Reset search
Ghana 2024
  • Livia Hasler
Sep – Oct 2024

Ghana 2024

A 11-day adventure by Livia Read more
FollowInsightsCalendarShareShareBucket list
Newest first
  • Trip start
    September 25, 2024
    Livia HaslerGhana 2024Traveler

    Los geht's!

    September 25, 2024 in Switzerland ⋅ 🌙 9 °C

    Scho am Wuchaend hett d Mama ahgfanga zum ihres Züg richta. I bi do no ganz entspannt bliba und ha denkt für öppis hani jo no 2 Täg Feri gno bevor mer abreisid. Gest ischs denn aber oh für mi so wit gse und geg da Obet simmer oh bedi fertig gse mit packa. Zum Znacht hommer üs no di erst Malariaprophylaxe gfuatteret und etz simmer ready für d Feri. S Taxi Silvan (noml Danka viel mol) hett üs sicher uf Altstätta an Bahnhof chauffiert. Ganz ohni Prisverhandlig oder Wegerklärig simmer pünktlich ahcho. I glob da wird di nögsta Täg kli anderst si.Read more

    See translation
  • Livia HaslerGhana 2024Traveler
    Essa im FlügerSaharaAccra

    Ankunft in Accra

    September 25, 2024 in Ghana ⋅ ☁️ 25 °C

    Mit AirFrance simmer uf Paris gfloga. vu da Stadt hommer weg da Bewölkig ger nünt gsecha. S erstmol kli verschroka bini wo mer z Paris am Gate für da Flug uf Accra gstanda sind. 95 % vu da Passagier sind dunkelhütig gse. Da hett üs aber natürlich nünt usgmacht. Im Flüger simmer aber scho kli froh gse hommer a ganzi 3er Reiha für üs ka. So hommer üs kli könna usbreita, well dia knapp 6 Stund Flug hond sich denn scho no zocha. S erstmol hommer denn oh no d Sahara döra bestuna. Wo mer z Accra ahcho sind ischs oh scho dunkel gse. Vum Flüger us hett mer i da Stadt immer wieder grösseri dunkli Flächa gsecha. I ha denn festgstellt dass döt ofach ko Strom hett unds drum so stock dunkel isch. Noch am Geld abheba und ma SIM Karta koofa simmer denn ganz safe mit ma offiziella Taxi (d Sarah ihra Meinig noh aber kli z tüür) zu üsem Airbnb gfahra. Etz gheiemer denn scho bald is Bett und hoffid uf a erholsami Nacht zum morn energieglada dia ganza Ihdrück könna ufzneh.Read more

    See translation
  • Livia HaslerGhana 2024Traveler
    Kaneshi Markt
    JamestownReisegruppa TächlichappaFanice "essa"meterhohe Müllberge

    Entdeckungstour durch Accra

    September 26, 2024 in Ghana ⋅ ☀️ 28 °C

    noch ma erholsama Nacht homer hüt no kli usgschlofa und sind denn ersch so um di 9i ufbrocha zum go Zmorga Essa. imna mega touristischa Resti hommer üs Pancake mit Nutella und Banana gönnt. Ahschlüssend simmer mit ma Uber zum Kaneshi Markt gfahra. döt hetts ofach alles ka vu fisch über Kuafüass, Hennafüass, en Kuakopf wo am boda glega isch, Gmüas und Frücht und no vieles zum Essa meh und oh sus alls möglich wia Stöff, Pfanna, Schmuck wa mer so alls brucha ka oder oh nöd. Grundsätzlich sind d Fraua d Verköferinna gse ussert bi da lebtiga Tier, döt sind d Manna am Werk gse. Danoch simmer denn Richtig Jamestown ganga. Da isch dia Gegend wo d Sarah vor 10 Johr im Praktikum gse isch. Zuafällig simmer denn no a da Korle Lagoon (oh als shit lagoon bekannt) verbi gfahra. Da isch ofach a riiiiesegi Müllhalda, wo oh en Slum isch. Da Fluss flüsst dur Accra und bevor er is Meer mündet flüsst er no dur dia Müllhalda und wird no meh verschmutzt als er davor scho isch. Danoch simmer no kli dur Jamestown gschlenderet und sind i Küstanöchi imna Beiz öppis go trinka zum kli abküahla. Kum isch d Sunna do is nemli scho recht warm umd schwüal. Uf am Weg zum Makola Markt hommer üs denn no a Fanice gönnt. Da isch a Glace wo im Bütel isch und mer ofach 1 Ecka abbisst umd si denn so trinka cha. Uf dem Markt hetts nard oh wieder alls geh. Völlig durigschwitzt und beihdruckt wia do alles lauft hommer üs denn uf da zruggweg zu üsra Unterkunft gmacht. Noch ma kurza Fuassweg dur da Stau hommer denn sogär könna a Uber bstella und sind so recht ahgnehm zrugg cho. Zersch mol a Duschi neh zum da Schweiss abwäscha und denn no kli usruaba bevor mer go Znacht essa gond.Read more

