Aramayı sıfırla
Vietnam
  • Wildflower

Vietnam

Wildflower tarafından 43 günlük bir macera Okumaya devam et
Takip EtGenel BakışTakvimPaylaşPaylaşYapılacaklar listesi
En yenisi başta
  • Gezinin başlangıcı
    30 Ekim 2023
    WildflowerVietnamGezgin

    Ade Merci

    30 Ekim 2023, İsviçre ⋅ ⛅ 5 °C

    Nachdämi vo Thun uf Bärn bi chauffiert worde (Merci Marco❤️) geiz mit Kafi u Gipfeli bewaffnet u öppe 10kg Gepäck ufem Rügge 05:13 mitem Zug ab Bärn richtig Züri..scho veiechli nervös🫣✈️

    Çeviriyi gör
  • WildflowerVietnamGezgin

    Käfele mitder Laura

    30 Ekim 2023, Katar ⋅ 🌙 30 °C

    Nachemne sehr ruhige Flug bini z Doha glandet. Wies der Zuefau so wot isch d Laura im gliche Flüger ghocket. Si isch e Kollegin vom Marco und het für Simmentaler Bier gschaffet. Mit Ihre trinkeni no es Kafi in Katar u machemi när ufe Wäg zum nächste Gate für witter uf Ho Chi Minh.Okumaya devam et

    Çeviriyi gör
  • WildflowerVietnamGezgin
    I ha 2 Bustickets müesse zahle wöui z viu Gepäck ha gha
    Book StreetGrabZnachtSaigon RiverCafe Bờ Kè2 Strasse witter vo mim Hostel (es isch glich sehr ruhig muesi segge)

    Knüttlet düre

    31 Ekim 2023, Vietnam ⋅ ☁️ 26 °C

    Hüt am Morge umdie 7:30 (1:30 ir schwiz) bini in Ho Chi Minh City glandet. Obwou der Flug sehr ruhig isch gsi und ig chli ha chönne schlafe bini komplett ufde Fäuge gsi. D Hitz (33°C) het der Start nid gad eifacher gmacht.
    Nachemne Kafi bini vom Flughafe mit öV id Stadt, was chli es Abentür isch gsi wöu Hautesteue me Hautevorschleg si u der Chauffeur nid ahautet wede wosch usstige sondern nume abebrämset u d Türe uftuet u när muesch haut luege wiede usechunsch. Aber es het ömu klappet u für 5000 Dong (18 Rappe) pro Fahrt chame o nid motze.
    Ir Stadt hanimir när e Parkbank gsuecht u bi afamau chli häregläge u ha i mim Reisefüerer umebletteret. Wosmir z heiss isch worde bini ir Book Street ines Kafi ghocket woni der Van ha troffe. Är isch e 22 järige Vietnames wo z Australie het studiert. Churzerhand heter beschlosse mir d Stadt us sire Sicht z zeige drum heimirnis am Abe verabredet für am Saigon River öppis ga z trinke. Vorhär bini no i mis Hostel chli ga Schlaf nachehole.
    Miteme Grab (Vespataxi) bini när zu däm "Cafe" wo mee e Houztisch mit es paar Getränk u Plastigchinderstüeli zum härehocke isch gsi u ha dert öppis fritierts gesse u öppis süesses trunke. I weis nid genau wases isch gsi aber der Van het mir das empfole u da ig wit u breit die einzigi Touristin bi gsi u är der einzig wo Englisch het chönne ischmir o nid viu anders übrigblibe aus ihm z gloube. Es isch ganz okey gsi u öbs mi Mage o okey findet fingeni de öppe morn use.
    Izze bini (immerno oder wider knüttlet) im Hostel u bi gspannt uf morn. Der Van wotmir nome vo Ho Chi Minh zeige u i fröiemi hani e private Local Guide...    Okumaya devam et

    Çeviriyi gör
  • WildflowerVietnamGezgin
    2Zmorge
    Ho Chi Minh, ehem. Politiker: nach ihm isch d Stadt nachder Widervereinigung 1976 benennt wordeKatedrale Notre-Dame von SaigonWiedervereinigungspalast1Das isch der VanIdrücklechi Galerie im Chriegsmuseeum4Fouge vo Agent Orange3Traditionells Znacht namens Cơm tấmEini vo viune Rooftopbars vor Stadt (seeeehr touristisch)

    Viu Huen u Emotione

    1 Kasım 2023, Vietnam ⋅ ☁️ 33 °C

    Hüt am Morge am 10ni hanimi mitem Van troffe für bimene Zitat "Nice breskfastplace" ga z zmörgele. Zum Zmorge hez när e Nudusuppe mit auem u weni säge auem meine würklich AUEM wo z Huen härgit geh (Z brune würfuförmige isch Hüenerbluet). Aber i bi ja schliesslich nid hie fürnes Zmorgebuffet mit Rösti u Späck...ah und der Kafi trinkesi grundsätzlich immer mit Kondänzmiuch izz weisi o wiso dä ging so süess isch obwoui jedesmau explizit ohni Zucker bsteue.
    Nachem Zmorge simir dürd Stadt gschländeret u under anderem bim historische Postgebeude verbi cho, bir Kathedrale Notre-Dame von Saigon (die wird gad renoviert) u bim Widervereinigungspalast. Der Van het am 2 abgmacht u nachdäm mir e wahnsinnig süesse "Tee" hei trunke heisich üsi Wäge trennt.
    I bi witter izz Kriegsopfermuseeum. Das isch herti Chost gsi. I ha e Audioguide gno u bi fasch 3h im Museeum gsi. Das geit über 3 Stockwärch mit verschidene Rüm wo jewils öppis Anders thematisiert wird. Zum Bispiu Chriegsverbräche oder Agent Orange. Das isch es chemisches Mittu wo d USA im Chrieg het igsetzt. D Gwässer si zum Teil bis hüt versücht u Ching chöme ono 4 Generatione speter mit Fäubiudige ufd Wäut. Vorauem d Biuder si ungloublech idrücklich. Nachem Museeum bini chli erschlage zrügg izz Hostel u vo dert us när ga Znacht esse. Bim Znacht hani e Gruppe dütschi troffe. Mit dene bini no chli witerzoge u mir hei e lustige Abe gha. Ide touristische Partystrasse louft hie immer sehr viu egau was fürne Wuchetag das isch.    Okumaya devam et

