USA 2019

Nach däm schöne, sunnige Tag mit viu Kilometer i de Bei, si mir am Abe mit Kayla (Tochter vor Schwoscht vom Alain) und ihrem Maa R.J. ga z'Nacht ässä. Ä luschtige Abe mit feinem Food natürlech. Isch schön gsi, di zwöi wieder emau z'gseh.Läs mer

Zum Glück hei mir ä so schönä erschte sunnige Tag in Chicago dörfe erläbä.

Mir hei zwar gwüsst, dass es hüt chli sött Rägä gä, aber nid i däm Usmass u fasch dr ganz Tag.
Vor em z'Morgä hei mir no Action vor em Hotel kah … pefekti Ussicht für üs. Was genau isch passiert wüsse mir nid, aber äs isch ä Velofahrer uf dr Chrüzig glägä u äs isch grad z'ganze Ufgebot cho. Öb är isch agfahre worde oder no eine im Helm hett kah? Das wüsse mir nid. Aber spannend gsi zum beobachte.

När si mir i üses z'Morgä-Kafi u hei üsi Mäge mit ere feine Avocado-Egg-Bowle gfüllt u si när los marschiert für chli ga z'shoppe. Dr Rägä hett üs scho grad chli ä Strich dür d'Rächnig gmacht. Zum Glück gits ou hie ä H&M mit Billig-Schirme u Rägämänteli …

Dr Nami hei mir när im Hotel verbracht.

Ah, u mir hei ja no gäng kei Bestätigung vo üsere Outovermietig kah. Deshalb hei mir dänkt, gö mir grad diräkt verbii, de wüsse mir Bscheid 🤪. Dr Alain, Babuche u Len si de när mit em Taxi (äs hett grad wieder wie us Chüble gläärt) zur Hertz Outo Vermieteg g'fahre … leider scho zue. Tja, de luege mir haut glich morn. Ungerdessä hett sich z'Wätter beruhigt u mir si zrugg marschiert (so si mir chli zu Bewegig cho).
Nina und Yannick si ungerdessä im Hotel-Fitness-Part ga uspowere.

z'Nacht hei mir im Lieblingsresti vom Yannick gno … mmmmmhhhhhh lecker, würklech mega fein die Wings …Läs mer