    See translation
  • Livia HaslerGhana 2024Traveler
    Znacht gester; Palava Sauce mit RisZnacht hüt; alles Mögliche

    Shai Hills

    September 27, 2024 in Ghana ⋅ ⛅ 32 °C

    Zum Znacht simmer gester im authentischa Asanka gse. I ha Ris mit Palavasauce gha. Isch fein aber scho recht scharf gse. Wells do am guat sechsi dunkel wird simmer denn mit ma Taxi zrugg. Bevor mer is Bett sind hommer no da Dok vum SRF über d "second hand" Kleider wo uf Ghana brocht werid gluaget. https://www.srf.ch/play/tv/rec-/video/abfallber… Isch sehr ihdrücklich gse, vor allem well gad paar Ort vor cho sind wo mer gest oh gse sind. Danoch simmer denn go pfuusa. Hüt Morga hond sich denn d Mama und d Sarah zersch uf da Weg gmacht zum go Zmorga posta. Zrugg cho sinds mit ma Stuck Toastbrot wo Butter inagschmiert wora isch, a Stuck bärigs Toastbrot umd so öppis Nutella ähnlichs dazua, 3 Päckli Schoggipulver für heissi Schoggi, a Dösli Kondensmilch und a Päckli Cornflakes. Zemma mit da Ananas hett da denn an tiptopa Zmorga geh. Mür hond denn uf di 10ni a Uber vorbuacht ka zum id Shai Hills go. Dä hommer denn no mössa überreda, dass er döt uf üs wartet und üs wieder zrugg uf Accra fahrt. Sprich er hett denn uf zmol en 7 stündiga Uftrag ka statt nu 1 Fahrt. Er hetts aber gern gmacht und spötestens wo d Sarah gset hett dass üsi Mama dabi isch ischer überglücklich gse. I da Shai Hills hommer denn a Füarig kah. Döt hommer importierti Zebras, en Strauss, Antilopa und Pavian gsecha. Ahschlüssend simmer no uf en Hügel ufi und hond kli Föteli gmacht. Am spötera Nomittag simmer wieder zrugg i üsem Airbnb gse und sind zersch mol a Rundi unter d Duschi. Spöter simmer denn no is Buka go Znacht essa. Groundnutsoup, bean stew (redred), kontemere stew (palawasauce), Ris, fried Yam und fried Plantain hommer g essa. Abgsecha vu da Erdnusssuppa isch nünt scharf gse, en puura Gnuss. Zrugg mit ma Taxi tommer etz no üsers Züg packa und denn gohts morn witer uf Cape Coast.Read more

