Atur ulang pencarian
Frakkland 2023Frakkland 2023
Edit rute

Frakkland 2023

Mei - Juni 2023
  • Þangað og heim aftur
Akstursferðalag frá Íslandi til Danmerkur, Þýskalands, Hollands, Belgíu og Frakklands. Baca selengkapnya
  • Þangað og heim aftur
+1

Daftar negara

Kategori
Wisatawan, Perjalanan solo
  • 7,7rbkilometer yang ditempuh
Sarana transportasi
  • Penerbangan2.631kilometer
  • Sedang berjalan-kilometer
  • Pendakian-kilometer
  • Sepeda-kilometer
  • Sepeda motor-kilometer
  • Tuk tuk-kilometer
  • Mobil-kilometer
  • Kereta-kilometer
  • Bus-kilometer
  • Pekemah-kilometer
  • Kafilah-kilometer
  • 4x4-kilometer
  • Renang-kilometer
  • Mendayung-kilometer
  • Perahu motor-kilometer
  • Berlayar-kilometer
  • Rumah perahu-kilometer
  • Feri-kilometer
  • Kapal pesiar-kilometer
  • Kuda-kilometer
  • Berski-kilometer
  • Menumpang-kilometer
  • Cable car-kilometer
  • Helikopter-kilometer
  • Bertelanjang kaki-kilometer
  • 35footprint
  • 32hari
  • 115foto
  • 23suka
IkutiKalenderBagikanDaftar bucket
Terbaru lebih dulu
  • Þangað og heim afturÞangað og heim afturFrakkland 2023

    Aschenbeck

    21 Mei 2023, Jerman ⋅ ☁️ 24 °C

    Tók þessu frekar rólega og keyrði ekki langt í dag. Beið í um klukkutíma eftir ferju yfir Saxelfi í hádeginu og þegar ég kom til Aldinborgar var ég svo til búin á því - það er nefnilega vel heitt og sól og ég er byrjuð að sólbrenna. Var því komin í næturstað upp úr fjögur. Sýnist verðin vera svipuð og 2019.

    1. Með svona ferjukríli fór ég yfir Saxelfi.
    2. Smá tilbreyting frá akstrinum.
    3. Á tjaldsvæðinu.    Baca selengkapnya

    Lihat terjemahan
  • Þangað og heim afturÞangað og heim afturFrakkland 2023

    Gröningen, Hollandi

    22 Mei 2023, Belanda ⋅ ☀️ 21 °C

    Ég vaknaði um sjö í morgun við regndropahljóð á þakinu, sem fljótlega breyttist í stanslaust rennsli, og svo komu þrumur. Dreif mig af stað upp úr níu - þá var enn þá rigning, en þrumurnar hættar.

    Stoppaði í Aldinborg og kíkti í MediaMarkt - þar var útsala mikil og ég fékk loksins ferðaprentarakríli í staðinn fyrir þann gamla, sem gaf upp öndina í síðasta ferðalagi. Get nú farið að líma myndir í ferðadagbókina.

    Fór svo til Gröningen í Hollandi, með smá útúrdúr: GPS-tækið reyndi að senda mig á eitthvað heimilisfang með "Groningen" í nafninu... í Dortmund. Var sem betur fer fljót að átta mig á því og gefa fyrirmæli í rétta átt.

    Ætlaði að skoða mig um í miðbænum þegar til Gröningen kom, en var orðin þreytt og treysti mér ekki til að valta ekki óvart yfir eitthvað af öllu hjólreiðafólkinu sem þarna rúllar um (vita hjálmlaust), svo ég tók strauið út úr bænum og kom mér á tjaldsvæði.    Baca selengkapnya

    Lihat terjemahan
  • Þangað og heim afturÞangað og heim afturFrakkland 2023

    Noord-Scharwoude, í útjaðri Alkmaar

    23 Mei 2023, Belanda ⋅ ☀️ 12 °C

    Í dag er ég búin að skoða ýmislegt.

    Fyrst var það skakki turninn í Leeuwarden (Oldehove, mynd nr. 4). Mig svimaði þegar ég sá hann, en ég held að það hafi kannski verið eftirstöðvar af sjóriðunni sem hefur hrjáð mig frá því ég kom í land. Miðbærinn þarna er mjög skemmtilegur, með gömlum húsum, skurðum og skemmtilegum búðum.

