nach ere churze Diskussion ("umchere isch kei Option, mer hend zwenig Diesel") hemmer eus entschiede, das mer Asi sind, und d Strassesperri churzerhand ufd Dite rumed.
    Die Entscheidig isch de Afang vom 2. Teil vo de Odysee vo dere ageblich 6.5h Fahrt gsi. D Strass nach de Strassesperri isch no viel schlechter worde. Zuesetzlich zum Hopere isch jetzt teilwiis no 20cm tief Chies und Sand uf de Strass glege, so das mer immer Schiss hend müsse ha, dass de Janosch mit sim 2 Rad Atrieb stecke blibt. Wommer denn en Stund spöter erschöpft und Agspannt bir Laguna Colorada acho sind, hemmer müsse feschtstelle, das meh vo eusere Strass us (ich nenns jetzt mal "Ground 0") nid ufe Parkplatz chund. D Zuegangsstrass zum Parkplatz (wo mer bis hüt noni gnau wüssed, wie meh die offiziell erreicht) isch dur en Meter tiefe Grabe mit Sandbenk nebedrah abgserrt gsi, und mier sind uf de andere site vo dem Grabe glandet.
    Nachere wietere churze Taktikbesprechig hemmer eus entschide, das eus die Laguna Colorada am Popo cha verbiegah, und mier eifach wieter fahred.... Also simmer wietergfahre (uf so halb offizielle "Strössli", wo wohl anderi Verzwiefleti scho gnoh hend), bis mer ammene wietere Grabe wieder hend müsse umchere (mer nenned de Ort mal "d'Furt") .
    No hemmer aber noni ufgehe. Vor de Laguna heds mal no en Abzwieger geh, wommer noni duregfahre sind, also alles wieder zrugg zu dem Abzwieger...
    Ir Zwüscheziit heds zu allem andere anne no agfange Stürme. Genau was mer i dere Situationt brucht hend.
    D Strass isch lengersi schlechter worde, und wo wieder Mal es riedigs loch im Bode gsi idch, hemmer eus entschiede rechts nebbe dem Loch verbie z fahre...... - - > grosse Fehler. Euse Janosch isch im Sand versoffe....

    Ich fasse zemme: mier sind sit 10h unterwegs. Mer hend en gsperrti Strass befahre. Mer hend zwenig Benzin zum umchere (und in zwüscheziet simmer au nümm sicher ob mer no gnueg hend zum bis as Ziel cho). Mer chömmed vo eusere Strass nümme uf die Strass wo mer müssted, zum wieterfahre. Es Sürmt dusse. Und jetzt steckemer au no im Sand fescht... BEST DAY EVER🤪😅

    Nach de erschte Tränli der Verzweiflung hemmer eus drah gmach de Janosch vom Sand z befreye...
    Dank Holzschietli und Muskelchraft hemmer da denn tatsächlich au gschafft...
    Also wieter, jetzt mit vollgas uf de Schotterstrass, damit mer ja nid no einisch stecke blibed. Ufgrund vo de schlechte Wetterverheltnis hemmer langsam au müeh gha zum d Strass gseh, was au dezue gfühert hed das mer zwei drü harsträubendi Bodewelle verwütscht hend, so das mer froh sind das em Janosch sini Achse nid au no broche sind.
    En Weg ufd Strass hemmer keine Gfunde. Irgendwenn hemmer feschtgstellt das mer im Chreis ume gfahre sind, wommer unverhofft wieder bim "Ground 0" acho sind.

    Naja, jetzt hemmers vorerscht mal ufgeh, und hend eus entschlosse zerscht mal en Nacht z schlafe und de Sturm lah verbiezieh. Mit ere Flesche Wie i eusem kuschelige Janoschbettli hed d Welt denn wieder bitz rosiger usgse, und mer hend eus nach all dem en gmüetliche Abig mit Deeptalk und (nach Sturmendi) Abigspaziergang zur Lagune gönnt.

    Am nöchschte Tag simmer nachere unruhige Nacht am 6i ugstande, und zurgg zur "Furt" gfahre. D Sunne isch scho langsam ufgange, und diä ganzi Hochebeni hed doch einiges fründicher usgseh als am vortag. Wie überal, heds au bir Furt en Grabe neb de Strass gha, aber vo allem wommer bisher gseh hend isch de Grabe döt am wenigschte tief gsi.
    So hemmer eus dötte mit de Schufle as Werk gmacht.

    Nach öbbe enere Stund hemmer denn beschlosse, das mer de Fluchtversuech jetzt waged. Mit Alauf und Gottvertraue simmer vollgas über de zuegschufleti Grabe bretteret, und erfolgriech uf de andere Siete acho. De Janosch hed zwar s Näsli chli atütscht, aber isch alles in allem ganz blibe💪😁

    Zum Soundtrack "we are the Champions" simmer denn uf de "richtige" Strass (wo überigens genau so Mies zwäg gsi isch wie die "gsperrti" ) wietergfahre zu de Sol de Mañana Gysiere und schliesslich zu de Termas de Polques, wo mer denn Campiert und eus i de heisse Quelle wieder entspannt hend.    Read more

    See translation
  • 2025© FindPenguins
  • Home
  • About us
  • Group Tracking
  • Press
  • Terms
  • Privacy Policy & Cookies
  • Help Center
  • Legal notice