    See translation
  • Livia HaslerGhana 2024Traveler

    Cape Coast

    September 28, 2024 in Ghana ⋅ ☁️ 27 °C

    Hüt sind d Mama und  d Sarah am Morga wieder loszocha zum Zmorga bsorga. Zimli bald sinds zrugg cho mit Brot und Cornflakes. Wo mer hond wella zmörgala hommer denn aber gsecha, dass s Brot ahgrauet gse isch, somit hetts denn ofach cornflakes und cookies zum zmorga geh. Danoch simmer mit ma Uber los zu da Trotrostation. Döt ahcho hond di junga Manna oh scho üsers Auto umzinglet und üs gholfa zum s passend Trotro finda. Rundum hetts ofach nu gwimmlet vu Lüt wo ummagschraua hond oder Zügs verkooft hond oder ofach sus kli glärmet hond. Im Trotro uf Cape Coast hetts leider nu no 2 Plätz ka drum hommer mössa warta bis seb abgfahra gse isch und a neus ko isch. I dera Zit hommer no da Patrick verhürotet mit ma Kopfmarktverköferin. Da sind dia Fraua wo diversi Sacha uf am Kopf ummaträgid und verkoofid. Für ghanaischi Verhältnis isch schlussendlich alls recht zügig ganga. Is nögst Trotro ihgstiga und zack a halb Stund spöter simmer oh scho losgfahra. D Sarah hett denn no Bofrut (so öppis wia Berliner oder Donuts ohni Füllig) uf am Kopfmarkt kooft und dia sind oh ganz guat gse. Noch öppa 3 Stund Fahrt simmer denn z Cape Coast ahcho. Döt hommer scho chönna ihchecka. Üsers Zimmer isch gad unter am Dach und sehr warm. Noch ma Sandwich zum Zmittag und ma Schwatz mit da Edith (sie hett s Baobab ufbaut) simmer no s Cape Coast Castle go ahloga. D Mama und ih hond halt ofach nix verstanda bi da Füarig aber da Guide wär glob super gse. D Sarah hett üs denn a kurzi Zemmafassig gmacht. Aso i denna Rümlichkeita wo mer gse sind, si d anno dazumal d Sklava festghalta wora bevors verschiffet wora sind. Sozegi wo hond wella flüchta oder sus nöd gfolget hond sind ofach bis zum Tod ihgsperrt wora. Zrugg i da Unterkunft hommer üs wella a Duschi gönna. Wells Problem mit da Wasserzualeitig hond, hond d Duschena ko Wasser und drum hetts halt nu a Bucketshower geh. Kurz danoch sind denn oh scho d Leonie, Sofie und Jenny ahchoo. Zemma hommer denn Znacht gessa und danoch no an Spaziergang gmacht. Noch ma usgiebiga Plauderrundi bini denn is Bett obwohls immer no viel zwarm im Zimmer gse isch.Read more

    See translation
  • Livia HaslerGhana 2024Traveler
    Kakum Nationalpark
    Cape Coast

    Kakum Nationalpark

    September 29, 2024 in Ghana ⋅ ☁️ 29 °C

    Hüt hommer uf di halbi achti abgmacht ka zum Zmörgala. S Resti hett aber natürlich no nöd offa ka wo mür parat gse sind. Halb so schlimm, dafür hommer nochana en Ananassaft und Pancakes (da mol sinds Crepe mässig gse) mit Schoggisauca ka. Gstärcht hommer üs denn wella uf da Weg macha zum mit amna Trotro in Kakum Nationalpark fahra. Dia vum Hotel hett aber gfunda dass seb no schwirig seg umd wias da Zuafall so wett hett üs denn direkt vor am Hotel scho en Taxifahrer ahgsprocha. So hommer denn ganz nobel könna direkt vum Hotel bis an Parkihgang fahra. Und stellid eu vor, er hett sogär a Klimaahlag ka und well em s Auto glob kli öppis Wert gse isch, hetter sobald d Staubstrossa ko sind, d Fenster zua to und dia ihgstellt. Da isch scho fast bonzig gse. Noch öppa 45 Minuta Fahrt simmer denn im Kakum Nationalpark ahcho. Döt hommer da Canopy Walk gmacht. Da isch a Strecki wo über 8 Hängebrugga füahrt. Dia sind bis zu 40 Meter über Boda. Zrugg bim Parkplatz hommer üs sehr druff gfreut zum is klimatisierte Auto hocka. Zrugg bim Hotel hommer denn festgstellt das mer nard no Zeit aller Welt hond hüt. Well mer aber gad kli sehr warm ka hond hommer üs denn entschieda zum ofach ina Resti am Strand z hocka und chli z sii. Kli Blogg schriba, d Lüt beobachta, am Meer lauscha und Buach lesa. So isch denn da Nomi schnell verganga. D Sarah hett no 2 Buaba troffa mit ma Zettel wos druff gschriba ka hond, dass Schriber für d Schual bruchid. Drumm hett sich denn d Sarah zrugg is Hotel gsputet zum en Teil vu üsna Schriber hola wo sie uf Ahfrog bi caran d'ache gsponsoret übercho hett. I glob sü hond a Freud ka. Spöter simmer denn wieder zrugg hond üs mit ma Eimerduschi abküahlt und so guat möglich gwäscha und sind denn no i a ganz klises Resti gad a üsra Stross go Znacht essa. Anderi Gäst hetts döt koni ka. Sprit honds oh nu no 1 statt wia bstellt 2 ka. S Essa (friede rice mit chicken) isch guat gse. vum Salot hani nu 1 Gabla probiert. Sind etz mol gspannt, ebs Uswirkiga uf üsi Verdauig hett. Falls jo, wirds morn spannend, well denn isch da Plan zum witer bis uf Busua z fahra.Read more

