Restablecer búsqueda
Borboas trip
  • Adrian Borboa
  • Jeannine Borboa
  • Marion Fluck

Borboas trip

Una aventura de 207 días de Adrian, Jeannine & Marion Leer más
+5
SeguirResumenCalendarioCompartirCompartirLista de deseos
Más recientes primero
  • Borboas trip
    Euse Dojo Kolleg

    Muay Thai Training

    21 de noviembre de 2023, Tailandia ⋅ ☁️ 30 °C

    Näb eusem Lieblingsresti isch es Dojo, wo mer Muay Thai chan trainiere. Euse neu Kolleg, wo eus au mit at Kämpf gno het, het eus motiviert, eimal mitzmache. Klar, hämmer da nöd nei chönne säge😄
    Zerst hämmer ois mit Springseile müsse ufwärme. Den hämmer en Trainer zuegwise becho, wo eus d Punshes und Kicks zeigen händ und mir grad händ a ihne chöne usprobiere. Uiii das isch cheibe sträng gsi, het aber unheimlich Spass gmacht und mir händ eus so richtig chönne uspowere. D Jeannine het sogar ihri Tosox-Skills chönne uspacke. Das wird sicher nöd euses letschte Training gsi si😄💪🥊
    Nach em Training simmer nomal at Coconut-Beach gfahre. Dete hämmer de tolli Strand gnosse und händ ois mit enere Thai-Massage durechnäte la.
    Leider isches scho de letschti Abig in Khao Lak gsi. Natürlich simer nomal i oises Lieblingsresti, händ eus dete vo de wahnsinnig Köchin und vo oisem Dojo Kolleg verabschiedet.
    Es isch en richtig tolle Tag gsi und Thailand gfallt eus unheimlich guet. Mir sind chli traurig, chömer die schöne Stränd nöd no länger gnüsse. Mir sind eus aber scho am Gedanke mache, wie mer no chli meh vom südliche Thailand chönd entdecke😉    Leer más

    Ver traducción
  • Borboas trip

    Chiang Mai

    22 de noviembre de 2023, Tailandia ⋅ ☀️ 30 °C

    Hüt isches scho am 4.30 los gange für uf de Flüger uf Chiang Mai. Das isch e Stadt im Norde vo Thailand.
    Als ersts hämmer ois es Töffli wele organisiere. Normalerwiis findet mer eis a jedem Egge. Mir händ öpe 4 Vermietige müsse go fräge, bis mer eis gha händ. Es isch drum so wichtig gsi, wil mer am nöchste Tag e viertägigi Rollertour händ wele mache. Mir händ den en Ort gefunden und sie het gmeint, mir sölled "new one" ne, will "better motor". Dänn hämmer natürli de gno😅

    Zum s Töffli chönne izfahre, hämmer verschiedeni Tämpel in Chiang Mai aglueget. Eine isch ufemene Berg gsi, wo mer e u Schöni Ussicht gha het. En andere im Wald, t Stimmig isch richtig schön gsi.

    In Chiang Mai hämmer die günstigsti Unterkunft bis jetzt gha. 3 Fr. p.P uft d Nacht. Da hämmer s erstmal oise chli Schlafsack müsse uspacke. Es het den au überall agfange biisse😂. Es het sich aber usegstellt, dass das reini chopfsach gsi isch, hahaha. So schlimm ischs den glich nöd gsi und mir händ richtig guet gschlafe😴😅    Leer más

    Ver traducción
  • Borboas trip

    Mae Hong Son Loop Tag 1

    23 de noviembre de 2023, Tailandia ⋅ ⛅ 18 °C

    Vor eus warted 600 km Asphalt und über 1800 kurvene. Mir sind am Morgä gstarted richtig Doi Inthanon national park. Am hütige Tag planemer run 140 km mit eusem roller zfahre. Vo Chiang Mai us fahrt mer en rechte moment im dichte strassevercher dur taglomerarion. We wiiter mer ufs land chunt, desto besser wirds mit em vercher und in Thailand chan de scho chli verruckt si 🙈🙈. Mir hend bi zwei wasserfäll en halt gmacht, zum die bestune und eus chli erholä.
    Euses ziel im national park isch de höchsti punkt in Thailand mit rund 1670 m.ü.m. Zum glück isch es für eus nöd ganz e so höch und tluft isch nanig eso dünn, das mer na schnufe chan 😂😂. De Tag isch echli trüeb gsie und uf em weg ufe simmer de wulche decki immer nöcher cho. Uf em ufe weg simmer a de alag Phra Mahathat Naphamethanidon verbi cho, wo en garte und zwei glich ussehendi pagodene het. Will mer i de wulche gsie sind hemmer s panorama und die alag nöd im detail gseh, defür isch es echli mystisch gsie det obä.
    Uf em gipfel acho, simmer detä nachli go spatziere.

    Tstrasse sind teilwiis sehr steil gsie. Mir hend eus amüsiert wenn euse roller echli a sini grenze cho isch und mir mit 30 km/h de berg duruf tuckered sind.
    Bim Abefahre isch euse roller aber echli a sini grenze cho🙈🙈. Es isch sehr lang sehr steil bergab gange. Eusi vorderbrems het me und me ufkört funktioniere. Am schluss het mer sie fast ganz chöne duredrucke ohni grossi würkig 🙉🙉. Mir sind akalte und hend gmeint jetzt hemmer es riese problem 😱😱. Nach rund 20 minute isch sie aber wieder gange. Mir sind also langsam wiiter steil berag gfahre. Es het en zweite boxestop brucht, demit eusi vorderbrems wieder funktioniert het. I de underkunft acho, hemmer miteme herr vom hostel gschwätz und euses roller problem erchlärt. Er het glacht und gmeint, das segi es bekannts problem. Das passieri hüfig uf dere strecki, das bremse echli zu warm überchömmed. Mit heged aber de schlimmsti teil vom Mae Hong Son Loop gschafft und uf de wiiteri strecki segi nüme so steil. Mir sölled nach em znacht e rundi mit eusem roller go mache und luege ob alles guet isch.

