Tetapkan semula carian
Panama bis Kanada
  • Larissa Krummenacher
  • Erich Meienberg

Panama bis Kanada

Pengembaraan 160hari oleh Larissa & Erich Baca lagi
IkutiRingkasanKalendarKongsiKongsiSenarai baldi
Terbaru dahulu
  • Panama bis Kanada
    D ussicht vom wohnwagedach1

    Circuit of the americas

    15 Mac 2023, Amerika Syarikat

    Da de erich e grosse race- ond vorallem motoGP-fan esch, hemmer die berüehmti rennstrecki vo texas ned chönne uselah wemmer scho so nöch dra gsi send 😉 es hed e campingplatz gha diräkt a de rennstrecki a, da grad keis renne gsi esch heds no platz gha 😊 mer händ vom wohnwagedach chönne d autos beobachte wo am trainiere gsi send. Mer send denn de rennstrecki chli entlang gloffe. Voredra hed mer au no chönne GoKart fahre, da hend am erich sini auge glüchted! Mer händ zerst zäme es renne bestritte womer imne doppelGoKart gfahre sind. Das esch e grossi muetprob gsi för mich ond e grossi geduldsprob före erich mit dem schisshaas näbedrah 😂
    Nachär esch de erich no es renne elei gfahre ond hed grad abgrumed: 1.platz 🏆🥳
    Am obig hemmer gmüetlich gchoched ond weder mal e film gluegt. 😊    Baca lagi

    Lihat terjemahan
  • Panama bis Kanada
    Ja ich "wirke" bim choche chli gstresster als de erich 🤭31

    South llano river state park

    16 Mac 2023, Amerika Syarikat ⋅ ⛅ 29 °C

    Als nächsts simmer i south llano river state park. Mer send extra früeh abgfahre, damit mer det am namittag no chli öpis chönnd go aluege. Chum esch s wohnmobil a ort ond stell gstande hämmer e chliini wanderig gstarted. Mer händ no halt gmacht imne chliine hüttli wommer hed chönne vögel beochachte. Aschlüssend hämmer üs för de "overlook trail" entschiede....es hed aber nur chliini hügeli gha, drum eschs ned wahnsinnig spektakulär gsi 😅
    Am abig ha usnahmswiis mal ich s choche öberno ond de erich hed dezue chli met de gitarre klimpered 😍    Baca lagi

    Lihat terjemahan
  • Panama bis Kanada
    Hübsche brunne vor de bar
    2Mmmmh grüens bier...Ond zum "dessert" de no es baby guinness....jöööö 💕

    Van Horn

    17 Mac 2023, Amerika Syarikat

    Am nächste morge hed üs s chalte wätter igholt. Also hämmer entschlosse schleunigst rechtig weste z fahre. So simmer praktisch de ganz tag unterwägs gsi ond händ als unterhaltig chli hörbüecher ond podcasts glost. Womer am spate namittag nöm händ möge semmer in van horn glandet. Ide nöchi vom campingplatz heds e bar gha ond da höt ja jetzt de rechtig st. Patrick's day esch heds det grüens bier gä 😅 so eis hemmer üs gönnt ond denn no mit ere nätte familie us austin chli plaudered wo üs no paar tipps gä hend was mer sölled go aluege 😊Baca lagi

    Lihat terjemahan
  • Panama bis Kanada
    Det wos grüen esch, esches ohni winterisiere machbar....vill uswahl bliibt ned 😅🙈
    Freitag ist Fajita Tag

    Caballo Lake

    18 Mac 2023

    Wo mer verwached send heds vorem fänster liecht gflöckeled...🥶 Das esch doch werklich wie verhäxt, das cheibe wätter da, eifach viiiiill z chalt för d jahrsziit! Mer händ de morge demit verbracht plän z schmiede, wo mer als nächsts dure wennd. Üsi "original" plän, wäg dene mer de roadtrip eigentlich au hend welle mache, send leider immer no unmachbar....bim grand canyon werds ide nacht immer no so stark unter 0, dass mer s wohnmobil müessted winterisiere, de hettemer aber au kei wasser me... Zudem macht campe bi - 12 grad au ned so werklich spass 🤷‍♀️ mer händ entschlosse eifach s beste drus z mache ond fahred jetzt weder rechtig weste, eifach immer möglichst südlich, nöch a de mexikanische gränze wo d temperature akzeptabel sind 🤭
    Freitag ist Fajita tag....höt esch zwar samstig ond au s "old" im name fählt, trotzdem hämmers, womer ume mittag ume dur "el paso" gfahre sind, eifach ned chönne la si ond send ines mexikanischs restaurant go öpis chliises ässe 😅
    Aschlüssend hämmer üs um ne camping för die nacht kümmered. Mer hätted eine gseh in "pancho villa" ond das hed ja scho fast zu fest zu dem tag passt. Aber leider esch üs das nach es bitzli recherche z unheimlich gsi det 🤷‍♀️ so simmer wiitergfahre uf e härzige camping am caballo lake. Mer händ bi de letschte sunnestrahle d ussicht ufd bärge ond de see gnosse ond händ üs aschlüssend amne lagerfüür ufgwärmt 😊    Baca lagi