    Çeviriyi gör
  • WildflowerVietnamGezgin
    Kafi😍
    E riiiise Stadtam blöd tueimmerno am blöd tue2Ben Thanh MarketBen Thanh Market2Räge..u wes rägnet de rägnets richtigZnacht

    Vo auem chli me

    2 Kasım 2023, Vietnam ⋅ ☁️ 32 °C

    Hüt morge hani mit zwöi vode Dütsche vo Gester abgmacht für ufe Bitexco Financial Tower. Zersch simir es Kafi ga hole u i ha tatsächlich z erste richtige Cappucchino mit ganz gwönlicher Miuch chönne trinke. Das hani seeehr gnosse! När simir mitem Lift i 35 Sekunde bis i 43. Stock ufe. D Ussicht isch genjau u mir isch ersch richtig bewusst worde wie riiisig die Stadt isch (Ho Chi Minh City het fasch 10 Mio. Iwohner!). O wes zimmlich übertüret isch gsi (300'000 Dong = guet 11 CHF) isches idrücklich gsi die Stadt vo obe z gsee.
    Mir si när no dürd Stadt zum Ben Thanh Market glüffe. Dä söu wahnsinnig idrücklich si u sehr lut u wuselig..mir si nid so beidruckt gsi es isch zwar wahnsinnig viu i die haue inepackt aber es verchoufe fasch aui z gliche u es isch ungloublich tüppig i dere Haue. Der Gruch het z Schnufe o nid gad eifacher gmacht. Drum simir relativ zügig wider use. Der Johannes u der Hermann si när mitem Bus witer richtig Norde u i has gad no vorem Gwitter zrügg iz Hostel gschafft. Der Namitag hani mit informiere u witerplane im Hostel verbracht. Izze sitzi no im Restaurant woni ha znacht gesse u ga de scho gli mau ga lige...    Okumaya devam et

    Çeviriyi gör
  • WildflowerVietnamGezgin
    Irgend öppis mit "Thun" giz hie..isch ömu überau agschribe i ha aber nonid usegfunde, wases isch
    Kunst mit EierschaleTunnelsystemEs isch würcklich sehr äng gsi u die si no äxtra grösser gmacht worde fürd Touriswüüürklich ängFalle wo früecher fürd Jagt si brucht worde hetme im Chrieg uf Mönschegrössi usboueDie Wurzle schmökt chli wie Härdöpfu das heisi jede Tag gesse wärendem ChriegBusbahnhofSo bini 2,5h greisstWelcomecocktail im AirBnB

    Chli Platzangst

    3 Kasım 2023, Vietnam ⋅ ⛅ 33 °C

    Hüt am Morge früeh bini mitemene Grab und mim ganze Gepäck zum Pickuppoint für ufne gfüerti Tour zude Cu Chi Tunnels gfahre. Z Militär vo Südviednam het die Tunellsystem wärendem Viednamchrieg boue u dank de usklüeglete System mit Belüftig, Rouchusgang, Underwasserigäng usw. im Chrieg gägä d Amerikaner überläbt. Bevor mir dert si gsi heimir no e Bsuech bire Wärckstadt für, dür Agent Orange Beiträchtigti Mönsche, gmacht. Si mache wunderschöni Kunst us Änteeierschale. När simir mitem Bus witer zude Tunnle. Das ganze isch inzwüsche sehr touristisch. Trozdäm isches sehr beidruckend gsi z gsee wie die Lüt denn hei gläbt oder houptsächlich überläbt. Viu hei übernes Jahrzänt i dene Tunnle gläbt u si nume ir Nacht usecho. Drum si wahnsinnig viu Mönsche erblindet wosi, wo der Chrieg 1975 isch verbi gsi, si usde Tunnle cho. Üse Guide het säuber 12 Jahr im Chrieg dienet u ide Tunnels gläbt.
    Nach dere Tour hetmi der Chauffeur ir Nöchi vom Busbahnhof vo Ho Chi Minh Usegla dert bini när ufd Suechi nach mim Bus für uf Tay Ninh. Bi däm Bahnhof bini widermau wit u breit die einzigi Touristin gsi u niemer het Änglisch chönne aber irgendwie mit Händ u Füess u Googletranslate hani ömu dä Bus gfunde u sogar no eine früecher chönne neh aus denkt. Am 5i bini de in Tay Ninh acho, ha mis luxuriöse Apartmend bezoge u mi vo mim Host la berate für mi morgig Usflug und ono gad füre Räst vo mire Reis. Der Thien isch ömu sehr gsprächig u het no es Bier trunke mitmir. Izz gani früeh ga lige wöui Morn füreh use wot.    Okumaya devam et

    Çeviriyi gör
  • WildflowerVietnamGezgin
    Zmorge
    Nach ca. 20min hani no einigermasse früsch usgsee2Uf haubem Wägdüre Urwald2D Lotusblüete isch d Nationalblueme vo VietnamUfem Bärg2Är hetmir der Wäg zeigtDer Tempel ir Mitti vom BärgDer berüemt Tämpel Cao Daija si si nid nume es bitzeli grisse...