    So halbe beruhigt simmer spöter go znacht esse. Mir hend en Hot Pot gesse. Das isch wie fundue chinoise in Thailändische stiel. Super fein gsie 🙂.

    Eusi bremse hend den wieder super funktioniert und spolier alarm, die neste täg hemmer das problem nüme ka😅😅.    Leer más

  • Borboas trip
    1

    To Mae Hong Son - 2. Tag

    24 de noviembre de 2023, Tailandia ⋅ ⛅ 30 °C

    Hüt nämemer die längsti Strecki vo de Tour. Sie het zwar nöd en Stopp, wo mer unbedingt muss gse ha, aber wie seit mer so schön, de Wäg ischs Ziel. Es isch traumhaft schön gsi dur die Natur zfahre. D Landschaft het sich au immer wiedermal gänderet. Zerst simmer dur Maisfälder gfahre, den it Höchi, witer dur Bluemefälder und dur de Dschungel.
    Mir händ eis zwei Pausene gmacht und d Umgäbig gnosse.
    Nach fast 6h Fahrziit simer dän aber schono froh gsi, in Mae Hong Son azcho.
    Es het den au zerst es Powernap brucht😅

    I dem chline Städtli hets en mini See, wo au s Zentrum isch. A dem See hets en Nachtmarkt und en Tämpel. De het i de Nacht wunderschön usgse.    Leer más

    Ver traducción
  • Borboas trip

    To Pai - 3. Tag

    25 de noviembre de 2023, Tailandia ⋅ ⛅ 27 °C

    Am Morge simer zerst uf de Berg zum Tämpel und hend en tolle Blick ufs Städtli gha.
    Witer uf em Wäg simer binere Bamboo Bridge verbi cho, wo mer natürli händ müsse drüber laufe. Sie isch sehr idyllisch und het über es Fäld gfüert.
    De nächsti Stopp isch bimene traditionelle Dörfli gsi. Es het sich usegstellt, dass das Dörfli es chinesische Dörfli gsi isch. Sie sind überall Hotels und Unterkünft am baue gsi, wo de Charm chli kaputt gmacht het. Jänuu, es chan eim au nöd alles us de Söcke haue😅
    Zum Zmittagässe hämmer noimets ghalte, wo mer wieder en mega schöne Usblick gha händ.
    Wo mer witer gfahre sind, hets plötzlich e rächt grosse grüeni Schlange uf de Strass gha. Da het de Adi grad äxtra viel Gas ge, dass sie eus nöd chan schnappe😅
    Gäg de spöter Namittag simer den in Pai ach. Das isch so chli wie es Hippi-Dörfli, wos au wieder einigi Touris gha het.
    Als Unterkunft hämerces chlises Hüttli mit enere Hängematte gha. D Hüener und de Gügel hend au nöd derfe fehle.
    Sit mer wüsstet, dass es grosse Schlangene git, isch dJeannine immer über d Wiese gstampft, zum d Schlangene z vertriebe😆
    Am Abig simer an Nachtmarkt go umelaufe und öpis Ässe. Es isch wüki lässig gsi und het e tolli Stimmig gha. D Strasse sind au mit Laterne verziert gsi.    Leer más

    Ver traducción
  • Borboas trip

    Mae Hong Son Loop Tag 4

    26 de noviembre de 2023, Tailandia ⋅ ☁️ 27 °C

    Mir hend am morgä das hübsche stedtli Pai bi tagesliecht wellä aluege. Uf em weg het en huufe felder ka, wo chüeh druff grased hend. Pi isch würklich ganz es enspannts stedtli.

    Mit em roller simmer wieder richtig Chiang Mai gfahre und hend na paar halt gmacht für päusäli. Uf em weg hets verschiedeni uffang statione für elefante. Mir sind bi einere aghalte und hend chöne ein elefant mit banane füetere😁.

    Offiziell fagt hüt sliechter fest aah. Es werded aber erst morn laterne gstige la und bötli mit lichter in wasser gla. Tdame a de reception i eusem hostel het eus gseit, hüt segi nöd so vill los. Per zuefall hemmer aber erfahre, dass es en grosse Sunday-Marked het. Das chömmer eus natürlich nöd entga la und mir hend köstlich znacht gesse 😎✌️.    Leer más

    Ver traducción
  • Borboas trip
    1111

    Loy Krathong - Lichterfest

    27 de noviembre de 2023, Tailandia ⋅ ⛅ 30 °C

    Mir beidi fiiret das Ässe vo Thailand mega, darum hämers ois au nöd wele neh la, en Kochkurs zmache😁
    D Mam het ois mit ihrer quirlige und herzliche Art d Gheimniss vo de Thai Kuchi zeiget. Mir händ derfe d Gricht ussueche, wo mer chochet. Natürli händ de Adi und ich unterschiedlichi Gricht gmacht und sind den Foodbuddys gsi😎
    S Ässe isch mega gsi und mir freuet eus ez scho, das dihei mal chöne uszprobiere🙂

