• Ilona Slow Life Creations
  • Dries Steyn
Current
  • Ilona Slow Life Creations
  • Dries Steyn

Long Term Camping

On the 13th of May 2025, we changed our way of living and made our caravan our house. We are touring South Africa while working remotely.
This trip is our travel tracker. Eventually it will show us where in South Africa we have been.
Read more
  • 🇿🇦
    Last seen in
    Overstrand Local Municipality
  • Van Kleinbrak na Kleinmond

    October 31 in South Africa ☁️ 20 °C

    Gister was wild. Om op te pak, is meer werk as om uit te pak. Ons moes tentpanele was. Die vog in die tuinroete het mufkolletjies oral gemaak. Drie ure se elbow grease. En toe trap Dries 'n tentpen raak wat skuins 10cm in sy been insteek. Hospitaal toe vir tetanus spuit ens. Drie ure later eers daar uit. Vent in die karavaan het gebreek. Waterbottel omgeval op die bed en als uitgeloop. So teen die tyd dat ons bed gekry het gisteraand, was ons oppelala. Vanoggend die laaste goed gepak. Toe Dries die Cruiser skuif om te haak, het ons die kragkabel na die yskas vergeet. Een kabel MT. Hy is afgeruk dat die drade in alle rigtings wys.
    Lekker gery vandag en kliphard gesing in die kar.
    Nou is ons in Kleinmond. Uiteindelik. Terug by 'n plek wat soos huis voel.
    Read more

  • Laaste Blou Kombuis

    October 29 in South Africa 🌙 17 °C

    Soms ontmoet ons mense, dan voel dit of ons hulle al vir jare ken. Die Blou Kombuis se mense, is so. Ons het vir hulle lief geword in die afgelope ses maande. Vanaand was ons laaste kuier in die Blou Kombuis. Ons gaan hulle verskriklik mis.Read more

  • Gamkaskloof - onder by die rivier

    Oct 10–11 in South Africa ☀️ 27 °C

    Vanuit Hendrik se huisie kon ons die rivier hoor, so ons het gaan stap. Ek het my jis los geval. My knie is blou. My boud is blou. My heup is blou. Ek het geen idee hoe ek dit reg gekry het nie. Dries was met sy rug na my toe en het net die laaste rol gesien. 'n Stuk van Gamkaskloof is nou myne! Gekoop!Read more

  • Gamkaskloof

    Oct 10–11 in South Africa ☀️ 17 °C

    Ek het nie woorde nie, maar ek sal probeer. Berge wat jou toevou en jou laat besef hoe klein jy eintlik is. Ongerepte natuur. Ribbokke en Duikers wat nie eens bang is vir die kar nie. Proteas oral. Veldblomme oral. Water stroompies oral. Watervalletjies oral. Ongelooflike uitsigte wat eenvoudig nie dieselfde lyk op 'n foto nie. Dis iets wat mens self moet beleef. Geen foto en geen video kan jou werklik wys hoe dit daar lyk nie.
    Hierdie was die eerste stuk. Die 'maklike' stuk. En maklik was dit wraggies nie. Die bord by die begin dui twee ure aan. Na die storms in Mei het dit ons vier ure gevat. Sal ons dit weer doen? 'n Besliste JA!
    Read more

  • Swartbergpas

    Oct 10–11 in South Africa ☀️ 17 °C

    Rigting: vanaf Prince Albert na Oudtshoorn
    Petrol ingegooi in Prince Albert, voor ons die tweede been aanpak. Terug op in die Swartbergpas. Op pad na Gamkaskloof.

  • Inkommersdans

    September 26 in South Africa ☁️ 18 °C

    Ons het weer gaan dans by die Blou Kombuis. Dries was die vorige keer vies vir sy skoene wat haak aan die vloer, toe maak hy vir hom sleeks. 🤣
    Ponchos. Vir die eerste keer in 12 jaar.
    'n Vrou wat demand ek moet my man deel; sy wil met hom dans ... Uhm, nee. My man wou nie met haar dans nie.
    Ek het die hele dag gesit en hekel, maar kyk hoeveel steps het ek gedoen! Dans steps!
    Read more

  • Inkommersdans by die Blou Kombuis

    September 18 in South Africa 🌙 14 °C

    Uiteindelik! Ons het genoeg gekerm toe maak hulle plek.
    Toe ek in 2008 vir die Here 'n briefie geskryf het, het ek gevra vir 'n man wat met my sal dans. En dit het ek gekry. Ons het skoene uitgetrek en op kouse gedans. Of ek ooit weer my Merino sokkies gaan skoon kry weet ek nie.
    Die lewe saam met Dries is een groot avontuur.
    Read more

  • Die Ruiterbos Draaitjie 1

    August 22 in South Africa ☀️ 20 °C

    Ons wou eintlik Friemersheim toe gaan, maar ons het nooit daar uitgekom nie. Natuurlik het ons die grondpad gekies. Die natuur is besig om Lente aan te kondig. Die blomme in die veld is oral!
    Ons het onverwags 'n Butterfly Sanctuary gesien en ingegaan. Hulle verliese na die Mei maand storms is enorm. Die netdakke was afgeruk en feitlik al die skoenlappers was weg. Hulle begin van voor af. Die twee honde daar is pragtig en baie loveable.
    Ons het Eight Bells hotel gesien en gestop vir brunch. Was dit nou lekker!
    Ons sal maar volgende naweek weer pad vat Friemersheim toe.
    Read more