    Lihat terjemahan
  • Panama bis Kanada
    11

    Gila national forest

    19 Mac 2023, Amerika Syarikat ⋅ ☁️ 8 °C

    Als nächsts hämmer s wildcampe mol welle usprobiere. Mer händ i üsem camping app e parkplatz imne wald gseh, wo vill lüüt gschriebe hend mer dörfi det campe. Also simmer - zägg- det äne gfahre. Mer send churz nachem mittag acho ond i villne nische um de parkplatz hend scho lüüt ehres wohnmobil oder zält (🥶) ufgstellt. Also hämmer üs au es plätzli gsuecht. Chuum hämmer parkiert hed sich de erich as stei sueche gmacht zum üs e schöni füürstell z boue. Er esch chum me z brämse gsi ond hed lang ume bastled. Ich ha i dere ziit im warme wohnmobil üsi wiitere reiseplän probiert am wätter azpasse 😊
    Aschlüssend simmer stundlang am füür ghocked, händ gluegt wies dunkel worde esch ond s eifach so rechtig gnosse. Zum znacht hämmer denn no feini brathärdöpfeli ond viiiill bohne gmacht.    Baca lagi

    Lihat terjemahan
  • Panama bis Kanada
    Bim abfahre no schnell es last minute föteli gschosse 😂
    Ond natürlich no chli aperoooooo

    Gila Bend

    20 Mac 2023, Amerika Syarikat ⋅ ⛅ 24 °C

    De nächst camping esch soooo schön gsi, mer händ ganz vergässe föteli z mache 🤭
    Nach ere nacht i de "wildniss" hämmer üs före nächst stopp e campingplatz mit super bewärtige usgläse, ond er esch ned mal bsunders tüür gsi 😏
    De grösst teil vom tag hemmer uf de strasse verbracht. Um die 3 simmer de uf dem camping acho. Alles esch makellos suuber gsi. Zerst hämmer also mal i dem fein nach wöschmittel duftende wäschsalon üsi wösch gwäsche. Nachär simmer i agnähm gheizti pool go bade ond d namittagssunne gnüsse. Aschlüssend hämmer üs de no e langi heissi duschi i dere schöne alag gönnt. Es hed sogar musig gha i de duschi 😅
    Müed vom ville fahre ond de rächt churze letschte nacht simmer denn früeh is bett 😊    Baca lagi

    Lihat terjemahan
  • Panama bis Kanada

    San Diego

    22 Mac 2023, Amerika Syarikat

    Als nächsts simmer ide nöchi vo san diego uf en campingplatz. Mer send am spötere nami acho ond da s chli grägnet hed hemmer e gmüetliche obig im wohnmobil verbracht. Am nächste morge simmer früeh ufgstande ond mit me uber id stadt. Mer händ gfunde jetzt gämmer üs mal sone richtige "touri tag". Mer händ en hop on hop off bus tour bueched ond händ so a eim tag vill vo dere stadt gseh: mer sind uf de coronado insle am strand entlang spaziert, sind dure balboa park gschländeret, händ e aperol ond bruschette in little italy gnosse ond send d altstadt go aluege. Am obig simmer de no durs gaslamp viertel gschländeret ond det go znacht ässe. Esch mal weder ganz e andere tag gsi ond die stadt hed üs werkli guet gfalle 😊Baca lagi

    Lihat terjemahan
  • Panama bis Kanada
    Zerst dur d stadt
    Denn de küste entlang1Rästeznacht, mega fein gsi!

    Faria

    23 Mac 2023, Amerika Syarikat ⋅ 🌬 14 °C

    Mer händ es paar mängel i üses wohnmobil entdeckt. Fänster wo nöm zuegönd ond so, aber vorallem e sehr grusige gstank hinderem chüehlschrank. So simmer als nächsts zu de wohnmobilvermietig zum alles la flicke. Mer händ öpe e stund müesse warte, aber es hed gratis kaffee gä 😅
    Denn simmer mit weder top zwägem wohnmobil de küste entlang nordwärts gfahre. In faria hemmer e campingplatz diräkt am meer gha ond händ det e nacht verbracht. 🌅    Baca lagi

    Lihat terjemahan
  • Panama bis Kanada
    2
    Da hed de erich gwohnt ghaDas esch d schuel gsiUnd das sini lieblingsbar, esch zwar amne andere ort aber es ged sie no 😉S wasser esch iiiiis-chalt 😂

    Santa Barbara

    25 Mac 2023, Amerika Syarikat ⋅ ☀️ 18 °C

    De erich hed als junge maa mal 6 wuche in santa barbara verbracht zum englisch lehre. So hemmer die stadt natürlich unbedingt welle go aluege. A üsem erste tag hemmer mal gluegt was es alles no gid wo er sich mag dra erinnere: mer send go luege wo er gwohnt gha hed, wo d schuel gsi esch ond sini lieblingsbar go sueche. Nachär simmer no ufem pier go es vine tasting mache ond händ no chli de abig i dere tolle stadt gnosse. Am nächste tag simmer no chli dur d stadt spaziert, de erich hed e siesta ufere wiese am strand gmacht ond ich no e lange strandspaziergang. Am obig simmer weder mol is kino. De film esch zwar chli e chabis gsi aber immerhin heds feini popcorn gä 😜😅Baca lagi

    Lihat terjemahan
  • Panama bis Kanada
    Finder das "wildtier" 😅

    Pismo Beach

    26 Mac 2023, Amerika Syarikat ⋅ ⛅ 14 °C

    Nächster halt: pismo beach. Es chliises dörfli wos nüd hed ussert strand, wind, und jede menge läde wo füürholz verchaufid. Mer händ aber en meeeeega schöne campingplatz gfunde wo sogar dur sanddüne vom wind gschütz gsi esch. De platz esch anere chliine lagune gsi wos schildkrote, ente und fisch gha hed. Ufem campingplatz sälber heds vo eichhörndli nur so gwimmlet 😅
    Mer send am nami acho ond händ e lange spaziergang um d lagune gmacht. Aschlüssend ha usnahmswiis ich mal de job vom füürmeister öberno ond es füür gmacht 😜 det simmer de lang ghöckled, händ gret ond gitärreled ond zum znacht öberem füür burger brötled. Wo ich de scho im bett am läse gsi bi ond de erich no chli am füür ghöckled esch, hed er sogar no en koyote gseh!    Baca lagi

