Nevio's Erlebnisse: 2024

Hüt hemmer üs vorgno, zum vu Strassburg uf Colmar mitem Zug und döt e kli go güggsle und flaniere ☺️
Noch ere eher unruhige Nacht, woni vum 5i bis am halb 7ni mol hell wach gsi bi, denn aber glich no bis am halb 10ni gschloofe ha 😂 simmer go zmörgele ☺️ i ha den allne Awesende zerst emol en schöne Tag gwünscht und vu de Nacht vezellt 🫣
Nocher simmer mit 2 Öpfel vum Buffet zrugg is Zimmer, will dMama het jo no dAmbition gha, zum frisches Öpfelmues vö mi mitneh 🙈 wammer denn aber au gmacht hend ☺️ sie isch eifach die Best ❤️
Am Bahnhof ako hemmer denn emol Billet glöst, und sind zerst emol kli vedutzt gsi, dass au vö mi ganzi 7 Euro 60 velangt worde sind vum Automat....het sich denn spöter als falsch usegstellt 😇
Nochdem mier üs de Weg zum richtige Perron erfrogt hend, wills uf de Tafle nöd azeigt worde isch, simmer denn nochere 30 Minütige Zugfahrt im wunderschöne Colmar ako.
Natürlich hemmer us uf direktem Weg id Altstadt begeh und hend döte die schöne Gässli, die wunderbare Hüser und au en feine Flammkueche gnosse ☺️ Au de Dessert het vös Mami und de Papi natürli nöd töre fehle 😇 aber immerhin, sie hend eine teilt ☝️
Noch dere Stärkig simmer witer durs Städtli gschlenderet, hend no e Käffeli trunke und sind amene meega coole Hexehüsli vebiegloffe 🤩 Ufem Rückweg an Bahnhof hemmer denn alli 3 eifach nur no heiss gha und gschwitzt 🥵 eigetlich heti au gern gschloofe, aber bi dere wärmi isch da gär nöd soo eifach, drum isches denn erst kurz vorem istige in Zug sowit gsi 😇
Bevor mier hend könne istige hemmer aber natürli wieder Billet kauft und au do wieder brav die 7.60 für mis Billet zahlt 😇 Im Zug simmer denn kontrolliert worde, und de netti Kondukteur het üs denn gfroget, werum mier denn e Billet vö mi kauft heged, es seg doch bis 4i gratis 😂 mier hend em denn sGschichtli vezellt und er het üs denn en Vermerk ufd dTickets gmacht und üs gseit, mier könneds dStrassburg am Schalter go rückerstatte lo ... Da hend mier denn au gmacht, und es het wunderbar funktioniert..sotigi Mensche söts me geh uf dere Welt 🫶 eifach toll.
Zrugg in Strassburg hemmer denn no e paar klini Sache vö üs postet und sind denn zrugg is Hotel zum de Obed i de Küehli usklinge lo ☺️
Sit em viertel vor nüni pfuusi etz friedlich und träum vum hütige Tag ❤️ pfuused guet ier Liebe 😘Читать далее