    996m

    4 Kasım 2023, Vietnam ⋅ ⛅ 30 °C

    Hüt am Morge am 6i hetmir mi Host es supper Zmorge gmacht und i ha äntlich es richtig feins Kafi übercho ohni Zucker und Kondenzmilch. Nachem Zmorge bini mitem Roller vo ihm zumene Parkplatz gfahre wonermir het empfole. Vo da us chame i 2-3h ufe Núi Bà Đen. Der "Bärg" isch 996 m höch und es würdi e Gondle ufe ga. Mi Host hetmir aber empfole ufe z Wandere. Schnäu hani gmerkt dases e grösseri Heruseforderig wird aus denkt. Es isch ungloublich steil z Loch uf gange u das ganze bi ca. 30 °C und extrem höcher Luftfüechtigkeit. Derzue isch cho dases ir Nacht vorhär het gschiffet und der leemig Bode zum Teil sehr rütschig isch gsi. Nach 2,5h bini so nass dobe acho dasi mini Hose u mis Top ha chönne usdrücke.
    Dobe gseetme sehr witi Flächine und ufz Dau Tieng Reservoir. Es het viu Bsuecher*Inne aber eigentlich usschliesslich Iheimischi. Nachdämi viu Wasser trunke ha u dür aues mau chli derdür glüffe bi hani der Wäg für zum, witer unde vom Bärg glägene Tempel Điện Bà Linh Sơn Thánh Mẫu gmacht. Gschlagni 2h hani gsuecht, X Mönsche um Hiuf bätte u aui heimir entweder gseit i söu es Ticket fürd Gondle choufe (CHF 24!!!) oder der Wäg sigi z gfährlich oder si wüsse nid woner isch. Wöumir aber mi Host dä Wäg het empfole und ig ja ou bi ufe cho z Fuess bini überzügt gsi dasi o wider abe chume u usserdäm bini z stur gsi soviu Gäut (für Vietnamesischi Verhäutniss) uszgeh für mitder Gondle abe z fahre.
    Woni eigentlich scho ha ufgeh heimi die einzige offesichtliche Touris uf däm Hoger agsproche und iri Begleiterin hetmi de zumene Iheimische bracht womir ÄNTLICH der Wäg het chönne zeige. Underwägs heter 2 jungi Vietnamese agsproche si söuemi abebegleite. Das heisi de o gmacht eine isch vorab u der ander hingernache. Und i mues säge i bi verchlüpft. Der Wäg isch me zum Chlättere aus zum Wandere gsi. Es isch zumteil sänkrächt z Loch ab gange u het nume es Seili gha womesich drane het chönne häbe und aus wäri nid scho gnue ar Gränze gsi si uf haubem Wäg no mini Hose grisse. Glücklicherwis hani no es Tuech derbi gha wonimir ha chönne umbinde u so bini när witer "gwanderet". I weis nid wie lang dases isch gange bismir dunger si gsi es ischmir ungloublich läng vorcho aber mir heis gschafft. I bi sehr dankbar gsi heimi die 2 Männer mitgno und simir aui heil dunger acho. Ohni si hätti der Wäg zimmlich sicher nid gfunde.
    I bi när no dä berüemt gross Tämpu ga aluege mitem Roller, dert bini zum zwöitemau a däm Tag gfragt worde öbi öpper es Fötteli mit mir dörfi mache...wede aus Tourist e Attraktion für die Iheimische bisch, hesch äuä die klassische touristische Pfade würcklich verlah. I ha bim Tämpu schnäu gmerkt dasi garnümme ma u bi när diräkt i mis AirBnB zrügg.
    Z Rollerfahre isch o nid nume lustig gsi. Der Vercher isch zwar dütlich ruhiger aus in Ho Chi Minh City aber glich sehr unberächebar.
    I bi ohni ei Chratzer zrügg i mim Bett glandet u gloub no säute so froh gsi drum.    Okumaya devam et

    Çeviriyi gör
  • WildflowerVietnamGezgin
    2Busfahrt im Ligebus
    Das hani ono mit ufe Wäg übercho vo Tay Ninh uf Ben TreFääri2Är hetmi empfange u zu mim Homestay bracht2ZnachtZ Dessert wird us dere Pflanze gmacht. Es wird mit Wasser zemegmischt u när entsteit dä Gelee.Mit chli Zucker schmökz när wie es wässrigs Gelee mit Bletter gschmak u Zucker. Wases ja o isch.Bim Riiswii heimir üs ufne Gschmak zwüsche Vodka und Tequila geiniget

    Grüens Gelee u Riiswii

    5 Kasım 2023, Vietnam ⋅ ☀️ 31 °C

    Gester hanimi scho churz gfragt wasi hie eigentlich mache und wiso dasi nid eifach wine "normale Mönsch" i irgend welchi touristische Regione ga ga Badeferie mache und hüt hani usegfunde wiso...
    I bi am Morge früeh ufe Bus für Richtig Ben Tre, vo dert us hetmi e Vespafahrer zur Färi bracht für uf eini vo viune chline Insle im Mekongdelta. Mi Host vom AirBnB vo letst Nacht hetmir aues organisiert. Z Homestay woni izz übernachte, d Busfahrt, är het am Fahrer gseit wonermi söu usela und dasermir när es Vespataxi söu organisiere, däm heisi gseit wonermi söu häre bringe und i ha eifach nume chönne merci säge u bi i däm chline Paradies glandet. Ca. am 13:00 bini hie acho. Am Nami hani no es Velotüürli über die zwöi wunderschöne unberüerte Insle gmacht. Abgsee vo mir umene französische Päärli hez gloub keni Touriste u d Strässli gsee us aus würdsch dürne Luxusresort fahre wo äxtra die schönste Pflanze si pflanzt worde am Strasserand. Näbe viu Urwaud bini no a Fischfarme verbi gfahre und ha ganz viu überfründlichi Lüt troffe. Nachem Velotürli bini id Hängematte gläge u ha gläse..
    A dere Steu möchti öich gärn e Buechtip mitgä: "Als ich unsichtbar war" vom Martin Pistorius. Är isch 11 Jahr für hirntot ghaute worde wöuer si Körper nid het chönne kontroliere. Was aber niemer het gwüsst, isch daser Geistig zu 100% da isch gsi und aues wo um ihn ume isch passiert het mitübercho. Die wahri Gschicht beidrucktmi sehr!
    Am Abe hani när mit däm Päärli es traditionells vietnamesisches znacht gesse u si nogad vo Iheimische zu Dessert u Riswii iglade worde. Mir hei e sehr lustige Abe gha und i ha dä gmüetlich Tag sehr gnosse.    Okumaya devam et

