TFBO goes Cambodia

ottobre - novembre 2022

Bangkok & Kambodscha mit der TFBO ✈️
Im Rahme vo üsem Tourismusstudium erkunde mir Kambodscha und nähme öich mit uf üsi Reis. Leggi altro

23impronte
3paesi
24giorni
209fotografie
1video
19,6kchilometri
18,5kchilometri

Segui Calendario Condividi Lista dei desideri

Data ascendente

TFBO goes Cambodia
- Mostra viaggio
- Aggiungi alla lista dei desideriRimuovi dalla lista dei desideri
- Condividi
- 7 nov 2022, 23:32
- ☁️ 25 °C
- Altitudine: 9 m
- Cambogia Kampot Phumĭ Dong Khmei Preaek Tuek Chhu 10.606788, 104.18064910°36’24” N 104°10’50” E
Giorno 11
Schlaglöcher, Iced Coffee & Chips
7 novembre 2022, Cambogia ⋅ ☁️ 25 °C
Hüt heimer üs uf die längi Reis vo Pursat uf Kampot begäh.
Am 08:15 Uhr simer losgfahre und ca. am 16:30 Uhr ändlech i üsem Hotel in Kampot, im Süde vo Kambodscha ahcho.
Näbst dä viele Schlaglöcher und Strasse wo eher Schotterpiste si gsi, heimer ungerwägs no dr Tempel vo Oudong bsuecht. Oudong isch früecher t‘Houptstadt vo Kambodscha gsi.

Bis zum Tempel ufe sis ca. 500 Stägestritte gsi, aber mir si froh gsi dasmer üs chli hei chönne bewege. Verschwitzt aber happy heimer när no die letste 3.5h vo üsere Reis i Agriff gno. Nach 2 Iced Coffees undeme Sack Chips zum Zmittag simer de ändlech in Kampot ahcho. Ändlech wieder Reunion mit dr TFBO. 🥳

Nachemne gmeinsame Znacht (inkl. Pfäffer Glace zum Dessert fürne Teil vor Klass) heimer de no z‘Stedtli uskundschaftet, wägem Wasserfest hets meeega viu Lüt gha und oh hie simer fasch die einzige Touriste gsi. Mir hei üs ä Drink für je 2 Dollar gönnt und üs ufenes klapprigs Rieserad gwagt.

Morn Morge düemer chli ah üsne Projekt schaffe und am Nami machemr ä Usflug uft Pfäffer Plantage, Kampot isch nämlech berüehmt für si Pfäffer.Leggi altro
Guarda la traduzione
7 mi piace
TFBO goes Cambodia
- Mostra viaggio
- Aggiungi alla lista dei desideriRimuovi dalla lista dei desideri
- Condividi
- 8 nov 2022, 22:08
- ☁️ 26 °C
- Altitudine: 15 m
- Cambogia Kampot Phumĭ Dong Khmei Preaek Tuek Chhu 10.60832, 104.18064110°36’30” N 104°10’50” E
Giorno 12
Dert wo dr Pfäffer wachst
8 novembre 2022, Cambogia ⋅ ☁️ 26 °C
Hüt am Morge heimer üs no üsne Projekt gwidmet womer morn (ändlech) abschliesse und hei am Namitag ä Usflug it Umgäbig gmacht. Mir si vomne Minibus abghout worde und hei „La Plantation“ bsuecht - ä Pfäfferplantage. Nachemne feine Zmittag (mit guetem Pfäffer) heimer t‘Plantage besichtigt und ahschliessend verschideni Sorte Pfäffer chönne teste und ichoufe.

Us Abschluss vo däm Tag simer imne indische Restaurant gsi womer viu z viu Ässe bsteut hei dass es für morn ono grad längt.