    S Highlight vo dem Tag isch aber S Liechterfest, Loy Krathong gsi. Thais tüend den sälbergmachti Schiffli us Blueme mit Cherzli und Räucherstäbli uf de Fluss. Mit dem Schiffli tüends ihre Sorge und Ängst ga la. In Chiang Mai isch glichziitig au no Yee Peng Fest, wo sie Laterne in Himmel stiige lönd. Aschienend isch das aber nur no in Chiang Mai erlaubt und i andere Teil vo Thailand nüm. Aber au in Chiang Mai seg das Jahr s erst mal, dass mers nur no usserhalb vo de Stadt derf stiige la und das amene Event wo über 100 Dollar chosted. Die Laterne fanget hüfig a bränne i de Luft und gheiet den uf Hüser oder it Lüüt, aso nöd ganz ungfährlich. Es händ ois all vo dem Event abgrate, drum simer au nöd gange - zum Glück!
    Mir sind den zu de grosse Brugg und händ ois uf em Weg en Krathong kauft. Bim Fluss hets scho uh viel Menschen gha und s Bord bim Fluss isch rächt steil gsi. Aso gar nöd so eifach😅 mir händs den aber no gschafft und oisi Krathongs sind devo gschwümmt. Es isch aso meeeeeeeggaaaa schön gsi😍🥰 Nachher hämer e Parade glueget und natürli de Streetfood probiert.
    Mir händ den langsam gse, dass immer meh Lüüt au Laterne stiige lönd. Dem zuezluege isch aso öpis vom schönste wo mir je gse händ. En Momänt wo ois richtig unter d Huut gfahre isch und wo mir nie meh wärdet vergässe❤️❤️‍🔥
    Zrug uf de Brugg hets immer meh Lüüt ge, immer neh Lüüt wo Laterne losgla händ und immer me Lüüt wo immer no Laterne Fürwerk abgla hend. Mer muss au säge, dass viele Lüüt nöd grüsst händ, wie die Laterne stiige la. Wenn mer nöd gnueg lang gewartet het für die warm Luft, isch d Laterne brennend wieder Abe cho und it Lüüt. Die Laterne händ sich den au immer mehr i de Bäum oder i Stromkabel verfange, dass die schön Stimmig den einisch verfloge isch und mir witer sind.
    Es het gheisse, mer müssi au it Tämpel, da d Mönch die au belüchtet. Und eine seg ganz speziell. Det acho hets eus zum zweite Mal a dem Tag, vo dere Schönheit umghaue. De Tämpel isch volle vo Cherzli gsi und d Stimmig isch eifach magisch. Au de Moment werdemer niemeh vergässe😍❤️ eifach nume dankbar, das mer so öpis schöns händ derfe erläbe, simer i oises 3.- Franke Bett gheit😊    Leer más

    Ver traducción
  • Borboas trip
    1

    Chiang Rai White Temple

    28 de noviembre de 2023, Tailandia ⋅ ⛅ 27 °C

    Hüt hemmer t überfahrt vo Chiang Mai nach Chiang Rai imene Bus gmacht. Chiang Rai isch eusi letschi destination bevor mer wiiter gönd uf Laos. Thailand isch so rich a kultur, super fründlichi lüt und hammer esse, dass mir beidi echli truurig gsie sind gömmer wiiter. Mir gönd ja na zum glück uf Bangkok 😎🤙.

    Eis high light da in Chiang Rai isch de Wat Rong Khun oder White Temple. Das isch recht en moderne Temple. Er isch 1997 eröffned worde. De Künstler wo de Buddhistischi Temple designed het heisst Chalermchai Kositpipat. Sis Ziel isch es, dass sie tempelalag irgend wenn so es wichtigs kulturerbe wie Angkor Wat oder de Tai Mahal wird.

    Wenn mer in tempel inechunt lauft mer über e brugg dur thöll und gaht richtig himmel zum Buddha. Wie de Name scho seit isch de tempel ganz wiis und mit ganz vill details dekoriert. Twänd im tempel sind alli im Buddhistische styl bemale. Wie mirs verstande hend zeiged die verschiedene bilder, mer söll sich nöd vo de weltliche sache ablenke la, sondern mer erlangt nur d erlüchtig dur Buddha. Me wemmer nöd verrate. Nur na so vill, wemmer im Tempel am monster über de igangs türe ganz tüf it auge luegt, gseht mer villicht me als erwarted 😱😱.

    I de tempel-alag gits na es chlises museum innere höhli mit ganz villne figure wo sich lohnt zum aluege. Au gits es grosses goldigs gebäude, wo zeigt wie de künster vo dem temple vorgange isch bim designe vom Wat Rong Khun temple.

    Am abig hemmer ganz locker gno und sind na en hamburger go esse, wills de Adrian echli mit em Mage ka het🙈🙈.    Leer más

    Ver traducción
  • Borboas trip

    Abreis nach Laos

    29 de noviembre de 2023, Tailandia ⋅ ☁️ 26 °C

    Hüt gaht euses abentür wiiter im nächste land. Mir reised nach Laos🙃. Es isch recht simple zum vo Chiang Rai nach Laos zcho. Alli 30 Minute fahrt en bus it nöchi vo de grenze. Mer wird nach rund 2 stunde busfahrt anere chrüzig abglade, wo scho en huufe tuck tuck warted. Für 50 bath fahrt eim so eis an grenzübergang. Mer chunt en usreise stämpfel in pass über, hüpfed uf en bus, gaht dur timigration in Laos und tadaa, eusi reis chan wiiter ga 🤣🤣. Als schwiizer mummer garnüt mache, wemmer nöd länger als 15 täg in Laos bliebt.

    Natürlich hemmer en laotiache zmittag müsse esse. Mir hend laab mit poulet gesse. Laab heisst so viel wie gschnätzleds. Super fein und sehr erfrischend, dur das, dass es pfeffermünzbletter dine het 🙃.

    Am abig simmer in en rooftop-bar na eis go trinke. Vo dere bar us het mer e super ussicht uf de Mekong-fluss. Thailand liit grad uf de andere siite vom fluss.

    Mir sind früeh is bett will morn Gibbon Experience afangt. 3 Täg im Jungle 😎✌️.    Leer más

    Ver traducción
  • Borboas trip

    Gibbon Experience Tag 1

    30 de noviembre de 2023, Laos ⋅ ☁️ 26 °C

    Zum in national park Nam Kan, hemmer rund 2.5 stunde ufeme pickup truck brucht. Die erste 1.5 stunde echli vertruckt ufere normale strass und die restliche ziit ufere bumpy road. Guet duregschütled simmer im letsche dörfli vor em jungle acho, wo mer öpis zmittah gesse hend.