    Çeviriyi gör
  • WildflowerVietnamGezgin
    2Keora Frucht..hert u uuungloublich suurÜse chlinst Gastgeber isch o wider mit derbi gsiD Böse wärde übrigens nid nume füre Personetransport brucht mir hei no Päckli, Fueter usw, derbi gha3Znacht

    Basa Fisch & Keroa Frücht

    6 Kasım 2023, Vietnam

    Hüt am Morge 7:30 hez Zmorge gä für dasmir am 8:00 si ready gsi für ufnes Bootstürli im Mekongdelta. Mir si öppe e Stund underwägs gsi. Leider het der Guide kei Englisch chönne u drum heter üs chum öppis überz Delta chönne verzeue. Mit Händ u Füess u chli Googleübersetzer heter üs aber chönne säge dases Pangasius bocourti Fisch (Basa uf vietnamesisch) isch wo dert ide grosse Fischfarme züchtet wird und das die giftgrüeni Frucht wiene Zitrone igsetzt wird füre Fisch zuezbereite. Nachemene vorsichtige Bissli heimir de o gwüsst wiso. Es isch so suur gsi dasesnis aui Löcher het zuezoge u är het nume glachet.
    Nachder Tour u chli läse am Morge bini am Mittag in Ben Tre wider ufe Bus für uf Can Tho. Dert hani no es Wahnsinnig guets Znacht übercho bim erst besste Restaurant woni bi drahäre glüffe. I ha zwar nid das übercho woni ha dermit grächnet aber i has im Hostel mine Mitbewohner gad witerempfole. Zude ganze Zuetate hez Riisbletter u Fischsauce gä. Die Riisbletter hetme gfüut, ufgrout u när ir Fischsauce tünklet.    Okumaya devam et

    Çeviriyi gör
  • WildflowerVietnamGezgin
    2Si hetnis Zmorge gmacht
    Da gseetme d Ouge guetFrüchtedegustationDas isch d JinDas isch e Monkeybrügg..isch gloub säubsterklärendSo simir dürz Delta tukerletIr Nudelfabrik heimir üses Gschik o säuber dörfe under Bewis steue1So tröchne die Fläde3U das wird am Schluss drus. D Farbe mache übrigens usschliesslich e optische Underschid.2Är het ir Riisnudufabrik gschaffetdas isch d Pagode vode Khmer (buddhistisch)

    Jin for the Win

    7 Kasım 2023, Vietnam ⋅ ⛅ 28 °C

    Hüt isches früeh losgange..am 4:50 heimir (ig u zwöi Französinne) müesse bim Träffpunkt si füre Cai Rang, der grösst schwümmend Markt vo Vietnam ga azluege. Z 5. simir när ufemne chline Böötli dürz Delta tuketlet u nach ca. 30min dert acho. Dä Markt isch quasi d Prodega vor Stadt. D Verchöifer u Restaurantbetriber fahre säuber mit Boot use u gö ga Waar choufe für ire Betrib. D Verchöifer vom Markt hei immer e länge Bambusstäke ufgsteut ufem Boot u z oberst hänkesi das dra wosi verchoufe. So chame im Gwusel vode vile Boot chli der Überblick bhaute.
    Mir hei ufem Markt zmörgelet u si när witter ine Früchtegarte.
    Dert wird vor Banane über Jackfrücht bis zu Ananas und Konosnus aues apflanzt. Mir hei es paar dörfe probiere und i ha würcklich nonie sone süessi Mango gässe wie dert. Der Garte isch wunder schön gsi u seehr ruhig.
    Nachem Garte simir witer ine Showproduktion für Riisnudle dert heimir Schritt für Schritt gsee wie usder Riisblüete e Teig gmacht wird, us däm wärde, wie mir Crepes mache, grossi Fläde gmacht. Die Fläde wärde tröchnet u speter zu Nüdeli gschnitte.
    Mitem Böötli isches när wider zrügg id Stadt gange. Dert heimir no e chinesischi Pagode und eini vode Khmer (Kambodscha) gsee. D Jin üse Guide hetnis ufder ganze Tour sehr viu chönne verzeue. Zum Bispiu übere chinesisch Gloube wo seit das ihres Geburtsjahr (1998 Tiger) für Froue es schlächts isch usi drum scho Jobabsage het übercho oder das d Vietnamese Ouge uf iri Boot male wöusi gloube, dass die de Krokodil ide Flüss Angst mache, usi so sicher si im Boot.
    Nach däm spannende Usflug simir nomau zrügg izz Hostel ga härelige u när bini mitder Jin ga Zmittag esse. Z Gliche wini Gester ha gesse (bun dau mam tom = Reisnudeln, Tofu, Shrimppaste) das isch ihres Lieblingsesse. Si hetmir erklärt dasi Gester d Touri-Version mit Fishsauce ha gesse. Traditionell isstmes mit Shrimppaste auso hanis eso probiert u i mues sege i verstah guet dases nid Jedermannssache isch. Die het uuuungloublich gfischelet..
    Nachdäm z Gwitter isch dürezoge hezimir när no iri Lieblingsmasseurin vorgsteut. Dert hani e 2-stündigi Massage fürne knappe Füfliber gnosse. Bevori mitem Bus i die nächsti Stadt bi gfahre u wöui äuä chli verlore a däm Busbahnhof usserhaub vo Rach Gia bi gstande hetmi der eint Buschauffeur mitgno, id Stadt bracht umir no gad ghoufe es Ticket fürd Fähri für Morn z choufe, wassich glohnt het, so isches tou günstiger cho aus wenis im Internet hätti kouft.
    Nach däm länge Tag bini ca. am 11i zimmlich knüttlet i mim Hostel izz Bett plumpset.    Okumaya devam et