    Lihat terjemahan
  • Panama bis Kanada
    3

    Montaña de oro

    27 Mac 2023, Amerika Syarikat ⋅ ⛅ 14 °C

    Was für en tag!
    Am morge simmer gmüetlich ufgstande, ufem camping go dusche ond denn los gfahre. Mer händ nor e knappi stund wäg gha ond send unterwägs no go poste ond üs es starbucks kaffi go gönne 😋
    Denn hemmer i dem state park wo üse camping isch parkiert ond send de küste entlang spaziert. Mer händ gar ned gwösst was üs erwarted ond send so vollkomme überrascht gsi vo dere atemberaubende Schönheit!
    Aschlüssend simmer ufe camping, sind no chli a de sunne ghocked ond wos langsam chüehler worde esch hämmer es füür gmacht. Plötzlich esch e chliine bueb vo üsne camping-nachbere zu üs cho ond hed gfragt, ob mer de räst vo sinere "magic soup" wellid. Mer händ beid dänkt, dass er us wasser ond gräsli irgend es süppli gmacht hed, aber nei, sis mami esch denn tatsächlich mit me topf voll suppe z laufe cho wo sie nöm händ möge. Sie hed gseid es sig zwar ned so vill aber als vorspiis sigs doch super. Mer händ freud gha a dere nätte überraschig - wie dankbar mer über de snack werkli gsi send, hed sich aber erst spöter zeigt...
    Mer send no chli dusse ghöckled ond händ am füür zueluegt beses ganz dunkel ond langsam werkli au chalt worde esch: ond denn hed d action erst rechtig agfange!
    Mer send i wohnwage ond händ üs zum znacht nomol welle spargle choche. Mer händ wasser und pilzli ond e sauce ufgsetzt ond grad afa choche, wo mer bemerkt händ, dass d flamme ergendwie gälber sind als üblich ond plötzlich gsehn ich, dass es au hinderem chochhärd gälbi flamme hed: de chochhärd esch in flamme ufgange! 😱 Zum glück hed de erich ganz schnell reagiert, de härd abgstellt ond sofort alles mitem füürlöscher glöscht. Leider esch s wohnmobil nachär voll dere mählige substanz usem füürlöscher gsi ond somit nöm bewohnbar 🙈 mer händ denn lang mit de wohnmobilfirma telefoniert ond sind schlussändlich zumne motel ide nöchi gfahre. Morn chunnd de us was jetzt passiert: wahrschiinlich es neus wohnmobil 😅
    Mer händ s beste us de situation gmacht ond die warm duschi im motel gnosse ond denn am halbi 12i, dank de zaubersuppe vo de nachbere ned ganz verhungered, pizza bstellt. Jetzt liggemer im bett ond freued üs uf en erholsami nacht 😊    Baca lagi

    Lihat terjemahan
  • Panama bis Kanada
    Sooooooo vill züg 😅

    Morro bay

    28 Mac 2023, Amerika Syarikat ⋅ ☁️ 14 °C

    De nächst tag hed grössteteils us warte bestande 😅 am morge am 8i esch de erich scho weder met de wohnmobilvermietig am telefon ghanged ond hed alles nomol dörfe erkläre 🙄 sie hend gseid sie siged öpe am 2 metem neue wohnmobil bi üs. S motel hed üs s zimmer la bes am 12i verlängere ond denn ufem parkplatz la warte bes de ändlich chunnd. Am morge simmer no chli im bett umegläge, händ gläse, dösed, met deheime telefoniert ond nomol dusched. Am mittag simmer de alles go usem wohnmobil nä, schön e grümpel wo mer afig hend. Zerst hed no d sunne gschune ond mer send met de campingstüehl ufem parkplatz ghocked. Gli esch aber e fiise wind ufcho ond so hämmer halt ide no meh oder weniger staubfreie fahrerkabine vom wohnmobil gwarted. Woner de ändlich cho esch, esch alles sehr schnell öber d bühni ond mer händ de "bäri der 2." dörffe i empfang nä...
    Zum glück esch de campingplatz, womer för die nächst nacht bueched hend, ganz ide nöchi gsi ond so simmer öpe am 3 scho acho. De platz esch diräkt am strand gsi. Mer händ no welle go e lange strandspaziergang mache aber leider heds, chum simmer 5 schritt am strand entlang gloffe, us chübel afo giesse 🙈
    So hemmer de de räst vom tag im neue wohnmobil verbracht (wo übrigens genau s gliche esch wie s alte eifach in vill neuer ond suuberer 😜😅) ond hend chli spiili gspielt, spaghetti gässe ond zum schluss im bett no e film gluegt.    Baca lagi

    Lihat terjemahan
  • Panama bis Kanada

    Bakersfield

    29 Mac 2023, Amerika Syarikat ⋅ ⛅ 15 °C

    Üse nächst stopp esch in bakersfield gsi. Es esch meh e strategische stopp gsi als öpis anders: es liid ufem wäg is death valley ond hed e wöschmaschine 😅
    Det acho hemmer üsi chleider id wöschmaschine grüehrt, d bettwösch hämmer jetzt zum glück doch ned müesse wäsche, well mer neui öbercho händ 😜
    Es esch zwar chalt gsi ond hed tröpfeled, aber es hed e hot tub gha. Also hemmer denn üses badzüg agleid. Mer händ de riesig pool, wo au gheizt gsi esch, ond de hot tub för üs ellei gha ond händ de namittag schwimmend ond entspannend verbracht.    Baca lagi