    Mir sind rund 1.5 stunde uf chline wegli dur de jungle gloffe und na vill wichtiger gziplined, zum zu eusem nachtlager, es baumhuus🙃, cho. Die baumhüüser sind nöd eifach nur paar meter über em bode, sondern öpe innere höchi vo 20 bis 30 meter. Nüt für mensche mit höheangst 😅😅. Eusem Baumhuus isch 2 stöckig gsie. WC und chalti-duschi inklusiv.

    Mir sind e 6er gruppe gsie mit 2 guids. I eusere gruppe sind zwei dütschi fraue gsie und zwei elteri herre. Eine vo dene zwei isch en norweger und de ander en franzos. Also ideal für s charte UNO 🥳🥳. Bim zocke hemmer happy water trunke. Das isch selberbrennt riesschnaps vo de iheimische 😅😅.

    Gschlaffe het mer under tüecher wo wie zelt gspannt worde sind. Moskito und liecht schutz i eim. I de nacht isch es nie ruhig, irgend es tier macht immer grüsch 😅😅.    Leer más

    Ver traducción
  • Borboas trip

    2. Tag im Dschungel

    1 de diciembre de 2023, Laos ⋅ ☁️ 25 °C

    De Jungle-Sound isch teilwiis ächt luut gsi und es het immer wieder mal öpis näb eusem Netz grazet oder isch umegfloge. Mir händ aso au scho besser gschlafe aber isch es mega tolls erläbnis. Nachem Zmorge, wo eus mit de Zipline bracht worde isch, simer loos. Mir sind dur de Jungle gwanderet und händ verschiedeni Baumhüser via Zipline bsuecht. Mir händ au suscht viel chöne zipline, was eus uh fest spass gmacht het. Euse Guide het eus au viel über d Pflanze, de Jungle und ihri Kultur verzellt.

    Am Abig zurug im Baumhuus hämer en wunderschöne Sunneuntergang überem Jungle gse. Nachem Znacht het eus d Guide no Laos Magie zeiget. Ganz toll gsi😊
    Nachher hets natürli no e Rundi UNO ge. Da d Nacht mega klar gsi isch, hämer oises Liecht abgstellt und händ de fantastischi Sternehimmel bewunderet🥰
    De Norweger het nomal Happy Wasser dur sis penetrante Fräge bi de Guids chöne uftriibe, was er (als paradebispiel vomene typische Chauvinist) nur mit em Adi teilt het. Dementsprechend isch de Norweger einisch völlig blau gsi und sehr mühsam worde. De Adi het sichs Happy Wasser aber au schmöcke la und isch den einisch seehr häppy gsi😅😂    Leer más

    Ver traducción
  • Borboas trip
    Oises NachlagerD Unterkunft vo de GuidesOisi Gruppe

    3. Tag im Dschungel

    2 de diciembre de 2023, Laos ⋅ ☁️ 24 °C

    Da mir bis jetzt leider no kei Gibbons gse händ, simer am 6i los, zum welchi finde. S Ufsta isch für de Adi nöd ganz eso eifach gsi, s Happy Water macht am nögste Tag bizli unhappy🙈
    Aber au D Jeannine isch en churze Momänt biz unhappy gsi. Sie het ihri Hose übers gländer ufghänkt gha übert Nacht. Wo sie sie azoge het, hets plötzlich agfange bränne und bisse. Es het sich usegstellt, dass sich e Ameisefamilie i ihrne Hose es Dihei gfunde händ😂🙈 zum Glück het mer sie dur guet usschüttle und Absueche mit de Taschelampe guet wegbecho...

    Nach enere Nachtwanderig hämer de Spot erreicht, zum Gibbons zbeobachte. Leider hämer keini gse.
    Sie händ eus erchlärt, dass grad Laos und au die Organisation, Gibbons Experience (GE), vo Corona sehr troffe worde isch. GE het vor Corona öpe 200 Mitarbeitendi gha und öpe 9 Baumhüser. Praktisch all händ de Job während Corona verlore. Mittlerwile sinds wieder bi 60 Mitarbeitende und händ 4 Baumhüser in Betrieb. Sie händ au verzellt, das d Lüt i de umgebig i dere Ziit fascht keis Ikomme gha händ. Vo dem her hend villi ihres Ässe im Dschungel gsuecht und gjagt. Zum Überläbe händs das müsse jage, wos gfunde händ, leider au Affe😳

    Nach em Gibbons sueche hämer no en Zmorge becho und den simer wieder it Zivilisation zrug gwanderet. Zrug i de Unterkunft simer als ersts unter die langersehnti Duschi gumpet und händ ois müsse erhole😊
    Mir händ de Sunneuntergang überem Mekong mit emene Bierli resp. emene Somersby gnosse und und händ de Tag gmüetlich usklinge la.    Leer más

    Ver traducción
  • Borboas trip

    Slow Boat uf em Mekong River

    3–4 dic. 2023, Laos ⋅ ⛅ 28 °C

    Die negste 2 täg simmer ufeme Slow Boat de Mekong River durab. Uf em boot hets platz für rund 100 persone. Wämer bi de Sitz gnau luegt, gset mer, dass es ehemaligi Autositz sind😁 Mir übernachted ei mal in Pakbeng und erreiched morn Luang Prabang.

    Mir nemeds also 2 täg ganz gmüetlich und gnüssed tussicht vom boot us ✌️🙃.

    De ersti tag isch echli müehsam gsie, will sboot vollegstopfed gsie und au hets en huufe holländer ka, wo sich die ganzi 7 stündigi fahrt kante gä hend. Mir hend eus müsse entscheide zwüsched, wiiter hindere im boot sitze und luuti motore grüsch zköre oder di psoffene holländer😅😅.