    Çeviriyi gör
  • WildflowerVietnamGezgin
    Fischerboot bir Akunft
    Zmittag2Woni bi usem Meer cho isch e Schwarm Fischli umi ume gschwumme u immer wider usem Wasser gsprunge

    E Suppe

    8 Kasım 2023, Vietnam ⋅ 🌩️ 30 °C

    Hüt Morge am 10ni hani müesse am Hafe si für ufd Fähri. Mit dere bini när guet 2h vo Rach Gia ufd Insle Phu Quoc gfahre. Ir Fähri hocketme leider so dasme garnid usegseet drum ischs e zimmlich längwiligi Fahrt gsi. Ume Mittag ume bini dert acho u ha afamau öppiz Zmittag gesse u ca. 500 Taxifahrer abgwimmlet. Nachem Zmittag hanimi mitere Vespa zu üsem Resort la bringe. Hie bini izz für 4 Nächt mitde 3 Dütsche woni in Ho Chi Minh scho ha troffe. Z Meer isch blütterwarm aber süsch isches es wunderschöns Plätzli hie. I fröiemi ufnes par entspanti Täg.Okumaya devam et

  • WildflowerVietnamGezgin
    2Des sin der Philipp, der Hermann und der Johannes ausm Allgäu

    "Wasserfäu"

    9 Kasım 2023, Vietnam ⋅ ☁️ 30 °C

    Hüt heimirnis zwöi Roller gmietet u si mit dene zumene agäbliche Wasserfau gfahre. Auso eigentlich hättes zwöi söue si aber der Erst heimir garnid gfunde. Der Zwöit när so haub..auso dert hez ömu e Bach gha u immer mau wider so Wasserfau ähnlichi Steue. Es het aber o nid sone Roue gspiug wöu d Erfrüschig het genauglich guet ga. Am Nami simir no mitde Kajak vom Resort chli usepadlet. Ansonsten heimirs gmüetlich gno hüt u hei am Abe no fein gesse.Okumaya devam et

    Çeviriyi gör
  • WildflowerVietnamGezgin
    Phu Quoc Prison
    Dür söttigi Tunnle heis es par wenigi gschafft z flüchte2Mir heis mängisch probiert...2...u die einte hei me Geduld gha u due andere wenigerZnacht hez de glich no öppis geh

    Sunset Squid Fishing

    10 Kasım 2023, Vietnam ⋅ ☁️ 29 °C

    Hüt simir mit üsne gmietete Roller i Süde vor Insle gfahre. Dert heimirnis z Gfängnissmuseeum agluegt. Das gfängniss isch scho vode Franzose brucht worde u när immer wider vo anderne Mächt im Chrieg. Es isch sehr idrücklich gsi z gsee was für schrecklichi Umständ da hei gherrscht u wie die Gfangene si behandlet u gfolteret worde.
    Nachem Gfängniss heimir chli öppis lockers brucht u si a Strand e Kokosnuss ga schlürfe u hei chli d Seele la bambele.
    Am Abe heimir Sunset Squid Fishing buechet gha. Der Sunset isch schön gsi dä mitem Fische isch weniger erfolgrich gsi aber es isch intresannt gsi z gsee wie das die iheimische Fischer das mache. Ufem Boot hättis das Znacht gä womir hätte söue fische..da die zwöi Tintefischli wo si usezogd worde leider nid für die ganzi Gruppe hei glängt, hez haut de Nudle geh. Die so o sehr guet gsi.
    Nachder Fishingtour simid no öppis ga trinke u när i strömendem Räge zrügg i üses Resort gfahre.    Okumaya devam et

    Çeviriyi gör
  • WildflowerVietnamGezgin
    2mit däm Böötli simir vo Land zum Touchboot zoge wordeÄr hettnis im Resort immer wider fröidig begrüesst u Gseuschaft gleistet

    Töifgang

    11 Kasım 2023, Vietnam ⋅ ☁️ 30 °C

    Hüt simir am Morge früeh abghout worde für ga z touche. Uf das hanimi sehr gfröit! Mir si mitem Boot öppe 1,5h use gfahre bis zur Turtleisland. Leider heisstsi so wöusi wine Schiudkrot usgseet u nid wöus derd Schiudkröte git. Derfür giz süsch viu z gsee. Für die Andere drü isches der erst Touchgang drum wärdemir ufteilt u ig ha mitemne Pol zeme chli der spektakulärer Touchgang dörfe mache. Mir si dür wunderschöni (und zimmlich ängi) Riffschluchte toucht das isch es nöiis, wahnsinnig idrücklichs Erläbniss gsi! Der zwöit Touchgang isch de chli weniger spektakulär gsi, aber i ha z gfüeu gha so guet ustariert bini no nie gsi so hani z Gfüeu vor Schwärelosigkeit richtig chönne gniesse. Für die drü Herre isches chli weniger töif abe gange u d Touchgäng si tou chürzer gsi. Si si aber aui mitemne Strahle wider usem Wasser cho. Nach zwöi Touchgäng heimir sehr guet Zmittag gesse u si när wider zrügg i Hafe. Im Stedtli heimir no öppis trunke u när simir gägdie 4i wider zrügg i Resort. Mir si aui feiechli gschluchet gsi u hei üse letst Abe uf Phu Quoc när gmüetlich la usklinge.Okumaya devam et

