Tlalnepantla

In Mexico City hani mer es 4* Hotel für 30.- gönnt. Da sind es paar Sache passiert.
- S Stadtzentrun und de Verkehr derfe kännelerne. Ide Innestadt lauft ah jedem grössere Platz e Musigrichtig, wod Lüt dezue tanzed. Au d Ständ wo Esse oder Souvenir verkaufed sind würkli überall ahzträffe.
- Es bier uf de Strass vorem Restaueant trunke wommer chli hend müesse ufen Tisch warte (das mag jetzt harmlos töne)
- die gröscht Uni vo ganz Latinamerika bsuecht, s gländ isch würlklich riisig und mer muen sich mit 8 verschiedene Busline vo Fakultät zu Fakultät durs Gländ bewege. Ih de Bib herrscht immerno Maskepflicht 🙂. Defür hani ide Rächtsabteilig vode Bib keis Buech vom Hans Ueli Vogt gfunde.
- D Rächtsfakultät hinkt am RI vode Uni ZH zumindescht infrastrukturtechnisch um einiges hinterher.
- In Xochimilco hends eus z 2te zerscht es Boot für 600 Pesos welle vermiete. Nach chli Schwätze und eme andere Ahgebott voneme "Gmeinschaftsboot", sinds denn nur no 400 gsi ubd mir hend no es Päärli gfunde wos denn mit eus Teilt hät. Überall uf dem Kanal hets Essens- und Souvenir-Verkäufer uf ihrem eigete Böözli gha. Ja sogar Böötli mit Mariachis hets gha wo dir für Gäld es Liedli gsunge hend. De wääg det ane isch e Odyssee, s Uber funktioniert in City aber ganz guet.
- de Guido (min ehemalige Chef) hetmer es Meeting mitem Daniel Bandle (aktuelle CEO vode Axa Mexiko) ermöglicht. D Usgangslag, sowie au d Ufgabe wo e Axa ineme Land wie Mexiko het sind üüüüberhaupt nöd mit dene ide Schwiiz z vergliiche!
• nur jedes 3. Auto isch versicheret
• vereifacht gseit het nur jede Arbeiter e staatliche Gsundheitsversicherig
• nur öppe 1% het e Krankekasseprivatversicherig
• 50% vo allne Gsundheitsusgabe stammed usem eigene Sack vode Bürger...
• D Priise vode Heiligschoste sind trotzdem innere Ufwärtsspirale, will d Gsundheit vode Mexikaner schlicht zu schlächt isch, s liht aber au dra, dass d Priise im Privatsektor fasch nöd reguliert sind.
- de Bus het au da kei Türe und fahet mit ere richtig kabutte Schiibe 😂
- ärmeri Viertel sind über sehr langi Luftseilbahne mit em Metroahschluss am Stadtrand verbunde. Schön, dass Doppelmayr die het derfe baue. Gsehnd aber au würkli super us. D Fahrt chostet 40 Rappe.
Uf d Emfehlig vom Bandle hemmer die Fahrt denn au gmacht.
Ih dene Viertel sind d Märt uf de Strass extrem gross. D Fuessgängerwäg defür sehr schmaal.
Am Stadtrand isch s Busterminal, Colectivoterminal, Metrostation, Luftseilbahn, Autostrass, Taxistation und Strasseverkäufer alles ufenand 🙂 D Lüt rüefed eim nah und wännd di alli ih ihre Bus/Colectivo locke, aber irgendwie chunnts eim da ufgrund vode charmante Unordnig garnöd so vor.
- Ah dem Verkehrsknotepunkt simmer denn mit eme Dosebier ide Hand zum Metro gloffe. Läck sind 2 Polizischte z ränne cho wos eus gseh händ.
"Mimimi s Konsumiere vo Alkohol isch gemäss em Artikel irgendöppis vom Buech mimimi veebote und staht unter Straf vo ca. 120 Dollar oder 36h Haft." Wooow, immer het de chli gwüsst vo was er redet. D Unwüsseheit schützi au nöd vor de Straf usw. alles Züg eoni schomal ide Schuel ghört han.
Wasi aber nöd ide Schuel glärnt han, isch s Gfühl gsi, dass die Polizischge nöd eifach Gäld wennd. Nach ere längere Unterhaltig und chli Bittibätti hends eus denn eifach ohni Bier und mit de Bedingig gah lah, dasmer ah dem Tag nümme d Metro benutzed, will eus d Kameras scho gfilmt hettet. Easyyy, gaht doch au normal 🙂
- je nach Metrolinie gits bereits ade Metrostation Bereich wo nur Fraue und Chind under 11i därfed sii, die entsprächende Wäge im Metro sind denn natürli au nur für die Persone zuegänglich. De Hintergrund vo dem isch wahrschindli eher truurig, s Konzept isch aber fix au für viel anderi Städt uf de Wält z übernäh.
- D Chocolateria Suiza ghört eme halb Schwiizer, halb Spanier 🙂 und sie mached würklich Schwarzwäldertorte, eusi Vanilletörtli mit Frücht und Praliné.
-S Schloss vo Chapultepec het extremi Usblick, verzellt viel überd Gschicht vo Mexiko vor de Spanier aber au nach de Unabhängigkeit. D Amis sind ächt au gemein gsi..
- D Pyramide in Teotihuacan sind am Sunntig gratis fürd Mexikaner. Wenn mer aber mit öpperem us Mexiko gahtbdenn zehled alli andere aubals Mexikaner haha. Au dete wird sehr guetberklärt wie das Dorf entstande, gwachse und bereits vor de Spanier wieder verlah worde isch.
- Voneme Balkon macht öpper ide Fuessgängermeile ide Innestadt wärbig für Mariuhana.
-Au da gits Avenidas Zaragoza und e Nahbaut vode madrilenische Fuente de Cibeles
- dä besti Wäg an Flughafe wird der nöd über google ahzeiged. Er wird der am Verkehrsknotepunkt zuegruefe und du wirsch ih iregnd en Van gschickt wo nöd richtig startet für 2 Stutz.Read more