    Am zweite Tag simmer ufeme andere boot gsie. Es sind zwei boot richtig Luang Prabang gfahre. Zum glück simmer früeh drah gsie. Euses boot isch nöd so volle gsie und mir hend e wunderbar ruhig fahrt zu eusem ziil ka 🙃. Mir hend ganz gmüetlich eusi seelä chöne bambele la.    Leer más

    Ver traducción
  • Borboas trip

    Chiller- und Beautytag in Luang Prabang

    5 de diciembre de 2023, Laos ⋅ ⛅ 28 °C

    De Adi chan sind Bart scho mit emene Haargümeli zäme binde. Darum wirds höchsti Ziit, dass mer zum Coiffure gönd. Au d Haar vo de Jeannine händ die letschte 2 Mönet rächt glitte, drum isch sie au grad mit😁
    Wie neu gebore, simmer zrug is Hotel und händ de Nami am Pool verbracht😊
    Am Abig simer i de herzige Altstadt go Znacht ässe.    Leer más

    Ver traducción
  • Borboas trip
    1

    MandaLao elefante tour

    6 de diciembre de 2023, Laos ⋅ ⛅ 29 °C

    Hüt gömmer mit elefante go laufe. MandaLao isch e organisation wo sich isetzt für elefante wos nöd eso guet gaht in Laos. Ihres langfriste ziel isch me wildi elefante zha i de natioanl pärk vo Laos. Mer riite au nöd uf de elefante oder gaht mit ine ga bade. Mir hend e tages tour buecht. Als erst hends eus usführlich über ihri organistation informiert. Sie chaufed elefante in not und gend dene es neus diheime. Wenns juntier gits probiereds die möglichst guet vorbereite für twildnis und lueged, dass sie in e gruppe vo wilde elefante chönd integriert werde.

    Als erst hemmer telefante chönd füere mit banane, chürbis und de stamm vo junge bananebäum. Wenn elefante essed, isch es fast so also verschwindet alles eifach imene schlund😱😱. Au de stamm vomeme junge bananebaum chönds mit liechtigkeit zerbiise.

    Aschlüssed simmer mit zwei elefante go spatiere. Es isch also scho na idrücklich, wenn so en riis ganz nöch hinder eim nalauft. S sprichtwort: "stampfe wie en elefant" isch also au nöd war. Die elefante sind grüschlos über de wald bode gloffe 😂😂.
    Nach de schliderige vom guide baded elefante garnöd so gern. Sie düend sich lieber selber mit dreck und schlamm bewerfe zum sich abchüele oder als sunne und insekte schutz.
    En zmittag hets underwäx gä. Laotischi spezialitäte. Natürlich hemmer vo hand gesse. Mit eus uf de tour isch es pärli uf em tessin gsie. Chlini welt.

    I de tour inbegriffe isch na en churze usflug zumene wasserfall wo mer sich abchüele chan. Mir sind zerst du es ganz eifachs dörfli gloffe. Mir hend bedi de indruck becho, dass Laos nonig ganz eso entwickled isch wie biespeilswiis Thailand. Wo mer us dem dörfli sind het euse guid zu eus gmeint: "Are you now happy that you where not born here"?
    Mir bedi nöd so recht gwüsst waa sege 🤷‍♂️🤷‍♂️🤷🤷.

    De Adrian het sich getraut zum mit em guid in wasserfall zhüpfe. Swasser isch türkis farbig gsie. Würklich ganz schön.

    Aschlüssend simmer mit de elefante wieder retour gloffe und sind sehr zfriede i euses Hotel zrugg.

    Am Abig simmer an Night marked go znacht esse und de tag usklinge la 🙂.    Leer más

    Ver traducción
  • Borboas trip
    1Churzi Pause mit emene MangoshakeUssicht vom Phousi HillNight Market

    Kuang Si Waterfalls

    7 de diciembre de 2023, Laos ⋅ ⛅ 25 °C

    Mir händ es Töffli vo oisem Hotel wele miete zum d Kuang Si Wasserfäll go azluege. De a de Rezeption, mir nänned de ez mal Düfel (= nöd s hellste Kärzli uf de Turte) het bimene Vermieter eis bstellt. Paar Minute spöter isch au scho es Töffli cho. De Düfel het gmeint, oh hine hets nöd viel Luft im Reife. Mir sölled doch de a de Tankstell no uf pumpe. Beidi sind scho uf em Töffli gsi und händ grad wele losfahre, wo de Bsitzer vom Hotel cho isch und völlig entzetzt gmeint het, mir münd warte es het kei Luft im Hinterrad. Er het das so energisch gseit, dass mer nomal uf de Parkplatz sind. De Düfel isch den mitere, doch rächt moderne Pumpi fürt Töfflipneu, cho und hets unter de Awiisige vom Bsitzer ufpumpt. De Bistzer het den verschroke uf de Pneu zeiget und mir hend gse, das en riisige Nagel drin gesteckt het. Uff, da hämer en grosse Schutzängel gha😇
    Mit emene neue Töffli hämer ois den glich no uf de Wäg chönne mache. D Strasse in Laos sind aso scho nöd glich wie in Thailand. D Schlaglöcher müssten eigentlich Schlagkrater heisse, darum simer au ganz gemächlich gfahre.
    Bi de Wasserfäll acho hämer die verschiedene Naturpools bestuunt und vieli Föteli gmacht. Die sind wüki schön gsi😊
    Am Nami hämer nomal am Pool gfulänzt.
    Am spötere Nami simer für de Sunneuntergang uf de Huusbärg vo Luang Prabang, Phousi Hill. D Ussicht isch super gsi, aber es het sooo viel Lüüt gha, das mer schnäll wieder gange sind. Mir händ den defür imene Café grad am Mekong chli chöne si. Am abig hämer am Night Market für öpe 7.- zäme Znacht gässe.
    Um au bizli Wiehnachtsstimmig zbecho, hämer im Hotel en Wiehnachtsfilm glueget und no es Guezli gässe😅    Leer más

