Süd- und Zentralamerika

Ab ines neus Abentür ufem ne neue Kontinent. I reise es paar Monet dür Südamerika. D Route isch no sehr offe u bi drum gspannt, wo das mi here zieht... En savoir plus

S’abonner Aperçu Calendrier Partager

Les plus récents en premier

Empreintes
Photos

Début du voyage
13 avril 2024
Süd- und Zentralamerika Voyageur
Afficher le voyage
Ajouter à ma liste de choses à faireSupprimer de ma liste de choses à faire
Partager
Jour 1
samedi 13 avril 2024 à 18:30
☀️ 24 °C
Altitude: 417 m
Suisse Flughafen Zürich 47.457817, 8.55284947°27’28” N 8°33’10” E
Adios suiza 👋
13 avril 2024, Suisse ⋅ ☀️ 24 °C
Los gehts mit dem Abenteuer Südamerika...

Heute habe ich noch die letzten Erledigungen gemacht, bevor ich von meinen Liebsten zum Flughafen begleitet wurde. Dort konnte ich mich noch in Ruhe von allen verabschieden. Auch wenn der Abschied tränenreich war, freue ich mich auf meine Reise. Zuerst geht es nach Madrid und anschliessend direkt weiter nach Buenos Aires.

See you there 👋En savoir plus
Voir la traduction
VoyageurSchöni Ferie
13/04/2024RépondreTraduire
VoyageurDanke :)
13/04/2024Répondre
Voyageurgniesses misch we love you ❤️
14/04/2024RépondreTraduire
10 j’aime
Süd- und Zentralamerika Voyageur
Afficher le voyage
Ajouter à ma liste de choses à faireSupprimer de ma liste de choses à faire
Partager
Jour 2
dimanche 14 avril 2024 à 07:30
🌧 19 °C
Altitude: 39 m
Argentine Belgrano C -34.563019, -58.44532234°33’47” S 58°26’43” W
Welcome to Buenos Aires
14 avril 2024, Argentine ⋅ 🌧 19 °C
Nach gut 12 Stunden Flug bin ich heute morgen in Buenos Aires gelandet. Ich konnte fast die ganze Zeit schlafen, daher bin ich auch sehr erholt angekommen.

Mit dem Taxi wurde ich zu meiner Unterkunft gebracht. Da ich ab morgen in einer Sprachschule spanisch lerne, wohne ich während den nächsten drei Wochen bei Claudia. Ihre Wohnung ist mitten in der Stadt und sehr gross. Sie beherbergt hier jeweils mehrere Sprachschüler und Studierende. Ich bin gespannt wie das Leben hier sein wird.

Nachmittags hat mich meine Mitbewohnerin mitgenommen in die Stadt und hat mir die Schule gezeigt und dafür gesorgt, dass ich eine Buskarte und eine SIM Karte erhalte. Nun bin ich doch sehr müde und freue mich auf das Abendessen und aufs Bett.En savoir plus
Voir la traduction
Voyageurguete start misch 🥰
14/04/2024RépondreTraduire
VoyageurDanke viu mau 🥰
14/04/2024RépondreTraduire
Voyageurhesch dr typo nid wöuä korrigiere? 👀😂
14/04/2024RépondreTraduire
4 commentaires en plus
8 j’aime
Süd- und Zentralamerika Voyageur
Afficher le voyage
Ajouter à ma liste de choses à faireSupprimer de ma liste de choses à faire
Partager
Jour 6
jeudi 18 avril 2024 à 15:00
☀️ 23 °C
Altitude: 22 m
Argentine Río Matanza-Riachuelo -34.639441, -58.36224434°38’22” S 58°21’44” W
La Boca
18 avril 2024, Argentine ⋅ ☀️ 23 °C
Bisher habe ich die Tage in Buenos Aires mit spanisch lernen verbracht. Mein Kopf ist teilweise sehr voll mit der neuen Sprache und der ständige Wechsel zwischen Englisch und Spanisch ist manchmal ermüdend fürs Gehirn. Langsam gewöhne ich mich aber an die neue Situation.

Heute Nachmittag habe ich mit einer Gruppe von weiteren Sprachschülerinnen das bekannte Viertel "La Boca" besucht. Die farbigen Häuser waren wunderschön und wir sind durch die belebtesten Gassen spaziert. La Boca ist ein eher gefährlicher Stadtteil. Wenn man aber unter den Touristen bleibt und keine Nebengassen nimmt, ist man dort sehr sicher. Wichtig ist immer, das man gut auf seine Tasche aufpasst. Da wir dies alles befolgt haben, hatten wir einen angenehmen Nachmittag im Viertel.En savoir plus
Voir la traduction
10 j’aime
Süd- und Zentralamerika Voyageur
Afficher le voyage
Ajouter à ma liste de choses à faireSupprimer de ma liste de choses à faire
Partager
Jour 7–9
19 avril 2024 - 21 avril 2024
2 nuits
☁️ 25 °C
Altitude: 31 m
Argentine Plaza de Mayo -34.60827, -58.37294534°36’30” S 58°22’23” W
Erstes Wochenende in Argentinien
19–21 avr. 2024, Argentine ⋅ ☁️ 25 °C
Das erste Wochenende neigt sich dem Ende zu. Die erste Woche verging wie im Flug, da es viel neues zu entdecken gab.

Am Freitag verabschiedeten wir bereits erste Schüler:innen aus der Klasse. Am Nachmittag habe ich dann mit meiner Mitbewohnerin Rosa einen Ausflug nach Tigre gemacht. Dies ist eine Ortschaft ca. 30km ausserhalb von Buenos Aires. Bekannt ist dort vorallem das Tigre Delta und so haben wir eine 1-sündige Bootstour durch das Delta gebucht. Landschaftlich war dies sehr interessant und ich habe es sehr genossen ein wenig Natur zu sehen nach einer Woche in der Grossstadt.

Samstags bin ich dann alleine losgezogen und habe ein wenig sightseeing gemacht. Dabei habe ich den Obelisk, den Plaza de Mayo und das Casa Rosada gesehen. Weiter ging es über die Puente de la Mujer nach Puerto Madero. Das Wetter war fantastisch mit viel Sonne.
Abends habe mit Rosa ein Milonga besucht. Dort hat man die Möglichkeit Tango zu tanzen oder einfach nur zuzuschauen. Wir fanden es beide sehr faszinierend und es war ein sehr gemütlicher Abend.