Morn isch scho dr letst Tag vo üsem Seminar und de geits ändlech richtig it Ferie.Leggi altro
Guarda la traduzione
6 mi piace
TFBO goes Cambodia
- Mostra viaggio
- Aggiungi alla lista dei desideriRimuovi dalla lista dei desideri
- Condividi
- 10 nov 2022, 08:19
- ⛅ 27 °C
- Altitudine: 13 m
- Cambogia Kampot Phumĭ Dong Khmei Preaek Tuek Chhu 10.606813, 104.18075410°36’25” N 104°10’51” E
Giorno 14
Grande Finale & ab auf die Insel
10 novembre 2022, Cambogia ⋅ ⛅ 27 °C
Gester isch dr Abschluss vo üsem Seminar gsi und mir hei dörfe üsi Projekt präsentiere, wo mir ide letste 10 Täg in Kambodscha und scho fasch es Jahr zum Vorus ir Schwiz bearbeitet hei.

Nachem Pflichtteil heimer de no dr Abschluss ufere gmüetleche Dinner Rivercruise gfiiret und si ahschliessend ire Karaokebar glandet.

Ire Stung wärde mir abghout und fahre mitem Bus nach Sihanoukville, wo üs z‘Boot uf die troumhafti Insle Koh Rong Sanloem erwartet. ⛵️

Und de chöi üsi richtige Ferie ändlech ahfah. 🍹Leggi altro
Guarda la traduzione
6 mi piace
TFBO goes Cambodia
- Mostra viaggio
- Aggiungi alla lista dei desideriRimuovi dalla lista dei desideri
- Condividi
- 11 nov 2022, 10:32
- ⛅ 29 °C
- Altitudine: 8 m
- Cambogia Koh Kong Phumĭ Kaôh Rŭng Sâmlœ̆m Khnŏng 10.576225, 103.31123410°34’34” N 103°18’40” E
Giorno 15
Welcome to Paradise
11 novembre 2022, Cambogia ⋅ ⛅ 29 °C
T‘Fahrt nach Sihanouville het sech aus schwieriger usegsteut, aus mir dänkt hei. Scho womer i dä Bus si igstige heimer dänkt es schmöckt chli komisch, aber naiv wimer si heimer üsi Gedanke miteme „mir si hie haut z Kambodscha“ wieder la zieh.

Nach 2h ufere seeeehr holprige u seeehr stoubige Strass (mir si soo verwöhnt ir Schwiz!) het de dr Fahrer mau aghaute und plötzlech afah üses Gepäck umebige. Mir hei de när gmerkt, dass er vore näbem Länker ä Klappe ufduet wo dr Motor drinne isch u hei numeno Rouch gseh. De heimer de oh checkt, dass ds nid guet isch u si sofort usgstige. Nach 2-3 Telefonat und 30 Min. ir pralle Sunne isch de när ä Ersatzbus cho und üsi Fahrt isch witergange.

Z‘Sihanoukville simer de ufnes chics Speedboat umgstige, wo üs (oh sehr holprig..) zu üsem wunderbare Resort „La Passion“ uf Koh Rong Sanloem bracht het.
Hie laht sechs die nächste vier Täg guet lah läbe… 🤩

Mir hei de dr Aabe am Strand und bimne feine Znacht (wo mir oh ewigs gwartet hei, Effizienz isch hie kes Thema) lah usklinge u gönne üs hüt ä gmüetleche Strandtag.Leggi altro
Guarda la traduzione
7 mi piace
TFBO goes Cambodia
- Mostra viaggio
- Aggiungi alla lista dei desideriRimuovi dalla lista dei desideri
- Condividi
- 11 nov 2022, 17:26
- ☁️ 28 °C
- Altitudine: 9 m
- Cambogia Koh Kong Phumĭ Kaôh Rŭng Sâmlœ̆m Khnŏng 10.576251, 103.31120610°34’35” N 103°18’40” E
Giorno 15
Koh Rong Sanloem
11 novembre 2022, Cambogia ⋅ ☁️ 28 °C
Dr hütig Tag heimer gmüetlech am Pool/Strand verbracht, drum gits nid viu z‘verzeue… 😊

Leider isch ou uf dere Trouminsle dr Abfall es grosses Thema u und usserhaub vom Resort isch dr Strand sehr dräckig…

