Reset search
Bali-TourismusBali-Tourismus
SatelliteEdit route

Bali-Tourismus

July - August 2023
3 Woche Bali mitem Mirj und em Lädi Read more
  • 23footprints
  • 3countries
  • 22days
  • 201photos
  • 31videos
  • 25.3kkilometers
  • 24.6kkilometers
  • 99sea miles
  • 63kilometers
  • 50kilometers
  • 14kilometers
  • 6sea miles
  • 0kilometers
Follow Calendar Share Bucket list
Date ascending
  • TravelerBali-Tourismus
    1
    Day 9

    Tschüss Ulu, Hallo Ubud

    July 27, 2023 in Indonesia ⋅ ⛅ 27 °C

    Sadly hemmer eus müesse verabschiede, würkli sau geils Camp gsi und chas nur witter empfähle. (Rapture Surfcamp Padang)

    Met de Jana hemmer eus jetzt komplett zämegschlosse und reise sogar gmeinsam witter. Ab nach Ubud - Künstlerstadt vo Bali.
    Au bekannt für Rissterrasse, Monkeyforest (sone Rotz, als hätts ned gnueg Affe uf de Insle 😒) und Wasserfäll.

    Sponti hemmer am Zisti no es Futzbilligs Hotel zmittzt im Zentrum für insgesamt 50chf (3 persone/3 nächt) gegönnt. Nach 2h Autofahre simmer ahcho und erstmal chli go düre Markt schländere. Hend eig scho immer sgliche, aber luege chame jo. No was go Foode, Arnica creme für mini Chnöi chaufe und scho de erst länger Ufenthalt ufem Wc (vo mir 😢) spöter isches scho Zit fürs Bett. Murn simmer ganz Wild und miete e Scooter zum umedüse und d Wält in Ubud entdecke! Meh denne murn, oder so.    Read more

    See translation
  • TravelerBali-Tourismus
    1212214
    Day 10

    Scooters on Tour

    July 28, 2023 in Indonesia ⋅ ☁️ 24 °C

    Fasch Punkt halb 8 parat am Empfang hemmer euso Babys chönne in Empfang näh.
    Orange und Rot hend sie eus entgege glüchtet und zäme mit de blaue Helme (jo mami mer hend sie ah gha!) es wunderbars Farbkonzept bildet. Mer hend am Ahfang ufem Parkplatz paar struggles gha und de Typ vom Verleih hets eus wohl ned so zuetraut. Daher heder eus heimlich bis zur nächste Tankstell verfolgt, zum sicherstelle as mer ned scho nach 5 Minute im Grabe ligge.

    Nachem Tanke hemmer de chönne los düse und erst Stop sind Tegallalang Risterrasse. Da mdr so früeh si unterwägs gsi, hets fasch kei lüt gha und isch daher au relativ entspannt und schön gsi. Trotzdem: Touriste hot-spot. Weiss ned wievell Ris dert würkli no ahplanzt werd oder obs meh nur no show isch...

    Es Kaffi, en Bananepancake mit random Chäs druffe und es Plumskloh ohni Spüehlig defür mit Wasseechübu (perfekt wenn de schisser hesch) spöter, simmer ready gsi zum wittergoh. Ergend en Wasserfall sölls jetzt sie.

    Uf guet glück hani eifach mol eine usegsuecht und dert simmer de häregflitzt. Es het sone riese Spass gmacht met dene Scooter über die Strosse wo zum Teil gfäll gha hend, wo fasch a ne Klättersteg erinneret hend. Es het sich als Perfekte Entscheid usegstellt. Wunderbar abgläge im Wald mit perfekter Ussicht hets au es Resti gha wo mer zerrsch was trunke hend.
    Vo dert obeabe hemmer e chlini Wanderig gmacht zum Wasserfall, verbie ah no vell schönnere und au würklech bruchte Risterrasse. Ahcho sind did einzige touris womer ahteoffe hend grad ufem Abmarsch gsi und so hemmer de spontan es Nacktbädele gstartet. Undere Wasserfall stoh het me aber ned chönne, de häts dir äuä grad d Hut ab de chnoche grägnet.

    Im resti hemmer de spöter au no was gässe und de hemmer eus weder uf eusi motorisierte Ross gschwunge und si richtig Norde düset. Ziel: Lake Batur.
    Dert het me e wunderbari sicht ufe Mount Batur (Vulkan).