Den Sonntag verbrachten wir im Stadtteil San Telmo auf dem Markt, welcher sehr weitläufig ist. Zum Mittagessen gab es feine Empanadas und lassen wir noch den Abend ausklingen.En savoir plus
Voir la traduction
9 j’aime
Süd- und Zentralamerika Voyageur
Afficher le voyage
Ajouter à ma liste de choses à faireSupprimer de ma liste de choses à faire
Partager
Jour 10–13
22 avril 2024 - 25 avril 2024
3 nuits
☁️ 20 °C
Altitude: 14 m
Argentine Jorge Newbery Airport -34.558307, -58.43559334°33’30” S 58°26’8” W
5
Acho ir Grossstadt
22–25 avr. 2024, Argentine ⋅ ☁️ 20 °C
So, i wächsle hie iz uf Berndütsch... Wiso oh immer i uf Hochdütsch ha agfange isch mer es Rätsel, aber iz...

I dere Wuche bini endlech e chli acho i dere Grossstadt u ha mi a aues gwöhnt. Näb dr Schuel hani a de Namitage nid sehr viel unternoh. I ha e Tour mit dr Schuel unternoh, wo üs hät söue z El Ateneo zeige. El Ateneo isch e Büecherlade im ne aute Theater. Dr Guide het vieles über Gebäude rundum verzeut, was sicher spannend wär gsi, aber für ds chani leider no chli zweni spanisch 🤷🏽‍♀️ im El Ateneo simer schlussendlech nur ca. 20 minute gsi u zudem het mi Gruppe dert zrugg glah 🥲Dank mire Mitbewohnerin wo mir het gschribe u dr Standort gschickt, hani se de ume gfunde. Chli apisst bini nachdem hei u früeh ga liege. Bi a dem Tag oh nid so guet zwäg gsi.

Witer hei mer die Wuche no e Park erkundet i üser Nachbarschaft miteme See. Ds isch mega gmüetlech gsi dert u mir hei zeme Husufgabe gmacht u ner gläse u musig glost, bevor mer vorem Sunneuntergang wieder hei si.

Am ne Regetag hani de no z Internationale Tangomuseum bsuecht. Das isch grundsätzlich spannend gsi, allerdings het mes i öpe 15 minute gseh u soo viel Infos über Gschicht vom Tango hets oh nid gha. Trotzdem ischs e gmüetleche Nami gsi. Am Abe isch de no öper nöis zur Gastfamilie cho u mini Gastmuetter het us dem Alass selber Empanadas gmacht u Chueche. Wahrschlinlech scho iz mis Highlight vor Wuche 😍En savoir plus
Voir la traduction
Voyageur GaLiGrü ah Julian ah dere Steu 🤩
26/04/2024RépondreTraduire
Voyageur😂🤝
26/04/2024Répondre
Voyageur😂😂
26/04/2024Répondre
2 commentaires en plus
9 j’aime
Süd- und Zentralamerika Voyageur
Afficher le voyage
Ajouter à ma liste de choses à faireSupprimer de ma liste de choses à faire
Partager
Jour 14
vendredi 26 avril 2024 à 18:00
⛅ 18 °C
Altitude: 49 m
Argentine Manzana de las Luces -34.60871, -58.37831634°36’31” S 58°22’42” W
E Tangoabe ghört derzue
26 avril 2024, Argentine ⋅ ⛅ 18 °C
Dr Fritiabe isch oh dr letscht Abe vo mire Mitbewohnerin gsi u no andere Schuelgspänli. Es flüge aui es Huus witer oder heizue.
Us däm Alass simer iz bekannte Cafe Tortoni ga e Tango Show luege. Z Cafe Tortoni isch z älteste Cafe in Buenos Aires u bietet jede abe Tango Shows ah.
So heimer dere Show, wo si hei tanzet, gsunge u trummelet, e Stund lang dörfe zueluege. I has beidruckend gfunde u finge, sone Show ghört ir Geburtsstadt vom Tango eifach derzue.En savoir plus
Voir la traduction
7 j’aime
Süd- und Zentralamerika Voyageur
Afficher le voyage
Ajouter à ma liste de choses à faireSupprimer de ma liste de choses à faire
Partager
Jour 15
samedi 27 avril 2024
☀️ 17 °C
Altitude: 19 m
Argentine Buenos Aires Botanical Garden -34.578769, -58.416934°34’44” S 58°25’1” W
Es neus Tier entdeckt
27 avril 2024, Argentine ⋅ ☀️ 17 °C
Z Buenos Aires hets recht viu Pärk u i ha mir vorgnoh das Wucheend es paar z bsueche.

Hüt bini im Ecoparque gsi, quasi dr Zoo vom Stadtteil Palermo. Si hei dert vieli Infos über d Umwelt usgschribe u ds Bewusstsii bir Bevölkerig über Tier und Umwelt söu gförderet werde. Di meiste Tier wosi hei, hei si vo nöime grettet u luege iz dases ihne guet geit. Zudem het dr Park viel Böim u Seeli u bietet e schöne Spaziergang.
Mis Highlight sii dert Capybaras gsi.😍 Di hani bisher nume vo Biudli kennt u si loufe dert, zeme mit de Pfaue, frei im Park ume.

Nachem Park bini no es gigantisches Kafi ga trinke. I dem herzige Kafi het dr Bsitzer selber Gitarre gspiut u woni ha zahlt bini no churz mit ihm iz Gspräch cho. Woni ihm ha gseit, dasi no am spanisch lehre bi, het er sogar extra langsamer gredt, was mega flott isch.