    Ver traducción
  • Borboas trip
    2

    Wiiterreis nach Vang Vieng

    8 de diciembre de 2023, Laos ⋅ ☀️ 27 °C

    Hüt staht eus es zugfährtli bevor. Mir fahred mit em zug vo Luang Prabang nach Vang Vieng. Rund 20 minute usserhalb von Luang Prabang gits en riese neue Bahnhof gsponsered vo de chinesä. Mer meked, uf dere siite vo de welt hend da überall ihre ifluss 😅😅.
    Bevor mer zum zug chan, mummer alles gepäck scane wie am flughafe. Leider hends ganz doofi reglene, wie, dass mer kei brennbari flüssigkeite dörf mit nä. Insektespray isch brennbar 🤷‍♂️🤷‍♂️. Au het t Jeannine müsse ihre haarsspay und en offnige rum müsse entsorgä🙈🙈.
    Mir hend vo de Marion uf eusi Hochziit es schwiizersackmesser mit eusne näme und eusem hochziitsdatum igraviet übercho. Das hends eus au wellä wegnä. Mir hend zerst recht lang mitere security frau diskutiert. Mir hend ihre versucht de emotionali wert vo dem sackmesser z erchläre. Leider ohni erfolg. Sie het en polizischt gholt und mir hend mit ihm wiiter verhandled. Leider het er nur mässig englisch chöne. Er het amene kolleg aglüted wo übersetzt het. De kolleg het eus nomal gseit, messer jeglicher art seged verbotä uf em zug. Mir hend ihm erchlärt, mir seged mit dem gepäck scho i so viel länder gsie und uf ganz viel flugis, züg und schiff. Es hegi nie es probläm gä. De Adrian het ihm vorgschlage, ob er s sackmesser nöd am kondukteur chönnd gä und er gits eus in Vang Vieng wieder. Nachere churze diskussion zwüsched em polizist und en herr am telefon hends gmeint, ja wemmer e "gebür" vo 300000 kit (15CHF) zahled segi das möglich. De Adrian sölli mit ihm ufs WC zum die gebühr zahle. Er isch also mit em herr polizist ufs manne-wc und het ihm 300000 kit it hend druck. Uf das abe het ihm de polizist s sackmesser zrug gä 😅😅🙈🙈.
    Es bitzeli verwirrt was grad passiert isch, simmer in zug igstiege.

    Vor eus isch es dütsches päärli gsie wo en Ledermann, es grosses türs sackmesser, furtgschmisse het🙈🙈.

    In Vang Vieng acho simmer nachli i de stadt umegloffe und in pool vom hostel go bade. Am abig simmer ufere rooftop bar go de sunne undergang luege. Vo de rooftop bar hemmer e chlini chilbi gseh i de nöchi. Ussert es mini rieserad und e geisterbahn hets nöd so vill ka. Nach echli überzügigs arbed, demit t Jeannine mit chunt, simmer uf geisterbahn. Die geisterbahn isch sehr eifach gmacht gsie und nöd eso gfürchig. Mer het müsse dur ufgänkti bettwösch laufe wos monsterfigure ufghänked hend. T jeannine isch ganz nervös am Adrian hinde na gstiefeled. Uf ei mal schreit sie wie verruck! Das het sicher die ganz chilbi kört. Eine het sich verchleided hinder sie here gschliche und het si verschrecked 😂😂.

    Per zuefall hemmer na t andrea vo Gibbon Experience troffe und sind mit ihre go mexikanisch esse und na eis go trinke. T Jeannine freut sich sit 4 täg uf de super mexikaner wos in Vang Vieng git🙃🙃.    Leer más

    Ver traducción
  • Borboas trip
    D Brugg
    Blue Lagoon 3

    Blue Lagoon 2 & 3

    9 de diciembre de 2023, Laos ⋅ ☀️ 28 °C

    Hüt hämer wieder emal en Roller gemietet für de West Vang Vieng Loop. Mit em Roller hämer zerst über zwei Brugge müsse fahre. Die erst het scho biz gwaglig usgse, puh aber die zweit simer ois nüm sicher gsi, ob die hebt. Es sind eifach rundum Holbretter zämegnaglet gsi😅 mir händ zerst mal abgwarted, wie das die Iheimische machet. Ohni überlege eifach drüber, aso hämer das ihne nahgmacht und wuhuuu mir sind tiptop uf de andere Site acho😁💪
    Zuegeh die Strasse in Laos sind nöd mit Thailand zvergliche und nomal schlechter als in Luang Prabang. Mir gsend au immer me Mänsche, wo de Fuess oder s Bei verbunde händ. Ez wüssemer au warum, d Strasse sind volle Chies und Sand. De Adi het ois aber völlig sicher durt Gägend gfahre😊 am abig simer ois aber einig gsi, da mietemer keine meh😅

    Zerst simer zu de Blue Lagoon 2 gfahre. Die isch aber rächt entdüschend gsi, bis uf paar Chinese i de Schwümmweste hets det nöd viel ga. Mir vermuetet, dass au da d Nahwehe vo Corona zspüre sind. Mer gset, es het viel a infrastruktur, aber alles chli verwilderet...

    Witer bi de Blue Lagoon 3 hets eus aber sehr gfalle und det simer den de ganz Nami verwilet.
    Die erst Lagune hämer eus gespart und sind wieder zrug.

    Am Abig simer uf e witeri Roof top bar de Sunneuntergang go luege. De isch eifach traumhaft schön gsi, die Kulisse mit de Berge, de Dschungel, s Städtli und den no d Heissluftballön. En weitere Momänt wo direkt unter d Huut gfahre isch.