    Çeviriyi gör
  • WildflowerVietnamGezgin
    Ufder Fähri bini froh gsi hani chli use chönne. Dinne ischmir zimmlich schlächt worde.
    2In Chau Doc acho heimirnis afamau müesse orientiere.Chau Doc ghört ou zum Mekong DeltaZnacht isch richtig fein gsi

    Local Experience

    12 Kasım 2023, Vietnam ⋅ ☁️ 32 °C

    Hüt Morge simir mitder Erste Fähri nach Ha Tien gfahre. Vo dert isches mitem Bus diräkt witer nach Chau Doc gange. D Busfahrt isch feiechli e houprigi Sach gsi aber nume ca. 3h vo dämhär ischs glich relativ zügig düre gange.
    In Chau Doc simir gägä Mittag acho u hei Zit gha chli öppis vo däm Stedtli z gsee. Mir si widermau die einzige "Westler" gsi aber es isch spannend gsi, z gsee wie d Lüt ide chlinnere Ortschafte läbe wo der Tourismus weniger Gäut inebringt.    Okumaya devam et

    Çeviriyi gör
  • WildflowerVietnamGezgin
    2Unbedingt der Ton alaZmitzt im RiisfäudD Ussicht vom Tämpu us hetsich la gseeI dene Böse schlaftssich auso feiechli guetDas isch öppis Maroni ähnlichs womir vode Buschauffeure hei zum probiere übercho

    Grün in Grün

    13 Kasım 2023, Vietnam ⋅ ⛅ 27 °C

    Hüt am Morge früeh simir vom Vang u zwöi anderne Rollerfahrer abghout worde. Är het üs dürz Vogelschutzgebiet Tra Su gfüert. Das isch e Waud im Wasser wo wärend oder gad nachder Rägezit mitem Boot cha befahre wärde. Z Gebiet isch wunderschön und i gloub i ha nonie soviu Vögu gsee u ghört. Wöumir so früeh am Morge si gange heimir der Park fasch für üs elei gha u mi het nume d Grüsch vor Natur ghört. Das isch es sehr schöns Erläbniss gsi.
    Nachem Park heimir ufem Rückwäg no es Riisfäud chönne vo Nöchem aluege u si e Tämpu ga besichtige. Ca. am 11i simir zrügg im Hotel gsi u heinis no chli usgruhit u früsch gmacht. Nachem Mittag isches de mitem Schlafbuss zrügg Richtig Ho Chi Minh City gange.    Okumaya devam et

    Çeviriyi gör
  • WildflowerVietnamGezgin
    4D Märkt beidruckemi immer wider
    Zwüschedüre simir froh gsi heimir emene Ort chönne underesitzeDer Fabian het mit mir z Tourismusstudium gmacht. Ä ungloubliche Zuefau

    Grossstadt feeling

    14 Kasım 2023, Vietnam ⋅ ⛅ 32 °C

    Der letst Tag in Ho Chi Minh City isch chli weniger spektakulär gsi aus Anderi. Mir si am Morge dürne sehr spannende lokale Märit glüffe u si süsch no chli ga Lädele u ga Käfele. Am Nami heimir när e Free Walking Tour gmacht. Das isch e Tour wo Locals (meistens Studente) Touriste dürd Stadt füere u chli öppis zum Läbe vor Ort, zude Sehenswürdigkeite und zur Gschicht verzeue. Das ganze Basiert uf Spändebasis. I ha leider nümme viu Nöis erfahre aber mit heis glich ganz lustig gha.
    Am Abe simir nomau z Nachtläbe vo Saigon ga erkunde und mir isch doch tatsächlich no e ehemalige Studiumskolleg übere Wäg glüffe.    Okumaya devam et

    Çeviriyi gör
  • WildflowerVietnamGezgin

    Sunsetschwumm

    15 Kasım 2023, Vietnam ⋅ ☁️ 28 °C

    Hüt am Morge si der Johannes und der Hermann Richtig Doha abgreist. I ha am 10ni müesse bim Busoffice si für vo Ho Chi Minh City nach Mui Ne z fahre. Die ganzi Reis het lenger duuret ausi ha denkt. I bi gägdie 5i z Mui Ne acho. Im Bus hani vorauem gschlafe u Potcast glost. Am Abe bini pünktlich ufe Sunneundergang acho u ha no e Sunsetschwumm gnosse. Izz ligeni ir Hängematte, due nochli läse u luege mau was der Abe no so bringt.Okumaya devam et

    Çeviriyi gör
  • WildflowerVietnamGezgin
    22Familydinner

    Bewöukt

    16 Kasım 2023, Vietnam ⋅ ☁️ 25 °C

    Hüt bini öppis vorde 4e usem Bett füre Sunneufgang vode Sanddüüne us ga z luege. Leider hez genau da wo d Sunne isch ufgange soviu Wouche gha dasme überhoupt nüt vor Sunne het gsee. Nachde Sanddüüne simir witer zude Fischer. Es het ungloublich Betrib gha a dere Küste. U so wies het usgsee sisi o chli erfougriicher gsi aus mir uf Phu Quoc..speter simir no der Fairy Stream ga aluege. Das isch es Bächli wome derdürlouft zu orange lüchtendem Gstein/Sand.
    Am 9i simir schwoider zrügg im Hostel gsi u hei guet Zmorge gässe. I bi när no e Rundi i Pool u ha chlei gläse u am 12i bini de ufe Bus für uf Da Lat.
    Gägdie 6i bini de da ou acho u has gad perfekt ufz Familydinner vom Hostel gschafft. Nachem Znacht bini mitemne Grüppeli vom Hostel no i die berüemti Maze Bar. Die isch ungloublich verwinklet über mehreri Etage mit änge Stägli u zum teil Löcher wome derdür schnaget.
    Zrügg im Hostel bini froh gsi umne sehr ruhigi Nacht. Die vorderi isch leider garnid erhousam gsi.    Okumaya devam et