Iz bini ume daheime, da i langsam ha chaut übercho. Es herbstelet richtig u Temperature si am sinke. Da muesi mi äuä zersch no dra gwahne. 😉En savoir plus
Voir la traduction
Voyageursiti dä bitrag ha gläse louftmer z capybara-lied nache. 😂😂🫶🏻
28/04/2024RépondreTraduire
Voyageur😂🤝 Gerngscheh
28/04/2024RépondreTraduire
7 j’aime
Süd- und Zentralamerika Voyageur
Afficher le voyage
Ajouter à ma liste de choses à faireSupprimer de ma liste de choses à faire
Partager
Jour 16
dimanche 28 avril 2024
☀️ 20 °C
Altitude: 21 m
Argentine Buenos Aires Botanical Garden -34.582668, -58.41732634°34’58” S 58°25’2” W
Ä gmüetleche Sunntig
28 avril 2024, Argentine ⋅ ☀️ 20 °C
Dä Morge hani ume eis Abwechslig brucht für mis zmorge (normalerwis issi hie ir Gastfamilie Toast mit Gonfi oder Dulce de Leche) u bi drum ines Kafi ume Egge ga zmörgele. Dert hani es Avocadotoast mit Ei gha u es feins Kafi 😍😋

Glücklech bini när witers zum Botanische Garte gange. Z coole hie in Buenos Aires isch, das die meiste kulturelle Aktivitäte wie Pärk u Musee gratis si. I bi auso ner dr ganz Nami düre botanisch Garte gschlenderet, ha paar Ufgabe gmacht i mim Spanischbuech, ha gläse oder eifach nume Musig glost. Ha die "me time" gad sehr gnosse.

Iz bini daheime u warte ufs znachtesse. Morn startet bereits die letschti Wuche vo mire Sprachschuel. Krass wie schnäu Zit doch vergeit.En savoir plus
Voir la traduction
9 j’aime
Süd- und Zentralamerika Voyageur
Afficher le voyage
Ajouter à ma liste de choses à faireSupprimer de ma liste de choses à faire
Partager
Jour 17–21
29 avril 2024 - 3 mai 2024
4 nuits
☀️ 18 °C
Altitude: 23 m
Argentine Plaza Serrano -34.588752, -58.43011734°35’20” S 58°25’48” W
2
No e letschti Schuelwuche
29 avr.–3 mai 2024, Argentine ⋅ ☀️ 18 °C
I dere Wuche isch nid sehr viel gloffe. I has sehr gmüetlech gnoh.

Am Mittwuch heimer ke Schuel gha, wägem Tag der Arbeit. Drum bini denn chli dür Palermo gschlenderet, wo si no e Flohmi hei gha. När hami ines Cafe ghöcklet u die witeri Reis planet.

Am Donnsti hei mer de derfür e ganze Tag Schuel gha zum Unterricht nachehole, daher bini denn beschäftigt gsi. Was mi aber bsunders het gfreut isch z churze Telefonat gsi mit de Haräldlers. :)

Am Friti isch de scho mi letscht Schueltag gsi. Am Nami hani no mis Züg zämepackt u am Abe bini anes Asado. Ds isch sones argentinisches Grillfest u d Schuel het ds organisiert. Obwous mi zersch bitz het agschnäggeler, ischs doch e sehr coole Abe gsi u i ha intressanti Gspräch gha mit de Schuelgspänli.

I ha viel spanisch glehrt, iz freui mi aber oh ufs umereise u neus entdecke.En savoir plus
Voir la traduction
Voyageurfreue mi mega druf wasde vom reise zprichte hesch ❤️
04/05/2024RépondreTraduire
Voyageur 🫶🏻🫶🏻🫶🏻🫶🏻
04/05/2024Répondre
Voyageur❤️❤️
04/05/2024Répondre
Voyageur ❤️❤️❤️
08/05/2024Répondre
7 j’aime
Süd- und Zentralamerika Voyageur
Afficher le voyage
Ajouter à ma liste de choses à faireSupprimer de ma liste de choses à faire
Partager
Jour 22
samedi 4 mai 2024
☁️ 18 °C
Altitude: 20 m
Argentine Chacarita -34.583515, -58.44178334°35’1” S 58°26’30” W
Wieder vereint
4 mai 2024, Argentine ⋅ ☁️ 18 °C
Hüt morge bini früeh uf u a Flughafe gfahre. I bi dr Julian dert ga abhole u es isch schön, darf i ihn nach drü Wuche scho ume gseh 😊

Nachdem mer oh mi Rucksack abghout hei simer afa mau ines Kafi ga zmörgele. Mir hei nämlech no müesse warte, bis mer i üses Airbnb chöi. Churz nachem zmorge hei mer de inedörfe u hei üs igrichtet u zwäg gmacht.
Am Nami simer de när dür Palermo spaziert, hei öpis gässe u si no i Ecoparque gange. So heimer d Umgäbig vom Airbnb chli erkundet.