    Vo dert hemmer de weder 1h zrugg müesse metem Roller und s Fahre isch eis vo mine Highlights vom Tag. Es riese Erlebnis und e schöni Art d Insle z entdecke.

    Weder Im Hotel isches de scho Dunkel gsi und nachem kurze "ich ha min simkarte pin vergässe, mami schick mir min Puk" Drama simmer eig nur no flach is Bett gläge und sehne eus nach schlof.

    #riesetext    Read more

    See translation
  • TravelerBali-Tourismus
    2
    Day 11

    Verzwifleti Suechi für ne Pulli

    July 29, 2023 in Indonesia ⋅ ⛅ 27 °C

    Nüt Speziells: Ufgstande, WC, Zmörgelet, WC Märet, WC, Massage, WC, Märet, WC, Ässe, Märet, WC, Hotel, Chille, Schlofe und öbbedie mol no ufs WC.

    Hend hüt gmüetli gmacht und no so die letzte Bsorgige zUbud gmacht. Alles womer nach guetem Überlegge würkli hend welle poste isch mitcho. De Tag isch aber prägt gsi vode verzwiflete Suechi nach nem Pulli / Sweatshirt für d Jana. Sie goht no uf nes Schiff paar Täg und dert wird ufem Deck gschlofe. Da sie keine het isch da relativ nötig. Aber ebbis chani säge, usser so die linejäggli findsch in Ubud kei Langarm Oberteil bzw Pullis chaach vergässe. Daher müemer de halt witterluege.
    Murn isch Abreis und de gömmer no zu 3. zäme uf d Fähri übere uf Nusa Penida für 2 Nächt.    Read more

    See translation
  • TravelerBali-Tourismus
    1
    Day 12

    Neui Insle, Neui Roller

    July 30, 2023 in Indonesia ⋅ ⛅ 28 °C

    Tschüss Ubud, hello Nusa Penida.

    Mitem Gojek uf Sanur Harbour und denne ab uf die 30minütig Fähri nach Nusa Penida.
    Im Hotel hemmer de direkt nach Rollervermietig gfrogt und si drufab zerrsch 100 Mal gfrogt wurde ob mir de da würkli chöned.
    Anschinend rote sie de Touris ab in Nusa Penida selber zfahre will d Strosse sehr eng und kaputt sind und d Lüt teils sehr schnell fahret. Das, will die meiste Touris nur Tagesusflüg dohe mache und denne en Privatfahrer miete wo sie ah alli Instaspots bringt. Damit au alles ih ein Tag inepasst fahre die de ame wie d Säu.
    Mir wages trotzdem und hend eus die zwei neue Flitzerlis gschnappet. Es isch scho Nomitag und mer hend denkt mache no gmüetli e Usflug a Gamat Bay und nachher gömmer de go Znacht ässe.
    Relativ wit obe hemmer d Roller abgstellt und hend no e rächti Bergwanderig durab müesse mache. Aber es het sich glohnt! Go bade simmer zwar ned, es isch low tide gsi und dert hets relativ vell Koralle/Riff und Seeigel 😅 Aber d Füess bädelet und schöni Müscheli gsuecht. Zudem eif de Ort gnosse, wunderschön und keini Lüt!

    Nachher simmer no im me fancy Resti go Burger ässe (sehr indonesisch 🥸). Aber nach 10 Täg fried rice/ Nasi goreng etc darf da au weder mol sii.
    Erst am 10 semmer de weder zum Hotel inegschneit und hend vorher no gwitzlet, ob sie eusi Ruckdack usgrumet und s Zimmer neu vermietet hend, will sie velech denkt hätte, die gsemmer nieme..