    Çeviriyi gör
  • WildflowerVietnamGezgin
    12Happy BuddhaZnacht Nummer 2Nightmarket

    Bärgluft

    17 Kasım 2023, Vietnam ⋅ ☁️ 17 °C

    In Da Lat faue zwöi Sache relativ schnäu uf. Erstens ischs tou cheuter und zwöitens isch aues Inszeniert aus wärsch ire Disneyland Stadt. Es het überau Skulpture u Fabelwäse, aues isch bunt agmale und du chasch überau uf irgendwelchi Bahne oder sonstigi Aktivitäte bueche. I ha am Morge im Hostel der Nils troffe. Är reist mitem Töff dür Vietnam u hetmi mitgno. Zeme simir d Region Da Lat abgfahre hei verschideni Tämple u Wasserfäu gsee, viiiiiu Kaffiplantagene, meh und weniger definierbari Wäse, si ga Rodle u hei es Kafi mitere wahnsinns Ussicht gnosse. Z eigentliche Highlight vo däm Tag si aber die kurfige Bärgstrasse mit beidruckende Ussichte u wunderschöne Landschafte gsi. O wemir beidi si froh gsi dasmir no hei e Jagge derbi gha simir am Abe zfride wider izz Hostel zrügg cho. Dert heimir üs när ir Restaurantuswahl la berate u si d Stadt z Fuess bi Nacht ga aluege. Nachemne sehr feine Znacht imene vietnamesische Restaurant simir no übere Nightmarket vo Da Lat gschländeret u wöunis der Tischgrill so het aglachet heimir nogad es zwöits mau Znacht gesse. Gägdie haubi10ni simir wider zrügg im Hostel gsi u zimmlich knüttlet izz Bett.Okumaya devam et

    Çeviriyi gör
  • WildflowerVietnamGezgin

    Stürmisch

    19 Kasım 2023, Vietnam ⋅ ☁️ 24 °C

    Hüt bini am Morge früeh ufe Bus für vo Da Lat id Nöchi vo Quy Nhon z fahre. Das si guet 7h Fahrt. Hie hani när izz Life's a Beach Hostel icheckt u der Räste vom Tag mit läse verbracht. Wöus offebar vor es par Täg het e Sturm geh hezz z Meer feiechli höche Wäuegang und es chuttet der ganz Tag. Es isch auso scho für mit länge Hose zum usehocke. Am Abe hez es wahnsinns Familydinner Buffet geh und i ha widermau Schwitzer troffe. Mir hei e gmüetliche Abe mit Pingpong spile verbracht u i bi zimmlich früeh wider izz Bett.Okumaya devam et

    Çeviriyi gör
  • WildflowerVietnamGezgin
    Hie het der Moriz sini Plache gfunde
    Z Kafi het nume es Pissoir gha drum hani z WC vor Familie dörfe bruche2We zmitzt im Dschungel e Rote schauter vore Stromleitig abehanget de muesme dä natürlich drücke...Die Schale bruche Fischer ou ufem Meer wöusi für das keni Stüre müesse zahle im Gägesatz zumene BootTüechliübergabesteu weme nass u füdleblutt ir Duschi steit

    Downhillfloodway

    19 Kasım 2023, Vietnam ⋅ ☁️ 25 °C

    Z Wätter ladet im Momänt ganz und garnid i für izz Meer ga z bade oder am Strand z läse. Aber der Nils brucht sowiso no e nöie Heum und der Moriz wot ono d Stadt gsee drum fahremir z drit guet 20 Minute nach Quy Nhony. Das isch e härzigi chlini Stadt aber würcklich viu zum entdecke giz gloub nid. Mir hei (widermau) e Tämpu gfunde u gaaaanz viiiiu Bonsais. Das schint hie es rise Ding z si die stö überau ume. Mir hei chli Käfelet, der Nils het e knall Rote nöie Heum gfunde u der Moriz het e Plache gfunde woner bi sim Töf zumene Schutzschiud het umfunktioniert.
    Wos gad nid het grägnet heimir beschlosse ufem Rückwäg no der eint Wasserfau ga azluege. Si vom Hostel het scho gmeint mi müessi es "guets Bike" ha für dert häre z cho und es isch nid uf Googlemaps izeichnet aber es gäbi e Strass. D Strass isch zersch zumene Strässli worde när zumene Wäg witer zumene Bächli u am Schluss simir bimene Gmisch zwüsche Downhill- (oder Upway- ) Strecki und Floodway glandet. Die zwöi Fahrer hei das aber souverän gmeisteret und i bi hingerdruffe froh gsi hani mini Sattelfestigkeit scho 2-3 mau trainiert.
    Nach ca. 15 Minute, eim verlorene Turnschue, zwöi nöi gfundene Schlarpe u komplett verschlammte Chleider simir bim Wasserfau acho. Und es isch atemberoubend gsi! Z Wasser isch türkisblau gsi, es het 3 Äbine gha mit grosse Becki wome herrlich het chönne Bade drinne und mir si wit und breit die einzige Mönsche gsi. Mir si bis z oberst ufe klätteret und hei e Ussicht gha überd Bärge, d Muschufarme bis zum Meer ude nöche Insle..WAHNSINN!
    Bir Rückfahrt heimir no e Hoger gfunde mitemne spezielle Gebilde obedruffe u hei beschlosse das ono ga z beguetachte. Es hetsich usegsteut dases e riiisigi Grabstette vomene Ehepaar isch. D Ussicht vo dert obe isch o nid schlechter gsi aus die vom Wasserfau us. Ufem Rückwäg heimir übrigens der verlornig Schueh wider gfunde und e Bar wo äuä nonid viu Touriste het gsee. Aber si het e supper ussicht gha ufd Muschelfarme und z Bier isch ou ganz okey gsi für Vietnamesischi Verhäutniss.
    Gägdie 6i simir i üses Hostel zrügg cho u hei der Abe nachem Familydinner mit Spili spile verbracht.    Okumaya devam et