Am Abe simer beidi sehr müed gsi, wiu mer nid so viu Schlaf hei gha u drum simer früeh ga schlafe.En savoir plus
Voir la traduction
Voyageurreunited 🫶🏻🫶🏻
05/05/2024Répondre
VoyageurGniessets 🫶
06/05/2024Répondre
VoyageurDs mache mer 😘
06/05/2024RépondreTraduire
7 j’aime
Süd- und Zentralamerika Voyageur
Afficher le voyage
Ajouter à ma liste de choses à faireSupprimer de ma liste de choses à faire
Partager
Jour 23
dimanche 5 mai 2024
☁️ 20 °C
Altitude: 28 m
Argentine Plaza Dorrego -34.6193, -58.37260134°37’9” S 58°22’21” W
Es Stück Heimat und e Insider Tipp
5 mai 2024, Argentine ⋅ ☁️ 20 °C
Oh dä Morge heimer afa mau miteme gmüetleche Zmorge gstartet. När isches los gange richtig Zentrum. Da Julian z erste mau da isch simer nomau dr Plaza de Mayo mitem Casa Rosada ga aluege. Vo dert wimer witer dür San Telmo gloffe. Dert hei si au Sunntig e Märit. I bi zwar vor zwöi Wuche scho gsi, aber dismau simer no witer gloffe u es het no meh neus z entdecke gäh. Bekannt isch dert nämlech die grossi Markthalle. Dert in hets unzähligi vo Essensständ u wahnsinnig viu Lüt gha. Plötzlech hets recht heimelig gschmöckt u siehe da... Die hei hie e Raclette Stand. Mir zwöi Bünzli hei üs fasch nüm erhout, eis z probiere hei mer üs aber de doch nid derfür gha.
Wo mer dert use si, simer übere Antiquitäte-Märit gloffe u de isch mer plötzlech i Sinn cho, das mer vo üsere Spanischlehrerin ja hei e Tipp übercho für nes Restaurant i dere Gägend. Es isch de tatsächlich gad ume Egge gsi u mir heis usprobiert. Ds het sech definitv glohnt. Ds Restaurant isch i somne Hinterhof uf ere Terrasse u es het üs würklich sehr gfaue. Z Ässe isch oh sehr fein gsi. Vo usse rächnet me gar nid mit so öpisem, drum isch dä Insider Tipp sehr cool gsi.
När simer no zum Obelisk gloffe u hei die beide tolle Buechstabe gfötelet. Z Wetter isch de när rächt grusig worde u drum simer heizue u hei e gmüetleche Abe gmacht.En savoir plus
Voir la traduction
7 j’aime
Süd- und Zentralamerika Voyageur
Afficher le voyage
Ajouter à ma liste de choses à faireSupprimer de ma liste de choses à faire
Partager
Jour 24–25
6 mai 2024 - 7 mai 2024
1 nuit
☀️ 19 °C
Altitude: 21 m
Argentine Puerto Madero -34.611437, -58.35903834°36’41” S 58°21’33” W
Lazy days
6–7 mai 2024, Argentine ⋅ ☀️ 19 °C
Am Mäntig isch z Wetter besser gsi aus erwartet u drum hei mer üs entschlosse nach Puerto Madero z gah, wiu dert hets sones Reserva Ecologica. Ja womer de dert si acho hei mer müesse feststelle, das ds immer am Mäntig zue isch. I Zuekunft wärde mer auso immer vorher hurti luege. De simer haut umdräiht u hei afa feini Waffle zum zMittag gässe.
Nachdem hei mer de beschlosse hei zgah u afa üsi witeri Reis plane. Zum znacht simer nomau use ines feins Restaurant, woni scho zwöi mau bi gsi. Aber z esse isch würklech dr wahnsinn dert u es het sech ume mau glohnt.

Am Zischtig hei mer beidi nid so Motivation gha. I ha d Stadt langsam gseh u Julian isch äuä no nid ganz acho hie u immer no müed vo dene viele Idrück. Drum simer nume use zum ga esse. Zwüsch in hei mer Zit gnützt zum Unterkünft bueche in Uruguay, Spieli spile u läse. E fuule Tag, aber ds bruchts zwüsch düre oh. Mir si gloub beidi froh, wes iz de es Land witer geitEn savoir plus
Voir la traduction
Voyageurschön so täg wome eifach cha si 🫶🏻
08/05/2024RépondreTraduire
VoyageurJaa di bruchts oh 😊
08/05/2024RépondreTraduire
7 j’aime
Süd- und Zentralamerika Voyageur
Afficher le voyage
Ajouter à ma liste de choses à faireSupprimer de ma liste de choses à faire
Partager
Jour 26
mercredi 8 mai 2024
🌬 18 °C
Altitude: 10 m
Uruguay Barrio Centenario -34.007789, -58.28619134°0’28” S 58°17’10” W
Auf zu neuen Ufern
8 mai 2024, Uruguay ⋅ 🌬 18 °C
Iz startet d Reis ersch richtig... Dä Morge simer früeh uf u si a Hafe gfahre worde. Dert näme mir d Fähre übere uf Colonia del Sacramento in Uruguay.

Uf dr Fähre hets huere ängi Sitzreihe gha u i scho fasch e Panikattake wius ke Platz het. Nachdem d Fähre de isch gfahre simer aber ufs Oberdeck u hei dert obe Föteli gmacht, d Skyline vo Buenos Aires gseh verschwinde, Lüt beobachtet u gluegt wie Küste vo Uruguay füre chunnt. Nach guet 1.5h simer auso im ne neue Land acho. Hie hei mer z Outo gfasset u si afa mau iz Land usegfahre.

Es isch gad e anderi Welt hie. Viel grüener, viel weniger Lüt u viel ruhiger. Im ne chline Dörfli hei mer hurti e Stop gmacht für nes Pöiseli. Ner simer bime Tankstelleshop öpis z esse ga hole, wius het hunger gäh.
Iz simer in Carmelo acho, wo mir ime Bungalow übernachte. Ds Dörfli isch mega herzig u mir hei sehr Freud, wieder chli ufem Land z si 😊En savoir plus
Voir la traduction
7 j’aime
Süd- und Zentralamerika Voyageur
Afficher le voyage
Ajouter à ma liste de choses à faireSupprimer de ma liste de choses à faire
Partager
Jour 27–28
9 mai 2024 - 10 mai 2024
1 nuit
⛅ 17 °C
Altitude: 53 m
Uruguay Treinta y Tres -33.231865, -54.38578333°13’55” S 54°23’9” W
Land, Land u no meh Land
9–10 mai 2024, Uruguay ⋅ ⛅ 17 °C
Z Carmelo simer am morge no hurti a Strand füre bevor mir üs ufe läng wäg nach San Gregorio de Polanco hei gmacht. D Wäge si wahnsinnig läng hie u für das mer bitz vorwärts chöme, simer es rechts Stück gfahre.
Zwüsch in hei mer natürlech oh pöiseli gmacht a schöne Plätzli. D Strasse si aui mega grad u si schier endlos u ds Land sehr flach. Scho bi üsem erste Stopp in Mercedes heimer gseh, dases dert huere überschwemmt isch. Je me mir richtig San Gregorio si gfahre, desto schlimmer isch ds oh worde mit dene Überschwemmige.
In San Gregorio hätte mir eigentlich zwöi Nächt plant gha, für de no chli meh i Norde zgah. Da mir aber hei Hochwasserwarnige becho, hei mer üs de entschiede, e Tag früecher gäge Süde zgah. Ds isch e gueti Entscheidig gsi.

Am nächste Tag simer drum ume früeh witer gfahre. Julian het unbedingt sone 2km längi Brügg wöue ga agugge. Dr Bueb het freud gha womer de ändlech si acho :)
D Strasse dert häre si nüm ganz so guet gsi, es isch aus Chies u het huufe Schlaglöcher. Drum isch me hie oh teilwis oh ewigs unterwegs. Nach dr Brügg simer witer, wiu üses nächste Ziel wär de z Städtli Treinta y Tres (uf Dütsch eifach 33). Irgendwenn ufem Weg simer de tatsächlich nüm witer cho, wiu d Strass komplett überschwemmt isch gsi. De heimere grosse Teil ume müesse zrugg fahre u i ha zgfüehl gha mir heige ewigs bis uf ds Treinta y Tres. Richtig Süde wird d Landschaft aber ume hügeliger u gfaut üs besser aus ds ewige Flachland.