    De Abig hämer inere unheimlich chillige Bar usklinge la...    Leer más

    Ver traducción
  • Borboas trip
    Chilligi BarGrillierti HüenerfüessHammer Bagett

    Tubing

    10 de diciembre de 2023, Laos ⋅ ⛅ 29 °C

    Hüt stat Tubing uf em Programm, mit emene Autoreife sich de Fluss abgetrieben la und bi Bars en Stopp ilege - tipsy Tubing. Ähnlich wie Böötle uf de Limmat😅
    Gäg de Mittag simmer los und sind den die einzige Tubers gsi. Bi de Bars hets zwar mega luti Musig gha aber kei Lüüt. Erst spöter hämer gemerkt, dass mer wohl zfrüe los sind. Es isch eus aber grad rächt gsi und händ de Fluss für eus allei gha😊
    Bis 2012 muss da e mega Party und Drogeszene gsi si. Wo den i chürzister Ziit mehreri Lüüt tödlich verunfallt sind, hets d Regierig zerst verbote und denn stark reglementiert.

    Am früe Abig simer wieder i die Bar vo gester und händ den binere Strasseverkäuferin es Bagett gässe und sind dur de Nachtmarkt spaziert.    Leer más

    Ver traducción
  • Borboas trip

    Heissluftballon Fahrt und Silercliff

    11 de diciembre de 2023, Laos ⋅ ☀️ 29 °C

    Dusse isch na stockdunkel gsie wommer us em nest hend müsse. Am 5.50 simmer vomene tuktuk abgolt worde für e heissluftballon fahrt. Im tuktuk hemmer e schwiizer familie troffe, wo sich es jahr lang e usziit gno hend zum reise. Uf eusere reis bis jetzt sind schwiizer e rarität😂😂. Mir hend de ballon mit dene schwiizer undere familie us thailand teilt.

    Tstimmig isch grandios gsie am morgä. Es isch sehr idrücklich zgseht, wie verschiedeni heissluftballön mitenand stieged. De flug isch los gange. De ersti moment wemmer vom bode abhebt isch echli komiach gsie, aber i so moment dörf mer nöd zvill denke 😅😅. Mir hend e wunderbari ussicht ka vom heissluftballon us! T berge und die umliegede wälder hend fast echli magisch usgshe mit em morgätau, wo alles echli verschumme gmacht het. Mir sind uf e höchi vo 550 meter über em bode.

    Nach em flug simmer is hostel zrugg in pool go bade und echli schlaff go nahole😂😂.

    Am spötere namitag simmer uf de ussichtspunkt silvercliff gloffä. Mir hend rund 1.5 stunde vo eusem hostel bis an ussichts punkt ufe ka. Zum glück hemmer gueti schueh debi ka. Mer muss über villi sehr scharfi stei stiege. De ufstieg isch scho na streng gsie. Alli strapaze lohned sich aber, will mer mitere sehr schöne ussicht belohnt wird. Tsunnde isch churz vor em underga gsie und mer het es ganz intesivs rot am horizont gseh. Als super schwiizer simmer vorbereited gsie und hend eusi stirnlampene debi ka für de heiweg😉.    Leer más

    Ver traducción
  • Borboas trip
    Alles klar 🤷‍♀️🤷‍♂️2Wer findet de Fehler?😂

    Vientiane

    12 de diciembre de 2023, Laos ⋅ ☀️ 32 °C

    Hüt simer mit em Minibus (äxtra nöd mit em Zug!) witer it Hauptstadt, Vientiane.
    Au wämer ez guet 2 Wuche in Laos sind und mega viel lässigi Sache erläbt händ, isch Laos für eus nonig so griifbar. D Lüüt sind für ois nochli es Rätsel und d Gschicht hämer au nonig so ganz erfasst. Drum simer i de Hauptstadt is COPE Information Center. Das Laos während em Vietnam Krieg au rächt drunter cho isch, hämer zwar scho mitbecho, aber das nachwievor unzähligi Streubombe, wo nöd explodiert sind, in ganz Laos verstreut sind, het eus schockiert. Kinder bim Spiele, Mänsche uf de Riisfälder bim schaffe oder bim Choche vor em Huus werdet nachwievor Opfer vo dene. Es git zwar e Organisation vo öpe 30 Mänsche, wo s Land versuecht devo zsübere, aber das wird no über Generatione e riise Problem bliebe.
    Uf em Rückweg simer no bim laotische Art de Triumph verbi cho.
    Churz vor emene Hitzeschlag simer im Hostel is Pool gumpet.

    A oisem letschte Abig hämer no einisch es loatischs Chicken Laab (Hackfleisch mit Pfefferminz und anderne Chrütli) gässe und sind einisch is Bett.    Leer más

    Ver traducción
  • Borboas trip

    Reis nach Phnom Penh

    13 de diciembre de 2023, Camboya ⋅ ⛅ 32 °C

    Euses reisli gaht in Kambodscha wiiter. Zahle in kambodscha chan echt echli verwirrend sie. Mer zahlt vill is USD und au i de lokalä wärig riel. Oft chunt mer als retour geld en mix zwüsched beide währige über. Es chan also sehr schnell bietzli verwirrend sie. Mit de USD mummer echli ufpasse wills es falschgeld problem hend da. Bim zahle werded au alli USD notene riguros uf echtheit, riss oder fleke kontrolliert. Mir sind hüt uf Phnom Penh gfloge. Vom Flughafe us hemmer es Tuktuk zu eusem hotel gno.Irgendwie het de fahrer mit übercho, dass mer sim-charte für eusi handies am sueche sind. Natürlich het er de passendi schuppe kennt 😂😂. Er isch vor irgend eme lädeli akahlte und het gmeint: best price, best price sim-card here.
    T jeannine het vor her scho nagluged wo mer am beste sim-charte her bechunt in Kambodscha und het usegfunde, dass es sim-chartene ab 5USD git.
    De herr us dem lädeli het pro sim-charte 10USD wellä. Er het au nöd mit sich verhandle la. Mir hend keis drama wellä mache und hend am schluss zwei gno 😅😅. Mir sind sicher euse Tuktuk fahrer het e gueti kommission vo dem herr im lädeli becho 😅😅.

    Über de tag hemmers echli locker gno. Mir sind zum Mekong river echli go umelaufe und am swimming pool gläge vom Hotel.