    Svo var það Eiese Eisinga Planetarium í Franeker (myndir 1 og 2), stórmerkilegt sólkerfislíkan og dagatal, hið elsta í heimi sem enn þá virkar - byggingu þess lauk 1781. Eisinga, sem var ullarkaupmaður að atvinnu, dundaði sér við þetta í frístundum og var að í 7 ár. Gangverkið er úr trétannhjólum og það er drifið áfram af lóðum. Það er staðsett í sjarmerandi gömlu húsi frá 15. öld (mynd 3). Mynd 5 er líka frá Franeker og sýnir götuna þar sem safnið er staðsett.

    Svo ók ég yfir Afsluitsdijk, langan varnargarð sem tengir saman héröðin Norður-Holland og Frísland.

    Mynd 6 er frá Enkhuizen. Mér fannst skemmtilegt að sjá þetta gamla skakka hús klesst á mili tveggja kirkna.

    Svo flæktist ég alveg óvart inn á Beemster-sælandið, þ.e. land sem var áður sjávarbotn en var þurrkað upp (nóg af svoleiðis á þessum slóðum) og rúntaði þar um og rakst á gamlar vindmyllur. Gat því miður ekki stoppað til að taka mynd.

    Mynd 7 er tekin á tjaldsvæðinu, sem er það flottasta hingað til. Hér er hægt að gista á hóteli, í smáhýsum, í lúxustjöldum ("glamping"), eða eigin tjaldi, draghýsi eða húsbíl. Svo er bæði bar og veitingahús.    Baca selengkapnya

    Lihat terjemahan
  • Þangað og heim afturÞangað og heim afturFrakkland 2023

    Kinderdijk

    24 Mei 2023, Belanda ⋅ ☁️ 16 °C

    Mitt helsta afrek í dag var að heimsækja Kinderdijk. Þar eru varðveittar gamlar vindmyllur sem voru notaðar til að dæla vatni og þurrka upp land á Kinderdijk-Elshout-svæðinu austan við Rotterdam.

    Myllurnar eru miðpunktur menningarlandsvæðis sem þykir það merkilegt að það er skráð á heimsminjaskrá UNESCO. Svæðið er öllum opið og það kostar ekkert að ganga þarna um, en það er bara hægt að fara inn í þær 2 myllur sem eru söfn, í siglingu um síkin og fleira ef maður borgar sig inn.

    Hljóðin innandyra eru eins og maður mundi ímynda sér að sé um borð í gömlu seglskipi: marr í timbri og hvinur í seglum og gólfin nötra þegar armarnir snúast.

    Það var gaman að skoða þetta, og ekki síst að fá að vita að það er búið í 16 af 19 myllum! Mæli hiklaust með að gera ykkur ferð til að skoða þetta ef þið eruð í Amsterdam eða Rotterdam - það er víst hægt að taka síkjastrætó frá báðum borgum.

    Meiri upplýsingar: https://whc.unesco.org/en/list/818/

    Í öðrum fréttum má nefna að lokunarbúnaðurinn í báðum rennihurðunum á bílnum er bilaður, sem þýðir að ég kemst bara aftur í með því að halla og renna farþegasætinu fram og klifra, svona eins og í tveggja dyra bílunum í gamla daga. Gæti notað afturdyrnar, en það er ekki hægt að loka þeim innan frá. Ég borgaði 200 þúsund í viðgerð í síðustu ferð, en þetta verður vonandi innan við 100 þúsund kr.    Baca selengkapnya

    Lihat terjemahan
  • Þangað og heim afturÞangað og heim afturFrakkland 2023

    Bíllinn í viðgerð

    25 Mei 2023, Belanda ⋅ ☀️ 11 °C

    Ég sendi neyðarkall á næsta Volkswagen-verkstæði (tölvupóstur kl 2 að nóttu til) og var boðið að koma með Kaddann í skoðun. Ég sat svo og dundaði mér við að færa dagbók og prufukeyra litla prentarann sem ég keypti um daginn, á meðan gert var við bílinn. Þetta urðu um 440 evrur.