Mir si am Abe de guet acho u mega lieb begrüesst worde ir Unterkunft. Mir hei nämlech bi öperem daheime Pfuset u ds isch würklch es mega herzigs Zimmer gsi. Z Nacht simer uswärts ga esse, da mer beidi nüm so hei möge choche.En savoir plus
Voir la traduction
7 j’aime
Süd- und Zentralamerika Voyageur
Afficher le voyage
Ajouter à ma liste de choses à faireSupprimer de ma liste de choses à faire
Partager
Jour 29
samedi 11 mai 2024
⛅ 16 °C
Altitude: 147 m
Uruguay Sierra de Garzón -34.569485, -54.62941534°34’10” S 54°37’46” W
Wy degustiere statt wandere
11 mai 2024, Uruguay ⋅ ⛅ 16 °C
Da mir zwei Täg gad viel Outo si gfahre, hei mir üs chli meh wöue bewege u drum heimer gester no e gfüehrti Wanderig buechet bim ne Wyguet. Vo Treinta y Tres bis dert häre simer ume öpe 2.5h gfahre u d Landschaft isch wunderschön gsi. Mega hügelig u engi Strässli hets gha u es isch recht abentürlech gsi. De simer de acho bir Bodega Garzon. Dert heimer picknicket u vou motiviert üsi Wanderschueh gsattlet. Womer de zur Rezeption si gloffe simer üs scho recht underdressed vorcho, wiu ds dert aus so schigg isch. Bir Ameldig het üs die Dame när gseit, das d Wanderwäge ufgrund vom Räge i mieserablem Zuestand sige u sis nid empfähle, die Wanderig zmache. Mir dörfe aber gern d Füehrig dür z Wyguet mache u degustiere. De heimer denkt "Wine not" u hei üs dert agschlosse. Vorher heimer üsi Wanderschueh ume ituscht gäg Turnschueh u hei no es feins (u tüürs) Kafi gha. Di Füehrig isch sehr intressant gsi u dr Guide het sich sehr Zit gnoh, aus z erkläre. Sie hei 500ha Oliveplantage u 250ha Rebe mit 17 verschiedene Wysorte. I ha z erste mau sone Füehrig gmacht u mega viel über Wy u d Herstellig erfahre. Dr Wy womer hei dörfe probiere isch oh sehr fein gsi.
Dr Guide het üse de no verzeut, das es scho nid normau sig, setig Überschwemmige z ha wis aktuell het. Ds Wasser chunnt schins vo Brasilie wius dert scho so fest grägnet het i de letschte Tage. Schono krass irgendwie...
Am Abe simer de no uf Punta del Este gfahre. Dä Ort isch gad sehr belebt und touristisch im Verglich zu vorher u mir gspannt, was es dert morn aus z entdecke git.En savoir plus
Voir la traduction
7 j’aime
Süd- und Zentralamerika Voyageur
Afficher le voyage
Ajouter à ma liste de choses à faireSupprimer de ma liste de choses à faire
Partager
Jour 30
dimanche 12 mai 2024
🌧 14 °C
Altitude: 22 m
Uruguay Punta del Vapor -34.962106, -54.942834°57’44” S 54°56’34” W
Vom Land i Ferieort
12 mai 2024, Uruguay ⋅ 🌧 14 °C
D Nacht im Hostel isch sehr ruhig gsi u mir si bezite uf zum Punta del Este no chli aluege.
Leider isch recht wüest Wätter, drum simer eifach chli uf dr Peninsula spaziert. Z Punta del Este isch dr südlechst Punkt vo Uruguay u me merkt richtig dases e Ferieort isch. Es het sehr viel Hotels, Feriewohnige u Restaurants. Im Moment louft nid viel, da mir neb dr Saison dert si.
Bim Hafe unde heimer sogar no Seelöie gseh u mir hei üs dert es zitli chönne vertörle, wiu mir gseh die ja nid gad au Tag.

Gäge Mittag simer witergfahre u hei no e Halt gmacht in Chihuahua am Strand, eifach wiu dä Ort so heisst. ;)

När simer witer uf Montevideo id Houptstadt. Oh hie regnets wie verruckt u drum hei mer im Hostel icheckt u si när ines Kafi. Dert heimer üsi witerreis plant u gmerkt, wie schlecht mir plant hei. D Fähre geit nämlech scho e Tag früecher aus mer gmeint hei. Drum müesse mer morn scho wieder uschecke u chöi Montevideo nume am morge aluege. Immerhin hei mers no rechtzitig gmerkt.En savoir plus
Voir la traduction
Voyageurchöitnech tröste mir hei eismal 15 minute vor zugsabfahrt gmerkt dsmer garnid am houptbahnhof sötte istige 😂
12/05/2024RépondreTraduire
VoyageurSchön passiert so zügs nid nume üs 😂 flotterwis tüe d uruguayer de glich nume ei nacht verrächne im hostel statt beidi 😅
12/05/2024RépondreTraduire
Voyageurig ha z Prag mau ä Nachtzug verpasst wöumer gar nid am HB si gsi - passiert dä Bestä 😂
13/05/2024RépondreTraduire
7 j’aime
Süd- und Zentralamerika Voyageur
Afficher le voyage
Ajouter à ma liste de choses à faireSupprimer de ma liste de choses à faire
Partager
Jour 31
lundi 13 mai 2024
⛅ 13 °C
Altitude: 8 m
Uruguay Colonia del Sacramento Bus Station -34.47352, -57.84288734°28’25” S 57°50’34” W
1
Montevideo bis Colonia del Sacramento
13 mai 2024, Uruguay ⋅ ⛅ 13 °C
Da mir chli falsch planet hei, hets iz haut nume e halbe Tag Schnellsightseeing gäh in Montevideo. Damit mir bitz schneller si, hei mer für a jede Ort üses Outo brucht. Würdi süsch nie so mache, aber isch gäbig gsi. Montevideo het mi nid so packt irgendwie u drum bini froh gsi, heimer da nume gad dä haub Tag verbracht.