    See translation
  • Livia HaslerGhana 2024Traveler
    spielendes Kind
    Strand in Busuafrischi Ananas (lecker lecker)Tree ShowerRed Red with fried Plantain

    Auf nach Busua

    September 30, 2024 in Ghana ⋅ ☁️ 28 °C

    Hüt simmer bezita ufgstanda damit mer no vor am Zmorga alls hond könna zemmapacka. Denn hommer üs uf gmacht zum uswärts go zmörgala. Leider hett aber no zimli alles zua ka und so hommer denn halt glich wieder im Baobab House Zmorga gessa. Ahschlüssend simmer mit ma Tuktuk ad Trotro Station gfahra. Hett mi gad wieder a Asia erinneret. A da Trotrostation hett üs da Fahrer gset mür mössid uf di ander Strossasita, bi üs hett denn aber scho a Trotro ahghalta und üs wella uflada. Es hett denn a Diskussion geh zwüschet denna Mates aber eigentli isch oh klar gse dass er üs vor da offiziella Station hett wella uflada und somit bschissa hetti. Bim richtiga Trotro ahcho ischs oh scho fast volla gse. I ha denn da wohl schlechtischt Platz verwütscht. 50% vu mim Platz isch Spalt gse, 25% Sitzbank und 25% Klappstual vum Mate umd wenn dä nöd ghoket isch isch da Stual geg mi klappt. Mür hond denn aber zimli bald no a Frau mit ma Baby ufglada. Dia isch denn uf da Klappstual ghoket, somit isch s Problem vum zruggklappenda Stual besitigt gse. Da Mate isch denn ofach vor si ani gstanda. So simmer denn 5 erwachsi und 1 Baby imna Reiha gse. Original hetts wohrschindli nu 3 Sitzplätz pro Reiha. S Baby isch aber so herzig gse, dass mer d Engi nöd viel usgmacht hett. Sobald denn dia 2 Manna nebet mir usgstiega sind hani für en Moment oh kli meh Platz ka. Es sind immer wieder Lüt ih- und usgstiega. So hett sich denn da Sitzplatz oh immer kli gänderet. Wo mer z Takoradi ahcho sind hommer denn oh zimli schnell a Taxi ufgschwätzt übercho. Mit dem simmer denn über Agona bis uf Busua gfahra. Spötestens ab Agona isch d Stross denn richtig schlecht gse. Mür honds aber überlebt. Hond denn scho bald könna ichecka und üsers mega schö Zimmer mit eignem Bad bezücha. Am Nomittag simmer no kli im Meer go Bada gse, hond üs bi da Fruchtfrau Ananas ufschnida loh und hond s schöne Wetter gnossa. Noch ma erfrischenda Duschi (isch oh sehr nötig gse) i da Tree Shower hetts denn scho bald Znacht geh. Danoch hommer no paar Runda Arschlöchla gspielt und sind denn scho bald müad is Bett gheit.

    mehr Fotos folgen    Read more

    See translation
  • Livia HaslerGhana 2024Traveler
    dä Tisch wär bezita deckt gse
    2Aussicht von unserem Garten