    Çeviriyi gör
  • WildflowerVietnamGezgin
    Zmitag bim Busstop
    Znacht isch chli luxuriöser gsi1Hoi An isch bekannt für d Lampignonsund ganz viu Belüchtig

    Es Liechtli brönnt

    20 Kasım 2023, Vietnam ⋅ ☁️ 24 °C

    Woni hüt Morge ufe Bus bi in Quy Nhon hez feiechli abeglärt u gstürmet. Aber i ha ja zum Glück nume müesse Busfahre. Es geit i ca. 6h nach Hoi An. I bi mitemne Italiener umdne Franzos vom vordere Hostel underwägs gsi u mir si diräkt izz nöiie Hostel e Duschi ga nä. Am Abe hez när numeno einisch es tou abegla. Mir heinis drum ungerde Dächer vode Marktständ vom Night Market düregschlänglet bismir es passends Restaurant fürz Znacht hei gfunde. Z Ässe isch wahnsinnig guet gsi u mi merkt scho dases chli anderi Sache git aus no im Süde unde. Nachem Znacht heimirnis no e Bar für öppis z trinke gsuecht und underwägs die ungloublich farbefroh belüchteti Stadt agluegt.Okumaya devam et

    Çeviriyi gör
  • WildflowerVietnamGezgin
    2

    Bärge & Höline

    21 Kasım 2023, Vietnam ⋅ ⛅ 27 °C

    Da mir gester Abe z Franzosegrüppli vo Da Lat wider hei troffe heimir üs hüt verabredet zeme Roller z miete und zude My Son Temple z fahre. Das si Tämple wo usder Zit vom Rich vode Cham si erhaute blibe. 1999 sisi zum Weltkulturerbe erklärt worde. Si si übernes witlöifigs Gländ verteilt u d Wäge si zum Glück grossteils under schattespändende Böim es isch nämmlich nomau zimmlich heiss worde. Aber mir hei aui d Sunnestrahle gnosse und der Fahrtwind vom Roller het o immerwider für chli erliechterig gsorgt. Nach My Son simir witer zude Marble Mountains. Das ganze isch zimmlich touristisch aber mir hei mit chline Chlätterilage zwöi Plätzli gfunde womir elei si gsi u d Ussicht isch widermau atemberoubend gsi! Ou die zwöiti Höli womir ine Klätteret si isch seehr schön gsi. Nachde Bärge simir schnäu az Meer u när zrügg izz Hostel ga dusche. Am Abe heimir üs wider dür Streetfood und Souveniers kämpft u der Niels ischmir nomau übere Wäg glüffe. Mir si am Schluss feiechli e Gruppe gsi u heinis nomau e Bar gsuecht.Okumaya devam et

    Çeviriyi gör
  • WildflowerVietnamGezgin
    Wo isch äch mi Rucksack?!

    Hotelchlötz

    22 Kasım 2023, Vietnam ⋅ ☁️ 24 °C

    Widermau e Rägetag. Aber es isch nid schlimm i ha usgschlafe u när es supper Plätzli zum Brunche gfunde. Nachem Brunch bini no churz dürd Läde vo Hoi An u när hanimi mitem Pierre zeme ufe Wäg nach Da Nang gmacht. Leider giz keni Buse u aui wo hei wöue es Taxi teile hei churzfristig abgseit drum ischnis günstiger cho zwöi Rollertaxi z näh. Z Wätter het ganz okey usgsee bismir si losgfahre u när hez die 40minütigi Fahrt düregschiffet...mit 2 Ruckseck ufem Roller hingerdruffe. Aber mir si beidi guet acho u d Rägeschütz hei o e guete Job gmacht. Nachem Ichecke im Hotel simir dürd Stadt gschlenderet, hei die berüemti Drachebrügg gsee u si imene sehr iheimische Restaurant glandet fürz Znacht. Aber es isch widermau wahnsinnig guet gsi.
    Eigentlich hani in Da Nang der Van, woni z Ho Chi Minh City ha glehrt kenne, wider wöue träffe. Är wohnt hie ir Stadt. Är hetmir aber leider churzfristig müesse absege wöuer chrank isch. Drum erkundemir d Stadt izz uf eigeti Fusst.
    Da Nang isch eini vode grösste u sich am schnäuste entwickelnde Stedt vo Vietnam. Es het ungloublich viu Bousteue. Die meiste für riisigi Hotelchlötz.
    Nachem Znacht simir zrügg iz üses Hotel u hei no e Nachtschwumm im Rooftoppool vom Hotel gno.    Okumaya devam et

    Çeviriyi gör
  • 2025© FindPenguins
  • Ana sayfa
  • Hakkımızda
  • Grup takibi
  • Basın
  • Hükümler
  • Gizlilik & Cookies
  • Yardım Merkezi
  • Damga