Gäge Mittag simer witergfahre uf Colonia del Sacramento. Dert fahrt nämlech de oh üsi Fähre zrugg uf Argentinie. Mir hei dert icheckt, z Outo abgäh u si ner dür z Autstädtli spaziert. Das isch würklech wunderschön u mega herzig. Mir hei de oh no ufe Sunneuntergang gwartet u ds isch e mega schöne Abschluss gsi vo üsere Uruguay Reis.En savoir plus
Voir la traduction
Voyageur jööööö
15/05/2024RépondreTraduire
9 j’aime
Süd- und Zentralamerika Voyageur
Afficher le voyage
Ajouter à ma liste de choses à faireSupprimer de ma liste de choses à faire
Partager
Jour 32–33
14 mai 2024 - 15 mai 2024
1 nuit
☁️ 15 °C
Altitude: 34 m
Argentine Concepción del Uruguay -32.48141, -58.23310132°28’53” S 58°13’59” W
Zrügg in Argentinie
14–15 mai 2024, Argentine ⋅ ☁️ 15 °C
Gester simer mit dr Fähre vo Colonia del Sacramento wieder uf Buenos Aires übere. Mir hei diesmau es Hostel miz ir Stadt gha u ds Hostel isch würklech 10/10 gsi. Z Buenos Aires acho hei mer afa mau üsi Wösch bracht u ner simer doch no iz Reserva Ecologica (letscht Wuche ischs ja zue gsi). Mir si übere Stund dert spaziert u hei d Natur gnosse. Es het sech auso glohnt, dä Park no z bsueche. Im Hostel heisi am Abe no e gratis Tango Kurs abote u ds hei mer üs nid la entgah. So heimer die erste Schritte Tango glehrt 💃

Hüt morge simer fein ga zmörgele, ga Wösch hole u hei no fertig packt. När simer de üses Outo ga hole, womer iz drü Wuche gmietet hei. Us Buenos Aires usefahre geit lang u brucht nerve. Vierspurigi Outobahne wärde nämlech oh aus sächsspurigi brucht, ispure isch glückssach u inedrücke ohni z blinke völlig normau. Irgendwie heimers gschafft u si gäge Norde ufe gfahre, hei no i kouft u z Mittag gässe unterwegs. E Stund vor üsem erste Ziel hei mer scho zerste mau Bekanntschaft gmacht mit dr argentinische Polizei. Mir hei z Abblendliecht nid igsteut gha u ds wär obligatorisch. Drum hani däm Polizischt huufe Frage dörfe beantworte u ner e Buess übercho vo 37'500 Pesos (öpe 40 CHF). Di dörfe mer iz morn no ga zahle. D Polizischte si aber aui sehr fründlech gsi u mir si in Concepción del Uruguay acho i üsem herzige Airbnb. Morn näme mers einisch chli gmüetlecher.En savoir plus
Voir la traduction
Voyageuri ha allei vor vorstellig vor dere outobahn e chline närvezämebruch 😂 good luck ❤️
15/05/2024RépondreTraduire
VoyageurHa huere Platzangst gha de no mit dene Lastwäge nebedran 😂 guet isch denn Julian gfahre
15/05/2024RépondreTraduire
Voyageurja ds gloubi z erstmal 👀
16/05/2024RépondreTraduire
3 commentaires en plus
8 j’aime
Süd- und Zentralamerika Voyageur
Afficher le voyage
Ajouter à ma liste de choses à faireSupprimer de ma liste de choses à faire
Partager
Jour 34–37
16 mai 2024 - 19 mai 2024
3 nuits
☀️ 17 °C
Altitude: 109 m
Argentine Villa Dolores -27.39728, -55.89717827°23’50” S 55°53’50” W
Kilometer am zrügglah
16–19 mai 2024, Argentine ⋅ ☀️ 17 °C
Ide letschte Tage simer vorauem viel Outo gfahre. So wird eim ersch recht bewusst, wi gross ds Land isch. Trotzdem hei mer viu gseh u erlebt.

Am Donnsti simer in Federación imne Thermalbad gsi. Mir hei dert zwar dr Autersdurchschnitt recht abzoge, aber es het mega guet tah. Die warme Quelle si aui duss. Guet wirds da richtig Norde wieder wärmer. 😊

Am Friti simer rächt es Stück gfahre u hei im ne Park z Mittag gässe gha. Ir Unterkunft simer mega lieb begrüesst worde u di het e mega Freud gha ab üs zwöi Schwizer 😄

Am Samschti simer wieder voller Motivation losgfahre für ne Wanderig zu schöne Wasserfäll z mache. Da het üs aber leider dr Wäg e Strich dür d Rechnig gmacht. Dr Wäg isch nämlech mega matschig gsi u da mir sones töif gleits Outo hei, heimer paar mau chli unde agschlage. Wos de e mega See het gha, heimer de umträit u promt simer bim rückwärtsfahre bliebe stecke im Schlamm. Nach paar mau spuele u stosse u mit viel Teamwork simer de dert doch no usecho. När ischs üs gad chli verleidet uf Dräckstrasse z fahre u üses Outo het leid drigseh. Jänu, de heimer üs es anders Programm gsuecht u si zu so Jesuiteruine gange. Ds isch e Tipp gsi vo mire Gastmuetter. D Jesuite u Guarani hei i dere Region recht e ifluss gha u es isch no idrücklech gsi. Am Abe simer när i üses Airbnb in Posadas.