    chill n' surf

    October 1, 2024 in Ghana ⋅ ☁️ 27 °C

    Hüt hommer mol ganz gmüatlich usgschlofa und eigentli ger ko Programm plant ka ussert a kli z si. Noch am Zmorga hommers üs gmüatlich gmacht i üsem Garta unter da Palma mit Sicht ufs Meer. Kurz druff ab hetts denn aber ahgfanga schiffa. Zwor nöd mega lang aber scho no fest. Mür hond denn alli kli i üsna Büacher glesa und oh noml kli döset. Am 2 simmer denn noml an Strand und d Sarah und ih hond üs no a Surfboard gmiatet. Denn hani mi a mini ersta Surfversüach gwoget. 2, 3 Nasa- und Ohrspüaliga hetts scho geh. Insgesamt is scho no lustig gse. Als Snack hommer denn no Banana bi da Fruchtfrau kooft. Und a Oranga zum trinka/ussuga bimna andera Verkofsständli. D Sarah und ih sind denn noml is Meer go bada well mer da jo nöd so gnot macha chonnd. Zrugg im Hotel hetts denn noml a kalti duschi geh i da Tree Shower und i ha am 6i scho en rechta Hunger ka, ha aber gwisst dass es ersch am sibni Znacht git. Denn is oh scho sowit gse und i ha min ersta längera Stromusfall erläbt. Sü hond denn probiert zum da Generator starta hett aber nöd gad klappet. So honds denn halt i da Kuchi mit da Taschalampa kochet. Znacht hetts denn oh ersch am 20 vor Achti geh, aber besser spät als nie. Gad öppa denn isch da Generator oh z laufa cho und so hommer könna mit Liacht Znacht essa. I ha frischi Garnela ka. Lecker, lecker,... Noch am Essa hommer no paar Rundena Uno Flip gspielt und denn hommer no mössa üsers Züg packa well mer morn dä schöni Ort (Ahanta Eco Lodge, Busua) oh scho wieder verlond.Read more

    See translation
  • Livia HaslerGhana 2024Traveler
    Strand in Kokrobite
    Kokrobite Garden

    Kokrobite

    October 2, 2024 in Ghana ⋅ ☁️ 29 °C

    Hüt hett da Wecker scho am 6i gschället. No schnell fertig packa und Zäh putza und am halbi sibni isch oh scho s Taxi parat gstanda. Mit dem simmer denn über die schlecht Stross a guati Stund lang wieder zrugg uf Takoradi gfahra. Döt simmer ina halb volls Trotro ihgstiega. I bi denn no schnell go Bofrut posta, dass mer no öppis anders als Krömli hond könna essa. S Trotro fahrt ersch ab wenns volla isch.  Somit hommer denn bis am 9i mössa warta. Zwüschetduri ischt no ona as Trotro cho und het üs a Predigt ghalta. Nochana is denn direktaweg Richtig Accra los ganga. Vor Accra hetts no a gfühlt ewigs langi Baustell. Und genau döt hommer denn oh üseri erst Trotro Panna erlebt. Denn hetts ghasa alli usstiega mür kond numma wieder fahra. Vorna isch irgend a Stanga brocha gse. D Sarah hett üs denn sofort a Taxi ahghalta und so simmer denn kli witer als geplant mit am Taxi gfahra. well mer aber eh nöd gwisst ka hond, ob er üs am richtiga Ort usaloh hetti, hetts nard gad oh so passt. Üsi hüttig Unterkunft isch für 1 Nacht im Kokrobite Garden. Ganz en schöna Ort. Schlussendlich simmer denn für dia 230 km 7.5 Stund unterwegs gse. Da hett oh kli Hunger geh und drum hommer üs a Pizza und Bruschetta als Zmittags Snack teilt. Danoch simmer denn no an Strand füri und hond no kli üsi schö Unterkunft gnossa. Zum Znacht simmer is Big Millys. Döt hommer no Kelewele (frittierti, starch gwürzti Kochbanan) probiert, well d Sarah gmonnt ka hett da mössemer mol no ka ha. Da isch oh mega fein gse. I ha denn wiedermol Palavasauca mit Yam (so öppis wia kli en trochna Hörpfel) ka. D Sauca hett aber kli en speziella Guu ka und isch überhopt nöd scharf gse. Mol loga eb dä Guu no en Ifluss uf mini Verdauig hett. Zum da Obet usklinga loh hommer noml kli glesa und sind ofach chli gsä.Read more

