Parker Point

viellicht hend ihr au schumal vu de ageblich glücklichstä tier glesä oder bilder gseh. si heissed quokka und sind gar nöd so glücklich we me meint😉. z bekanntistä selfie isch sicher das mitem roger federer.
si lebed im südä vu westaustraliä und uf rottnest island. grunsätzlich sinds nachtaktiv, aber uf dr inslä hends weg de touristä dr rythmus apasst.
d inslä selber het unglaublich viel stränd zum tauchä, schnorchlä und e einzigartigi landschaft.
zum schnorchlä isches leider chlei z chalt. d stränd sind aber wunderschön, e richtigs paradis. 😍
dr robin het am abed vorher zwar nu z gfühl ka er göch gu bade und nämi z schorchlezüg mit, het sich de aber am morgä umentschiedä🤭🤣 d lüt uf dr inslä hend zwar z gfühl es isch summer. viel laufed mit summerchleider umä und baded sogar. aso soo warm ischs defintiv nöd.🤫
mir umrunded diä ganz inslä mitem velo. es git au e bus, sonä art hop on hop off, aber mitem velo ischs viel schöner. 🚲 chasch überall haltä wod wetsch.
quokkas sind herzig ja, aber si gsehnd nöd so us as würeds immer lache. es isch perspektivä wos usmacht. es isch e mischig zwüsched rattä und känguru, aber nöd ganz so herzig we erwartet. üs blibed eher di wunderschönä stränd i erinnerig.
und au uf dr inslä hemmer wieder gseh we ignorant all diä lüt sind.
d tier sind sehr verfressä und natürli det wo d lüt sind.
es isch überall usgschriebe bitte tier nöd alangä, streichlä, fuätterä oder störä wänns schlafed, ja d lüt chend das natürli nöd. 🙄
ich han de zweimal öppis gseit will erwachasni lüt diä tier gstreichlet oder gstört hend bim schlafä. beides mal bini uf entsetzä gstossä, gegäüber mir. d tafelä isch beidesmal ca. 5 meter entfernt gsi. ihres fehlverhaltä hends natürli nöd igseh. 😉
mit der fähre bruchsch ca. 30 minutä zur inslä.Read more