Rockingham

Traumwetter isch die Wuche ahgseit ☀️🏝 typsich; jetzt woni warme Chleider postet han 😂 aber dörf mich ja nöd beklage haha

Siti wieder zrugg in Perth bin bzw. in Baldavis, 50km südlich vo Perth hani ide Umgäbig scho jede Strand abgfahre, aber die sind nöd so schön wie in Perth selber. Da ich aber nöd jede Tag wött 100km fahre hani mi doch mit eim zfriede geh😋 Zum bade ischer super, es het nöd so Monsterwelle wo dich umhaued, kei Alge, kein Mensche wir und breit und sogar es WC hets 😂 also gits nüt zum motze, Sabrina 🙈

Han eh Bäckerei gfunde wo uuu feins Brot macht (endli wiedrmal was anders als Toast) und Zimtschnecke det isch sehr begehrt. Han müesse 45 Minute ahstah, mit social distancing vo 1.5m chasch der vorstelle wie lang das d'Schlage gsi isch 😂😂 Aber es het sich sowas vo glohnt!

Am Wuchenend hends Lockerige bekannt geh und Halleluja 🙏 ich chan endlich ahfange Reise ab nöchst Wuche. Zwar mit 10 Wuche verspötig aber who cares 😊 han also min Reisefüehrer fürs ersti Mal füregno, söll de ja schliesslich eimal benutzt ha wennen scho immer umeträge 😄 Zwar sind d'Lockerige nur schrittwis d.h. im Moment dörf mer nur im Umchreis vo 500km sich bewegene. Für mich heisst das, dasi nur in Süde dörf (det wos chalt isch und regnet) 🙈😂 Ganz viel Wiigüeter gits zum Glück also weissi was mini Schlechtwetteraktivität isch 😊

Siti am Reise bin und soviel Zit han bini mega hinters choche cho. Mini selbergmachte Gnocchis sind als 1s A gsi 😄 Jetzt wo alles wieder glockeret wird hani au s'erstmal Fish&Chips gha am Strand 😍 Mini Pizza isch naja gsi, ich glaube Aussies mached Pizza nöd selber will sie hend nur Umluft bim Bachove und den wird de Bode also nie chnusbrig 😂🙈 han mehreri Läde abklapperet bisi endli reine Mozzarella gfunde han, chan de huere Cheddar nüm ahluegge 😅

Min Tag bestaht us 70% mit Esse, choche und drüber nahdenke wasi als nöchst chönt esse 😂 Zum Glück machi soviel Yoga dasi nöd ganz en Specki wird 😋

Mis Highlight isch natürli gsi woni han chöne go shoppe 😁 us Angst das d'Läde ev. doch wieder chönted schlüsse hani grad 5 Binkinis ufsmal kauft 🤦‍♀️😊 Wieni all mini Chleider hei bringe isch mer na es Rätsel 😄 Ah wasi mich immer nanig gwöhnt han isch das in Australie all Läde inkl. Lebensmittelläde spötistens am 6i zuemached 🙈 wie oft bini die wo am 10 vor 6i na inehuscht 😂Läs mer