    Ég komst svo loksins á stað um hádegið og ók til Brugge, skoðaði fallegan gamlan miðbæinn þar og ók svo áleiðis til Ostende. Er nú á húsbílastæði í Middelkerke og ætla að vera þar 2 nætur. Fékk fast stæði, sem þýðir að ég get komið og farið að vild, og ætla að fara til Tournai og Lille á morgun, og kannski líka Dunkirk.    Baca selengkapnya

    Lihat terjemahan
  • Þangað og heim afturÞangað og heim afturFrakkland 2023

    Middelkerke

    26 Mei 2023, Belgium ⋅ 🌬 13 °C

    Jæja, bíllinn er ekki hættur að vera til vandræða. Ég var leggja af stað í leiðangurinn til Tournai og Lille um ellefuleytið þegar nágranni minn á húsbílastæðinu kom hjólandi upp að hliðinni að bílnum og benti mér á að það væri sprungið á afturdekkinu farþegamegin. Ég þakkaði honum fyrir - ég fann ekki fyrir neinu, þó ég hefði eflaust fundið það um leið og ég kom út á götu og jók hraðann.

    Ég var sem betur fer með litla en öfluga rafknúna hjólapumpu í bílnum og gat dælt nægilega í dekkið til að ég komst á næsta verkstæði. Fjandans dekkið var auðvitað ónýtt, og ég keypti því ný afturdekk undir Kadda. Það urðu um 220 evrur.

    Fór svo til Tournai og skoðaði hina stórmerkilegu Frúarkirkju borgarinnar (myndir 1-3) og frístandandi klukkuturn (mynd 4) í nágrenninu; bæði eru á heimsminjaskrá UNESCO.

    Svo rakst ég inn í Saint-Quentin-kirkjuna sem stendur við aðaltorgið. Þar var einhver að æfa sig á stærðarinnar pípuorgel, þannig að ég fékk smá tónleika.

    Lauk svo leiðangrinum með verslunarleiðangri í Westfield-kringluna í Lille - það leka af mér kílóin þessa dagana og mig vantaði eitthvað sem passar á mig og hentar veðrinu hérna.    Baca selengkapnya

    Lihat terjemahan
  • Þangað og heim afturÞangað og heim afturFrakkland 2023

    Dunkerque-Calais

    27 Mei 2023, Perancis ⋅ ☀️ 14 °C

    Þetta er viðburðaríkasti dagurinn hingað til - og allt gott: hæfilegt veður, þ.e. 🌞 og um 20 °C hiti með svalri hafgolu. Er komin á tjaldsvæði kennt við sandlóu (le grand gravelot).

    Ég ákvað að taka því rólega og rúntaði fyrsta áfangann meðfram ströndinni í stað þess að keyra þjóðvegi og hraðbrautir - var orðin þreytt á að sjá ekkert nema bíla, trjágróður og steypu.

    Fyrsta stopp var á stríðsminjasafninu í Dunkerque (mynd 3). Það er tileinkað flótta breska hersins þaðan, sem hófst 26. maí 1940. Það hefði verið gaman að vera þar í gær, jafnvel þó það hafi ekki verið stórafmæli.

    Síðan fór ég til Calais, og villtist því miður út á hraðbraut, en það gerði mér þó kleift að heimsækja, án þess að þurfa að gera það á sprettinum, Cité de la Dentelle et de la Mode. Það er safn tileinkað blúndu- og knipplingagerð og tengdri tísku og er með flottari handverks- og fatasöfnum sem ég hef komið á. (myndir 4 og 5).

    Loks uppgötvaði ég að sumartíminn er að hefjast í Calais, þ.e. ferðamannatímabilið hófst opinberlega í dag og var ræst af stað með stórkostlegri sýningu fjöllistahópsins Gratte Ciel, TAWA, sem samanstendur af tónlistarflutningi, söng, dansi, fimleikum og loftfimleikum (mynd 6). Alveg hreint stórkostlegt, og ég sveif heim á tjaldsvæði á marglitu vellíðunarskýi og það án þess að skynörvandi efni hafi komið til. Mér finnst að það ætti að fá þennan hóp á listahátíð í Reykjavík!