Mir gniesse no dr Aabe und luege, was es idä nächste Täg no z‘erkunde git. ⛵️Leggi altro
Guarda la traduzione
8 mi piace
TFBO goes Cambodia
- Mostra viaggio
- Aggiungi alla lista dei desideriRimuovi dalla lista dei desideri
- Condividi
- 12 nov 2022, 22:53
- ⛅ 27 °C
- Altitudine: 27 m
- Cambogia Koh Kong Phumĭ Kaôh Rŭng Sâmlœ̆m Khnŏng Kos Rong Sam Lem 10.57592, 103.30883810°34’33” N 103°18’32” E
Giorno 16
uf, im und unger Wasser
12 novembre 2022, Cambogia ⋅ ⛅ 27 °C
Hüt ische Teil vo üsere Gruppe gah touche und t‘Nid-Touchgänger si mit ga schnorchle. Wie richtigi Schwizer simer punkt 08:59 Uhr (Träffpunkt isch am 09:00 Uhr gsi) vor dr Touchbasis gstange.

Nach paarne Infos und Instruktione simer de ufnes Schiff und ah 2 verschideni Touch-/Schnorchelspots gange. Mir hei viu schöni Fische, no 2-3 lebändigi Koralle (die meiste si leider läblos), Seeigle und Oktopusse gseh.

Dr asträngend Tag heimer am Pool la usklinge und de am Aabe gmüetlech im Hotel Znacht gässe und bim strömende Räge nochli Chartespieli gspiut.

Morn gömer no ä angere Strand gah uskundschafte und übermorn geits witer uf die nächsti Insle. 🐬Leggi altro
Guarda la traduzione
7 mi piace
TFBO goes Cambodia
- Mostra viaggio
- Aggiungi alla lista dei desideriRimuovi dalla lista dei desideri
- Condividi
- 13 nov 2022, 23:14
- 🌧 26 °C
- Altitudine: 27 m
- Cambogia Koh Kong Phumĭ Kaôh Rŭng Sâmlœ̆m Khnŏng Kos Rong Sam Lem 10.575882, 103.30890610°34’33” N 103°18’32” E
Giorno 17
Lazy Sunday @ Lazy Beach
13 novembre 2022, Cambogia ⋅ 🌧 26 °C
Dr hütig Tag het mit üsere Lieblingsbeschäftigung gstartet: am Pool liege und läse und ab und zue chli gah bädele. Am Namitag heimer de gfunge mir müesse nochli öpis nöis gseh u si 20 Min. uf die angeri Site vor Insle ah Lazy Beach gloffe.

Dä Strand isch ganz angers aus uf dr Site vo üsem Resort: gäubbrune Strand, glasklars Wasser und fasch mönscheläär. Nachemne feine Zmittag heimer dä schön Strand chli gnosse und si bis zum Sunneungergang dert blibe. Übrigens heimer glehrt, dass Plankton im Wasser uf dr Hut brönnt. 😅

Dr Aabe heimer wieder bim Spieli spiele lah usklinge und si gspannt, was üs morn uf Koh Rong erwartet.Leggi altro
Guarda la traduzione
7 mi piace
TFBO goes Cambodia
- Mostra viaggio
- Aggiungi alla lista dei desideriRimuovi dalla lista dei desideri
- Condividi
- 14 nov 2022, 22:13
- 🌧 27 °C
- Altitudine: Livello del mare
- Cambogia Koh Kong Kaôh Rŭng 10.671887, 103.27879510°40’19” N 103°16’44” E
Giorno 18
Koh Rong
14 novembre 2022, Cambogia ⋅ 🌧 27 °C
Hüt Morge heimer in Koh Rong Sanloem uscheckt und die letste Stunde ah üsem luxuriöse Pool gnosse. T‘Fotoshooting uf dr Strandschoukle und es letsts Klassefoto het natürlech oh nid dörfe fähle.

Nachem Mittag heimer üs de mitemne seeehr langsame Boot ufe Wäg uft Nachbarsinsle Koh Rong gmacht. Üsi Ungerkunft, t’Treehouse Bungalows hei ä eigete Pier wo üs dr Captain nach es paarne Kommunikationsschwierigkeite de grad direkt het häre gfahre. Nachdäm mir i üsi Bungalows mit Meerblick und Meeresrusche icheckt hei und is Restaurant ghöcklet si ischs de verbi gsi mitem sunnige Wätter und äs het ä Troperäge gäh.

