Sociedad Portuaria de Cartagena

Nach eme voll easy Flug und ere churze Uberfahrt bini denn in Cartagena ahcho wo d Juli gwartet het. Schnell edel go Ässe und denn no en Drink uf em Hauptplatz gha. Det hani mi s erst Mal so gfühlt als würeds eus nit Touri Auge ahluege. Jedi Person het eus welle ih ihrem Lokal ha. Was hilft isch dass mer immer seit: mer het das jetzt grad gmacht. Egal obs dich wännd is Restaurant hole, e Tour ahdreie oder Kokain verkaufe.
Miteme Bus simmer ufd Halbinsle Baru wo meeega schöni Stränd het, mega klars Wasser und ganz viel Restaurant mit ihre Strandabteil und de Liegene. Jetski isch au no ahbotte worde. Was wieder ufgregt het sind die Verkäufer und Masseure wo dich zum Teil eifach usem schlaf gholt hend idems dini Füess händ ahfange massiere. Abem 2. het min Fuess denn usversehe immer chli meh "zuckt" als normal 🙂
Zum so Saline go ahluege hemmer es Mietauto mit töönte Schiibe gno. Mit tönte Schiibe meini alli, au d Frontschiibe, und nit nur die hindere 3. Bi dunkelheit hetmer drum würkli chum us de Schüssle gseh 😂 Ufem Video gsehtmer wommer duregfahre sind s Resultat isch es ganz verkratzts Auto gsi uf beidne Siite. Was es Glück, dass mer für 6.- e Versicherug buecht händ 😂
Paar gueti Lüt kenneglärnt wo ah 2 Äbig mit in Usgang mit 10 lüt us Chile (woni scho kännt han) sind und zum Teil komplett duredrüllt sind 🙂

Uufpasse, es het ganz viel Diebe und Prostituierti uf de Hauptplätz wo Handys und Portemonnaies klaued. Öpper hetmer no verzellt dass er debii gsi isch e kolumbianischi Touristin (also nöd vo Cartagena) abzschleppe und sie ihn denn nach eme ganze Abig und nachdem sie anderi Type abgwiese het, erscht vorem Hotel gfrägt het, mit wie viel Pesos sie rächne chan.. heavy

D stränd usserhalb vo de Stadt Cartagena sind die schönschte, mer brucht aber definitiv e gueti Sunnäcreme.Leia mais