    Lihat terjemahan
  • Panama bis Kanada
    Ja mine hose gsehs mer liecht a dass mer händ müesse chlättere 😅Somit wär d vorschrift ighalte, dass mer alkohol muess verstecke 😂Mmmmh, hörndlisalat

    Death Valley

    1 April 2023, Amerika Syarikat ⋅ ☀️ 25 °C

    Am nächste morge simmer relativ früeh los richtig death valley. Unterwägs hämmer no e posti-halt gmacht, zmitzt im schnee 😅
    Gäg de obig simmer de bim camping, womer för die nacht reserviert hend, acho. De esch in panamint springs gsi, aso sträng gno nonig im death valley sondern im panamint valley, aber es ghört glich scho zum nationalpark. Womer acho sind heds grad langsam ufta, aber es esch glich no rächt früsch gsi, so um die 10 grad. Mer händ denn de obig no mit füürle (zum warm ha) ond spiili spiele verbracht.
    Am nächste morge simmer früeh abgfahre ond dasmal werklich is death valley. Es hed det verschiedni zältplätz, aber mer cha sie ned reserviere. Mer händ nachegluegt, dass mer am mittag mues uschecke ond so esch üse plan gsi, ume mittag ume dete z sii, damit mer sicher no es plätzli chönnt ergattere. Ufem wäg det äne heds aber no sehr vill schöns gha, so hemmer extra vill ziit iplaned ond bim fahre immer mal wieder aghalte. Was mer secher au no hend welle gseh esch de mosaic canyon gsi. Mer send denn guten mutes losgwanderet, aber scho bald hed sich zeigt, wieso die wanderig ned als "easy" igstuuft esch: mer hed rechtig müesse chlättere zum wiiter cho. Das ganze abentüür hed üs aber so vill spass gmacht ond mer händ welle bes as ändi cho. Einisch wäri ohni erich glaub nöm wiiter cho, ond einisch hämmer en abzwiiger ned gseh ond send ratlos vor ere riise felswand gstande, aber söscht semmer ohni zwüschefäll bis as ändi cho, e grosse dryfall, also e wasserfall ohni wasser😅de rückwäg hed denn sehr vill spass gmacht, well mer all die vom wasser gschliffne stei, womer ufem ufewäg müehsam hed müesse ufechlättere, hed chönne aberutsch 🤣🤩
    Nachär simmer zum camping gfahre ond schwiizerisch pünktlich am 12i acho. Mer hätted aber gar ned müesse pressiere, de platz esch fast läär gsi ond es send de au s ganze wuchenänd nie vill lüüt da gsi 😅🤷‍♀️ Also hämmer üs zerst mal e siesta gönnt nach ere churze nacht ond üsere doch no chli stränge wanderig. Aschlüssend simmer no s visitor center go aluege, es hed e film über s death valley gha ond es chliises museum, esch no spannend gsi. Denn heds apero vorem wohnwage gä, im t shirt ond de churze hose, mittlerwiile eschs agnähmi 25 grad worde!
    Am nächste tag simmer weder früeh uf well üs d erfahrig vom vortag zeigt hed, dass es am morge definitiv vill weniger lüüt hed. Mer send als erst zum badwater gfahre - mit 85.5 meter underem meeresspiegel de tüüfsti punkt in nordamerika. Det heds en salzsee gha ond es esch werklich sehr idrücklich gsi....ond hed au spass gmacht zum lustigi föteli mache 🤭
    Nachär simmer dur de artist drive gfahre. E schmali, kurvigi eibahnstrass wo nor fahrzüg bes 25 fuess zueglah sind (ond mer send exakt 25 fuess lang👌). Es esch dur en wunderschöni landschaft met farbige felse gange, es naturschauspiel pur 😍 also mis mami hätt mer det glaub nüm wägbracht 🤭😉
    Nächste stopp esch de golden canyon gsi. Det hemmer nomol e miniwanderig gmacht ond womer e siitliche abzwiiger gseh händ simmer det no es stückli go en schmale canyon deruf chlättere.
    Womer de am nami zrug ufe camping cho send hemmer üs e siesta gönnt ide mittagshitz, hüt esches no wärmer gsi als gester.
    Gäge obig hämmer üs ufe wäg gmacht zum zabriskie point. Det hed mer e wunderschöni ussicht über s tal ond so mega schön farbig gmustereti felse. Mer händ üsi campingstüehl mitgno ond hörndlisalat zum znacht 😋 so hemmer zerst de sunneuntergang gnosse ond aschlüssend d stärne bewundered. Leider hemmer weniger stärne gseh als erwarted well de mond so hell gsi esch 🙈
    Nach dem tolle erläbnis simmer zrug ufe camping gfahre ond müed vom lange tag is bett 😊    Baca lagi