Mir hei üs när ä gmüetleche Nami/Aabe bimne Powerpoint-Karaoke gmacht, im Treehouse Restaurant Znacht gässe und si früeh is Bett, dasmer morn parat si zum d’Insle z‘erkunde.Leggi altro
Guarda la traduzione
5 mi piace
TFBO goes Cambodia
- Mostra viaggio
- Aggiungi alla lista dei desideriRimuovi dalla lista dei desideri
- Condividi
- 15 nov 2022, 21:19
- 🌧 27 °C
- Altitudine: Livello del mare
- Cambogia Koh Kong Kaôh Rŭng 10.671872, 103.27877810°40’19” N 103°16’44” E
2
Giorno 19
TFBO +1
15 novembre 2022, Cambogia ⋅ 🌧 27 °C
Hüt heimers (wieder mau) gmüetlech lah ahgah und hei nachem Zmorge dr Nachbarsstrand uskundschaftet. Dert isch üs per Zuefau dr Nicola us Züri übere Wäg gloffe, wo uf dr Suechi nachemne Hostel isch gsi. Da är niene meh äs freis Zimmer het gfunge, heimerne de churzerhand i üsere Gruppe und somit i üsem Bungalow ufgno.

Am Aabe simer de no zum Koh Toch Beach gloffe u hei dert chli glädelet und Znacht gässe, ds isch dr bekanntist und dür das oh dr am meiste touristisch Ort uf dr Insle.

Ize simer auso füre Momänt z‘8. ungerwägs und wage üs morn ufene Insle Tour mitem Roller. 🛵Leggi altro
Guarda la traduzione
Viaggiatore uuuuu Kelly pass de uf mitem Roller🤣🤣
15/11/22Risposta
Viaggiatore weni Glück ha de fahrt öper angers.. 😂😂
15/11/22Risposta
Viaggiatore D‘ Grittle maches vor mit em Roller 🛵 heit Sorg!
16/11/22Risposta
Viaggiatore machemr, geit guet bis ize 😄
16/11/22Risposta
2 altri commenti
7 mi piace
TFBO goes Cambodia
- Mostra viaggio
- Aggiungi alla lista dei desideriRimuovi dalla lista dei desideri
- Condividi
- 17 nov 2022, 09:07
- ⛅ 28 °C
- Altitudine: Livello del mare
- Cambogia Koh Kong Kaôh Rŭng 10.671362, 103.27860510°40’17” N 103°16’43” E
Giorno 21
Tour de Koh Rong 🛵
17 novembre 2022, Cambogia ⋅ ⛅ 28 °C
Gester heimer ä ufregende Inseltag gha. Mir hei 4 Roller gmietet und hei aui zäme (inkl. üsem Ahang dr Nicola) t‘Insle erkundet.

Roller fahre isch fürne Teil vor Gruppe no Neuland gsi, drum isch z‘übere Strand fahre scho mau die ersti Challenge vom Tag gsi. T‘Strapaze hei sech aber glohnt, es hei sech nachem „Dörfli“ nämlech tatsächlech aständigi Strasse und atemberoubendi Ussichte und wunderschöni Stränd eröffnet.

So simer aus ersts bim Long Beach glandet und hei glasklars Wasser und schneewisse Sand gnosse. Üsi Reis het üs witer gfüehrt zum Golden Beach Resort, wo mir guet Zmittag hei gässe. Dert hättemr eigentlech no ä Wasserfall wöue sueche, aber mir hei üs de glich nid derfür gha ide Flipflops oder sogar barfuess es haubs Dschungeltrekking z‘mache.

Ufem Rückwäg heimer nomau amne schöne Strand ä Stopp gmacht und si de wieder „hei“ zue gfahre, bevors dunkel isch worde.

Hüt steit scho üse letst Tag uf dr Insle ah, bevors morn it Houptstadt Phnom Penh und übermorn scho wieder heizue geit. 🇨🇭Leggi altro
Guarda la traduzione
Viaggiatore Cool super schön 🥰
16/11/22Risposta
Viaggiatore ja sehr schön gsi 🥰 hüt rägnets leider ☔️
17/11/22Risposta
6 mi piace