    Zabig simmer go kambodschanisch esse. Es git es gricht das heisst Amok. Das isch ähnlich wie es Thaicurry mit Kokosmilch und nei, nache me Amok isch mer nöd völlig wahnsinnig 😜😜😂😂.    Leer más

    Ver traducción
  • Borboas trip

    Tuol Sleng & Killing Fields

    14 de diciembre de 2023, Camboya ⋅ ☁️ 32 °C

    Was lauft eigentlich mit eus Mänsche falsch?

    Mir händ ez scho es paar Länder bereist und öpe jedes devo het e brutali Gschicht mit unglaublich viel Leid - gwüsses wo bis hüt no aduret.
    So au Kambotscha. Die roti Khmer het zwischen 1975-1979 en Drittel vo de ganze Landbevölkerig ermordet, will sie en Burestaat hend wele mache, wo alli nur Riis pflanzet (churz zämegfasst).
    In Phnom Phen gits das Tuol Sleng Genocide Museum, wo imene frühere Foltergfängnis isch. Dete wird eim zeiget, wie die roti Khmer i dere Ziit unzähligi Mänsche uf brutalsti Art ispert, entmänschlicht, folteret und umbracht händ. S Ziel vo dere Folter isch gsi, dass die Mänsche irgendwelchi abstrusi Gständnis zu Zueghörigkeite vo Gheimdienst zuegebät. Die wo nöd scho während de Folter gestorben sind und das "Gständnis" abgeh händ, sind woanderst hi bracht worde - nämlich nach Choeung Ek, zu de Killing Fields, wo sie den umbracht worde sind.

    Nachdem mir das Gfängnis agluegt hend, simer witer zu de Killing Fields.
    Det acho, simer den vor mehrnere Massegräber gstande, wo biespielswis i eim 350 Mänsche begrabe gsi sind.

    Und wieder chunnt d Frag uf, was lauft mit eus Mänsche eigentlich falsch?

    Wie chan ein Ma mit enere komische Idee es paar Anderi um sich scharre, und den es ganzes Land besetzte und so es Leid übers ganze Volk bringe?
    Chönnti das au bi eus passiere? I eusem Nachbarland isches scho passiert. Und bi eus? Wämer uf die aktuelli Welt luegt, isches grad wieder am passiere, meh als eimal.

    Was lauft mit eus Mänsche eigentlich falsch?

    Lernemer den nüt drus? Muss sich so es Leid immer und immer wiederhole?
    Chan mer das stoppe oder gar zuekünftig verhindere?

    Umso wichtiger erschint, dass mer eusere wertvolle Demokratie, so wie eus immer wieder vor Auge gfüert wird, nöd selbstverständlich oder gottgegeben ist, münd unheimlich sorg geh und a eusne Mänscherächt mit aller Kraft münd festhebe.

    - Es paar Gedanke ussem Tuktuk uf em Rückweg is Hostel -    Leer más

    Ver traducción
  • Borboas trip
    1

    Koh Rong - Paradis uf Erde

    15 de diciembre de 2023, Camboya ⋅ ☁️ 29 °C

    Mit em Minivan simer vo Phnom Phen uf Shianokville gfahre und dete hämer uf e schaukelndi Fähre gwächslet. Zum Glück isch d Fahrt nur öpe 50 Minute gange😅

    Wo mer am Steeg agleit händ und de Zsblick uf de Strand gha händ, hämmer gwüsst, ez simer im Paradis🥰
    I de erste beide Täg hämer nüt anders gmacht als:
    Läse, Schlafe, Bädele, Ässe & Repeat😎

    Am dritte Tag hämer ois möge ufraffe und händ es Töffli gmietet, um d Insle zerkunde. Ersti Stopp isch bimene Mangrove-Wald gsi. Dete hämer es paar Hängemattene entdeckt und händ eus mit emene Ice-Kaffi la bambele la😁😎 während em la bambele hämer e riise Spinne über eus entdeckt, wo a ihrem Netz baue gsi isch🤯 das hets eus den eifacher gmacht, einisch wieder ufzstah und uf em Steeg-Weg durt Mangrove d spaziere😊

    Mit em Töffli simer den witer ins Fischerdörfli. Det hämer es Pineapple-Friedrice teilt und schnäll is Wasser gumpet, da d Sunne unheimlich abebrännt het. Mir händ aber kein schönere Platz gfunde als bi oisem Hotel, drum simer schnäll wieder zrug und händ wieder s nüt-mache gnosse. Island Life❤️

    Im Hotel hämer de Dirk us Dütschland känne glernt. Mit ihm hämer zwei mal Znacht gässe und über Gott und die Welt plauderet.    Leer más

    Ver traducción
  • Borboas trip

    Koh Rong Sanloem

    19 de diciembre de 2023, Camboya ⋅ ⛅ 31 °C

    Die zweiti insle wommer in Kambodscha unsicher mached isch Koh Rong Sanloem. Koh Rong Sanloem isch die chlinder vo bednä insle aber es lauft mee als uf de grössere. Au da nehmemers ganz locker. Smeer isch da ruucher als uf Koh Rong. Defür isch poolalag vom Resort sehr schön. Am Abig gits i verschindene restaurants beach BBQs wo mer alles mögliche us em meer grilliert chan ha. T Jeannine het sich oft crevette und calamare gönd und de adrian en ganze fisch😎✌️. Dezue hets oft Muschlä gä, eländi muschle🙈🙈. De Adrian het echli e mage verstimmig becho und isch sehr druff agwise, dass es äs wc i de nöchi vo im het 🙉🙉. Mir sind also vorallem i de nöchi vom Hotel bliebe 😅😅. Mir sind a de nordküschte vo de insle und es isch amix sehr windig. Nach es paar täg het sich de adrian au mit sim mage getraut zum in süde vo de insle laufe rund 30 min. Da isch smeer ganz ruhig und perfekt zum echli fuul sie. De beach heisst au nöd ume sust lazy beach😉🤙.Leer más

    Ver traducción