    Lihat terjemahan
  • Panama bis Kanada
    1Kassesturz nachem erste abig

    Las Vegas

    3 April 2023, Amerika Syarikat ⋅ 🌬 9 °C

    Laaaaaaaaaaaaas veeegaaaaaaaaaaaas! Die Stadt zmitst i de wüesti hemmer üs uf gar kei fall welle la entgah. Mer händ en campingplatz in sam's town gno, grad näb me riiesige casino ond doch ned zmitst im chueche 😊
    Womer acho sind hämmer zerst mal dusched (ändlich weder mal e campingplatz mit duschi 🤭) ond sind denn chli vorem wohnwage ghocked, wo grad no üsi nachbere acho send. Es härzigs älters päärli mit me chliine wiise hund (😍). Mit dene hemmer no chli plaudered ond denn hed de üs eifach e fläsche whiskey gschänkt, well mer so fründlich gsi siged ond hoi gseid händ 🤷‍♀️😂
    Nachär hämmer mal welle das casino grad näbedrah go aluege. Es esch giiiiiigantisch gsi 😯! Mer händ de natürlich es paar vo dene maschine müesse usprobiere. De erich esch met es paar cents hei, ich han min isatz verdoppled...oke, sind au nor 20 dollar gsi aber immerhin 😅
    Mer händ de gmüetlich im wohnmobil znacht gchoched ond send is bett.
    Am nächste morge simmer früeh uf zum s wlan vom camping z nütze zum üsi wiiter reis chli plane: jetzt sends nor no 2 wuche wohnmobil, also hemmer müesse luege, was mer no alles wennd/chönnd gseh. Wiit i norde gad leider immer no ned aber mer händ e route gfunde mit dere mer beid zfriede sind. Denn hämmer grad no es paar campingplätz bueched...so über ostere chönntis scho no ziemli voll wärde 🤷‍♀️
    Nachem mittag simmer de mit em bus is zentrum vo las vegas mit all de riesige casinos. S busfahre sälber esch es rechtigs abentüür gsi, sehr vill obdachlosi ond lüüt wo offebar geistig ned ufem gliiche planet läbed wie mer...100 % wohl esch üs aso ned gsi 😅
    Mer send denn aber guet det acho ond händ nomol so e richtige touri namittag verbracht: dur d strasse schländere, stuune, all die riesige casinos vo inne aluege usw. Mer sind blube bes es dunkel worde esch, damit mer d stadt au no bi nacht gsehnd ond händ inere brewery znacht gässe ond natürlich es bier trunke. Hei simmer de mit me uber, so spat esch üs de bus nöm so ghüür gsi. De kassesturz dehei hed zeigt: mer verlönd die stadt weder riicher no ärmer, hed also so mässig klapped met dem glücksspiel 😂    Baca lagi

    Lihat terjemahan
  • Panama bis Kanada
    2

    Valley of fire

    4 April 2023, Amerika Syarikat ⋅ 🌬 12 °C

    Wiiter esch üsi reis zum valley of fire gange. E chliine statepark mit füürrote felse nor e stund näb las vegas. D landschaft esch eifach atemberaubend gsi 😍😍😍 mer händ fast de ganz tag demit verbracht dure park z fahre, immer mal wieder ahalte ond chli is züg use laufe zum no meh gseh. Ergendwenn esches üs de aber verleidet wells eifach meeega vill lüüt gha hed. So simmer denn weder usem park gfahre ond händ öpe e viertelstund wiiter uf me grosse felse parkiert, wo au scho anderi wohnmobil gstande send. Wildcampe esch da erlaubt 😉 mer händ de no chli d ussicht gnosse ond es füürli gmacht ond denn feini maischölbe vom füür zum znacht gässe 🤤Baca lagi

    Lihat terjemahan
  • Panama bis Kanada
    D ussicht usem bett
    2Nachm znacht hed de erich no es füürli gmacht ond mer es marshmallow brötled 🤩

    Hurricane

    5 April 2023, Amerika Syarikat ⋅ ☀️ 9 °C

    Am nächste morge bin ich früeh verwached ond ha die herrlich ussicht usem wohnwagefenster gnosse ond no chli gläse bes de erich au verwached esch. Mer händ ned so e wiite wäg vor üs gha ond drom au öberhaupt kei stress....mer händs rechtig gnosse, weder mol so gmüetlich i tag z starte 😊 Wiiter esch üsi reis i bundesstaat utah gange. Mer händ e camping im sand hollow state park reserviert. Mer send am namittag acho ond vonere schöne landschaft öberrascht worde: füürrote sand um en strahlend blaue see. Ussert üs sind i dem park aber eigentlich nor lüüt gsi wo de ganz tag mot motocross oder sandbuggies öber d düne gheizt sind...es hed au dementsprechend tönt 😂
    Mer händ es spaziergängli am see entlang gmacht ond de räst vom milde namittag vorem wohnwage verbracht ond chli spiili gspielt. Am obig ha usnahmswiis mal weder ich gchoched: pilzrisotto nach em erich sinere aleitig 😉    Baca lagi