    Aber no churze Roller Realtalk:
    Es isch scho ahspruchsvoll, aber lang ned so schlimm wie sie dir weiss mached. Aber es isch total verständli sind sie vorsichtig, will es git gnueg lüt wo sich eif zviel zuetraue und de hesch de salat. Aber mir machts total Spass und mer gönd immer uf Nummer sicher.    Read more

    See translation
  • TravelerBali-Tourismus
    21121
    Day 13

    Mer folge de Masse

    July 31, 2023 in Indonesia ⋅ ⛅ 25 °C

    Früeh am morge simmer uf und hend eus ufe Roller gschwunge um zum Atuh Veach zcho. Sunneufgang luege isch ahgseit.
    Dur d Wolke hemmers ned so chönne gseh wie mersgärn gha hätte aber isch de glich no ganz schön gsi.
    Nachher het eus de Hunger und de Läär Tank weder chli zrugg is Landinnere tribe und nachdem mer die Bedürfnis gstillt hend simmer no zum Diamond beach. Scho liecht gschockt vo dene ganze Touris am halb 9 am morge hemmer de Ihtritt glich zahlt und joa was sell me säge. de Strand wär uf jedefall mega schön und mer hend Instaworthy pics gmacht, aber so ahstoh das e Stäge chasch abelaufe und DAS BILD chasch schiesse defür das de hanz Rotz weder chasch ufelaufe.. nöö
    Denne semmer no losdüseg zum Kelingking Beach. Das isch wohl DÄ Felse in Nusa Penida, wieso au immer. Dert ahcho ih de Masse hets eus grad abglöscht und ha churz mi Arm vöre gstreckt, es Bild gmacht und de simmer weder uf d Roller und devo.

    Me mues dezue säge, s allerschönste ah dere Insle isch für mich s Rollerfahre gsi. eifach Quer durs land gseht me unglaublich schöni Landachafte, Wälder und me isch teils elei umegfahre. Au dur die ganze Dörfli cruise, öbbedie ahhalte um e Plastikfläsche Tank bi paar Kiddys z chaufe, und eifach de Moment z gniesse. Jedoch isch grad ade Küste und bide Hotspots s Fahre nümm so geil gsi wills übersäht isch gsi vo dene SUV wo Touriste umekutschiere. Eine am Andere noche, alles isch voll gsi vo dene riese Autos.

    Usklinge loh hemmer de Tag am Crystal Beach, womer au si go bädele und nachem churze Bsuech im Hotel no ab id Penida Colada Beach Bar go foode.    Read more

    See translation
  • TravelerBali-Tourismus
    1
    4
    Day 14

    Lost in Lombok

    August 1, 2023 in Indonesia ⋅ ☁️ 28 °C

    Was en Verwirrte Tag.
    Zerrsch d Abreis vo Nusa Penida, schreiendi Chind ufem Schiff nach Lombok und Verabschidig vode Jana bim Zwüschehalt uf de Gili Air Insle. Mer wärde die tolli Zwätschge vermisse, sone coole Zägg gsi!
    Bis dohe no alles ganz nice, bis mer in Lombok si ahcho.

    Euse Plan isch gsi:
    1 Nacht ide nöchi vom Hafe übernachte, am nöchste Tag e schnorcheltrip bide Gilis und denne uf Kuta (Süde vo Lombok) go surfe, chille, Usflügle.
    Mer hend gester no gschwind e Unterkunft uf Lombok buecht defür. Guet das mer aber grundsätzli ke blasse hend vo dere Insle und was wie wo mer do ebbis wette mache, bzw. wases do alles het.

    Im Bangsal Harbour simmer zerrsch mal komplett belageret worde, will alli eus unbedinngt hend welle zu eusere Destination fahre. Mer hend eig zerrsch welle was go ässe, aber es het eif nüt wo ned mega sketchi usgseht. Guet de semmer halt glich met eim mit, womer de no easy hend müesse abehandle willer sone höche pris het welle. De simmer scho mit nem würkli unguete Gfühl losgfahre und wemmer wie me ih Seich use. Schlussendli über d Schotterpiste zwüsche de Chue düre hets eus de gfüehrt.
    Im Hotel ahcho hemmer eif nur paar hüsli und susch relativ vell unfertigs gseh. E Rezeption hets keni und es isch eus eif sone "Bueb" mitem Ipad entgegecho und hed eus ih euses Zimmer gstellt. Relativ lost hemmer erstmal uf euses Läbe müesse klarcho und hend au realisiert, das mer so im Gaggo usse sind und eig garnüt mache chönned. Mer hend de welle de Schnorchelusflug vo lombok us bueche für murn, aber oh wunder, gits keine. Nur vode Gilis, also hätte mer met de Fähri weder übere müesse.