    See translation
  • Livia HaslerGhana 2024Traveler
    Kopfmarktfraua
    Pissrinna am Strossarandsomewhere nice

    back in Accra

    October 3, 2024 in Ghana ⋅ ☁️ 25 °C

    Hüt simmer noch am Usschlofa und ma gmüatlicha Zmorga oh scho wieder vu Kokrobite abgreist. Wells nöd so ofach gse wär zum a Taxi organisiera hommer da s Hotel macha loh. Dur da hommer denn aber oh da hochi Pris vu 250 Cedi mössa zahla, well mer nöd würkli a anderi Wahl ka hond. S Taxi hett üs dafür direkt i üseri neu Unterkunft mit am Nama Somwhere nice brocht. Unterwegs gsechemer immer mal wieder Büssli mit dütscha Ufschrifta. Hüt hommer sogär os mit ma schwizer Adressa gsecha. Im Hotel hommer denn oh scho kli früaner könna ihchecka als normal gse wär. Da Nomittag hommer grösstateils mit lesa und kli sii verbrocht. D Sarah hett sich denn no mit da Leonie, Sophie, Jenny und da Koordinatorin vum Huus vu vor 10 Johr troffa. D Mama und Ih hond üs i dera Zit zum ersta Mol ohni Guide Sarah uf da Weg gmacht. Viel meh als 1 Mol um s Quartier simmer nard nöd aber hond glich ganz an huufa gsecha. Viel Kind hond gad Schual us ka und en klina Strossamarkt hommer oh no gfunda. Als Belohnig hommer üs denn no a FanIce resp. FanYogo gegönnt. Am obet simmer denn zemma mit da 3 Dütscha no go Znacht essa u d kli Plaudera. Sü sind no im glicha Hotel wia mür so kommer morn oh noml kli reda.Read more

    See translation
  • Livia HaslerGhana 2024Traveler
    FanIce isch beste Leben
    Reisegruppa "dumm, naiv und leichtsinnig" und "Tächlichappa" vereinigt

    Tschüüüüss

    October 4, 2024 in Ghana ⋅ ☁️ 25 °C

    Hüt hommer noml bis am 8i usgschlofa. Ahschlüssend hommrr s Zmorgabuffet gnossa. Mür sind denn so geg di 10ni ufbrocha is Artcenter. Döt hetts ganz en Hufa Souvenirs geh. I ha mi denn schlussendlich für a Bild entschieda. Möglicherwies hani z viel zahlt aber es gfallt mer. Es isch sehr ahstrengend gse well mer durend vu all Sita ahquatscht wora sind und d Verkööfer scho recht ufdringlich gse sind. Ahschlüssend hommer denn kli Schwirigkeita ka zum a Taxi z finda, aber es hett glich no klappet. I da Wartezit hommer dafür gad no a FanIce könna chrömla. lecker, lecker... noch no kli dösa, lesa und no öppis Zmittag essa sind d Mama und Ih noml loszocha zum no Plantain posta. Danoch simmer denn no a letschts mol go duscha für dia Reis. Well di Dütscha no länger bliebid hommer da i ena sim Zimmer könna macha. Isch gad sehr ideal gse. Abschlüssend hetts no paar wenigi Rundana Arschlöchla geh und denn hetts oh scho Tschüss sega ghassa. Mega schad dass dia Zit scho verbi isch. Etz simmer am Flughafa z Accra und wartid ufs Boarding.Read more

    See translation
  • Livia HaslerGhana 2024Traveler
    über den Wolken
    in den WolkenLandung in Zürich

    back home

    October 5, 2024 in Switzerland ⋅ ☁️ 13 °C

    Üsera Flug vu Accra uf Amsterdam isch öppa 6.5 Stund ganga. Es hett aber no en Znacht und en klina Zmorga geh im Flüger. Somit hommer nu öppa 3 Stund könna schlofa. Wobi schlofa nöd s richtig Wort isch. D Zit isch schnell verganga und da Flug isch ahgnehm gse. Noch 3 Stund Ufenthalt z Amsterdam ischs denn mit kli Verspötig witerganga uf Züri. Döt isch üsers Gepäck zügig ahcho und mür hond chönna müad aber höchst z frieda in Zug Richtig Rüthi ihstiga. Öppa 15.5 Stund noch Abflug z Accra simmer denn dahom ahcho.
    Danka viel mol Sarah für dia 10 spannenda, ihdrücklicha, schöna und obetürlicha Täg.    Read more

    See translation
    Trip end
    October 5, 2024
  • 2025© FindPenguins
  • Home
  • About us
  • Group Tracking
  • Press
  • Terms
  • Privacy Policy & Cookies
  • Help Center
  • Legal notice