    Lihat terjemahan
  • Panama bis Kanada
    11

    Page

    6 April 2023, Amerika Syarikat ⋅ ☀️ 12 °C

    Am nächste morge simmer früeh gweckt worde well rund um üs scho weder all lüüt mit ihrne motorisierte spielzüg im sand umegfätzt sind. Mer händ eeeeigeentlich i zion national park welle. Online hämmer aber nüd gschiids usegfunde wie mer det äne chunnd ond ob mer det cha durefahre usw. Also simmer eifach mal go luege...ja, bi dem eschs de au blube. Dure park fahre hed mer ned chönne, mer hed dusse müesse parkiere ond e bus nä. Nor send leider all parkplätz öberfüllt gsi ond all bushaltestelle voooooll lüüt. Am park entlang fahre esch au ned gange well det es tunnel cho wär för das mer u gross sind 🙈 also hämmer de leider weder müesse chehre 🤷‍♀️ mer send churzerhand zum coral pink sand dunes state park gfahre. Womer usgstiege sind isch e iiiisige wind gange. Mer send chli dur d düne gloffe ond händ vill lüüt gseh, wo d düne abegschlittled sind. Händs üs bim igang wohl vergässe z säge dass mer da so brätter chieng miete zum abeschlittle ond zom alles weder zrug ga so eis go miete esches üs doch z chalt gsi, so hämmer üs met zueluege begnüegt ond send glii weder abgfahre. Tja, bes jetzt schiints ned so üse tag u sii 😅
    Mer send wiiter gfahre rechtig page, womer e zältplatz reserviert gha händ. Churz befor mer det gsi send, hämmer es schild gseh mit Glen canyon national park. Mer händ gfunde, mer chönnd s glück höt ja no einisch usevordere ond send go luege. Es hed sich sooooo glohnt! En wunderschöne usblick ufe lake powell imne canyon unne 😍 mer send de no chli wiiter abe gfahre ond de horseshoe bend go aluege, det flüsse de fluss, wo usem lake powell chunnd, hufiiseförmig um en felse ume, eifach traumhaft schön!!!
    Aschlüssend simmer de ändlich ufe camping ond hännd erfreut festgstellt, dass sie en innepool hend. Mer send lang im whirlpool ghöckled ond händ mitere familie gret. Aschlüssend hemmer welle znacht choche well doch schliesslich scho 8i gsi esch....hend denn aber müesse feststelle, dass erst 7ni esch...offebar macht da ned jedes dorf bi de ziitumstellig mit 🤷‍♀️ wie söll mer de da bitte e überblick ha 😂
    Mer händ denn glich znacht gmacht ond de obig mit spiili ond me film la usklinge.    Baca lagi

    Lihat terjemahan
  • Panama bis Kanada

    Meteor crater

    7 April 2023, Amerika Syarikat

    Als nächsts simmer zum meteor crater gfahre. Das sig anschiinend eine vo de grösste ond best erhaltnige meteorkrater uf de wält. Mer händ de bestuunt ond im museum no chli über das ganze glehrt. Aschlüssend simmer ganz ide nöchi uf ne camping ond händ verusse ide sunne no chli de namittag gnosse. Zum znacht hemmer üse vitaminvorrat mal weder ufgfüllt met ganz vill gmües 😍Baca lagi

    Lihat terjemahan
  • Panama bis Kanada
    Üse osterbrunchSoooooo clever!

    Cottonwood

    9 April 2023, Amerika Syarikat ⋅ ☀️ 28 °C

    2 nächt hämmer in cottonwood verbracht. D fahrt det äne esch scho spektakulär gsi 😍 mer send dur de coconino national forest gfahre, eifach unglaublich tolli ussicht! De erich hed s wohnmobil souverän um all die kurve gstüüred ond ich ha usem auto use gföteled was das zeug hält 😅 denn simmer durs dörfli sedona gfahre. Da hettemer eigentlich welle ahalte, hend üs de aber degäge entschiede wells soooo öberloffe gsi esch, hed scho rechtig stau gha vo desere richtig is dorf ine 🙈 mer send denn also wiiter gfahre ond händ denn es schild gseh för de red rocks state park. Also simmer spontan det hi. Es esch e gueti entscheidig gsi. E chline park mit toller ussicht ond ganz villne churze wanderwäg dur d natur. Mer send det chli dure gspaziert ond händ nachm früehlig usschau ghalte... oke, sorry erich, ich meine natürlich, mer send dure gwandered, mer send ja me als e stund unterwägs gsi ond das esch ja logischerwiis die universelli gränze zwüsche spaziere ond wandere 😜
    Nachär simmer zu üsem campingplatz för die erst nacht gfahre ond send det no im hot tub ghocked ond händ chli met de lüüt plaudered (wie du gsehsch karin, semmer scho fliisig am üebe för üche hot tub 🤭).
    Am nächste morge esch ostersunntig gsi 🐣🐇 nachdem ich zerst chli telefoniert ha hämmer en chliine osterbrunch a la wohnmobil gmacht! Denn simmer uf jerome gfahre. Det heds e ghost town gha womer händ welle go aluege. Es dorf, wo früehner miine arbeiter gläbt hend ond jetzt esches wie e art museum. Es esch no spannend gsi aber au sehr vollgstopft. Anschiinend händ sichs die lüüt, wo das betriibed, zur läbensufgab gmacht, jedes alte auto ond jedi kaputt maschine wos chönnd uftriibe det ine z quetsche 😅 mer send denn au no chli durs hüttige jerome spaziert (dasmal werklich nor spaziert) ond aschlüssend zum campingplatz gfahre. Womer acho send esch grad üsi nachberi zu üs cho ond hed gseid, es gäbi 10 minute z fuess vo da es wiiguet wo wine tastings abieted. Aso simmer grad, zägg, weder los gloffe. Mer händ denn det au die nachbere vom zältplatz weder troffe ond met dene chli gspröchled ond wii probiert. S coolste han ich gfunde, dass sie eim zum wii gfrorni trube als "iswürfel" serviered, damit de wii chalt bliibt aber ned wässrig werd 🤯
    Weder zrug ufem campingplatz hämmer no die letschte sunnestrahle verusse gnosse. Womer afa d stärne bestuune händ esch scho weder de nachber cho ond hed üs no zu ihne ufe platz iglade. So hämmer no e rechtig lustige obig verbracht 😊    Baca lagi