    Myndir 1 og 2 eru frá ströndinni í Calais. Þetta er það næsta sem ég hef komist sjónum í ferðinni.    Baca selengkapnya

    Lihat terjemahan
  • Þangað og heim afturÞangað og heim afturFrakkland 2023

    Calais - Boulogne-sur-Mer

    29 Mei 2023, Perancis ⋅ 🌬 13 °C

    Ég hóf ferðalag dagsins í því að kíkja á ráðhúsið í Calais. Turninn á því er á heimsminjaskrá. Ráðhúsið er mun reisulegra en það í Reykjavík, en er líka svolítið óraunverulegt, eins og það sé byggt úr Legokubbum.

    Ég komst svo loksins út í náttúruna í alvöru gönguferð. Ég ók meðfram svokallaðri Ópalströnd í dag (kennd við mjúka, merlandi birtuna þar, sem listmálarar dýrka) og stoppaði við Blanc-Nez-höfða og gekk meðfram honum, niður að ströndinni og upp í gegnum smábæinn Escalles, ca. 5 km, í fínasta gönguveðri: sólskini og svölum vindi utan af Ermarsundi.

    Síðan ók ég til Boulogne-sur-Mer og heimsótti sjávar- og sædýrasafnið Nausicaa, sem er eitt það stærsta í Evrópu. Það kostar talsvert inn, en er vel þess virði ef maður hefur áhuga á sjávarlífverum og málefnum hafsins.    Baca selengkapnya

    Lihat terjemahan
  • Þangað og heim afturÞangað og heim afturFrakkland 2023

    Boulogne-sur-Mer - Bayeux

    30 Mei 2023, Perancis ⋅ 🌬 12 °C

    Það er lítið um daginn í dag að segja, annað en að hann fór í ferðalög. Ég ók meira enn 400 km í dag, talsvert á hraðbrautum, en líka á þjóðvegum og sveitavegum. Er búin að sjá helling af fallegu landslagi í dag og aka yfir nokkrar risabrýr, þ.á m. hina stórfenglegu Point de Normandie sem spannar Signu nálægt mynni hennar, á milli Le Havre og Honfleur.

    Er komin til Bayeux og ætla að skoða Bayeux-refilinn fræga á morgun, og hugsanlega safn tileinkað innrásinni í Normandie.    Baca selengkapnya

    Lihat terjemahan
  • Þangað og heim afturÞangað og heim afturFrakkland 2023

    Bayeux - Beauvoir

    31 Mei 2023, Perancis ⋅ ☀️ 23 °C

    Heimsótti í dag 2 söfn, sem bæði snúast um stríð, en á gjörólíkan hátt. Bayeux-refillinn segir söguna af orrustunni við Hastings árið 1066 og aðdraganda hennar. Handverkið á honum er snilldarlegt og hann er í einu orði sagt listaverk. Engar myndir, því ljósmyndun er bönnuð inni á safninu.

    Svo fór ég á safn tileinkað innrásinni í Normandí. Hún hófst í maí 1944 og því hafa ýmsir viðburðir og athafnir henni tengd verið haldnir undanfarið og eru framundan. Ég hitti á þar sem breskir kadettar voru að leggja valmúasveiga við minnismerki við safnið. Ég skoðaði svo safnið og það er s.s. ekki mikið um það að segja annað en að það er stórt og ítarlega er sagt frá innrásinni.

    Loks kíkti ég á stærsta breska hermannagrafreitinn í Normandí. Maður kemst ekki hjá því að klökkna við að sjá alla þessa legsteina, ekki síst þegar maður les á þá og sér að flestir þeir sem þarna eru grafnir voru innan við þrítugt. Sorglegt.

    Ók svo til Beauvoir. Á morgun skoða ég Mont Saint-Michel.    Baca selengkapnya

    Lihat terjemahan
  • 2025© FindPenguins
  • Beranda
  • Tentang kami
  • Penelusuran Kelompok
  • Pers
  • Ketentuan
  • Privasi & Cookies
  • Pusat Bantuan
  • Jejak