Am Sunnti simer de chli ga Posadas aluege. Zersch mau zum aute Bahnhof, ner no zu paar so Statue am Flussufer. Vo hie gseht me oh direkt uf Paraguay, ds liegt gad am gegenüberliegende Flussufer. När simer no witer zur aute Bahnlinie u dere simer entlanggloffe. Es het üs gad guet tah, mau nid so viu Outofahre u üs chli z bewege. Im ne Kafi heimer de no üsi Schoggiglüst gstiut u üsi Reis plant. Morn geits ume es Stück witer i Norde.En savoir plus
Voir la traduction
7 j’aime
Süd- und Zentralamerika Voyageur
Afficher le voyage
Ajouter à ma liste de choses à faireSupprimer de ma liste de choses à faire
Partager
Jour 38
lundi 20 mai 2024
☀️ 19 °C
Altitude: 193 m
Argentine Puerto Iguazú -25.600842, -54.57024825°36’3” S 54°34’13” W
E churzwilige länge Reisetag
20 mai 2024, Argentine ⋅ ☀️ 19 °C
Dä morge simer früeh uf. D Nacht isch recht unruhig gsi, da üser Nachbare hei zgfüehl gha, me müess di ganz Nacht dür luti Musig lose u no Karaoke singe. Aber da mir wider es längers Stück fahre, heimer früeh los wöue.
Nach paar Minute simer scho im Stou gstande wiu Polizei d Strass het gsperrt gha. Dür das heimer när e anderi Route müesse näh wo länger isch gange. Aber die isch derfür oh sehr schön gsi landschaftlech. Zudem simer so no am ne Wasserfall verbi gfahre, womer si ga aluege. Nacheme Picknick derte simer witer uf Wanda gfahre. Dert heisi so Mine mit Kristalle din. Ds isch no recht idrücklech gsi, wiu mir ds so im Fels no nie hei gseh. Mir hei dert e Guide gha, dä het üs derdür gfüehrt u Sache verzeut. Da er vermuetlich aber nid dert agsteut isch, het er gloub eifach z nötigste gwüsst u verzeut. Mini Frage het er emu nie richtig beantwortet. Isch aber trotzdem cool gsi, wiu er üs vieli Kristalle het zeigt, womer süsch säuber nid hätte gfunge. Iz simer in Puerto Iguazù u morn geits de zude bekannte Wasserfäll.En savoir plus
Voir la traduction
7 j’aime
Süd- und Zentralamerika Voyageur
Afficher le voyage
Ajouter à ma liste de choses à faireSupprimer de ma liste de choses à faire
Partager
Jour 39
mardi 21 mai 2024
☀️ 28 °C
Altitude: 137 m
Argentine Iguaçu -25.685832, -54.44558225°41’9” S 54°26’44” W
1
Las famosas Cataratas de Iguazù
21 mai 2024, Argentine ⋅ ☀️ 28 °C
Füre hütig Tag heimer prächtigs u warms Wätter bsteut. Mir si i Nationalpark zude Iguazù Wasserfäll. Ds isch eis vode 7 Naturweltwunder. Mir si am Morge am 9ni scho dert gsi, da me dert vieles cha gseh u vieli Wäge cha loufe. Es isch ganz klar e Touristeattraktion u bi sehr froh si mir nid ir Houptsaison hie, süsch häts äuä no viiiiu meh Lüt gha 🙈
Dä Wäg wo mir gern hätte gmacht isch leider zue gsi, aber die andere zwe si gad so schön gsi. Zersch hei mer d Wasserfäll vo obe agluegt u ner no vo witer unde u es het üs beidne mega guet gfaue. Es isch scho sehr faszinierend wie gross die si u wie viu Wasser hie abechunnt.
Näb de Wasserfäll heimer oh huufe Tierli gseh, wie Affe, e chline Alligator, Nasebäre, Schmetterlinge, Eidechse u Tukane.

Am Nami simer de ume zrugg in Puerto Iguazù gsi u Julian isch afa mau i Pool gumpet. När simer no dür z Städtli zum Drüländeregg gloffe. Hie treffe sich nämlech Grenze vo Argentinie, Paraguay und Brasilie. Dert heimer no dr Sunneuntergang agluegt u e feine Fruchtsaft trunke.
Iz heimer packt u si parat, morn ume witerzfahre.En savoir plus
Voir la traduction
Voyageur Wunderschön
23/05/2024RépondreTraduire
7 j’aime
Süd- und Zentralamerika Voyageur
Afficher le voyage
Ajouter à ma liste de choses à faireSupprimer de ma liste de choses à faire
Partager
Jour 40
mercredi 22 mai 2024
☁️ 30 °C
Altitude: 164 m
Argentine Apóstoles -27.91998, -55.75967327°55’12” S 55°45’35” W
E Bitrag für chli meh Realität
22 mai 2024, Argentine ⋅ ☁️ 30 °C
Üse hütig Tag isch nur begrenzt spannend gsi. Dr grösst Teil heimer mit reise verbracht. Drum hie oh mau e Bitrag über di aktuelli Situation in Argentinie.

Scho di letschte zwe Täg, u oh hüt wider, simer regumässig Demonstratione u Strassesperrige begägnet. Ir Provinz Misiones sperre si nämlech aktuell viel befahrni Strasse zum Teil für mehreri Stunde. Genau so hüt morge. Zwöi Stund lang heisi d Strass gsperrt u me het nüm vorwärts chönne u e alternativi Route isch dert oh nid möglich gsi.
Dür die Warterei simer miteme Argentinier iz Gspräch cho u hei ihn de oh gfragt, wiso das sie ds mache. Ds sige aues Lehrer:inne, wo für me Lohn kämpfe. Die läbe mitem aktuelle Lohn schinbar am Existenzminimum. D Türig in Argentinie geit sehr schnell, aber Löhn bliebe glich. Natürlech sis no mehreri Bruefsgruppe, wo jewils ufd Strass gö. Bi üs sis aber Lehrpersone gsi. Si hei zudem d Unterstützig vor Polizei, so Aktione z mache. Drum si aui Demos wo mir gseh hei oh sehr friedlich verloffe. Zudem wirds vo dr Bevölkerig oh recht akzeptiert, es warte aui geduldug im Stou, niemer motzet, me trinkt haut Mate u redt mitenand. Wo dStrassesperrig isch ufghobe worde, hei die Streikende klatschet, so aus Dank, das mir hei gwartet. Für üs isch ds einersits spannend mitzerlebe u anderersits sehr müehsam, da mir so zwöi Stund hei verlore u üsi Plän nid hei chönne umsetze (mir wäre e Mate Plantage ga aluege). So Sache ghöre aber oh derzue u si doch oh wichtig, weme es Land wot lehre kenne u es zeigt oh wieder mau wie guet mirs ir Schwiz hei. 😊