    Lihat terjemahan
  • Panama bis Kanada
    1

    Grand Canyon

    11 April 2023, Amerika Syarikat ⋅ ☀️ 28 °C

    Äääändlich esch es so wiit gsi, ond mer händ i grand canyon nationalpark chönne ga 😍
    Mer händ vill drüber gläse ond ghört, dass es vorem süd igang schnell stau gid ond d parkplätz dinne scho rächt früeh alli bsetzt send. So sind mer schlaue füchs zum ost igang gfahre ond händ öpe 5 meile vorem igang näb de strass imne wäldli campt. Das esch nomol so es rechtig schöns erläbnis gsi! Mer händ am nami chli d sunne gnosse, am abig es füür gmacht ond znacht brötled ond wo s füür langsam usgange esch no chli id stärne gluegt...allerdings ned all zu lang. So ohni füür sind eim de die nor wenige grad überem 0 punkt nöm so gmüetlich vorcho 🤭 am nächste morge simmer früeh uf ond losgfahre ond send am 8i ohni stau i nationalpark cho 😊 mer händ grad am erste ussichtspunkt ghalte ond send usem stuune chum me use cho. De canyon esch werklich giiiigantisch. Ond es esch so idrücklich, wie mer die verschiedene gesteisschichte gsehd ond amigs ganz chli, ganz wiit unne de fluss. Mer send de aschlüssend zum visitor center gfahre wos en wohnwageparkplatz gha hed ond händ det am 10 ab 9ni eine vo de letschte parkplätz ergattered 🙈nachär simmer los gwanderet, alles de kante entlang. Unterwägs hämmer immer wieder ghalte zum fötele, öpis trinke (mit de sunne esches sehr schnell rechtig heiss worde) oder eifach d ussicht gnüsse. Einisch hämmer sogar üsi nachbere vom letschte campingplatz atroffe 😅 neumet hämmer de au no es zmittag picknickt (räste riissalat vom znacht gester) ond so simmer fast 9 kilometer hindere gwanderet, bis mer de i dere hitz langsam dure gsi send. Mer händ de gratis shuttlebus gno, zum no ganz as westlichste ändi z fahre ond send det no chli ume gloffe, denn hämmer mitem bus zrug welle. Nor blöd, dass das mittlerwiile alli händ welle 😅🙈 metem erste bus simmer bes a rand vom grand canyon village cho, d büs zrug zum visitor center send aber soooo vollgstopft gsi, dass mer a jedere haltestell öpe en stund hätt müesse warte. Also semmer denn die 3.5 kilometer au no gloffe. Das esch de weniger lustig gsi i de hitz ond mit inzwüsche lääre fläsche. Zum glück simmer ufem wäg am ne lade verbi cho, womer üs zur stärkig en istee gönnt händ. Zrug bim visitot center hämmer zerst mol ufem vollkomme überfüllte parkplatz üses wohnmobil müesse sueche 🤭 i de zwüscheziit send uf jedem parkplatz mindestens 2 wohnmobil gstande ond dezwüsche chrüüz ond quer autos 🙈 mer händs de gfunde ond use gschafft ond send denn schnuer straks zu üsem campingplatz gfahre. Det hämmer dusched ond als stärkig nach dem lange tag zum znacht en lasagne gmacht 🤤Baca lagi

    Lihat terjemahan
  • Panama bis Kanada
    212

    Mojave National Preserve

    12 April 2023, Amerika Syarikat ⋅ ⛅ 25 °C

    Langsam aber secher werds ziit, d rückreis azträte... Also simmer los gfahre rechtig weste. Mer send ufem highway 40 gfahre, eigentlich immer grad parallel zu de historische rout 66. Einisch hemmer det scho au no es stückli welle fahre so simmer mal ab de autobahn. Womer amme mc donalds verbi cho send, hed de erich sich die stärkig förs fahre ned welle la entgah ond so heds e churze stopp ond es tolls föteli gä 🤭
    Mer send am spötere namittag im mojave national preserve acho, üses etappe ziel för höt. Mer send zerst chli ume gfahre ond händ denn e geignete platz zum campe gsuecht. Inere siitestrass näb es paar felse hämmer e füürstell entdeckt, da hed also scho mol öper ghalte. So hämmer denn det parkiert ond nomol so e rechtig tolle letschte abig i de freie natur gnosse 😍 mer händ de sunneuntergang gluegt, gfüürled, hamburger brötled, d stärne bewundered ond nomol öber all die tolle abentür gred, wo mer i de letschte mönet händ dörfe erläbe! Nachär simmer de stinkend wie 2 rauchwürstli aber übetglücklich is bett 😊    Baca lagi

    Lihat terjemahan
  • Panama bis Kanada
    Am warte bes d lasagne warm esch 🤭D lasagne am ufwärmeOnd zom dessert no es guetzli mit milch...mmmmh 😋

    Tehachapi

    13 April 2023, Amerika Syarikat ⋅ ⛅ 7 °C

    Au das esch weder en strategische stopp gsi. Mer händ afig welle wäsche ond chli packe, dass mer de ned alles am letschte tag müend mache. Das esch de aber schön hinne use 🤭
    Zerst emol hämmer gar ned gluegt, was för wätter s det esch. So simmer de schön verchlüpft wos plötzlich iischalt gsi esch womer bim camping usgstege send 🙈 denn hed de canping zwar wöschmaschine gha (drum hemmer ne ja bueched) aber die frau vom empfang hed üs gseid, mer mües zerst bi ehne för 5 dollar e charte chaufe ond denn die mindestens mit 10 dollar lade, söscht chieng mer ned wäsche....so la abzocke hämmer üs ned welle ond denn hämmers halt la si 😅 es hed ganz ide nöchi e chliine flugplatz gha mit kaffe. Also simmer üs de det bi kaffee ond tee go ufwärme ond händ chli d sägelflüger agluegt, wo dusse gstande sind.
    Aschlüssend hemmer im wohnwage no chli d heizig gnosse ond spiili gspielt 😉 zum znacht heds reste lasagne mit viiiiill salat gä😊    Baca lagi