    Ebbe ih 2h hemmer eusi Reiseplanig (wo eig eh ned existent isch) komplett übere Huufe grüehrt und neui Möglichkeite gsuecht.
    Fazit: Mer blibe bis murn und de ab ufs Schiff Richtig Gili Trawangan. Kuta in Lombok hemmer gstriche. Dört blibe mer de bis am Samsti und de gahts ab uf Canggu/Bali mit de Dana und de Lia die letzte Täg duretänzle.

    De Obe het trotz dem ganze Drama no sehr schön gändet. Mer hend es Anders Hotel ide nöchi und dört hets es super Restaurant. Be emne wunderschöne Sonneuntergang hemmer se obe usklinge loh und es het mi Wortwörtlich zu Träne grüehrt.
    Mengisch mues me ebe flexibel sie und eifach s beste drus mache.    Read more

    See translation
  • TravelerBali-Tourismus
    1
    Day 16

    zrugg im Chueche

    August 3, 2023 in Indonesia ⋅ 🌙 26 °C

    Nachem gestrige Schreck simmer hüt morge freudig weder zrugg ufs Schiff und de ab richtig Gili Trawangan.
    Dert ahcho hemmer am Hafe erstmol uf Dana und Lia troffe, wo d Insle grad am verloh sind gsi. Freudigi minütli spöter hend sich eusi Wäge aber scho weder trennt, me gseht sich aber ja am Samsti scho weder wenn met mit ihne zäme die letzte Täg verbringe.

    Mer si jetzt wörk weder voll im Chueche. Vorher no Touris am miede und jetzt zmittzt drinne.
    Uf de Gili Insle chame nur z Fuess, Velo oder mit de Kutsche (was mer mega weak finde wäg de arme Ross) dich fortbewege. Daher direkt bis am Samsti es Velo gmietet und de voll belade mitem Rucki einisch halb um d Insle düset und de ab is Hotel. Mer fühle eus do super und si no is Meer go bädele, hend frei Bier und Snacks bide Poolparty gha und mit locals connected. Denoch no ab chli go fire, aber ned z lang, well eme wönd murn am 8ti uf und de fett go s Buffet stürme und denoch ab go schnorchle.    Read more

    See translation
  • TravelerBali-Tourismus
    12
    Day 16

    Schnorchle und süffle

    August 3, 2023 in Indonesia ⋅ ☀️ 28 °C

    Richtig gegönnt am Zmorgebuffet, semmer vollgfrässe zum Hafe für eusi Schnorcheltour. Isch nice gsi. Erste Halt bide Unterwasserstatue uf Gili Meno, bi mer vorcho wie im ne Piranha Becki wo öbber Brotchrume inerüehrt, wills so viel lüt uf eim Fleck gha hend wo durenandgschwumme si.
    Nachher ah chli abgschiedenere Ört simmer go turtles Tauche, ha paar gseh, si hübsch. (Fotis gits de no, sobald sie de Link ufelade)

    Weder am hafe hemmer eus e Manicüre gönnt und de simmer ab is Hotel d Bar go stürme. Git e richtig geile drink mit früsche frücht und iis. Chli wir en slushy.
    Rrady mache und de ab id Stadt simmer gefühlt bide Tourististe Bar hange blibe und hend dert chli gsoundet. Ergendwenn isch es aber de verleidet und mer si mot de Velo quer über d Insle ane leere Strand go nackt bade. Just for the vibe.    Read more

    See translation
  • TravelerBali-Tourismus
    1
    121
    Day 17

    stärbendi Wahlrösser

    August 4, 2023 in Indonesia ⋅ ⛅ 28 °C

    Do no eusi Ästhetische Bilder vo eusem Schnorcheltripp.
    Mer liebe se!

    See translation
  • TravelerBali-Tourismus
    2
    1
    Day 18

    eifach nüt

    August 5, 2023 in Indonesia ⋅ 🌙 26 °C

    De titel seit alles. Poolhänge, sünnele, ässe, ganz wild gäge obe no churz id 'stadt' füre und de grad weder zrugg und ab is Bett. Gmüetliche letzte Gili T. - Tag, murn ab nach Canggu.

    See translation
  • 2024© FindPenguins
  • Home
  • About us
  • Blog
  • Group Tracking
  • Press
  • Terms
  • Privacy Policy & Cookies
  • Support
  • Legal notice
  • English