Quelle: dä Herr vom Stou u paar argentinischi ZitigsartikelEn savoir plus
Voir la traduction
Voyageurmerci fürd quelleagab 😂🫶🏻
22/05/2024RépondreTraduire
8 j’aime
Süd- und Zentralamerika Voyageur
Afficher le voyage
Ajouter à ma liste de choses à faireSupprimer de ma liste de choses à faire
Partager
Jour 41–44
23 mai 2024 - 26 mai 2024
3 nuits
☁️ 8 °C
Altitude: 805 m
Argentine Villa Hipódromo -32.900654, -68.86037632°54’2” S 68°51’37” W
Vom subtropische Klima id Bergregion
23–26 mai 2024, Argentine ⋅ ☁️ 8 °C
Die letschte Täg simer vo Puerto Iguazù bis Mendoza gfahre. Mir hei viel Zit im Outo u uf de Strasse verbracht. Es isch spannend gsi, wie sech d Umgäbig u oh d Strasseverhältnis je nach Provinz verändere. Womer vor Provinz San Luis id Provinz Mendoza si gfahre, heimer nid schlecht gstuunet. Dert heimer müesse Kofferruum uftue, hurti säge das mer ke Frücht drbi hei u 2'000 Pesos zahle. När isch üses Outo vo usse desinfiziert worde. Ds heimer rächt witzig gfunde. 😄

Hüt Nami simer de ir Stadt Mendoza acho u hei afa sehr fein zMittag gässe. Hie blibe mer oh drü Nächt, da me hie viu cha mache. Es herbstelet richtig u mir hoffe, das so doch no e Wanderig möglich isch. Das hüt bedeckt isch gsi, heimer no nüt vode Berge gseh, aber es söu no uftue ide nächste Täg. Mendoza isch oh bekannt aus "ds Land vor Sunne und em guete Wy". Das gömer natürlech de no ga usteschte...En savoir plus
Voir la traduction
Voyageurgseht mega toll us 😍
26/05/2024RépondreTraduire
7 j’aime
Süd- und Zentralamerika Voyageur
Afficher le voyage
Ajouter à ma liste de choses à faireSupprimer de ma liste de choses à faire
Partager
Jour 45
lundi 27 mai 2024
☁️ 9 °C
Altitude: 910 m
Argentine Novena Sección -32.887762, -68.88901732°53’16” S 68°53’20” W
Mendoza, du gfausch üs...
27 mai 2024, Argentine ⋅ ☁️ 9 °C
In Mendoza heimer mau chli meh Zit. U wiu mer die letschte Täg so viu di ghocket, simer zersch mau ufe Cerro de la Gloria gloffe, ds isch quasi dr Husberg vo Mendoza. Vo dert het me trotz de paar Schleierwolke de zerste mau d Ande gseh u mir si mega beidruckt. Ufem Gipfel hets es Monument gha u me gseht super ufd Stadt abe.
Nachem Cerro de la Gloria simer ume heizue u dert heimer üsi Nachbarin troffe. Di armi het sich usgsperrt (hie muess me immer mitem Schlüssel usem hus, süsch chunsch nüm ine) u het niene here chönne u het oh kes Handy drbi gha. Mir hei se afa mit i üses Airbnb gnoh zum ufwärme (duss sis herbstlechi 10 grad gsi u si het nume churzi hose u hoodie an gha). Dert heimer chönne ame Schlüssudienst alüte u si het mit üs uf dä gwartet. Bi dere Glägeheit heimer natürlich no chli für Tipps gfragt. Si het üs es Wyguet empfohle, womer de när am Nami no si häre gfahre.
Si isch auso wieder i ihri Wohnig cho u mir si zur Bodega Viamonte gfahre u hei dert afa mau es feins Fleisch- u Chäsplättli gässe. När hets e Füehrig gäh dür z Wyguet u mir hei dörfe Wy degustiere. In Argentinie gits e huufe Malbec. I ha wieder sehr viu über Wy glehrt. Mir si oh es chlises Grüppeli gsi, no mit zwöi Brasilianer:inne. Di si mega herzig u offe gsi. Si hei super Werbig für Brasilie gmacht u i gloub, dert here muesi de öpe oh eis.
Nach dem länge Tag simer ume heizue, hei öpis kochet u si ner früeh ga liege.En savoir plus
Voir la traduction
5 j’aime
Süd- und Zentralamerika Voyageur
Afficher le voyage
Ajouter à ma liste de choses à faireSupprimer de ma liste de choses à faire
Partager
Jour 46
mardi 28 mai 2024
☁️ 14 °C
Altitude: 1 395 m
Argentine Potrerillos -32.955372, -69.19823232°57’19” S 69°11’54” W
Berge, See und Oliveöl
28 mai 2024, Argentine ⋅ ☁️ 14 °C
Wieder e Tag vou mit coole Erlebnis...
Hüt simer richtig Portrerillos gfahre. Dert hets e Stousee u me chunnt oh de Ande langsam nöcher. Mir si immer no ungloublech beidruckt.
Zersch heimer e chlini Wanderig gmacht ufe Cerro Cocodrilo. Ds Wätter isch top gsi u d Bergwelt würklech sehr schön. So viu Biuder wimer hei gmacht, chame hie gar nid ifüege. Mir heis mega gnosse, immer wieder d Ussicht bestuunet u natürlech heimer Freud gha, das mer doch mau no üsi Wanderschueh hei chönne bruche. Womer ume unde bim Outo si gsi, simer no am See entlang gfahre u hei öpe a jedem "Mirador" aghaute. Eim Ort heimer de oh üses zMittag gässe.
Zrugg ir Stadt simer no e Olivenölproduktion ga aluege. Nebst em Wy wachse hie oh huufe Oliveböim. Mir hei beidi ke ahnig gha wi ds funktioniert, drum isches würklech recht cool gsi, me drüber z erfahre. Zudem heimer ner no dörfe Oliveöl probiere u mir si erstuunt gsi, wases da für Unterschiede git.
Dr Rest vom Nami heimer no ime Shoppingcenter verbracht, da Julian sech het wöue Wanderhose zuechetue. Dert hei mer e feini Glace gesse u es Kafi trunke.
Iz simer mega kabutt u zfriede im Bett... Morn geits scho ume witer...En savoir plus
Voir la traduction
6 j’aime

En charger plus