    Lihat terjemahan
  • Panama bis Kanada
    22Bye bye Bäri der 2.... Machs guet 😘

    Malibu & Abgab

    14 April 2023, Amerika Syarikat ⋅ ☀️ 15 °C

    Üsi aller letscht nacht im wohnmobil hemmer nomol welle am strand verbringe. Mer händ üs för malibu entschiede, da mer vo det nor 30 minute zu de wohnmobilvermietig hend 😊
    Mer send churz nachem mittag acho ond als ersts grad mol a strand. S wasser esch iischalt gsi aber zum chli füess bade ond dure sand spaziere heds glänged 😉
    Aschlüssend hemmer afa packe. Alles womer för die 7 wuche gchauft hend, aber nöm chönnd bruche hemmer vorem wohnmobil ufe tisch gleid (e föhn, es bieli, e grillrost usw.) mer händ de no es schild gschrebe ond send de räst vom nami am tisch ghöckled ond händ de lüüt probiert üses züg zverschänke. Wägrüehre wär eifach schad gsi! Dummerwiis hämmer währed dem au no üses bier müesse ustrinke 🤷‍♀️😅
    Bes mer is bett gange sind, hämmer tatsächlich fast alles chönne verschänke (zum grosse teil dank am erich sim talänt zum schnori 😜).
    Am nächste morgre simmer am 7ni ufgstande. Zerst hämmer no ganz fertig packt ond denn hämmer us allne ässensreste no sandwichs gmacht. Mer händ werkli fast gar kei ässe müesse wägrüehre über die 7 wuche, s grosi wär stolz uf üs 😂🤭
    Denn hämmer s ganze wohnmobil no müesse putze. 2 stund spöter hed de alles glänzt ond mer händ üsi letschti reis mitem bäri der 2. chönne aträte. Pünktlich hämmers abgäh ond die vo de vermietig händ üs de sogar no e gratis transport i üses hotel organisiert. Auf geht's ins nächste abenteuer!    Baca lagi

    Lihat terjemahan
  • Panama bis Kanada
    Los gads i six flags 😃😒11Jaaaaaa, es esch verbii 😂

    Los Angeles Part 2

    18 April 2023, Amerika Syarikat ⋅ ⛅ 18 °C

    Üsi letschte 4 täg i de USA hämmer nomol z LA verbracht.
    Nachdem mer s wohnmobil abgäh hend, hämmer im hotel afig dörfe go s gepäck deponiere, bis s zimmer ready esch, hämmer aber no chli müesse warte. Also simmer ine park i de nöchi ond händ det üsi sandwiches gässe ond siesta gmacht. Aschlüssend simmer go ichecke ond denn anes baseballspiel: d LA dodgers gäge Chicago. Au wenn mer s spiel ned ganz verstande händ ond s bier sehr tüür gsi esch, esches no e lustige obig worde.
    Am nächste tag hämmer e tour dur d warner brothers studios bueched. Mer händ eigentlich met em bus det äne welle, aber de cheib hed eifach ned aghalte ond esch a de bushaltestell verbi gfahre 🙈😅 also simmer halt mitem uber gange. Es esch werkli sehr spannend gsi. Well sunntig gsi esch, esch ned so vill dreiht worde ond drum hämmer i mehreri "sound stages" chönne ond aktuelli film- ond seriesets go aluege. Bi de sets verusse händs üs immer verzellt, wele ort mer vo welem film chönnt känne 😊 nachär heds no es chliises museum gha, womer lustigi föteli händ chönne mache 😅
    Nach dem tolle erläbnis simmer met de ubahn ond em zug no zum santa monica pier gfahre. Au das esch sehr idrücklich gsi aber voll überloffe. Mer send de zum znacht go momos ässe, das hämmer scho es halbs jahr nömme gha ond händ rechtig freud gha 😅
    De nächsti tag esch min geburtstags-gschänk-tag gsi 😍😍😍 am 8i hed de wecker glüted ond ich ha de erich scho s erste mal i wahnsinn triibe mit mim hibbelige "schnell ufstah ond los" 😂 denn simmer i ne super beck go zmörgele ond denn mitm uber - ändlich - i six flags magic mountains park 😍 de tag esch ächt es erläbnis gsi! Soooooooo vill eifach richtig (es ged keis besser wort) GEILI achterbahne 🤩 üsi lieblingsbahn esch eini gsi, wo eim so kippt hed, dass mer wie ufem buch gläge esch ond denn wie en superheld über bäum ond alles gfloge esch. Es hed au no e achterbahn gha womer gstande esch, eini wo zmitst inne plötzlich hindersti gfahre esch, eini wo immer nor eine im wägeli platz gha hed ond somit alli hinderenand ghocked send.....ond vell me 🤩 mer händ de zwoiti alauf för de parkbsuech werkli clever planed ond send extra am erste tag nachem springbreak gange, somit heds meeeega wenig lüüt gha ond mer händ nie meh als e viertelstund müesse astah! De ganz tag esch also definitiv e riiiiiiiese liebesbewies vom erich gsi: er hasst nämlich eigentlich achterbahne 🤭 so abm mittag hed er eigentlich gnueg gha ond öpe e stund vor parkschluss hed mer ehm de au agseh, dasses jetzt eidütig gnueg esch 😅 so simmer de no chli umegschländeret ond denn kaputt aber überglücklich (zumindest i mim fall 🤪) zrug is hotel.    Baca lagi

    Lihat terjemahan
  • 2025© FindPenguins
  • Utama
  • Mengenai kami
  • Penjejakan kumpulan
  • Akhbar
  • Terma
  • Privasi & Cookies
  • Pusat Bantuan
  • Cetakan